المساعد الشخصي الرقمي

مشاهدة النسخة كاملة : العين حق

saudi
16-01-2011, 10:30 PM
السلام عليكم ورحمة الله وبركاته

محدثكم فيه عين موكلتني تبن

ايش الحل
الجلمود
16-01-2011, 10:32 PM
دام السالفه فيها تبن ..

فانا اعتقد لو تروح للي معطيك عين ..

وتاخذ فنجاله او تخليه يتوضا وتغسل نفسك من وضوئه ..

وان شاءالله عقبها تنسى التبن .. وتاكل رز ولحم
saudi
16-01-2011, 10:35 PM
دام السالفه فيها تبن ..

فانا اعتقد لو تروح للي معطيك عين ..

وتاخذ فنجاله او تخليه يتوضا وتغسل نفسك من وضوئه ..

وان شاءالله عقبها تنسى التبن .. وتاكل رز ولحم

اشكرك على الرد,, المشكله ماادري من
واتوقع انها اكثر من واحد :(
الجلمود
16-01-2011, 10:37 PM
^
طيب على ويش ..!؟

مزيون + تاجر + شعرك ناعم :)

اجل عليك بالرقياااا .. اقرى على نفسك
سمو الرووح
16-01-2011, 11:32 PM
توكل على الله سبحانه وتعالى ثم التزم بالأذكاار صباحاً ومساء

ثم قراءة الأخلاص والمعوذتين وبإذن الله تزول منك العين ومن قال اصلاً بأن فيك عين أخي الكريم

كن مع الله يكون الله معك ولاتحط في بالك بأنني محسود أو بي عين ترى بعدين تتوهم وتتعب

بس اذكر الله بكل أحوالك ولا عليك شر يإذن الله تعالى

وإن كنت شاك في احد فطلب منه بان يتوضى ويغتسل لك ثم يصب على راسك وينزل على جسمك فتزول العين منك بأمر الله

حفظك وما تشوف شر ان شاء الله.
محمد بن ناصر الغفيلي
16-01-2011, 11:49 PM
بصراحه كلامك عن نفسك بهالطريقة آلامني وحسسني انك رايح فيها والوضع عندك متأزم

لكن وأنا اخوك أولاً وأوجب ماعليك وتسويه عشان تحارب العين هو انك تحافظ على صلاتك مع الجماعه لإن مع الأسف أكثر الي يتشكون من التغير المفاجئ بحياتهم والتلخبط السريع ما يكونون وقتها حريصين على الصلاة !

ثانياً خلك أجتماعي وحاول تكسر حاجز الوحدة والإنعزال ,, وحتى لو كنت ماترتاح مع الناس تصبـّر وحاول تدمج نفسك بأي طريقة

ثالثاً يالغالي أتوقع أن عمرك تحت 25 وعموماً بهالعمر كل الشباب تتغير نفسياتهم مع تقدمهم لمراحل عمرية ونادر الي مايحس بمثل ماتحس فيه

ولا أوصيك حاول تلقى قارئ يقرى عليك وحافظ على الأذكار والورد اليومي وتوكل دايماً على ربك ولا تشيل هم الدنيا أو الظروف وكلن يبلاه الله ويختبر أيمانه وقو أيمانك وخل ظنك بالله كبير وما يخليك لادعيته ولحيت عليه بالدعاء وعسى الله يغير من حالك إلى أفضل حال يسرك


وأهم شي لا تدخل نفسك بدوامة أوهام مثل ماقالت الأخت وان فيك عين من كل صوب لأنها بتتعبك وتتعب نفسيتك وتزيد عليك

ولك من أخوانك الي طلبت نصيحتهم الدعاء لك بالتوفيق والسعادة
saudi
17-01-2011, 03:23 PM
الافاضل, جلمود, سمو الروح و محمد الغفيلي

جزاكم الله خير على مروركم الطيب ونصائحكم المباركه

ان شاء الله اعمل بها

تحيتي لكم ولا تنسوني من خالص دعائكم
عبدالعزيز الحربي
17-01-2011, 10:49 PM
أكثر من قراءة سورة البقرة

ستجد صعوبة في البداية

ولكن مع الأستمرار ستشعر براحةٌ وانشراح صدر وذهاب ماتجده من ألمٌ جسدي ونفسي بإذن الله تعالى .
عبيد العرجاني
17-01-2011, 11:24 PM
أخي السعودي لا تخلي نفسك ترى أنصحك بقرأ عند الشيوخ وترى في دكاتره الأردن ما شاء عليهم

تحرك لا تخلي نفسك
حــســن الــعــذاب
17-01-2011, 11:35 PM
الله يشفيكـ