نجمن هوى

[سالم الحربي]

البارحـه ساهـرن ليلـي ولانمتـه= يشهد علي ظـلام الليـل ونجومـه
ماجاني النوم مـن حلمـن تحلمتـه=حلمن يصحي بليد القلب مـن نومـه
صحيت مع دقـت الهاتـف وكلمتـه=مكالمـة خارجيـة غيـر معلـومـة
من واحدن صابني بعلـوم مولمتـه=ماباقـي الا تشـب النـار بهدومـه
بعـد تمعنـت بعلـومـه وعلمـتـه=واخـذت علمـه ولاعلمـت بعلومـه
جبت القلم وأبيض القرطاس ولمتـه=وبديت أعبر عن اللي صار من يومه
اليـوم ياكثـر مـن دنيـاه ظالمتـه=ناسن تعيش بنعيم ونـاس محرومـه
وياكم طيـب يمـد يديـه واحرمتـه=صارت ايدينه من المـدات محرومـه
وياكم واحدن بري والناس متهمتـه=دايم تصيح العـرب عليـه وتلومـه
نجمن هوى فوق روس جبال واعدمته=تواردنـه منايـا المـوت وسهومـه
ياشين عضت سنون الذيب بلحمتـه=يبي ياكلها ونشبت وسـط بلعومـه
الله عطاني فكـر صاحـي وحكمتـه=وكتبت عما حـدث نبـذة ومعلومـه
ياسيف ياللي صليب العظـم حطمتـه=اليوم شذرتك مـن سلتـك معدومـه
غواك علـم الفقيـه اللـي تعلمتـه=تمم صيامـه وعيدلـه علـى ثومـه
تاهمت في يوم لافطرتـه ولاصمتـه=وشلون يلزم عليك إقضاه وتصومـه
يومـن زمانـك صفالـك ماتغانمتـه=حتى تدانا عليـك الوقـت بهمومـه
كتبت موجز عـن الواقـع وسلمتـه=للعاقل اللـي حلـم وغـر بحلومـه
المقصود بسيف لقب وليس اسم لشخص

من محاولتى الشعريه ســالــم الحــربــي ابـو ســعــود

[فالك طيب]

سالم الحربي

صح لسانك

وقصيده جزله

وفالك طيب

[سالم الحربي]

[اخي فالك طيب-- اسعد الله اوقاتك بالخير-- يعلم الله انني لم انتبه لعدم الرد عليكم الا الان وارجو من شخصكم الطيب عدم مؤخذتنا ومثلكم من يصفح لكم مني جزيل الشكر والعرفان على مروركم حفضكم الله اينما كنتم وتقبل تحياتي واشواقي

[هادي بن فهاد]

صح السانك يا سالم الحربي والله لايهينك

هذي القصيده رائعه بالفكرتها في وصفها
ولكن اخي العزيز بعض الاشطر غير موزونه ياليت تعيد النظر فيها



واتمنى لك التوفيق

[عليل المحبه]

لله درك يابو سعود

كايفه القصييده جعل عمرك طويل

وصح الله السسسانك . .

[سالم الحربي]

ابو فهاد/اسعدالله اوقاتك بالسعاده مروركم ونقدكم شرف لنا وياليت يابو فهاد لووضحتلي الابيات كرماً لاامراً لكم الشكر يامعرب الجدان

[سالم الحربي]

عليل المحبه/لكم منا ازكى تحيه رايكم شهاده نفتخر فيه الله يبيض وجهك ويطول بعمرك تقبل تحياتي

[ابن المنصور]

كفو صح لسانك