خلووووها

["بدر العجمي"]

ياسلام الله على العجمان ربعى صلب جدى=عد عمال المزون الى تسيل كل وادى
ودى العب وتسلى وسرع شويه وهدى=والقريب يشد حيله شد والملعب ينااادى

[فهد بن محسن]

الاخ بدر حياك الله يالغالي

استلم لاهنت



مرحبا بك يابدر ترحيبة فيها تحدي = والتحدي مزح مابين الرجال اهل المبادي

واركد اركد لاتسرع ياولد ولاتعدي = نقطة التفتيش قدمك .. ويدنا فوق الزنادي

تحياتي للجميع

["بدر العجمي"]

كان حملنا جملنا وراح لعله يردى= بس خوفى من اجمال(ن) لاتساق ولا تقادى
وعرف انى مالبست الثوب الا ثوب قدى=يافهد مثلك خبير وخوته غاية مراادى

[فهد بن محسن]

استلم اخوي بدر


الجمال الطيبه لاجابتك لازم تودي = والجمال الجرب يارجال مافيها سدادي

كفو والله والرجل يوم المواقف مايصدي= ومرحبا بك ياولد واطلع على روس المبادي

تحياتي لك

[ابومحمد الشامري]

لا هنتم كل من الاخوان بدر وفهد بن محسن ابيات جزله وتحدي على شريط المارثون:)

["بدر العجمي"]

ياعسى عمرك طويل ويا عسى يومك يعدى=طاب كيف الراس يارجال من ريح القنادى
والكلاب الى تنابح فى طرف حدك وحدى=سقها سم الاعادى وانت رجالن اقياااادى

[فهد بن محسن]

استلم يابدر لاهنت


يابدر لاشفت انا جاهل تراه يبيح سدي = وش اسوي بالمصخن لازم الجرعه تزادي

ومن يجيب العلم يالصاحب لزوم انه يردي = وانت رجال تعرف الدرب ماظنك بغادي

تحياتي لك اخي الكريم

وتشرفت باللعب معك

فهد بن محسن

["بدر العجمي"]

شكرا يا بومحسن واخاف انا شغلتك ولا بلشتك ترا الامر عااادى اخووك مايحب يكون ثقيل على احد اللهم ان الامر بالنسبه لى مجرد توسعة صدر لاكن مراعاة ظروف الاخرين شى مهم

["بدر العجمي"]

والله ان سرحان يقنب فالطريق المجرهدى=خلك ابظهرالمطيه لاتطيح امن الشدادى
والمعذره والسموحه كان به بعض التعدى=بس انا خايف على لجواااد من ليل الهجادى

[فهد بن محسن]

الاخ بدر

صح لسانك والله لايهينك ويعطيك الله العافيه

ههههههههههههههه

ولاتخاف من الهجاد .. بيستر الله

تحياتي لك اخي الكريم

["بدر العجمي"]

كل الشكر اخى الكريم فهد بن محسن والشكر للاخ ابو حمد والله الله نبى اشياء تطربنا وسامحونا على الازعاج

["بدر العجمي"]

المعذره يا جماعه ترا بغيت اسوى شغله اجرى تعديل وانا للحين فينى الغشامه ههههه والظاهر انى عفستها بس الله ياحبيب عدلها وردها مكانها تراها قديمه بينى وبين ابو محسن طول الله فى عمره

[فهد بن محسن]

ازلها يابدر خلها بس لاعاد تسوي شي

انا اذا تفرغت في الليل بانسقها تنسيق يعجبك

تحياتي لك

["بدر العجمي"]

الله لا يهينك ويطول بعمرك عاااش ابو محسن