فزعتكم ياربع تكفوون ابغاء مسااااااعده

[نواف المبارك]

بسم الله الرحمن الرحيم


السلام عليكم ورحمة الله وبركاته...


اخواني وخواتي ...رواد منتدى مجالس العجمان



اخواني واخواتي انا اواجه مشكله وهي كالتالي...


انا قبل 10 سنوات ماكنت مهتم بشي اسمه قبيله او ماقبيله وكل همي اكل اشرب العب انام اروح المدرسه بس هذا كل همي

الان ولمى تخرجت وجاء وقت الجد والزواج اانا حبيت انسانه وكنت احبها حب صادق بعيد عن الشبهات وما جلست استغل فرص حب هالبنت بالعكس كلمت امها وقلت لها انا ابغاء اتقدم لبنتكم قالت انت طيب والي حببني فيك انك كلمتني وجيت من الباب لاكن المشكله قبيليه
واحنا مانزوج غير اولاد القبايل قالت انت وش انت قلت لها انا عجمي قالت العجوم فخوذ انت من ايهم قلت انا كل الي اعرفه اني عجمي قالت مايصلح كذا لازم تعرف بالضبط انت وش انت
قلت انا كل الي اعرفه انه ابو جدي راح من الامارات لعمان ثمن جاء من هناك مع احد الشيوخ السعوديين لسعوديه قالت لي ماتعرف شي من اسمكم قلت لها الاسم قالت برسل لك رابط لمنتدى تقدر تدخل وتسئل وراح يوصلونك لهلك هناك واعطتني رابط المنتدى تكفون الي مهتم بالموضوع وعندده قدره يساعدني تكفون يعيال العم لاتخلوني اهل البنت يقولون لازم نعرف اصلك وانا ام جدي ماتت قبل كم شهر وهي حرمه كبيره عمرها 107 سنه ويوم جت تموت تقول ياولادي انتم من (الماص العجمي) هي كانت رافضه تقول لنا من اي قبيله بس يوم جت تموت قالت هالعباره تكفون ياربع ساعدوني انتظر ردودكم والي يقدر يساعدني يارسلني على الخاص او يكتب لي بالمشاركات تكفون ياربع انا طالبكم..

[king الوادي king]

عليكم السلام

اول شي (( العجوم )) مفرده خاطئه يقال ((( العجمان )))

ثاني شي_ تبي تتزوج وحده كنت تحبها حب صادق .....

ثالث شي_ عطنا اسم ابو جدك اللي سافر من الامارات الا عمان واذا ماتعرفه وش دراك انه سافر كل السفره هذي


والله ودي اساعدك بكل ما اقدر ولكن انت ماعطيتنا مجال للمساعده // لا فخذ لا عائله نستدل عليها .....

وبدين وش الماص العجمان (( يمكن العجوز كانت مخرفه ولا شي وطلعت الجمله لاني ما سمعت في حياتي كلها في الماص العجمان

[نواف المبارك]

عليكم السلام

اول شي (( العجوم )) مفرده خاطئه يقال ((( العجمان )))

ثاني شي_ تبي تتزوج وحده كنت تحبها حب صادق .....

ثالث شي_ عطنا اسم ابو جدك اللي سافر من الامارات الا عمان واذا ماتعرفه وش دراك انه سافر كل السفره هذي


والله ودي اساعدك بكل ما اقدر ولكن انت ماعطيتنا مجال للمساعده // لا فخذ لا عائله نستدل عليها .....

وبدين وش الماص العجمان (( يمكن العجوز كانت مخرفه ولا شي وطلعت الجمله لاني ما سمعت في حياتي كلها في الماص العجمان



اولا:يعطيك الف عافيه لانك قريت وحاولت تفيد


ثانيا:ايه ابغاء اتزوجها وطالبكم تدعون

ثالثا:اسم جدي صالح مبارك ماص المبارك العجمي هذا الموجود في بعض الاوراق القديمه الموجوده في شنطه كانت له

رابعا:القصه قالها لنا الوالد وغير كذا هو كان جاي مع الامير محمد بن سعود الكبير

خامسا:لا العجوز ابششرك كانت مركزه وما خرفة وازيدك من الشعر بيت كانت ساكنه لحالها وقايمه بنفسها

واتمنى ان بغيت شي او معلومات زياده انا جاهز واشهد انك ذيب اخوي

[سمو الرووح]

وعليكم السلام ورحمة الله وبركاته


الله يفرج همك ويلم شملك مع من تحب ومع عائلتك وقبيلتك الي تنتمي لها .. اللهم:آمين

ومن وجهة نظري البسيطه إنك وصلت خير.. انت تقول إن أبوك الله يرحمه كان جاي مع

الامير محمد بن سعود الكبير بكذا انحلت يا اخي اسئلوا عن طريق الأمير ومن كان معه وأكيد بتعرفون

وبعدين الإمارات فيها قبيلة يقال لها العجمان غير قبيلة العجمان المعروفة والي عليها المعنا فربما أنتم منهم
يعني مثلاً من أهل عجمان وليس قبيلة العجمان هذا والله أجل وأعلم .

والمسامحه على المداخله بس حبيت اساعد لا غير.


وفقك الله وحقق لك أمنيتك اللهم : آمين.

[عذاااب]

السلام عليكم ورحمة الله وبركاته

ماراح ازيد شي عن ردوود اخواني اللي سبقوني

اتمنى انوو تنحل مشكلتك

وتتوفق للي تمنيته

تقبل مروري

[king الوادي king]

[QUOTE=نواف المبارك;1174261]اولا:يعطيك الف عافيه لانك قريت وحاولت تفيد


الله يعافيك ويرحم والديك وماسوينا شي طال عمرك وابشر باللي تبي


ثانيا:ايه ابغاء اتزوجها وطالبكم تدعون


الله يوفقك ويرزقك الذريه الصالحه ويبارك فيك




ثالثا:اسم جدي صالح مبارك ماص المبارك العجمي هذا الموجود في بعض الاوراق القديمه الموجوده في شنطه كانت له


ونعم فيك وفي شيبانك بس والله ياطويل العمر اول مره في حياتي اسمع في الماص من العجمان وان شاء الله الاخوان اذا احد منهم عرف ماهب مقصر





رابعا:القصه قالها لنا الوالد وغير كذا هو كان جاي مع الامير محمد بن سعود الكبير


قالتلك الاخت سمو الروح الله لايهينها على المداخله .... قالت اسئل خويا الامير محمد بن سعود الكبير ولا روح للامير بنفسه واساله عن ابوك وبهذا انحلت المشكله



خامسا:لا العجوز ابششرك كانت مركزه وما خرفة وازيدك من الشعر بيت كانت ساكنه لحالها وقايمه بنفسها

الله يرحمها ويسكنها الجنه والله يطول في عمرك انت


واتمنى ان بغيت شي او معلومات زياده انا جاهز واشهد انك ذيب اخوي


ماعليك زود طال عمرك ولكن ماتدري وين كانو ساكنين بيتهم في السعوديه يومه مع الامير محمد بن سعود والله يوفقك على كل حال ويستر عليك ويجمع شملك

[نواف المبارك]

وعليكم السلام ورحمة الله وبركاته


الله يفرج همك ويلم شملك مع من تحب ومع عائلتك وقبيلتك الي تنتمي لها .. اللهم:آمين

ومن وجهة نظري البسيطه إنك وصلت خير.. انت تقول إن أبوك الله يرحمه كان جاي مع

الامير محمد بن سعود الكبير بكذا انحلت يا اخي اسئلوا عن طريق الأمير ومن كان معه وأكيد بتعرفون

وبعدين الإمارات فيها قبيلة يقال لها العجمان غير قبيلة العجمان المعروفة والي عليها المعنا فربما أنتم منهم
يعني مثلاً من أهل عجمان وليس قبيلة العجمان هذا والله أجل وأعلم .

والمسامحه على المداخله بس حبيت اساعد لا غير.


وفقك الله وحقق لك أمنيتك اللهم : آمين.


اولا اشكرك على المداخله الطيبه منك وهذا مو شي غريب على اعضاء منتدى مجالس العجمان


ثانيا نعم انا سئلت ناس لهم خبره في مثل هالامور وافادوني انه فيه ناس يقال لهم اهل عجمان وممكن نكون منهم والبحث جاري عسى نلقاء منهم احد يعرفني

ثالثا باذن الله بروح لدبي لانه لقينا اخت ام جدي واكيد بتكون عارفه من تزوج اختها او تعرف عنهم اي شي يفيدنا

ولكم جزيل الشكر

وارجو من اي احد يعرف اي معلومه مايبخل علينا فيها

[سمو الرووح]

الله يوفقك ويحـقق لك أمنيتك ويلم شملك مع أهلك وقبيلتك اللهم ..آمين يارب العالمين.

[عجمي و بكل فخر 2]

حسبنا الله الذي هو حسبنا