تبطلـي غيبـه !! .. وإبطـل زقاايرٍ

[مانع الوعيلي]

السلام عليكم ورحمة الله وبركاتة
هذي قصيدة للشاعر فهد المساعد السبيعي

يقوول فيهآآ ..

ياغايـبـه وان كـان فيـهـا جمـاله ,
تجمّـلي يـا ام الحـلا .. والظفـايـر

بالله شوفـي صاحـبك كـيف حـالـه ..
شوفيه فـي غيبتـك وشلـون صايـر ؟!

صارت حياته ضيـق خلـق .. و بطالـه ""
هم .. وسهر .. واوراق شعر .. وزقاير !!

يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر

الله لامـنّــه ذكـــر مـامـضى لـه
قـبـل الـدوايـر ماتـجـر الـدوايــر

يــوم الطفـولـه والشـقـا والجهـالـه
يـوم الصغايـر فـي عيـونـه كبـايـر

ايــام كــان معـانـده راس مـالــه
ويـسـوق لهـبـال الشـقـاوه بشـايـر

يامـا امتلـى بالحـب والطيـش بـالـه
ويامـا امتلـت مـن شخبطتـه العوايـر

يكتـب عليهـا : ( عااااشقـك للثمالـه )
ويخـطّ توقيعـه : ( جريـح الضمايـر )

يامـا اشتكـاه ابـوك فـي بيـت خالـه
ويامـا تحصّـل مـن هـواك العـزايـر

مـره حلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر

ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر

علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر

لاشـافـك يتمـتـم لحـالـه بـحـالـه
لعيـون هالشـوفـه تـهـون الخسـايـر

ولاشـاف زول ابـوك حــذّف نعـالـه
الحـب جايـر .. لكـن العـود جـايـر

طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر

كنتي طموحـه .. كنتـي أغلـى حلالـه
كنتـي وصرتـي بـس يـاام الظفـايـر

طفـلٍ زرع مـن ضحكتـك فـي خيالـه
ليـن اثمـرت شعـرٍ هزالـه حـرايـر

لاتتركيـنـه فــي غيـابـك لـحـالـه
بالله شوفـي كيـف هالطـفـل صـايـر

ووحـده بوحـده كـان عنـدك عـدالـه
..اتبّطلـي غيبـه .. و ابـطّـل زقـايـر

وسلامتكم ..

[عمَرس]

وعليكم سلام ورحمة الله وبركاتة


وصــح لســان قايلهــا وناقلهــا ويعطيــك1000عافيــة وفــي انتظــار جديــدك:a37:

[ناثرة الورد]

{{ مـانع الوعيلـي }}

,
,

يعطيكـ الف عافيه علي هالاختيار المميز
آآبداع غير مستغرب منكـ
دمـت بهذا الرقي

تقديري ..,

[عليل المحبه]

ووحـده بوحـده كـان عنـدك عـدالـه
..اتبّطلـي غيبـه .. و ابـطّـل زقـايـر




الله الله

صح السان السبيعي

ولاهنت يامانع
على النقل

[ع ـقد م ـنثور]

علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر


يالبـى العقـآل المميـًل ..


صح لسـآن قـآيلـهآ ..


سلمت ..

[مانع الوعيلي]

لاهنتوا على المرور جميع ويعطيكم الف عاااااااافية

[ابونايف الوعيلي]

صح لسانك ااخوي مانع الوعيلي

ومبدع طال عمرك

ولاتحرمنــا من القصايد الجميله

[مانع الوعيلي]

لاهنت اخوي ابونايف الوعيلي على المرور ويعطيك العافية