لـمـعـة الـمـاس
04-06-2010, 12:13 AM
ياللي تواعدني من الصيف للصيف
مابيك هذا الصيف تحسب احسابي
انا تعبت من السفر والتكاليف
البنك لولا القرض سكر حسابي
يعجبك لو دنياي جتني على الكيف
عليك ماوالله يطول غيابي
لاجيك في لندن وباريس واجنيف
من وين ماتذهب احدد ذهابي
اصرف وكن الي صرفته تناتيف
من مالي الي ماتشيله اركابي
واعطي بعد بخشيش كثر المصاريف
عندي ملذات الحياه بشبابي
اخرب الدنيا من السيف للسيف
حتى الهضاب اكتب عليها هضابي
وفي الفله الي فوق روس المشاريف
كن السحاب استغفر الله سحابي
اللي درايشها تبطل على الريف
اجلس معك واحكي حكاية اعجابي
واختار لي غيمه وغيمه مواليف
اكتب عليهن في حضورك كتابي
بالاوله اكتب هلا فيك يالضيف
انت المعزب تحت امرك جنابي
و بالثانيه اكتب احبك ولا عيف
حبك ولو كان السبب في عذابي
شف وين ودتني معاك السواليف
وانا فقير وراس مالي ثيابي
فقير مال اسرح مع الحلم والطيف
كرامتي لسود الليالي زهابي
عزيز نفس ولا انحني للصواديف
في عز جرحي كنت ناقل صوابي
لكن معك عانيت بعض المواقيف
غير الغياب وحبك اللي صطابي
منك تبي تعرف متى وانذبح كيف ؟
بسؤالك الي ضاق منه جوابي
لا قلت حاجز وين بتسافر الصيف
تحسبني وسط البنك فايض احسابي
وانا علي اقصاد غير المصاريف
الوقت مايرحم سهرك وعذابي
لـ / الشاعر ثامر شبيب الدقباسي
مابيك هذا الصيف تحسب احسابي
انا تعبت من السفر والتكاليف
البنك لولا القرض سكر حسابي
يعجبك لو دنياي جتني على الكيف
عليك ماوالله يطول غيابي
لاجيك في لندن وباريس واجنيف
من وين ماتذهب احدد ذهابي
اصرف وكن الي صرفته تناتيف
من مالي الي ماتشيله اركابي
واعطي بعد بخشيش كثر المصاريف
عندي ملذات الحياه بشبابي
اخرب الدنيا من السيف للسيف
حتى الهضاب اكتب عليها هضابي
وفي الفله الي فوق روس المشاريف
كن السحاب استغفر الله سحابي
اللي درايشها تبطل على الريف
اجلس معك واحكي حكاية اعجابي
واختار لي غيمه وغيمه مواليف
اكتب عليهن في حضورك كتابي
بالاوله اكتب هلا فيك يالضيف
انت المعزب تحت امرك جنابي
و بالثانيه اكتب احبك ولا عيف
حبك ولو كان السبب في عذابي
شف وين ودتني معاك السواليف
وانا فقير وراس مالي ثيابي
فقير مال اسرح مع الحلم والطيف
كرامتي لسود الليالي زهابي
عزيز نفس ولا انحني للصواديف
في عز جرحي كنت ناقل صوابي
لكن معك عانيت بعض المواقيف
غير الغياب وحبك اللي صطابي
منك تبي تعرف متى وانذبح كيف ؟
بسؤالك الي ضاق منه جوابي
لا قلت حاجز وين بتسافر الصيف
تحسبني وسط البنك فايض احسابي
وانا علي اقصاد غير المصاريف
الوقت مايرحم سهرك وعذابي
لـ / الشاعر ثامر شبيب الدقباسي