اكتب بيت شعر يتضمن كلمه!!

[شامخه بعز ابوهاااا]

السلام عليكم ورحمة الله وبركاته ،،


...صباح/مساء الورد ...
هذا موضوع شفته وعجبني هو عباره عن حوار شعري
بس هذي المره مختلف قليلا...

الفكرة اعزائي هي ...

ان ابدأ أنا أولا واكتب بيت شعر عن معنى معين
واطلب من العضو الي يأتي بعدي بيت آخر
ويكون هذا البيت الذي اطلبه متضمنا معنى او كلمة اذكرها
مثال ... اكتب انا بيت شعر عن ... الحب ...
واطلب من العضو الذي يأتي بعدي
ان يكتب بيت شعر مثلا عن
... الصدق ...
وبعدين يكتبه ويطلب من العضو
اللي بعده بيت اخرومعنى آخر يختاره ... وهكذا....


ويالله ببدأ ببيت شعر عن الشوق

يا صاحبي لامرك الشوق وأشتقت ...
أذكر ترى صاحبك ميت بشوقــــــــه..
وده يسابق سير الأيام والوقـــــــت...
ويحضن غلاك ويزرعه في عروقه...

واللي بعدي يكتب عن ( الحب )


دمتم لله آقرب .. 1bh1



.

[عاليه الاخلاق]

لاهنتي مبدعه يالغاليه ويسعدني اني اكون أول من شارك في هذا الموضوع
تدري وش اللي يقتل الحب بسكات
لاصرت في بوحك تحس بمذله

اللي بعدي عن الفراق

[شامخه بعز ابوهاااا]

|

\

|

سلِّم عليه .. وقِلَّه إنِّي " مسافر "
وقِلَّه [ فمان الله ] من قلب مجروح

خلَّه يذوق الشُوق , لا رحت باكر
يمكن يحس بـ قيمتي بعد ما أروح

بـ أكون غايب حتَّى لو كنت حاضر
ممنوع يسمع صوتي لو كان مسموح

ماني على بعضي مثل ما هو خابر
من كثر غلطاته إطلعت منِّي الروح

إن قال برجع قول ناوي : أهاجر
قلبي تسكَّر " بابه " ما عاد مفتوح

علَّمته درس الحُب وما كان شاطر
وسافرت يمكن يفتهم بعد ما أروح
|

\

|


اللي بعدي عن الخيـانه ..

[عليل المحبه]

حلو الموضوع
وفيه طلبات وشغل وحركات

تسلمين عليه يامخترعه انتي . .

:)


تدري وش اللي يجرح القلب والروح
................... طـعم الخـيانه من حـبيبٍ تودهـ


( السموحه على السريع وجديد)

اللي بعدي مممممممم عن السفر
<متهيض هالليالي

:)

[عاليه الاخلاق]

استاذنك بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك وش تسوى حياتي
تامر على حاجة؟؟باودعك واليك
عسى عوض الايام في المقبلاتي
لـــ/حمدان المري

اللي بعدي الطيب:a36:

[شامخه بعز ابوهاااا]

الله يسلمكم جميع .. ويـآمرحبـآ بمشـآركـآتكم وتفآعلكم ..

[شامخه بعز ابوهاااا]

آروع مـآقيل عن الطيب .. :)


ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا




اللي بعدوه .. عن الآخـوه

[على دروب الغانمين]

تسلم يمينش على الموضوع الرائع ولاهنتي






بيض الله وجه من هو حافظ حق الأخوّه ..


في زمانٍ ماحفظ به راعي الذمه وديعه ,,



مايخون الاخوه إلا واحدٍ مابه مروّه ..


ماتقيده السلوم ولا تقيده الشريعه ,,



ذا رفيق مايسرك لو سقاك دلال ضوّه ..


كل يومٍ له رفيقٍ يشتري فيه ويبيعه ,,



أبتعد عنه وخله لاتخيل بروق نوّه ..


لو زمى سيله و زبد ماتبارك به ربيعه ,,



ياهني من هو يصد ولا درى بكثره وشوّه ..


يدعس الدنيا برجله من رفيعه في رفيعه ,,



دام به حيل يشله زاد رفعته وسموّه ..


لين يلقى له مكان فوق خلق الله جميعه ,,



مستقرٍ فيه يمشي شايخٍ بارضه وجوّه ..


لو رفع بيده عصاته جاته الدنيا مطيعه ,,



واثق من كل خطوه مالتفت خلفه وتوّه ..


لو بغا مليون سكه ماتضيق به الوسيعه ,,



إن عطى يعطي مروّه وإن خذا ياخذ بقوه ..


وإن عوى ذيبان يربض كل ذيب وسط ريعه ,,



ولّ ياوقت تغير وانقلب حدره علوّه ..


قلب قلوب الاوادم والحق الطيب هزيعه ,,



كم خويٍ شفت خيره كم خويٍ شفت سوّه ..



كم مكان شفت فيه هنا وصل وهنا قطيعه ,,



كم رفيق لو نشدته عن مواجيب الاخوه ..


ماعرف هي من سلومه أو قوانين الطبيعه ,,




للشاعر // فــهد المــرّي ,,



ابي ابيات عن المطر

[شامخه بعز ابوهاااا]

ووجهك آبيض ..


ليـــتـ .. المطر ينزلـ على قلـوـوب الاحبـااابـ .. يغسل !! مفاهيـــمـ الزع ــل و القطـــاعهـ


اللي بعدي عن الوفـاء ..

[عاليه الاخلاق]

امطرت والجو يامحلا براده = ذعذع الغربي معه يشموم شيح


في مكان ٍ يذهب الضيق ارتياده = بالمطر والديم والبر الفسيح


تستطيب الروح وللنفس استفاده = يبري ضيق الصدر لو ماهو شريح


من هموم ٍ ترتمي بالقلب عاده = لاطرا طاريه بالقلب الجريح


ماشقيت بكسب مال ولاكساده = كل همي والشقابك يامليح


لاعذلت القلب يشقابك زياده = مانسيتك لانسيتك قال ويح


آه من جمر انتظارك واتقاده = اشهد إن لجذوة الفرقا فحيح


انتظرك بهاجس ماله هواده = بين ضيق وهم فقدك مايزيح


كان تبغا تغيب في دنيا النكاده = بس لاتبعد ولاتبطي نزيح


والله ان مشاهدك يكفي سعاده = ليتني دايم اشوفك واستريح



لـــ /نايف العويمري

اللي بعدي

القهوة

[شامخه بعز ابوهاااا]

عزوتي دوسريه دعمتيني .. :p

[عاليه الاخلاق]

عزوتي دوسريه دعمتيني .. :p

خخخخخ كل واحد يصلح سيارته tty6

أعطيني ابيات عن القهوة

لاتلومني موضوعتس رووووووووعه1bh1

[شامخه بعز ابوهاااا]

الآروع والله مرورج ومشـآركـآتج .. لآخـلآ ولآعدم يـآلغـلآ ..

وآبشررري بالقهوه ..

سوولي الكيف وارهو لي من الدله = البن الأشقر يداوي الراس فنجاله
كيف لنا نحرقه بالنار وانزله = واليا انقطع لو ورى صنعاء عنيناله

للشـآعر خلف بن هذال ..

[ع ـقد م ـنثور]

سلمتِ ..


بس ماعطيتي طلـب ..؟!

[شامخه بعز ابوهاااا]

الله يسلمكِ يـآلغـلآ ..

اللي بعدي .. عن الوفاء ..

[عاليه الاخلاق]

أنا مع أهل الوفا لي نظرةٍ حرّه=مشاعري فيه تامرني وتنهاني
أنا رفيق الوفا والكلفه المـرّه=لو آخر الناس أجعلها بميزاني

اللي بعدي
^
^
^
الصبر ;)

[قضى ليل الهوى طلابه]

لاضاقت الدنيا عليك / وتكدرت
اصبر ترى عقب الصبر تلقي افراج

[قضى ليل الهوى طلابه]

ابغى عن البعد :(

[شامخه بعز ابوهاااا]

جيتك .. وفي صدري من البعد ضيقـه
............. واقفيت اخاوي .. ضيقتي مثل ما جيت !

اللي بعدووه عن الطفولـه ..

[شامخه بعز ابوهاااا]

:)

[هادي بن فهاد]

جيتك .. وفي صدري من البعد ضيقـه
............. واقفيت اخاوي .. ضيقتي مثل ما جيت !

اللي بعدووه عن الطفولـه ..

السلام عليكم ورحمة الله وبركاته


موضوع جميل تستحقين الشكر عليه

وهذي ابيات عن الطفوله


:rolleyes:


علمي بها بأيام ســـــن الطفـــوله=عهد البرائه والغلا بين الاطــفــال
نلعب ونمرح وانتلاقا بسهــولــــه=نتبادل الضحكه على كل الأشكـــال
والله مهما حاولــو أو حـكـولــــــه=تبقى الحبيب اللي له القلب مــيّال



اللي بعده بيت عن (الحكمه) :a37: