عاليه الاخلاق
08-05-2010, 01:38 PM
بسم الله الرحمن الرحيم
السلام عليكم ورحمة الله وبركاته
اسـ ع ـد الله جميع أوقاتكم بكل خير
قصيدة للشاعر الكبير/ عبد الله بن زويـبـن الـحـربــي
سمعت لي كلمة مدري وش اقصاهـا=حزت بنفسي وأنا مانيـب هارجهـا
لوكـل كلمـة إليـا جتنـا طردناهـا=بعنـا الثمينـة بسعـر مايخارجهـا
لو مـرت السمـع ماكنـا سمعناهـا=ونقفل الـراس عنهـا لا يبرمجهـا
ومـن يـم هـذا لهـذا مانقلنـاهـا=والناس واجد وتلقى مـن يروجهـا
من جابهـا بيـن خلـق الله وداهـا=لو به مراجل ترى نفسـه يسمجهـا
ومن عامل الناس في سابق خطاياها=يقعـد بـدارٍ خـلا مـاداج دايجهـا
في كنة تشوي الجربـوع رمضاهـا=تابس غصون الشجر من حر واهجها
والناس بالحق حكم الشيخ ما أرضاها=ماتقنع النـاس لـو انـك تحججهـا
ياللي تبا الطيبـة خذهـا وعطناهـا=وخـل الطريفـة طريـة لا تثلجهـا
وأقضب طريق الأوادم وامش ممشاها=أتبع دروب العرب وأدرج مدارجهـا
وأرسم لنفسـك حـدود ولا تعداهـا=من حط نفسه بدرب الضيق يحرجها
وان كان نفسك هواها قـام ينحاهـا=حط الأعنة بروس الخيل وأسرجهـا
وفكـر بمنكافهـا قــدام مغـزاهـا=واضرب حساباتها وتشوف ناتجهـا
وكل بعضده يمـوح الدلـو برشاهـا=وتلقى كبود الضوامي من يبرهجهـا
وان كان توك على صدرك تهجاهـا=حنا ترانـا نـدرس فـي مناهجهـا
من يـم مصباحهـا نبعـد معشاهـا=إلى قعـد راعـي الضلـع يدرجهـا
لو هي صعيبة إلى انعاجت عدلناهـا=واللي تجي مستقيمة مـا نعروجهـا
نهتم فـي وزنهـا وابـرام معناهـا=ومن الكرستـال واللولـو نتوجهـا
مثل الجواهـر ليـا منـا نضمناهـا=وسلوكها من جديد الزري ننسجهـا
مخايل تردتـدم والصـدر منشاهـا=لا دك بالبـال داكــوك يهيجـهـا
وليا أمطرت ضاقت الوديان في ماها=تاخذ إلى الحول ما يبسـت مدالجهـا
وان صدت الناس عنا ما أعترضناها=ما تقفـي النـاس عنـا ونتولجهـا
وإن جاتنا الطيبة بالطيـب زدناهـا=الطيبة بالعسـل والسمـن نمزجهـا
وان جاتنا الثانية نصبـر ونرفاهـا=يمكن إل ى فاق راعيهـا يعالجهـا
وان عادها عـودة ماعـاد ينساهـا=من حربة في صميم الصدر نولجهـا
مسمومة يبلـش الدكتـور بدواهـا=مايقنع الخبـل ليـن أنـه يلامجهـا
السلام عليكم ورحمة الله وبركاته
اسـ ع ـد الله جميع أوقاتكم بكل خير
قصيدة للشاعر الكبير/ عبد الله بن زويـبـن الـحـربــي
سمعت لي كلمة مدري وش اقصاهـا=حزت بنفسي وأنا مانيـب هارجهـا
لوكـل كلمـة إليـا جتنـا طردناهـا=بعنـا الثمينـة بسعـر مايخارجهـا
لو مـرت السمـع ماكنـا سمعناهـا=ونقفل الـراس عنهـا لا يبرمجهـا
ومـن يـم هـذا لهـذا مانقلنـاهـا=والناس واجد وتلقى مـن يروجهـا
من جابهـا بيـن خلـق الله وداهـا=لو به مراجل ترى نفسـه يسمجهـا
ومن عامل الناس في سابق خطاياها=يقعـد بـدارٍ خـلا مـاداج دايجهـا
في كنة تشوي الجربـوع رمضاهـا=تابس غصون الشجر من حر واهجها
والناس بالحق حكم الشيخ ما أرضاها=ماتقنع النـاس لـو انـك تحججهـا
ياللي تبا الطيبـة خذهـا وعطناهـا=وخـل الطريفـة طريـة لا تثلجهـا
وأقضب طريق الأوادم وامش ممشاها=أتبع دروب العرب وأدرج مدارجهـا
وأرسم لنفسـك حـدود ولا تعداهـا=من حط نفسه بدرب الضيق يحرجها
وان كان نفسك هواها قـام ينحاهـا=حط الأعنة بروس الخيل وأسرجهـا
وفكـر بمنكافهـا قــدام مغـزاهـا=واضرب حساباتها وتشوف ناتجهـا
وكل بعضده يمـوح الدلـو برشاهـا=وتلقى كبود الضوامي من يبرهجهـا
وان كان توك على صدرك تهجاهـا=حنا ترانـا نـدرس فـي مناهجهـا
من يـم مصباحهـا نبعـد معشاهـا=إلى قعـد راعـي الضلـع يدرجهـا
لو هي صعيبة إلى انعاجت عدلناهـا=واللي تجي مستقيمة مـا نعروجهـا
نهتم فـي وزنهـا وابـرام معناهـا=ومن الكرستـال واللولـو نتوجهـا
مثل الجواهـر ليـا منـا نضمناهـا=وسلوكها من جديد الزري ننسجهـا
مخايل تردتـدم والصـدر منشاهـا=لا دك بالبـال داكــوك يهيجـهـا
وليا أمطرت ضاقت الوديان في ماها=تاخذ إلى الحول ما يبسـت مدالجهـا
وان صدت الناس عنا ما أعترضناها=ما تقفـي النـاس عنـا ونتولجهـا
وإن جاتنا الطيبة بالطيـب زدناهـا=الطيبة بالعسـل والسمـن نمزجهـا
وان جاتنا الثانية نصبـر ونرفاهـا=يمكن إل ى فاق راعيهـا يعالجهـا
وان عادها عـودة ماعـاد ينساهـا=من حربة في صميم الصدر نولجهـا
مسمومة يبلـش الدكتـور بدواهـا=مايقنع الخبـل ليـن أنـه يلامجهـا