معي لو سمحت إشوي .. عقبن عداك اللوم=أبعطيك عن بعض الرياجيل معلومه

[مسعطر]

السلام عليكم و رحمة و بركاته ,,


صلوا على النبي ,,


يقولون ما للعبد بدّ ٍ عن المقسوم=و أنا أقول : صح و يقنِع العبد مقسومه
عسى الله يعين اللّي توافد عليه إهموم=هموم ٍ تخلّي طبلة الراس منجومه
ترا والله انّه ما يكدّر عليك النوم=سوى كلمة ٍ من بعض الأصحاب مسمومه
الا جت من الغالين ولاّ الرخوم رخوم=ولا أمحق من الغالي اليا شانت علومه
إضعاف الروابع تبتلش و القروم إتشوم=ولاهيب لا شامت من الشين مليومه
ولا أزّين من القاع الخلا و الوجيه إسلوم=ولا رفقة ٍ مع طول الأيام ملغومه
ولا ألذ من عشرة شريف ٍ من أقصى القوم=يبادلْك فعل الطيب معناه و إسلومه
و الا شفت في جو الصداقه غبش و إغيوم=عطيت الدروب اللّي مع الأرض مرسومه
ولا مثل عز النفس لو مامعك مطعوم=و عن أهل الشماته خل الأسرار مكتومه
معي لو سمحت إشوي .. عقبن عداك اللوم=أبعطيك عن بعض الرياجيل معلومه
ترا اللاش لو وقّف معك في حياته يوم=إتشوف الردى متبين ٍ فيه من يومه
و أنا أقول لو إن في وجيه الرخوم إوسوم=عرفنا نميّز قيمة النذل بوسومه
على شان نجلس مع إرجال الوفا و إنقوم=و نبعد من اللّي عند الأجواد مذمومه
و أنا أسمع مع أهل التجربه في الحياة إعلوم=بعضها صحيح .. و بعض الأخبار موهومه
يقولون : وكر الحر ما يعتليه البوم=و أنا شوف عيني وكر حر ٍ تحت بومه

للشاعر الكبير : راجح بن سالم الشامري العجمي ,,





القصيدة :
:
http://www.sadanajd.com/up/uploads/files/sadanajd-d4750b1747.wav
:
رابط التحميل هنا (http://www.sadanajd.com/up/uploads/files/sadanajd-d4750b1747.wav)
:
الشلّة :
:
http://www.sadanajd.com/up/uploads/files/sadanajd-3511246030.mp3
:
رابط التحميل هنا (http://www.sadanajd.com/up/uploads/files/sadanajd-3511246030.mp3)


و سلامتكم و سلامة ابو سالم :)

[مسعطر]

شكر خاص لاخوي العزيز عبدالله آل عامر (ابو سراج),,
على مساعدته لي فالتحميل ,,
:)

[عليل المحبه]

عسى الله يعين اللّي توافـد عليـه إهمـوم
همـوم ٍ تخلّـي طبلـة الـراس منجومـه
تـرا والله انّـه مـا يكـدّر عليـك النـوم
سوى كلمة ٍ من بعض الأصحاب مسمومـه



بري حالي

عز الله صدق

صح السان ابو سالم على الجزله
والكايفه

ولاهنت يامسعطر على نقل
الجزاله والابداع والحكمه . .

[شامخه بعز ابوهاااا]

عـسـى الله يـعـيـن الـلّــي تـوافــد عـلـيـه إهـمــوم
هــمـــوم ٍ تـخــلّــي طـبــلــة الـــــراس مـنـجـومــه
،،

ولا مـثــل عـــز الـنـفـس لــــو مـامـعــك مـطـعــوم
و عــن أهــل الشمـاتـه خــل الأســـرار مكـتـومـه
،،
تــرا الــلاش لــو وقّــف مـعـك فــي حـيـاتـه يـــوم
إتـشــوف الـــردى متـبـيـن ٍ فــيــه مــــن يــومــه



هذي الابيات بمثابـه قصيده كـآمـلـه ..
لآهـنت مسـعطـر ع القصـيـده المعـبـره ..




.

[ِِِAL 3ajmiah]

لاهنت مسعطر على القصيدة الجزلة .. صح لساان شاعرها ولساانك

الله يعطيك العاافية ~

[عبدالله آل عامر]

وعليكم السلام والرحمة..
:
أرحب يا مسعطر وما جيت به
:
صح لسان الشامري على الأبيات الوافية وصح صوت العذب على الأداء الراقي
:
لا تحرمنا جديدك يا ذيبان
:
1bh1

[مسعطر]

عليل المحبة ,,
شامخة بعز ابوهاااا ,,
العجمية ,,
عبدالله آل عامر ,,


ألف شكر لمروركم اللي اسعدني جداً جداً ,,:)
تقديري و إحترامي ,,

[king الوادي king]

مسعطر لاهنت على الاختيار المميز والله لايهينك انت وعبدالله

وننتظر الجديد وصح لسان الشاعر

[بندر العجمي]

و أنا أقول لو إن في وجيه الرخوم = إوسـومعرفنـا نميّـز قيمـة الـنـذل بوسـومـه
على شان نجلس مع إرجال الوفا وإنقـوم = و نبعد من اللّـي عنـد الأجـواد مذمومـه



ياسلاااااااااااااااااااااااااام




صح الله لسانك ولسان راجح




والله لايشينك وعوايدك يامسعطررررررررررر ابدااااااااااع حتى في نقلك :)





ووودمت وداااااااااااااااااام حضووووووووووووووووورك

[ناثرة الورد]

.. وعليكم السلام ورحمة الله وبركاته ..

{ شُـكـرت لـروعـهـ الاختيار الرائع و المميـز ..

دمت بهـذا الابداع ~

[هادي بن فهاد]

الله الله

صح الله لسانك ولسان راجح العجمي على ذالقصيدة الوافيه

:

مسعطر

تسلم تسلم

على إختيارك المميز بارك الله فيك

[مسعطر]

king الوادي ,,

مرحباً الف << ابها البهية :)


مبروووووك لي مرورك طال عمرك :)