ابومحمد الشامري
26-01-2005, 12:02 PM
محاورة شعرية جرت بتاريخ 10/3/1419هـ بين الشاعرين صياف الحربي وحبيب العازمي بالمملكة العربية السعودية.
حبيب:
ولا يالله بليلة من ليال{ن} تخلص الطلاب= وأنا ديان وادور على ديني ودياني
أنا في خاطري شرهة على الحربي وأبو مشعاب=ولا أرضى الصاحب الاول يقنعني عن الثاني
صياف:
نبي نحضر لك الاوراق وأنته حضر الكتاب=لكن إذهن يجي واحد من الكتاب غلطاني
أبو مشعاب والحربي عطوك الجمر والمشهاب= تباها أيات منا يا وليد الذيب سرحاني
حبيب:
أنا ما اوحيت منكم علم لين إني طرقت الباب= وعقب اني طرقت الباب يالله ترحم الفاني
أبو مشعاب في التاكسي وابن عواد في الدباب=وشرهتهم على الخط الجموم وخط عسفاني
صياف:
بعد حلق اللحى ما عاد تنفع فتلة الاشناب=لكن اصبر على ما صار من شان العريباني
نشوفك ليلة الجمعة تبارينا على القلاب=ولكن انكسر في موترك سسته ورماني
حبيب:
ألا يا عاقل العقال الا يا شايب الشياب=أظنك تحسب اني حضرمي في كل دكاني
يبا يبقى الغراب غراب زال إن التراب تراب=وهذي دبرة اللي حط له ريش{ن} وجنحاني
صياف:
بغيت تحطنا في فمك واثرك عود مالك ناب=تحسب إنا حلا ويلحسه روقي وشيباني
لا تغزي يا حبيب ثم تفضحنا مع الاجناب=ترى بندقك قشرا مالها خزنة ونيشاني
حبيب:
علينا ما تمشيها بدون أثبوت يالنصاب=سحيمي يا السحيمي سحمت والربع سحماني
أنا ما شلت سيفي مع عباد الله بغير نصاب=اسأل سليم والهذلان مع غامد وزهراني
صياف:
ليا مني بغيت ادق راسك ما حسبت حساب=أمشيها عليك بمزح وامسحها يا مسحاني
لو نسلمك مفتاح السفينة تغرق الركاب= لكن ارتاح في غرب المويه وشرق رضواني
حبيب:
يبا له حيه أم جنيب ما قدامه الا الداب=أبو حنوه وأبو ثنوه وابو جبهه ونيباني
صياف:
تبا تصبر على فرك الخشوم وفيه قطع ارقاب= أقول العلم من قلبي ماهو كلمات بلساني
ابو حمد الشامري
حبيب:
ولا يالله بليلة من ليال{ن} تخلص الطلاب= وأنا ديان وادور على ديني ودياني
أنا في خاطري شرهة على الحربي وأبو مشعاب=ولا أرضى الصاحب الاول يقنعني عن الثاني
صياف:
نبي نحضر لك الاوراق وأنته حضر الكتاب=لكن إذهن يجي واحد من الكتاب غلطاني
أبو مشعاب والحربي عطوك الجمر والمشهاب= تباها أيات منا يا وليد الذيب سرحاني
حبيب:
أنا ما اوحيت منكم علم لين إني طرقت الباب= وعقب اني طرقت الباب يالله ترحم الفاني
أبو مشعاب في التاكسي وابن عواد في الدباب=وشرهتهم على الخط الجموم وخط عسفاني
صياف:
بعد حلق اللحى ما عاد تنفع فتلة الاشناب=لكن اصبر على ما صار من شان العريباني
نشوفك ليلة الجمعة تبارينا على القلاب=ولكن انكسر في موترك سسته ورماني
حبيب:
ألا يا عاقل العقال الا يا شايب الشياب=أظنك تحسب اني حضرمي في كل دكاني
يبا يبقى الغراب غراب زال إن التراب تراب=وهذي دبرة اللي حط له ريش{ن} وجنحاني
صياف:
بغيت تحطنا في فمك واثرك عود مالك ناب=تحسب إنا حلا ويلحسه روقي وشيباني
لا تغزي يا حبيب ثم تفضحنا مع الاجناب=ترى بندقك قشرا مالها خزنة ونيشاني
حبيب:
علينا ما تمشيها بدون أثبوت يالنصاب=سحيمي يا السحيمي سحمت والربع سحماني
أنا ما شلت سيفي مع عباد الله بغير نصاب=اسأل سليم والهذلان مع غامد وزهراني
صياف:
ليا مني بغيت ادق راسك ما حسبت حساب=أمشيها عليك بمزح وامسحها يا مسحاني
لو نسلمك مفتاح السفينة تغرق الركاب= لكن ارتاح في غرب المويه وشرق رضواني
حبيب:
يبا له حيه أم جنيب ما قدامه الا الداب=أبو حنوه وأبو ثنوه وابو جبهه ونيباني
صياف:
تبا تصبر على فرك الخشوم وفيه قطع ارقاب= أقول العلم من قلبي ماهو كلمات بلساني
ابو حمد الشامري