ll•°‎ ابوعبدالرحمـن في إضاءات المجالس ll•°‎ [الأرشيف]

الغروب

26-04-2010, 03:14 AM

http://www.alajman.ws/upctr/files/446_2.gif

الأفاضل والفاضلات أعضاء و عضوات
مجالس قبيلة العجمان الرسمي
طبتم دوما بكل مايسر قلوبكم الطيبة

http://www.alajman.ws/upctr/files/91154_hanein_info_2.gif

في عودة متجددة لإلقاء الضوء على أحد شخصيات المجالس
ليكون التواصل مباشرا و قريبا بينكم

لذا يسرنا أن تكمل مابدأناه اليوم مع شخصية فرضت احترامها على الجميع
لما مُتعت به من روح طيبة و خـُلق راقي و تواصل كسب به مكانة عالية بيننا
فكان بحضوره الثراء و الرُقي للمجالس وبذلك استحق وسام التقدير كمراقب

الأخ القدير و المحترم

http://www.alajman.ws/upctr/files/32_1.gif ابوعبدالرحمن http://www.alajman.ws/upctr/files/32_1.gif

فأهلا و سهلا به في هذه الإضاءة التي تزيده قربا و تواصلا

لتكون البداية بالتعرف على بطاقته الشخصية بما يسمح به

لنفسح لكم المجال بطرح اسئلتكم الكريمة عليه

بما لا يتعدي خصوصيته

مع مراعاة أن له كامل الحرية بالإجابه على أسئلتكم أو الإمتناع

و لمدة اسبوع كامل

http://www.alajman.ws/upctr/files/91154_hanein_info_3.gif

متمنين له ولكم الإستمتاع بهذه الإضاءة معه

لكم وله كل التقدير

:a28:

راعية اطيب قلب

26-04-2010, 03:44 AM

يامرحبا ويامسهلا
يــابوعبد الرحمن

<<تراك مارحمتني بالاسئله a25
بجيب دفتر اسئله
ههههههههههههههه

القديره الغروب

لاهنتي على جميل اختيارك
ابوعبد الحمن من الاعضاء اللي ودنا ويسعدنا ان نتعرف عليهم اكثر

ِِِAL 3ajmiah

26-04-2010, 03:51 AM

يعطيك العاافية الغروب .. موفقه يالغلا في طرحك وفي اختيار الشخصية الجديرة بالاختيار

ابو عبد الرحمن ..

مساك الله بالخير .. لدي بعض الأسئلة الخفيفة ..

1_ ماذا يعني لك منتدى مجالس العجمان ... وكيف تعرفت عليه ..؟

2_ القسم الذي تفضله ولابد تمر عليه أول ماتفتح المنتدى ..؟

3_ أعضاء تعرفت عليهم من المنتدى ... وأعضاء تتمنى أن تتعرف عليهم من المنتدى " من يكونون .." ..؟

أخيراً .. الله يكون بعونك D: .. موفق بإذن الله ~

ابومحمد الشامري

26-04-2010, 08:55 AM

مرحبا يا بو عبد الرحمن سعدنا بتواجدك في هذا الموضوع الرائع

ونشكر الاخت القديرة الغروب على التقديم المميز لشخصية مميزة في المجالس

أسئلة على الخفيف:
ماذا يعني لك كل من :

1-مجالس العجمان ؟
2- ضاحية صباح السالم ؟
3- الفحيحيل ؟
4- دكان عباس؟
5- هل كانت بيني وبينك جولات يوم كنا بزرانa13
6- الاسطبلات؟

وسنعود اذا كان هناك فرصه:)

king الوادي king

26-04-2010, 10:34 AM

الله لايهينكم على لاسئله بس شوي شوي عليه ماعاد يقدر يتنسم خفو عليه

هادي بن فهاد

26-04-2010, 12:24 PM

ونشكر الاخت القديرة الغروب

على التقديم المميز لشخصية مميزة في المجالس
:
ويامرحبا والله ومسهلا
tty6

"يا ابـو عبدالرحمن"

:rolleyes:
والله يعيك علي وانا محامي المدعى

a11a11a11

اذا شي متوهق فيه وجه السؤال على (بن شيبان) a25

وبتوفيق انشالله

(( ينظر:53t: ينظر))

ابوعبدالرحمـن

26-04-2010, 09:26 PM

السلام عليكم ورحمة الله وبركاته

كل الشكر والتقدير للفاضله / الغروب على هذه المقدمه الطيبه .. :a36:

واشكركم على إتاحة الفرصه لي فالمشاركه في هذا الموضوع الخطر :p

وإن شالله بجاوب على كل الأسئله .. بس .. بعد ما آخذ الجوله الروتينيه على المجالس tty6

http://img69.imageshack.us/img69/844/59587359.gif

تــريــونــا

:a27:

ابوعبدالرحمـن

26-04-2010, 11:25 PM

يــيــنــاكــم :p

7

يامرحبا ويامسهلا
يــابوعبد الرحمن

الله يحييش ويسلم غاليش :)

<<تراك مارحمتني بالاسئله
بجيب دفتر اسئله
ههههههههههههههه

<< يبلع ريقه متحسف إنه أبلشها بالأسئله :020:

القديره الغروب

لاهنتي على جميل اختيارك
ابوعبد الحمن من الاعضاء اللي ودنا ويسعدنا ان نتعرف عليهم اكثر

هذا من طيبكم وإن شالله نكون عند حسن ظنكم

:a27:

ابوعبدالرحمـن

26-04-2010, 11:58 PM

يعطيك العاافية الغروب .. موفقه يالغلا في طرحك وفي اختيار الشخصية الجديرة بالاختيار

أشكرش ... هذا من طيبكم :)

ابو عبد الرحمن ..

مساك الله بالخير .. لدي بعض الأسئلة الخفيفة ..

مساء النور .. والله يستر الأسئله المركزه :53t:

1_ ماذا يعني لك منتدى مجالس العجمان ... وكيف تعرفت عليه ..؟

المجالس .. مصدر معلومات وفير من جميع النواحي سواء على المستوى الديني او الأدبي او التاريخي .. وغيرها الكثير الكثير ..
وبالنسبه لكيفية تعرفي على المجالس .. للأمانه ما اذكر .. بس اللي اعرفه انه كان حب من اول enter .. a25 أقصد من اول نظره D:

2_ القسم الذي تفضله ولابد تمر عليه أول ماتفتح المنتدى ..؟

يمكن يكون مجلس المحاوره و الألغاز لأني اجد متعتي في حل الألغاز :cool:

3_ أعضاء تعرفت عليهم من المنتدى ... وأعضاء تتمنى أن تتعرف عليهم من المنتدى " من يكونون .." ..؟

تعرفت على الكثير من الأخوان منهم : هادي بن فهاد و فهيد الكفيف و عبدالله ال عامر .. وغيرهم من اخواني الأعضاء .. اما اللي اتمنى اتعرف عليهم .. :53t: والله مافي احد معيّن

أخيراً .. الله يكون بعونك .. موفق بإذن الله ~

مشكووووره على الأسئله القليله فالعدد والدسمه فالمضمون :a27:

فهيد الكفيف

27-04-2010, 08:37 AM

اشكر الاخت الغروب على هالمقدمه الطيبه اللي يستاهلها ابو عبدالرحمن واكثر

ابوعبدالرحمن (( استلم ))

ليش ما نشوفك الا في السنه حسنه:)
ليش ما تتغلى علينا وما تسأل ولا تدق:)
ليش ما رحت سوق المسكي

______\ الاسئله اللي فاتت كذا تسخين ومعذور عن عدم الاجابه عليها /_______
الله يعينك على اسئلتي تراني ثقيل دم بهالسوالف :)
تحذير : يبيلك اسبوع علشان تجاوب على اسئلتي
الاسئله :

1- اهتمامات ابو عبدالرحمن وهواياته
2- لونك المفضل

3- شخصيه في الحياه الحاليه او التاريخ تحب ان تكون مثلها او افضل ؟

4- هل انت راضي عن نفسك ؟

5- أعضاء تستمتع بقراءة مواضيعهم في المنتدى ؟

6- كم عمرك عسى الله يطول بعمرك على طاعته

7- ماهو الاقتراح الذي تتمنى ان يكون في المنتدى ويطبق حاليا

8- ما هو الشئ الذي يلفت انتباه ابو عبدالرحمن في الشخص لتعجب بشخصيته

9- حكمة تؤمن بها

10 - هل ملابس ومنظر الشخص الذي أمامك تؤثر فيك لتأخذ عنه انطباع ما

11- اذا افترضنا انك اصبحت صاحب اعلى سلطه في الدول العربيه مجتمعه فما هي قراراتك التي ستتخذها

12- هل لديك رغبة حب التملك والسيطره

13- هل تحس انك شخصيه قياديه ( صف لنا شخصيتك )

14- اكتب لنا بكلمات مختصره سطر يعبر عن حياتك التي عشتها حتى الان

15- هل غلبك حزنك يوما

16- برأيك من أصدق دمعة الرجل أم دمعة المرأه

17- هل تقرأ واذا كنت من محبي القراءه فأي انواع الكتب تحب ان تقرأها

18- هل انت غريق في بحر الاماني ( يعني تتمنى كثير )
19- كلمة توجهها لاخوك فهيد :)

20- كلمة توجهها لاخوانك واخواتك في المجالس

- بس خلاص اعتقد كافي بس اذا تبي اسئله بعد لا يردك شي دز لي مسج وانا حاضر:)

اتمنى لك التوفيق...

shmoo5_ al_ajmy

27-04-2010, 11:13 AM

ابو عبد الرحمن شخصيه مميزه يسعدنااا تواجدك

مرحباا فيك

وكل الشكر للاخت الغروب

1_ هل انت من عشاق السفر وين تحب تسافر دوم ؟

2_ ايش الابيات الي ترددهااا دوم ؟

3_ عطني نبذه عن شخصيت بو عبدالرحمن بشكل عااام ؟

4_ حاجه تمنيت انهااا ماصارت في حياتك ؟

5_ صدمك خطااا من احد المقربين لك ماهي رده الفعل ؟

اكمل والا اسكت D:

خلاص الباقي بعدين :a27:

راعية اطيب قلب

27-04-2010, 10:52 PM

السلام عليكم ورحمة الله وبركاته
ابو عبد الرحمن وعادت لك من جديد

بس بأسأله خفيفه ويحبها قلبك
نفس اسألتك لي ابيك تجاوب عليها
<<كانها مشروع انتقام
س1 : حكمتك فالحياه .. !!
س2 : شخصيه تاريخيه تعجبكِ .. !!
س3 : شخصيتك ( عصبيه ، رومانسيه ، هاديه ؛ ....... ) .. !!
س4 : متى كانت اكبر فرحه في حياتك .. !!
س5 : لو كان لك إسم مستعار غير .. راعية اطيب قلب .. شنو راح يكون .. !!
س6 : من هم الأعضاء اللي تحرصين على متابعة مواضيعهم .. !!
س7 : عضو/ عضوه .. عاجبتك صورته/ها الشخصيه وتوقيعه/ها .. !!
س8 : عضو نشيط .. !!
س9: عضو مفقود .. !!
س10 : عضو واثق من نفسه .. !!
س11 : عضو مثقف .. !!
س12 : عضو تتمنين تغيرين إسمه .. !!
س13 : عضو تهدينه بيت شعر .. وما هو بيت الشعر .. !!
س14 : عضو تعتقدين انه حالة استثنائية بالمنتدى .. !!
س15 : عضو تتوقعين شعبيته كبيره ومحبوب عند غالب الاعضاء ..!!
س16 : عضو حضوره في صفحاتك يعني لك الكثير .. !!
س17 : عضو يشابهكِ فالطرح .. !!
س18 : ما هو مدى التطابق بين شخصيتكِ داخل وخارج المجالس .. !!
س19 : بيت شعر مقرب منكِ جدا .. !!
س20 : سؤال تمنيتي احد يقوله .. !!

ولك الحريه بالرد على لالي تبي منها وترك اللي ماتبي ;)

اسعد المولى واغلاك دنيا واخره

ابوعبدالرحمـن

28-04-2010, 12:58 AM

مرحبا يا بو عبد الرحمن سعدنا بتواجدك في هذا الموضوع الرائع

الله يبقيك ويسلم غاليك :)

ونشكر الاخت القديرة الغروب على التقديم المميز لشخصية مميزة في المجالس

وانا والله أشكرها على المقدمه الطيبه .. :a36:

أسئلة على الخفيف:

إسلم ؛ الله يستر D:

ماذا يعني لك كل من :

1-مجالس العجمان ؟

مصدر غني بالمعلومات و من افضل المنتديات :a37:

2- ضاحية صباح السالم ؟

أحلآ منطقه :a37:

3- الفحيحيل ؟

مصقط رأسي ، وديوان الشايب اللي انت خابر :)

4- دكان عباس؟

يااااامن علك ابو رجل شريته منه a13

5- هل كانت بيني وبينك جولات يوم كنا بزران؟

والله فيه D: معك ومع سعد اخيك الله يذكره بالخير

6- الاسطبلات؟

نقطة تجمع D: ومكان للهروب من الروتين :)

وسنعود اذا كان هناك فرصه

يااااااااااااو كل ذا وبتعود بعد :confused: a25

الله يحييك ونتشرف :a27:

ابوعبدالرحمـن

28-04-2010, 01:03 AM

الله لايهينكم على لاسئله بس شوي شوي عليه ماعاد يقدر يتنسم خفو عليه

وانا بعد اشكرك على مرورك وبيض الله وجهك على التوصيه :p

لآهنت

ابوعبدالرحمـن

28-04-2010, 01:05 AM

فيصل المخيال

28-04-2010, 01:21 AM

السلام عليكم ورحمة الله وبركاته
:
للقديرة الغروب
اجمل التحايا على هذه الاضاءة الجميلة
و التي يسلط الضوء بها على احد الاحبة في المجالس
و الذي له من المكانة العالية و القدر الكبير في نفوس الجميع
:
اخونا القدير والغالي
ابوعبدالرحمن:
والذي متوقع ان تكون ممتعة صحبته و شيقة
مع بقية الاحبة
:
و لتسمح لي القديرة الغروب و القدير ابو عبد الرحمن
من خلال هذا المتصفع ان اشكر الاختين القديرتين
ناثرة الورد و راعية اطيب قلب
للاضاءة السابقة و التي استمتعنا بها وان لم يسعفني الوقت للمشاركة فيها
:
تمنياتي للجميع بالتوفيق
و سيكون لي عودة لابو عبدالرحمن ان شاء الله قريبة:)
:
لكم
1bh1

ابوعبدالرحمـن

28-04-2010, 02:22 AM

اشكر الاخت الغروب على هالمقدمه الطيبه اللي يستاهلها ابو عبدالرحمن واكثر
تستاهل الطيب :)

ابوعبدالرحمن (( استلم ))
إسلم :)

ليش ما نشوفك الا في السنه حسنه
هههههههههههههه والله نتشرف يالغالي وابرك الساعات والله اللي نشوفك فيها .. :a36:

ليش ما تتغلى علينا وما تسأل ولا تدق
دير بالك ترى انا علة أكباد وبزعجك :p

ليش ما رحت سوق المسكي
a13 راح المطوع اللي انت خابر يبي يصير تاجر D:

______\ الاسئله اللي فاتت كذا تسخين ومعذور عن عدم الاجابه عليها /_______

الله يعينك على اسئلتي تراني ثقيل دم بهالسوالف
تحذير : يبيلك اسبوع علشان تجاوب على اسئلتي

D: الله يستر ،،، بس ما يجي منك إلآ الزين يالغالي :rolleyes:

الاسئله :

1- اهتمامات ابو عبدالرحمن وهواياته
إهتماماتي .. يمكن تكون التاريخ غالباً
وهواياتي .. ركوب الخيل والرسم :)
بس للأسف مشاغل الدنيا أشغلتني عنها في الآونه الأخيره :(

2- لونك المفضل
البني :)

3- شخصيه في الحياه الحاليه او التاريخ تحب ان تكون مثلها او افضل ؟
الفاروق .. عمر بن الخطاب - رضي الله عنه

4- هل انت راضي عن نفسك ؟
الحمد لله .. راضي .. بس الطموح للأفضل موجود اكيد tty8

5- أعضاء تستمتع بقراءة مواضيعهم في المنتدى ؟
والله كثيرين ومنهم انت طبعاً .. وعلى سبيل المثال : فيصل المخيال - سمو الرووح - راعية اطيب قلب

6- كم عمرك عسى الله يطول بعمرك على طاعته
مواليد 1979 :)

7- ماهو الاقتراح الذي تتمنى ان يكون في المنتدى ويطبق حاليا
والله بدووون مجامله المنتدى ملكي ولا ينقصه شئ tty8

8- ما هو الشئ الذي يلفت انتباه ابو عبدالرحمن في الشخص لتعجب بشخصيته
يعجبني التواضع بالنسبه للرجال .. والحياء بالنسبه للنساء tty6

9- حكمة تؤمن بها
من تواضع لله رفعه

10 - هل ملابس ومنظر الشخص الذي أمامك تؤثر فيك لتأخذ عنه انطباع ما
والله أحياناً :)

11- اذا افترضنا انك اصبحت صاحب اعلى سلطه في الدول العربيه مجتمعه فما هي قراراتك التي ستتخذها
هجووووووم مباغت على إسرائيل 14t

12- هل لديك رغبة حب التملك والسيطره
على حسب .. !!
فيه امور المشاركه فيها أفضل :)

13- هل تحس انك شخصيه قياديه ( صف لنا شخصيتك )
قيادي .. بس مو دكتاتوري :)
شخصيتي .. الله يسامحك يا فهيد سؤالك محرج يعني لو بوصف بصير كني امدح نفسي :p
بس تقدر تقول >> إجتماعي - وأفضل إتخاذ القرارت المهمه بعد مشاورة اهل الخبره ..

14- اكتب لنا بكلمات مختصره سطر يعبر عن حياتك التي عشتها حتى الان
عصامي - طموح - وكونت صداقات افتخر فيها :)

15- هل غلبك حزنك يوما
أكيد .. أو راح اكون إنسان مو طبيعي :p

16- برأيك من أصدق دمعة الرجل أم دمعة المرأه
والله دمعة الرجل أتوقع انها ما تنزل إلآ لسبب كايد ولآ المره تدن الهاشميه على اتفه الأسباب D:

17- هل تقرأ واذا كنت من محبي القراءه فأي انواع الكتب تحب ان تقرأها
والله عندي مكتبه لا بأس فيها بس أحس ان الإنترنت خذاني من القراءه حيل
اما انواع الكتب .. يمكن تكون التاريخيه غالباً ..

18- هل انت غريق في بحر الاماني ( يعني تتمنى كثير )
والله إذا كنت تقصد إسقاط القروض أكيييييييييييد أتمنى a25

19- كلمة توجهها لاخوك فهيد
لبا كبدك 28t

20- كلمة توجهها لاخوانك واخواتك في المجالس

مامن كاتب إلآ سيفنى = ويبقي الدهر ما كتبت يداه
فلآ تكتب بيدك غير شئٍ = يسرك فالقيامة أن تراه

- بس خلاص اعتقد كافي بس اذا تبي اسئله بعد لا يردك شي دز لي مسج وانا حاضر
ههههههههههههههه كل هذا وما خلصت بعد :eek:a25
بالعكس .. نتشرف في أسئلتك يالغالي .. :a36:

اتمنى لك التوفيق...
أجمعين :a27:

ابوعبدالرحمـن

28-04-2010, 02:49 AM

ابو عبد الرحمن شخصيه مميزه يسعدنااا تواجدك

مرحباا فيك
الله يبقيكم ومشكوره على المقدمه الطيبه .. :a36:

وكل الشكر للاخت الغروب

1_ هل انت من عشاق السفر وين تحب تسافر دوم ؟
اي والله السفر شي لذيذ .. اما وين احب اسافر .. أحاول اني أغير الوجهه غالباً :)

2_ ايش الابيات الي ترددهااا دوم ؟

ليت الزمن طيرٍ يحول على الملواح = برده .. ولا ادري ويش اردّه على شانه .. !!

3_ عطني نبذه عن شخصيت بو عبدالرحمن بشكل عااام ؟
:020:يؤ يؤ .. رجعنا للأسئله المحرجه .. !!
والله ما ادري شقول لأن النوعيه هاذي من الأسئله .. تخلي الواحد يمدح نفسه :53t:
بس .. تقدرين تقولين .. طموح - إجتماعي - عصامي - إذا نويت اسوي الشي يا اتقنه يا ما أسويه كلّش :)

4_ حاجه تمنيت انهااا ماصارت في حياتك ؟
اهدرت سنين على ما قررت أكمل دراستي الجامعيه :o

5_ صدمك خطااا من احد المقربين لك ماهي رده الفعل ؟
من المقربين .. والله البلشه :53t: أتوقع أسامحه .. !!

اكمل والا اسكت D:
بعد .. عاد في راسش موال D:
هههههههههههههههه

خلاص الباقي بعدين :a27:
اوكي .. مشكوره على الأسئله الحلوه وفي إنتظار الباقي :a27:

ابوعبدالرحمـن

28-04-2010, 03:41 AM

السلام عليكم ورحمة الله وبركاته
ابو عبد الرحمن وعادت لك من جديد
وعليكم السلام ورحمة الله وبركاته
عوداً حميداً D: إسلمي :)

بس بأسأله خفيفه ويحبها قلبك
نفس اسألتك لي ابيك تجاوب عليها
<<كانها مشروع انتقام
ههههههههههههههه مو كنّه .. إلآ مع سبق الإصرار والترصد :p

س1 : حكمتك فالحياه .. !!
من تواضع لله رفعه

س2 : شخصيه تاريخيه تعجبكِ .. !!
ذيب بن شالح - رحمه الله

س3 : شخصيتك ( عصبيه ، رومانسيه ، هاديه ؛ ....... ) .. !!
اجتماعي :)

س4 : متى كانت اكبر فرحه في حياتك .. !!
تحرير الكويت KWT

س5 : لو كان لك إسم مستعار غير .. راعية اطيب قلب .. شنو راح يكون .. !!
هههههههههههههه ماشي D:

س6 : من هم الأعضاء اللي تحرصين على متابعة مواضيعهم .. !!
أعضاء المجلس الإسلآمي + ابومحمد الشامري + فهيد الكفيف

س7 : عضو/ عضوه .. عاجبتك صورته/ها الشخصيه وتوقيعه/ها .. !!
فيصل المشلش

س8 : عضو نشيط .. !!
عزوتي دوسريه

س9: عضو مفقود .. !!
السهم - الله يذكره بالخير .. :a36:

س10 : عضو واثق من نفسه .. !!
ابومحمد الشامري

س11 : عضو مثقف .. !!
د.فالح العمره

س12 : عضو تتمنين تغيرين إسمه .. !!
بعض الأعضاء اللي يسجلون بأسماء قبائلهم ويسيؤن لها بمشاركات سيئه

س13 : عضو تهدينه بيت شعر .. وما هو بيت الشعر .. !!

أنا شبابك لا غزى راسك الشيب = وأنا عضيدك لو تجور الليالي
أهديه لأخي الغالي HADI_KW .. :a36:

س14 : عضو تعتقدين انه حالة استثنائية بالمنتدى .. !!
عبدالله بن شيبان

س15 : عضو تتوقعين شعبيته كبيره ومحبوب عند غالب الاعضاء ..!!
عبدالله ال عامر

س16 : عضو حضوره في صفحاتك يعني لك الكثير .. !!
ابومحمد الشامري

س17 : عضو يشابهكِ فالطرح .. !!
:53t: والله ما ادري

س18 : ما هو مدى التطابق بين شخصيتكِ داخل وخارج المجالس .. !!
100 %

س19 : بيت شعر مقرب منكِ جدا .. !!

ما قل دل وزبدة الهرج نيشان = والهرج يكفي صامله من كثيره

س20 : سؤال تمنيتي احد يقوله .. !!
ههههههههههه والله ما خليتوا شي ما شالله عليكم كل شي سألتوني عنه D:

ولك الحريه بالرد على لالي تبي منها وترك اللي ماتبي

اسعد المولى واغلاك دنيا واخره

مشكووووره على الأسئله الـ copy a13
بس يا ليتش غيرتي ضمير المؤنث D:

:a27:

راعية اطيب قلب

28-04-2010, 03:51 AM

ابوعبدالرحمـن

28-04-2010, 04:18 AM

ابوعبدالرحمـن

28-04-2010, 04:24 AM

هههههههههههههههه
ههههههههههههههههههه
ابو عبد الرحمن

ماشفت الا الضمير لعنبو غيرك حتى نكي نسخته ولصقته لك
من العجله على الانتقاام
ههههههههههههههه
ههههههههههههههههه
ياجعل ربي يسعدك
وقدارك بالقلوب مو بالكتابه

والله لايهينك
وربي يسعدك دنيا واخره

هههههههههههههههههه
هههههههههههههههههههههه

ما فيه شك الله يحفظك
وبالعكس الله يرفع قدرك مشاركتك مميزه وأشكرك عليها :a37:
واشكرك على التواجد الراقي

تـقـديــري

http://img193.imageshack.us/img193/1535/57509211.gif

ناثرة الورد

28-04-2010, 09:24 AM

.. السلام عليكم ورحمة الله وبركاته ..

{ ابوعبدالرحمن }

عضو تمتع بالروح الطيبهـ و الخلق الراقي و بتواصلهـ كسب مكانهـ عالية في نفوسنا فكان بحضورهـ الثراء و الرقي للمجالس ..

{ الغـروب }

اشكـركـِ لاستضافهـ عضو مميز وقدير ودمتي بمبدعهـ كالعادهـ ..

وساطرح الاسئلهـ وتحملنا تراها خفيفهـ وشويهـ اخذ نفس عميق a25

1-ماهي المواضيع التي تشد انتباهك ؟؟

2- هل تشعر بقصورك في الرد على الأعضاء ؟؟

3- هل تشعر بقصور المشرفين بالردود ؟؟

4- هل تشعر باتجاهك وتفاعلك في منتدى محدد ؟؟

ام تتعامل مع كل اقسام المنتدى بنفس درجة التفاعل ؟؟

5- حين تجد طرح لايستهويك ؟؟ ترى ماهو رد فعلك؟؟

6- بصدق وامانه من يحرض فيك رغبة التفاعل ,,, الموضوع ام صاحب الموضوع ام كليهما ؟؟

7- كتبتِ موضوعا .. بذلت جهدا .. انفقت وقتا ..
ايقنت ان الموضوع اصبح جاهزا للطرح والعرض ...
قدمته .... توقعت زوار .. توقعت تفاعل .. موضوع هام ...
ولا بد ان القراء سيثرونه بالردود والتفاعلات ..
انتظرت يوماً ويومين وثلاثة .. والنتيجة عشرة زوار او عشرون ..
والردود لاااااااا أحد
ما هو شعورك ؟

8- حين يقوم احد الأعضاء بالرد على موضوعك ..
ما هو شعورك حين تجد انه سلك بموضوعك طريقا لا يمت للموضوع
بصلة مما دفع البعض للتفاعل مع رده دون اهتمام بطرحك أنت صاحب
الموضوع الأصلي ؟؟

9- عندما تجد احد الردود يدفعك للانزعاج .. ترى ماذا تفعل ؟؟

10- حين تطرح موضوعاً ... هل انت تحرص على متابعته
وتتفاعل معه اولا بأول ام يقل الاهتمام تدريجيا ؟؟

11- هل تود ان يكون في المنتدى قسم تتمنى وجوده غير الأقسام المطروحة في المنتدى ؟؟؟ وما هو ؟؟؟

12--هل تؤمن بأهمية وجود وردود المشرف على مواضيعك ؟؟

13-لو كان لك حرية اختيار اكثر من قرار في المنتدى ,,
ماذا ستقرر على وجه السرعة ؟؟

14- هل التثبيت للمواضيع المتميزة ... يشجعك للتواصل والعطاء ؟؟؟ وهل تشعر أنك تستطيع الوصول إليه ؟؟

15- سلبية واضحة جدا في المنتدى وتطالب بازالتها الآن ... ماهي ؟؟

ولي عوده بأسئلهـ جديدهـ انشاءالله

الغروب

28-04-2010, 02:19 PM

السلام عليكم ورحمة الله وبركاته

ابوعبدالرحمن

تسلم على حضورك المميز

وتقديرجميع الأحبه بالتعرف على ابوعبدالرحمن عن قرب

.... اعذب الدعوات واخلص الامنيات ....

ابوعبدالرحمـن

29-04-2010, 02:42 AM

.. السلام عليكم ورحمة الله وبركاته ..
وعليكم السلام ورحمة الله وبركاته :)

{ ابوعبدالرحمن }

عضو تمتع بالروح الطيبهـ و الخلق الراقي و بتواصلهـ كسب مكانهـ عالية في نفوسنا فكان بحضورهـ الثراء و الرقي للمجالس ..
الله يسلمش هذا والله من طيبكم http://img717.imageshack.us/img717/3667/21601638.gif

{ الغـروب }

اشكـركـِ لاستضافهـ عضو مميز وقدير ودمتي بمبدعهـ كالعادهـ ..

وساطرح الاسئلهـ وتحملنا تراها خفيفهـ وشويهـ اخذ نفس عميق a25
إسلمي .. الله يستر D:

1-ماهي المواضيع التي تشد انتباهك ؟؟
الألغاز + المواضيع الهادفه طبعاً .. tty6

2- هل تشعر بقصورك في الرد على الأعضاء ؟؟
والله ما اقدر احكم .. بس هذا حنا نحاول نشد الحيل http://img717.imageshack.us/img717/3667/21601638.gif

3- هل تشعر بقصور المشرفين بالردود ؟؟
بالعكس .. الله يعطيهم العافيه جهودهم واضحه :a37:

4- هل تشعر باتجاهك وتفاعلك في منتدى محدد ؟؟ ام تتعامل مع كل اقسام المنتدى بنفس درجة التفاعل ؟؟
للأمانه .. انا متفاعل مع اقسامي تحديداً فالغالب http://img717.imageshack.us/img717/3667/21601638.gif

5- حين تجد طرح لايستهويك ؟؟ ترى ماهو رد فعلك؟؟
يكون ردي عليه غير عن ردودي المعتاده :a37:

6- بصدق وامانه من يحرض فيك رغبة التفاعل ,,, الموضوع ام صاحب الموضوع ام كليهما ؟؟
والله كلها .. لأن عندنا أعضاء ما شالله لهم شعبيه كبيره ؛ وعندنا ثقه في مواضيعهم قبل لا نقرأها :a37:

7- كتبتِ موضوعا .. بذلت جهدا .. انفقت وقتا ..
ايقنت ان الموضوع اصبح جاهزا للطرح والعرض ...
قدمته .... توقعت زوار .. توقعت تفاعل .. موضوع هام ...
ولا بد ان القراء سيثرونه بالردود والتفاعلات ..
انتظرت يوماً ويومين وثلاثة .. والنتيجة عشرة زوار او عشرون ..
والردود لاااااااا أحد
ما هو شعورك ؟
http://img13.imageshack.us/img13/5094/89831864.gif
http://img97.imageshack.us/img97/5952/73702516.gif

8- حين يقوم احد الأعضاء بالرد على موضوعك ..
ما هو شعورك حين تجد انه سلك بموضوعك طريقا لا يمت للموضوع
بصلة مما دفع البعض للتفاعل مع رده دون اهتمام بطرحك أنت صاحب
الموضوع الأصلي ؟؟
بحاول أشرح قصدي مره ثانيه http://img11.imageshack.us/img11/2008/11140006.gif

9- عندما تجد احد الردود يدفعك للانزعاج .. ترى ماذا تفعل ؟؟
على حسب .. إذا الموضوع عادي .. أطنش :rolleyes:
أمآ إذا كان الموضوع مهم .. برد عليه وأوضح له خطأه z10

10- حين تطرح موضوعاً ... هل انت تحرص على متابعته
وتتفاعل معه اولا بأول ام يقل الاهتمام تدريجيا ؟؟
أتابعه أول بأول .. لأني واحد من الناس إذا رديت على موضوع أحرص على رد صاحب الموضوع علي a23

11- هل تود ان يكون في المنتدى قسم تتمنى وجوده غير الأقسام المطروحة في المنتدى ؟؟؟ وما هو ؟؟؟
بدون مجامله .. المنتدى كامل والكامل وجه الله .. لكن .. هناك أقسام تحتاج للتنشيط

12--هل تؤمن بأهمية وجود وردود المشرف على مواضيعك ؟؟
أكيد .. ولآ بشعر بالإحباط وأحس ان موضوعي تافه :020:

13-لو كان لك حرية اختيار اكثر من قرار في المنتدى ,,
ماذا ستقرر على وجه السرعة ؟؟
توزيع منحه 1000 دينار لكل عضو .. طبعاً من جيب ابومحمد الشامري a13

14- هل التثبيت للمواضيع المتميزة ... يشجعك للتواصل والعطاء ؟؟؟ وهل تشعر أنك تستطيع الوصول إليه ؟؟
أكيد .. والتقييم كذلك مهم .. اما الوصول إليه ما شالله أغلب أعضائنا قادرين على هالشي :a37:

15- سلبية واضحة جدا في المنتدى وتطالب بازالتها الآن ... ماهي ؟؟
http://img11.imageshack.us/img11/2008/11140006.gif .. لا يوجد للأمانه

ولي عوده بأسئلهـ جديدهـ انشاءالله
مرحبا مرحبا
وشكرآ على التفاعل
وفي إنتظار الأسئله
http://img97.imageshack.us/img97/1592/95525648.gif

ابوعبدالرحمـن

29-04-2010, 02:49 AM

السلام عليكم ورحمة الله وبركاته

ابوعبدالرحمن

تسلم على حضورك المميز

وتقديرجميع الأحبه بالتعرف على ابوعبدالرحمن عن قرب

.... اعذب الدعوات واخلص الامنيات ....

وعليكم السلام ورحمة الله وبركاته

الله يسلمك من كل شر
وتقبلي عظيم الإمتنان على الإستضافه والمتابعه
وفائق الإحترام و التقدير على جهودكِ الواضحه

.. .. :a36:

عبدالله بن شيبان

29-04-2010, 01:13 PM

بسم الله الرحمن الرحيم
:
السلام عليكم ورحمة الله وبركاته
:
اشكر الأخت القدير والمميزة
"الغروب"

على استضافة الشخصية الفريدة من نوعها
" أبو عبدالرحمن"
:
والذي فرض احترامه و حب الاعضاء اليه
من خلال اسلوبه الراقي و تواجده المتواضع الجميل
والاخلاق العالية
:
وانا شهادتي فيه مجروحة بصراحة
:
وانا مجهز له اسئلة بالصميييييييييم
:

1
ماذا يعني لك نك ( درع ) ..؟

:

2
شنو كانت ردة فعلك لمن تبلغت بمهمة الاشراف ..؟

:

ماذا يعني لك كل من :

*- دكان عباس؟

يااااامن علك ابو رجل شريته منه a13

a27:[/COLOR]
3
هل فعلاً كنت تشتري علك ابو رجل من دكان عباس أيام الطفولة ..؟؟

:

4
شنو هوايتك الثالثة الي تمارسها غير الرسم وركوب الخيل ..؟
لأني حسب مصادري عندك هواية بعد ما ذكرتها وقسم المحاورة يشهد لكلامي ..؟

:

5
هل تؤيد عمل اللقاءات لبعض ابناء القبيلة من قبل ادارة مجالس العجمان ..؟
وهل تضيف شيء للمجالس ..؟

واذا كان جوابك نعم .. ما نوع اللقاءات ...(رياضية - ادبية - سياسية ..الخ)

:

6
ماذا يعني لك عبدالله بن شيبان :) <<< احب الناس اتكلم عني خخخخ

:

7
ممكن تذكر لنا اسمك الحقيقي ..؟؟ ولك الحق في عدم الجواب ..؟

:
8
بعد ما تاخذ الشهادة الجامعية شنو راح تكون الخطوة القادمة من حياتك..؟
هل تبقى في نفس مجال عملك و ترفعها اليهم .. أم تذهب لوظيفة اخرى ..؟

:

9
ما نوع لابتوبك ..؟ <<<< بلشنا بالاسئلة الغبية خخخخخ

:

10
ما هو الوقت المفضل لديك للاتصال بالانترنت ( يعني متى تحب تشبك)
وكم ساعة تقضيها باانترنت ...؟؟

:

11
هل لديك ابناء ..؟

:

12
ابيك اتكلم عن سيارة (كرايزلر c300) ..؟

:

13
شنو اكلتك المفضلة ..؟

:

14
شنو شرابك المفضل ..؟

:

15
شنو شعورك بخروج برشلونة من بطولة ابطال اوربا 2010 ..؟

:

16
ماذا يعنيلك اللون الأخضر ..:) ..؟

:

17
من الاعضاء او الادارين الي تعرفهم خارج المنتدى واذكر لنا اسمائهم ..؟

:

18
شنو تحب اكثر البحر ام البر ..؟ مع ذكر السبب ..؟

:

مو كني قزرتها بالاسئلة خخخخخخخخ
على العموم اسئلة كثيرة طرت على بالي بس حبيت اعطيك مجال اتحل
و اعطي مجال للاعضاء
:
واتمنى لك التوفيق يا ابو عبدالرحمن
:21t:

فهيد الكفيف

29-04-2010, 02:22 PM

ودي اكمل اسئله بس مستحي a25

تواجد رائع يا بوعبدالرحمن

بندر العجمي

30-04-2010, 12:10 AM

السلام عليكم ورحمة الله وبركاته

وبسم الله الرحمن الرحيم

ابوعبدالرحمن :) يامرحبا يامرحبا

1 - وشرايك باقسام الشعر <<< الشعر النبطي - المحاوره - بوح المشاعر >> ملاحظاتك وماتحتاجله ؟؟؟؟؟

2 - من يعجبك من الشعراء الحالين وشعراء الماضي ؟؟

3 - هل انت شاعر ؟؟ وهل لك تجربه ومخفيها ؟؟ او لك تجربه وبسبها ملت للنقد والمتابعه ؟؟؟

4 - لو اصبحت رئيس المنتدى ليوم واحد :a27: ماهي اول ثلاث قرارات راح تطبقها على طووول ؟؟؟

وســـــــــــــــلامتك واعفااااااااااااااااااااااك يالقرم وتشرفت بالمشااااااااااركه باضاءتك الطيبه

عبدالله بن شيبان

30-04-2010, 02:36 AM

يا بو عبدالرحمن لحد يبطي علينا
:
ما ابي اصبح الا القاك مجاوب :)

ابوعبدالرحمـن

30-04-2010, 04:34 AM

بسم الله الرحمن الرحيم
:
السلام عليكم ورحمة الله وبركاته
وعليكم السلام ورحمة الله وبركاته :)
اشكر الأخت القدير والمميزة
"الغروب"

على استضافة الشخصية الفريدة من نوعها
" أبو عبدالرحمن"
:
والذي فرض احترامه و حب الاعضاء اليه
من خلال اسلوبه الراقي و تواجده المتواضع الجميل
والاخلاق العالية
تسلم تسلم http://img717.imageshack.us/img717/3667/21601638.gif هذا من طيبك .. :a36:

وانا شهادتي فيه مجروحة بصراحة
:
وانا مجهز له اسئلة بالصميييييييييم
إي والله فالصميم http://img717.imageshack.us/img717/3667/21601638.gif
1
ماذا يعني لك نك ( درع ) ..؟
مثل ما يعني لك >> عاشق الريم ;)
:

2
شنو كانت ردة فعلك لمن تبلغت بمهمة الاشراف ..؟
ههههههههه مشكله الخوي الباخص http://img717.imageshack.us/img717/3667/21601638.gif
للأمانه كنت متردد لأنها مسؤوليه وتكليف أكثر من التشريف .. !!
:
3
هل فعلاً كنت تشتري علك ابو رجل من دكان عباس أيام الطفولة ..؟؟
غالباً a11
:

4
شنو هوايتك الثالثة الي تمارسها غير الرسم وركوب الخيل ..؟
لأني حسب مصادري عندك هواية بعد ما ذكرتها وقسم المحاورة يشهد لكلامي ..؟
ههههههههههه قايل لك ... مشكله الخوي الباخص :020:
نعم صحيح .. لي محاولات شعريه http://img717.imageshack.us/img717/3667/21601638.gif
:

5
هل تؤيد عمل اللقاءات لبعض ابناء القبيلة من قبل ادارة مجالس العجمان ..؟
وهل تضيف شيء للمجالس ..؟
واذا كان جوابك نعم .. ما نوع اللقاءات ...(رياضية - ادبية - سياسية ..الخ)
أكيد مؤيد :a37: وجميع المجالآت .. وهي تضيف للطرفين .. المجالس و الضيف ..
:

6
ماذا يعني لك عبدالله بن شيبان :) <<< احب الناس اتكلم عني خخخخ

أنت السعد وأنت السند يابن شيبان = وأنت الخوي عند إحتكام المصيبه
:

7
ممكن تذكر لنا اسمك الحقيقي ..؟؟ ولك الحق في عدم الجواب ..؟
http://img8.imageshack.us/img8/6608/blushingd.gif خلنا نقول .. أبو عبدالرحمن الهتلآني :)

:
8
بعد ما تاخذ الشهادة الجامعية شنو راح تكون الخطوة القادمة من حياتك..؟
هل تبقى في نفس مجال عملك و ترفعها اليهم .. أم تذهب لوظيفة اخرى ..؟
http://img11.imageshack.us/img11/2008/11140006.gif الله يلحقنا ويآكم خير عاد باقيلي سنة على التخرج .. بس أتوقع أغير مجال عملي ;)
:

9
ما نوع لابتوبك ..؟ <<<< بلشنا بالاسئلة الغبية خخخخخ
TOSHIBA :a37:
:

10
ما هو الوقت المفضل لديك للاتصال بالانترنت ( يعني متى تحب تشبك)
وكم ساعة تقضيها باانترنت ...؟؟
في كل مكان وزمان :) بس الصفاء الذهني أتوقع الظهر وآخر الليل 6t
:

11
هل لديك ابناء ..؟
نعم ولله الحمد .. عندي بنتين .. الله يصلحهم ويبارك فيهم ويرزقنا ويآكم الذريه الصالحه .. :a36:
:

12
ابيك اتكلم عن سيارة (كرايزلر c300) ..؟
وييييييييي خبرك عتيج :p
:

13
شنو اكلتك المفضلة ..؟
ههههههههه يالبطيني ؛؛؛ انا ما تفرق عندي بس يمكن .. اللازانيا :essen:
:

14
شنو شرابك المفضل ..؟
موكا فرابتشينو :a37:
:

15
شنو شعورك بخروج برشلونة من بطولة ابطال اوربا 2010 ..؟
z10 كسّر راسهم الإنتر http://img580.imageshack.us/img580/5051/imim.gif
:

16
ماذا يعنيلك اللون الأخضر ..:)..؟
أكبر من الأزرق :p
:

17
من الاعضاء او الادارين الي تعرفهم خارج المنتدى واذكر لنا اسمائهم ..؟
والله اخاف أذكر أحد وأنسى أحد .. تعرف ربكة الكامره a25
:

18
شنو تحب اكثر البحر ام البر ..؟ مع ذكر السبب ..؟
أكيد البر ... لأني من الناس اللي يعانون من دوآر البحر http://img691.imageshack.us/img691/2290/stretchert.gif

:

مو كني قزرتها بالاسئلة خخخخخخخخ
على العموم اسئلة كثيرة طرت على بالي بس حبيت اعطيك مجال اتحل
و اعطي مجال للاعضاء
إستمتعت في أسئلتك المميزه .. وأبرك الساعات تواجدك .. :a36:
:
واتمنى لك التوفيق يا ابو عبدالرحمن :21t:
أجمعين :a27:

ابوعبدالرحمـن

30-04-2010, 05:06 AM

السلام عليكم ورحمة الله وبركاته
وعليكم السلام ورحمة الله وبركاته :)

وبسم الله الرحمن الرحيم

ابوعبدالرحمن :) يامرحبا يامرحبا
والبقا والبقا :)

1 - وشرايك باقسام الشعر <<< الشعر النبطي - المحاوره - بوح المشاعر >> ملاحظاتك وماتحتاجله ؟؟؟؟؟
للأمانه .. أشوفها تحتاج لـ (مشرفين شعراء) وتحتاج تفاعل أكثر من الأعضاء
لأن قلة الردود تحبط الشعرآء http://img717.imageshack.us/img717/3667/21601638.gif

2 - من يعجبك من الشعراء الحالين وشعراء الماضي ؟؟
الشعراء الحاليين ( سعد بن جدلآن - سلطان بن وسآم )
شعراء الماضي ( راكان بن حثلين - تركي بن حميد - القاضي ) رحمهم الله

3 - هل انت شاعر ؟؟ وهل لك تجربه ومخفيها ؟؟ او لك تجربه وبسبها ملت للنقد والمتابعه ؟؟؟
والله انا اكتب .. بس بما إني مسجل بإسم غير صريح نسبياً .. فضلت عدم نشرها على النت لحفظ حقوقي الأدبيه tty6

4 - لو اصبحت رئيس المنتدى ليوم واحد :a27: ماهي اول ثلاث قرارات راح تطبقها على طووول ؟؟؟
أول قرار أسقط القرووووض >> شكووو D:
والله للأمانه اشوف المنتدى ممتاز و تفاعل الأعضاء فيه طيب ما شاء الله
وما يحتاج أي إضافات :a37:

وســـــــــــــــلامتك واعفااااااااااااااااااااااك يالقرم وتشرفت بالمشااااااااااركه باضاءتك الطيبه
يا مرحبا والله :)
وأستمتعت في مداخلتك ولا تحرمنا من مرورك مره أخرى :a27:

ابوعبدالرحمـن

30-04-2010, 05:11 AM

ودي اكمل اسئله بس مستحي a25

تواجد رائع يا بوعبدالرحمن

كمل كمل http://img526.imageshack.us/img526/3792/29395345.gif

لآهنت على المتابعه يا بو محمد

وفي إنتظار مداخلآتك الحلوه :a37:

ابوعبدالرحمـن

30-04-2010, 05:13 AM

يا بو عبدالرحمن لحد يبطي علينا
:
ما ابي اصبح الا القاك مجاوب :)

شرايك فيني :) والله سهرت عشان أرد http://img97.imageshack.us/img97/1592/95525648.gif

بندر العجمي

30-04-2010, 05:29 AM

ابوعبدالرحمن

ارنا شي من ابداعات الشعريه في النظم والمحاوره ونريد اكثر من قصيده ؟؟؟ :)

<===== اصبحنا واصبح الملك لله

عبدالله بن شيبان

30-04-2010, 02:20 PM

اشكرك يا بو عبدالرحمن على اجاباتك الدبلماسية خخخخخخخخخ
:
انزين طرا على بالي سؤال..؟؟

نسمع هذي الايام عن الخصخصة شنو رآيك بالخصخصة..؟؟

وافي بن وافي

30-04-2010, 08:33 PM

سمو^المشاعر

30-04-2010, 08:50 PM

الغروب

30-04-2010, 10:04 PM

حطيتوا الموضوع ولاعلمتوني وانا انطره من زمان :(

عالعموم استمتعت بالاجابات والاسئلة الحلوه:a37:

ودي اسأل بس اللي قبلي ماخلوا شي الله يحفظهم

بوعبدالرحمن .. قواك الله

ولاهنتي الغروب أحسنتِ الاختيار

سمو^المشاعر

مرحبا بك

نور الموضوع بزيارتك

وهذا اللي مايسير كل يوم علينا تفوته المفاجأت :)

نورتي

ابوعبدالرحمـن

01-05-2010, 02:21 AM

ابوعبدالرحمن

ارنا شي من ابداعات الشعريه في النظم والمحاوره ونريد اكثر من قصيده ؟؟؟ :)

<===== اصبحنا واصبح الملك لله

مرحبا والله ومسهلآ يالغالي :a27:

وطلباتك على العين والراس http://img202.imageshack.us/img202/9002/76020966.gif

وهاذي طال عمرك قصيده رد على ولدي اللي انا خاله :)

قبل 4 سنوات تقريباً وكان عاده فالمدرسه وعمره 16 سنه :)

أرسل علي مسج يشتكي فيه ويتوجّد a13 في خمس ابيات بعضها فوق بعض D:

وأذكر فيها بيت يقول:

يا خال انا راسي على الدوم عالي = لكن هموم القلب خلّت الراس شيبهa13

ورديت عليه بهالأبيات المتواضعه وإن شالله تحوز على رضآكم :

يفزّ القلب لامنه وصلنا الخط من غالي = كما فز الوحش يوم أكمل الصقّآر تدريبه
هلا بنسل الرجال اللي لهم فالطيب مدهالي = هلا يامرحبا بك يا ولـدنا اللي نماريبه
هلا باللي عريبٍ ساسه إمن العم والخالي = هلا باللي جدوده كاسبين المدح والهيبه
توكلنا على جزل العـطايا الواحد الوالي = نبي ننصـح ولدنا لجل ما تاتي به العيبه
يا (سالم) إستمع مني وحط العلم فالبالي = ترى الأيـــــام عجلاتٍ بلا شك وبلا ريبه
صلاة الخمس فالمسجد تراها خير الأعمالي = وبر الوالدين امرٍ شفيع الخلـق موصي به
وصبرك فالشدايد وإعرف ان اللي صبر نالي = وأمر إبن آدمٍ لله ومايكتب له يصيبه
ولا تشكي سوى لله لامن الزمن مالي = ترى الشكوى لغير الله مذلّه واكبر مصيبه
وبوصي فإبن عمك لا خطا والصاحب الغالي = عليك بدمح زلتهـم وفعل الخير تحري به
تراهم محزمك فالضيـق لامن حدك اللالي = بعضهم لو تبي النجم المعلق فالسما يجيبه
وحق الجار بوصي به فلا تجزاه الإهمالي = ترى الممدوح من كمّل قصيـره في مواجيبه
وضيفك لا لفى يقلط على دله وفنجالي = وترى اللي ما يوفّي في حقـوق الضيف مالي به
ولا تسمع ردي النفس راعي القيل والقالي = ولا تامن ولو زين لسانه في اساليبه
ولا تهمل دروسك وإعرف إن المال زوّالي = وترى من غير علمٍ ما يزيـد المال تحسيبه
ولا تتبع هوى نفسك ولا تغريـك الأزوالي = ترى نفس الفتى تامر على روحه بتعذيبه
نصحتك طامعٍ لا قالوا اسمك ما يجي التالي = ابيك تكون الاول فالرجال وكلّن وطيبه
وصلاة الله عـدد ما هل وبل الخير همّالي = على الصادق محمد مرسله للناس يهديبه

وسلآمتك وعفاك http://img8.imageshack.us/img8/6608/blushingd.gif

بندر العجمي

01-05-2010, 02:40 AM

ياسلاااااااااااام

صح الله لسانك وبيض الله وجهك ووجه من سوى اللقاء وعرفنا بمواهبك المتعدده والله لايشينك

وسلامتك واعفاك :)

ابوعبدالرحمـن

01-05-2010, 02:43 AM

اشكرك يا بو عبدالرحمن على اجاباتك الدبلماسية خخخخخخخخخ
ولو :) الشكر لله ثم لك على الإهتمام والمتابعه .. :a36:
:
انزين طرا على بالي سؤال..؟؟
إسلم إسلم .. أسئلتك غير شكل يا عبدالله D:
نسمع هذي الايام عن الخصخصة شنو رآيك بالخصخصة..؟؟
معارض جدآ .http://img11.imageshack.us/img11/2008/11140006.gif. يعني لو فعلآ يطبق القانون هذا بيصيرون عيالنا موظفين عند التجار اللي ماكلين الخضر واليابس فالبلد :a10:
لكن .. نتفائل إن شالله .. وإن شالله هناك عقلاء ومخلصين من اصحاب القرار ماراح يرضيهم بيع الكويت للتجار ..

هادي بن فهاد

01-05-2010, 02:54 AM

الله الله

ونعم ونعم والله كفوووو بالسنافي

صح السانك

ابوعبدالرحمن

ابوعبدالرحمـن

01-05-2010, 03:03 AM

السلام عليكم ورحمة الله وبركاته

الاخت القديره والجديره بالاحترام

الغروب

شكرا جزيلا لجهودك الموفقه

الاخ العزيز الغالي / ابو عبدالرحمن

اهلا وسهلا ومرحبا

لقد تابعت هذا الحوار بشغف واهتمام

لآهميه الضيف والمضيفين

والنتيجه ان الاجابات جاءت وكأني قد اتفقت
معك على المضمون والصيغه لأغلبها

فماذا تعتقد ان يكون السبب
هل لانك قريب الى القلب رغم بعد
المسافه وقرب امد التعارف ام هناك اسباب اخرى
كأن تكون انت كتابا مفتوحا ام انا ذو فراسه
او الاجابات بديهيه ام ماذا

تقبل تحياتي وتقديري

وعليكم السلام ورحمة الله وبركاته

الله يبقيك ويجزاك خير على هالمقدمه الطيبه والإطراء الراقي .. :a36:

وأعتقد أن سبب توافق إجاباتي مع ذائقتك هو رقي المحاورين من الإخوان والأخوات وجمال أسئلتهم وردودهم
وللأمانه .. حاولت قدر المستطاع ان تكون إجاباتي بديهيه وبدون تكلّف .. وإن شالله إني أكون وفقت في الردود http://img8.imageshack.us/img8/6608/blushingd.gif

وتقبل من اخيك فائق التقدير والإحترام وجزيل الشكر والإمتنان على الإطراء الغالي على نفسي

http://img193.imageshack.us/img193/1535/57509211.gif

ابوعبدالرحمـن

01-05-2010, 03:20 AM

هادي بن فهاد

01-05-2010, 03:22 AM

ههههههههههههه

ابو عبدالرحمن

مافيك حيله

ابوعبدالرحمـن

01-05-2010, 03:24 AM

ياسلاااااااااااام

صح الله لسانك وبيض الله وجهك ووجه من سوى اللقاء وعرفنا بمواهبك المتعدده والله لايشينك

وسلامتك واعفاك :)

صح بدنك يالغالي http://img717.imageshack.us/img717/3667/21601638.gif

ولآهنت على المرور العذب والمتابعه

z17

ابوعبدالرحمـن

01-05-2010, 03:53 AM

الله الله

ونعم ونعم والله كفوووو بالسنافي

صح السانك

ابوعبدالرحمن

ههههههههههههه

ابو عبدالرحمن

مافيك حيله

صح بدنك يا بو فهاد :)

وما عليك زود الله يرفع قدرك يالغالي

وبيض الله وجهك على المتابعه :a27:

الغروب

01-05-2010, 02:35 PM

رديت عليه بهالأبيات المتواضعه وإن شالله تحوز على رضآكم :[/COLOR]

يفزّ القلب لامنه وصلنا الخط من غالي = كما فز الوحش يوم أكمل الصقّآر تدريبه
هلا بنسل الرجال اللي لهم فالطيب مدهالي = هلا يامرحبا بك يا ولـدنا اللي نماريبه
هلا باللي عريبٍ ساسه إمن العم والخالي = هلا باللي جدوده كاسبين المدح والهيبه
توكلنا على جزل العـطايا الواحد الوالي = نبي ننصـح ولدنا لجل ما تاتي به العيبه
يا (سالم) إستمع مني وحط العلم فالبالي = ترى الأيـــــام عجلاتٍ بلا شك وبلا ريبه
صلاة الخمس فالمسجد تراها خير الأعمالي = وبر الوالدين امرٍ شفيع الخلـق موصي به
وصبرك فالشدايد وإعرف ان اللي صبر نالي = وأمر إبن آدمٍ لله ومايكتب له يصيبه
ولا تشكي سوى لله لامن الزمن مالي = ترى الشكوى لغير الله مذلّه واكبر مصيبه
وبوصي فإبن عمك لا خطا والصاحب الغالي = عليك بدمح زلتهـم وفعل الخير تحري به
تراهم محزمك فالضيـق لامن حدك اللالي = بعضهم لو تبي النجم المعلق فالسما يجيبه
وحق الجار بوصي به فلا تجزاه الإهمالي = ترى الممدوح من كمّل قصيـره في مواجيبه
وضيفك لا لفى يقلط على دله وفنجالي = وترى اللي ما يوفّي في حقـوق الضيف مالي به
ولا تسمع ردي النفس راعي القيل والقالي = ولا تامن ولو زين لسانه في اساليبه
ولا تهمل دروسك وإعرف إن المال زوّالي = وترى من غير علمٍ ما يزيـد المال تحسيبه
ولا تتبع هوى نفسك ولا تغريـك الأزوالي = ترى نفس الفتى تامر على روحه بتعذيبه
نصحتك طامعٍ لا قالوا اسمك ما يجي التالي = ابيك تكون الاول فالرجال وكلّن وطيبه
وصلاة الله عـدد ما هل وبل الخير همّالي = على الصادق محمد مرسله للناس يهديبه

ماشاء الله مبدع يابوعبدالرحمن

صح لسانك ودام ابداعك.

shmoo5_ al_ajmy

01-05-2010, 03:37 PM

عوده D:

اجابات جد رائعه من شخص متميز

ناويه علي نيه a25

1_ موقف مضحك مر عليك ؟

2_ شخصيه في المجالس قريبه من شخصيتك ؟

3_ما نسبة المجاملة في حياتك ؟

4_لورجعت السنين لوراء شو السنة اللي بتتمنى تمسحها من حياتك ؟

5_ هل سبق ان قدمت اعتذار لشخص أصغر منك واذا كان كم عمره ؟

6_ هل رسبت في دراستك ؟ واذا كان أي سنة؟؟

كافي ولي عوده << راعيه طويله ;)

جد اسعدتنااا بتواجدك العطر

1bh1

عبدالله بن شيبان

01-05-2010, 04:29 PM

لا يوقف لا يوقف لا يوقف
:
بما انك رجال تهوى الرسم... هل من الممكن ان تورينا احدى رسماتك..؟؟

ابوعبدالرحمـن

01-05-2010, 04:42 PM

ماشاء الله مبدع يابوعبدالرحمن

صح لسانك ودام ابداعك.

صح بدنش http://img202.imageshack.us/img202/9002/76020966.gif

ومشكوره على المتابعه والإطراء

http://img193.imageshack.us/img193/1535/57509211.gif

ابوعبدالرحمـن

01-05-2010, 05:33 PM

عوده D:
مرحبا مرحبا :)

اجابات جد رائعه من شخص متميز
مروركم الرائع http://img8.imageshack.us/img8/6608/blushingd.gif

ناويه علي نيه a25
هههههههههه الله يستر http://img202.imageshack.us/img202/9002/76020966.gif

1_ موقف مضحك مر عليك ؟
D: يا كثرها .. بس لو اكتبها بخلّص عليكم حبر المنتدى a25

2_ شخصيه في المجالس قريبه من شخصيتك ؟
والله ما اقدر احكم .. بس يمكن عبدالله بن شيبان & HADI_KW

3_ما نسبة المجاملة في حياتك ؟
في نظري انه المجامله شرٌ لابد منه http://img11.imageshack.us/img11/2008/11140006.gif

4_لورجعت السنين لوراء شو السنة اللي بتتمنى تمسحها من حياتك ؟
الغزو :cool:

5_ هل سبق ان قدمت اعتذار لشخص أصغر منك واذا كان كم عمره ؟
والله ما اذكر .. بس ما امانع في الإعتذار لأي شخص إذا كنت مخطي في حقه http://img717.imageshack.us/img717/3667/21601638.gif

6_ هل رسبت في دراستك ؟ واذا كان أي سنة؟؟
اي والله .. كنت ادرس بالمعهد التجاري .. وبعد سنه ونص من الدراسه
صارت مشكله بيني وبين دكتور من الطائفة ما غيرها .. وإنفصلت :mm12:

كافي ولي عوده << راعيه طويله ;)
هههههههههه مرحبا مرحبا D:

جد اسعدتنااا بتواجدك العطر 1bh1
من طيبكم ,,, :a27:

&آهــــات الحــــزن&

02-05-2010, 05:05 PM

ثامر الشميعان

02-05-2010, 08:59 PM

والله مدري شسألك يابو عبدالرحمن
الاخوان ما قصروو معك في الاسئلهD:
ردودك على الاسئله رائعه
والله يعطيك العافيه

محمد آل مفرح الضاعني

03-05-2010, 12:19 AM

لاهنت ابوعبدالرحمن

على الردود على أسئله االإخوة والإخوات

واتمنى لك التوفيق والسداد .

ابوعبدالرحمـن

03-05-2010, 12:26 AM

لا يوقف لا يوقف لا يوقف
:
بما انك رجال تهوى الرسم... هل من الممكن ان تورينا احدى رسماتك..؟؟

يا مرحبا والله

والله يا بومحمد ما اوعدك لكن أبشر والله بحاول .. إذا لقيت سكنر بكره أحملها على الجهاز tty6

ابوعبدالرحمـن

03-05-2010, 12:47 AM

عضو تميز بحضوره المميز
نشيط خلوق وقلبه يتسع للكل
ما شفنا منه االا كل خير..
مسؤول واستحق ان يكون مراقب
وتركت بصمته بين جوانب منتدانا

.. هذا الموضوع ..
للكشف عن الجانب الذي لا نعرفه
عن ضيفنا الذي إستحق بجدارة
بأن يكون ضيفتناا
في اضاءات المجالس

حيااااك الله اخـــوي ابـــو عــبدالـــرحمن
وكـــل الــشكر للأخت الغروب على الاشتضافة الرائعه
تسلمين تسلمين http://img8.imageshack.us/img8/6608/blushingd.gif ومشكوره على المقدمه الطيبه .. :a36:

اســمح لــي بالاهســئله والله يعينك علينا عاد:a28:
تفضلي .. الله يستر D:

1_شئ تتمنى تحقيقه وقدرت تحققه..؟
قررت أستكمل دراستي الجامعيه بعد 9 سنوات من التوقف :)

2-شخص ماترفض له طلب.؟
http://img11.imageshack.us/img11/2008/11140006.gif ما اعرف والله ارفض طلب احد .. !!

3_ مكان تحبه اكثر من كل مكان.؟
مكه الله يشرفها :rolleyes:

4_ دولة تحب دوم تسافر لها.؟
والله كثيره بس السعوديه فالدرجه الأولى أكيد Soudi

5_ اصعب موقف مريت فيه.؟
وفاة الوالد الله يسكنه الجنه وكل مسلم

6_ بيت شعر قريب من قلبك.؟

يعطي العطا من كان ضاري بالعطا = ويمنّ العطا من كان خاله لآش
من لا يعرّب منسبه قبل منشبه = راحت عليه المقبلات بلآش

7_ شرايك بأسالة الاعضاء لك..؟
والله الأسئله راقيه وإستمتعت فيها .. وكانت التجربه ممتعه أكثر من ماكنت متوقع :a37:

ابوعبدالرحمـن

03-05-2010, 12:49 AM

والله مدري شسألك يابو عبدالرحمن
الاخوان ما قصروو معك في الاسئلهD:
ردودك على الاسئله رائعه
والله يعطيك العافيه

مرورك شرف يالغالي

وأشكرك جزيل الشكر على المتابعه

http://img193.imageshack.us/img193/1535/57509211.gif

ابوعبدالرحمـن

03-05-2010, 12:51 AM

لاهنت ابوعبدالرحمن

على الردود على أسئله االإخوة والإخوات

واتمنى لك التوفيق والسداد .

ولا انت يا بومنصور

وشرفتنا في مرورك الغالي

وأشكرك جزيل الشكر على المتابعه

http://img193.imageshack.us/img193/1535/57509211.gif

ابوعبدالرحمـن

03-05-2010, 11:00 PM

السلام عليكم ورحمة الله وبركاته

كل الشكر والتقدير للفاضله / الغروب على الإستضافه والمتابعه .. :a36:

والشكر موصول لجميع المشاركين في الموضوع سواء بطرح الأسئله أو المرور .. :a36:

http://img69.imageshack.us/img69/844/59587359.gif

وتقبلوا فائق التقدير

:a27:

الغروب

04-05-2010, 12:18 AM

ومضى الاسبوع سريعا ...

العزيز والكريم

ابوعبدالرحمن

اسبوع اقل مايقال عنه أنه اعطى اجمل الصور عن الألفه والالتحام

راقي الخُلق وكريم الحضور وصدق الحديث ... إضافة الى ماكشفته روح المصداقية

فكانت المفاجأة فتعرفنا على جوانب اخرى لـ ابوعبدالرحمن لم نكن نعلمها وهذا مما تفخر به

مجالس قبيلة العجمان الرسمي

القدير ابوعبدالرحمن

كما بدأنا الحديث بالترحيب فاننا وباسم جميع اخوانك واخواتك اعضاء مجالس قبيلة العجمان

فاننا نقدم لك من الشكر اجزله ومن التقديراوفره فاسمح لنا بتقديم اصدق الدعوات لك بالتوفيق والسداد .
:

:

سعدت إضاءات المجالس باستضافتك وهاهي تقلدك طوق من العرفان واكليل من العود والريحان

ونتمنى أن تسعد معنا بمتابعة إضاءات المجالس مع شخصية قادمة .
:

:

:

http://www.alajman.ws/upctr/files/___20.gif