ألغاز أتمنى من الكل يشارك !! حياكم الله ...

[ياليل ما اطولك]

السلام عليكم و رحمة الله و بركاته ..

كيف الحال يا اخواني و اخواتي اتمنى انكم بأحسن حال ..
جايتكم اليوم و عندي لعبة ألغاز انا بكتبهم كلهم مره وحده و انتو بتجاوبون
عليهم كلهم او على اللي تعرفونه و اذا جاوبتو على واحد منهم بينحذف و
ننطر الجواب على اللغز اللي بعده لين تنحل كل الالغاز و اذا ماعرفتوهم
بعطيكم الاجابات كلها في النهايه .. اتمنى الكل يشارك فيها اللي يعرف طبعا
و اللي ما يعرف يحاول و يكفينا بنكسب طلته الحلوه .. و على فكره مصدرهم ماراح اقوله الا لا حليتوهم كلهم :)

السؤال الاول :
أنشدك عن أنثى وهي سيارة
دليلها مع دربها طول الدهر

السؤال الثاني :
و أنثى تسير بغير أرض و لا سما
و مسيرها دبّ الدهر على الظهر

السؤال الثالث :
و أنثى و أربعةٍ لها في حسبه
يا نعم من هي له تكون المتّجر

السؤال الرابع :
و أنشدك عن أنثى توكل حلوة
في بطنها أنثى و في الأنثى ذكر

السؤال الخامس :
أنشدك ما اخوان من بطن و ظهر و لا شك عدوان
التالي أخطا على الاول و شاله من مكانه
يضحك مع الناس ما حسب و لا ثمن و لا كان
يشيل اخوه القديم و لا سكن وزنه و عانه

السؤال السادس :
أنشدك عن أنثى لها ثلاث عيون
تامر و تنهي و مشره بعيونها
يطيعها العقال و اللي يعرفون
و اللي عصى لازم يشوف حزونها
اخر وااحد هذاا ســـــــــهــــــــــل و ما اعتقد محد يعرفها ؟؟؟!!!!
:)

أتمنى المشاركه لاهنتو ...

[ياليل ما اطولك]

افا يا ذا العلم عشرررره داخلين الموضوع و لا واحد راد و لا مجاوب ليش ؟؟؟؟؟؟؟؟؟؟؟؟

[فواز بن محمد]

السؤال الاخير اشارة المرور :) الباقي لاحقين ان شاءالله :)

[عبدالله الوعيلي]

يا ليل مطووولك :)

شووفي اختى انا ما عرفت الا السؤال السادس
اللي سبقني فواز عليهااا
حتى حل الالغاز نااشب لي عليها يا فواز ما عليه ما عليه نفدا خشمك يا فوازووه :):)

في انتظار الهوامير اللي يحلوون آلغازش الباقيه يا ليل مطوولش :)

[فزاع]

السؤال الثاني الرسالة
والرابع يمكن الجحه والله أعلم
تسلمين أختي يا ليل ما اطولك على الالغز المحيرة:)

[ياليل ما اطولك]

يالله حيهم .. :)
ايه صح اجابة السؤال السادس : اشارة المرور :)
لاهنت يا فواز و يالله نبي همتك في الباقي ...

حياك الله يا عبدالله شرفتنا كافي انك شاركت و حاولت و اتمنى تحاول في الباقي شوف مني مناك يمكن تعرف شي :)

و على قولتك ننتظر الهوامير اللي يحلون الباقي ... :)

[ياليل ما اطولك]

هلا و مرحبا فزاع ..

للأسف السؤال الثاني مو الرساله :)
اما الرابع انت قربت و راح احسبها صح اهي م والجحه الخوخه :)

[راشد العتل]

السؤال السادس :
أنشدك عن أنثى لها ثلاث عيون
تامر و تنهي و مشره بعيونها
يطيعها العقال و اللي يعرفون
و اللي عصى لازم يشوف حزونها

اشاره المرور

[ياليل ما اطولك]

ابو محمد حياك الله اخوي اجابتك صحيحه بس جاوبوها قبلك ياليت احد يجاوب الباقي ..

اذا استسلمتوووووووووووووو قولولي احط لكم الاجابات :)

[فواز بن محمد]

الأولى النجمه ؟ مدري اتوقع كذا والمعضله انها دليلها مع دربها :)

[ياليل ما اطولك]

هلا فواز .. انت قربت من الاجابه قلت النجمه و اهي الشمس و بحسبها صح :)

ذيك العيون المبصرات بشوفها
(( الشمس )) بالممشى يتاليها القمر

[فواز بن محمد]

بخبري من مادة العلوم ان الشمس نجم كبير :) ولذلك انتظر الجائزة :) الحمدالله الي اللهمنا نعمة البصيرة في هذا الموضوع :)

[ياليل ما اطولك]

الف مبرووك اخوي فواز و تستاهل كل خير :) علمك ما ضاع هدر و يالله هالله هالله بالباقي :)

[فواز بن محمد]

الخامس اتوقع الليل والنهار او الأيام ؟ او شي له شغل بالوقت ؟

[ياليل ما اطولك]

لا اجابتك خطأ الاجابه اهي الاسنان اللبنيه :)

[فواز بن محمد]

خيرها بغيرها :) عزالله لو هاذي اسئلة برنامج من سيربح المليون محد ربحه :)

[ياليل ما اطولك]

:) ان شاءالله خيرها بغيرها فواز ... يالله شدو حيلكم في الباقي :) اذا تبون مساعده ترى
موجوده اسألوويعني اقرب لكم الشي ...

[فهد بن محسن]

ياليل ما طولك

تحياتي لك

ولاهنتي على هذه المشاركه الجميله

والف الف شكر

[ياليل ما اطولك]

العفووو حياك الله اخوي :)

[فواز بن محمد]

الثاني هل هو السحابه ؟

[AL_DANA]

السؤال الثالث :
و أنثى و أربعةٍ لها في حسبه
يا نعم من هي له تكون المتّجر


الجواب :

الكعبة !!

[ياليل ما اطولك]

اخوي فواز قلت السحابه و السؤال يقول انها ما تمشي لا في سما و لا ارض :) << شبقى مافي غيره مكان ثالث يمشون فيه :) قربت لكم حاولووووو شوي ...

الدانه .. هلا و غلا اختي منووره حبيبتي :) صــــــــــح جبتيها اجابة السؤال الثالث الكعبه :) الف شكر لك ..

[فواز بن محمد]

السفينة ؟

[العود الازرق]

ليل مشكوووره على الموووضوع الممتع بس لو توووضحين كل بعد اجااابه شنو باااقي من اللغاااز يكووون افضل
تقبلي تحياااتي

[ياليل ما اطولك]

فواز ... ايوووووه صــــــــــــــــــــح مشاءالله عليك الاجابه الصحيحه اهي السفينه للسؤال الثاني :)

هلا اخوي العود الازرق حياك الله ان شاءالله بوضح شنو اللي باقي ..

[ياليل ما اطولك]

هذي كل الاسئله مع الاجوبه و الفائز معانا اهو الاخ فواز بن محمد :)
جزاكم الله الف خير كل من شارك معانا و شاكره لكم مروركم ...


السؤال الاول :
أنشدك عن أنثى وهي سيارة
دليلها مع دربها طول الدهر

الجواب:
ذيك العيون المبصرات بشوفها
(( الشمس )) بالممشى يتاليها القمر
السؤال الثاني :
و أنثى تسير بغير أرض و لا سما
و مسيرها دبّ الدهر على الظهر

الجواب:
هذيك في البحر العميق (( سفينه ))
دليلها دايم مقره بالتفر


السؤال الثالث :
و أنثى و أربعةٍ لها في حسبه
يا نعم من هي له تكون المتّجر
الجواب:
هذيك هي (( الكعبه )) و ذيك اركانها
ركنين و الركن اليماني و الحجر

السؤال الرابع :
و أنشدك عن أنثى توكل حلوة
في بطنها أنثى و في الأنثى ذكر
الجواب :
هذيك عند اهل القرايا (( خوخه ))
و هي اول الاشجار تفلق بالزهرالسؤال الخامس :
أنشدك ما اخوان من بطن و ظهر و لا شك عدوان
التالي أخطا على الاول و شاله من مكانه
يضحك مع الناس ما حسب و لا ثمن و لا كان
يشيل اخوه القديم و لا سكن وزنه و عانه
الجواب :
الاسنان اللبنيه ..

السؤال السادس :
أنشدك عن أنثى لها ثلاث عيون
تامر و تنهي و مشره بعيونها
يطيعها العقال و اللي يعرفون
و اللي عصى لازم يشوف حزونها
الجواب :
اشارة المرور ..


اتمنى اني كنت خفيفه عليكم .. :) تحياتي ..

[فواز بن محمد]

ولا اخف منك الا مشاركتك بارك الله فيك اختي الكريمة على هالمشاركة الي حركتي فيها عقولنا وجزاك الله عنا خير الجزاء وانا بانتظار جائزتي :)

[فزاع]

هههههههههههههههه
انا شريكك بالجايزه يا فواز انا مجاوب سؤال الخوخة<<<خايف لا يطلع من المولد بلا شعير:)