قصااائد افراح العجمان

[عجمي ومردد]

السلام عليكم ورحمته وبركاااته

اخواني اعضاء ومشرفين مجالس العجمان اولا اشكر جميع القائمين على هاذا المنتدى الجميل واتمنى لهم التوفيق انشالله اما بعد

هناك موضوع في راسي وابيكم تشاركوني فيه الا وهو قصائد الافراح اللذي اشتهرت بهاا قبيلة العجمان وهو مايسمى ( الفرينسي)
ومن من اهتم بهذا الجانب الشاعر حمد العزب بيض الله وجه ولاكن الان قليل منا من يحفض قصيده من قصائد اللعب وانا اود لاوهناااك موضوع يحتوي على قصائد اللعب مثبت للشاااعر والقصائد الذي تغناا بشكل دائم في افراح العجمان فهذاه القصائد تحيي الحفل فأود من من يحفظ شي من هاذي القصائد لايبخل علينااا حتى ولو كانت قديمه فهاذا تراث الاجداد من قبلنا فلابد ان نحتفظ به وهناك قصيده سوف اكتبهاا لكم وهي على ماظن انها لحمد العزب واكرر من يحفظ شي لايبخل علينا.


يالله المطلوب يالوالي= ياكريم الجود سبحانه
لابدينا بزين الامثالي= زان قول الشعر والحانه
هاتو الدله وفنجالي = دلتن باللهيل مليانه
للحضور تصب وتشالي= مرحبا والنفس طربانه
لابتي يامزبن الجالي= مزبنه من دون عدوانه
في نهار الكون عيالي= لاختلط عجه ودخانه
بنت ياللي لبسها غالي= كنها وسط البحر دانه
ضامرً والعود ميالي= والعيون عيون شيهانه
ماتلقت صوب الانذالي= والردي ماشانها شانه
عينها لمعرب الخالي = تقصر الخطوه على شانه


وسلامتكم وعسى ماطولة عليكم واذا موضوعي مهوب في قسمه الاصلي ارجو من المشرفين نقله
تقبلووو تحياااتي واشووواقي

[راكان اليامي]

اررحب يالعجمي ولاهنت ياذيب
وانشاءالله الشباب مايقصرون

[السنافي]

ارحب يالعجمي المردد ولاهنت يالغالي على الموضوع الطيب والفكره الجميله

[عجمي ومردد]

راكاااان الياااامي مرحباً الف الشباب فيهم بركه ولاهم مقصرين
بس انت وش عذرك نبي منك وحده
وشاااكر مرورك

[عجمي ومردد]

السناااااافي تبقااا يابو مرحباااااا ولاهنت على المرور بس وين القصيده عشااان يتحمسووون الشباب
تحياااااتي الحاره

[راشد العتل]

يمناك لاعدمناك

اشكرك على هذه القصيده

[ابو فيصل الخويطري]

ي القصيده كثير ما نلعب عليها

ابو فيصل الخويطري

[عجمي ومردد]

ابو محمد هلأ وسهلأ ولافقدناك يالغالي وشااااكر مروروك


ابوفيصل مرحباااابك يالقرم ولاهنت على المرور

[العود الازرق]

عجمي ومردد موضوووع جميل وانشالله لنا عوده قريباً
ويعطيك الف الف عااافيه

[monamora]

الله يعطيك العافيه اخي الفاضل
تحياتي

[فهد بن محسن]

تسلم يالعجمي ولاهنت يالغالي

تحياتي لك

[العود الازرق]

قربوا المحمـاس والنجـر والدلـه=سو فنجالن على الكيف يا الغالـي
شب ضون تجذب الضيـف وادلـه=تجذب اللي سارين في الخلا الخالي
وسط بيتن مابني في طـرف فلـه=وسط روضن عشبه الواني واشكالي
عند قرمن يذبح الحيـل طبـع لـه=وان لفاه الضيف يبشـر بالقبالـي
مايحسب زايـد المـال مـن قلـه=دون ربعه يبـذل الحالـي والمالـي
ودك ان المدح ياتـي علـى حلـه=مايصير إلا علـى طيب الافعالي
أمدح الطيب وخـل الـردي خلـه=ما تساوى واطـي القـاع والعالـي
بنتي ياللي تنقض الـراس وتفلـه=وأن قـامـت تـعـزل تعـزالـي
تبغـي الطيـب ولا تبغـي العـلـه=تدري أنه لوتميدح علـى الخالـي
جعل ما قلنا بعيـدن عـن الزلـه=والسـلام يعـم شيبانـي وعيالـي

[محمد الشامري]

لاهنت يالعجمي

واستلم ذا القصيده طال عمرك



شاقني نوض براق عرض بالمخيله=شاقني نوض براقه وهيضت مابي

ليت برق سرى يبرق جنوب النخيله=يسقي الدار من همال وبل السحابي

لاح برقه على من يحتمون الدبيله=لاح برقه على العجمان نسل الذيابي

لابتي لابتي مثل الدروع الثقيله=عزها للرفيق وللمعادي ذهابي

لابتي لاغشى الدخان راس الفتيله=راسيه مثل ماترسي عظيم الهضابي

من تحايل علينا مانجيله بحيله=عادة الذيب يقلط فوق روس النوابي

أنشد الوقت عنا والدروب المحيله=وأنشد اللي سبننا شاب وقت الشبابي

وأنشد الخيل عنا والسيوف الصقيله=وأنشد اللي حثينا وسط عينه ترابي

وأنشد اللي خذا بالثار مادار ليله=العهد في ظلام الليل حذف الثيابي

والمليك المسمى يوم فارق خليله=سجت منه والا وقع ضرب الجنابي

والنهايه سلامي عد ماسال سيله=في نبي شفيع الخلق يوم الحسابي

[العنيد]

ارحب يالعجمي المردد ولاهنت يالغالي على الموضوع الطيب والفكره الجميله

[عجمي ومردد]

ابو محسن العود الازرق محمد العنيد مشكووورين على المرووووررر ولاهنتووو على القصيد الزين
تقبلوووو تحياااااااتي
( عمــــيااااان)

[*@(الدبساني)@*]

الله لا يهينك يا ابن العم..
وصح لسان ابو عبدالله ..
وشكراا......................................

[فهد السعيد]

الله لا يهينك يا العجمي على الفكره الرائعه

و فيه قصيده معروفه يلعبونها في الاعرااس و هاك استلمها

يا حسرتي قلت اااااه ويلاه ويلاه

.................. يا اهل الهوى يا شين هجر الصديقي

يا شين هجر الي من الناس تهواه

.................. لصرت ما تفهم لهـجـره طريــقــــي

هجر الحبيب الي على غير معنااااااااااه

.................. عــــــــــلــيــه صدري ليمااا يضيقي

عز الله اني من توالفت ويااااااااااه

.................. حــمــلت قلبي فوق مالا يــطــيقـــــي

عزي لحال من قسى الحب عزااااااااه

.................. عز الله اني منه انا غسلت ايـــــــــــدي

وسلامتكم

و اسمحولنا على القصور

[عجمي ومردد]

فهد السعيد (ابوخالد) لاهنت على كل حاااااال بس ماتصلح الا بالمراااااااويس والعوووود هههههه
مشكووووور يالغالي على النقل الطيب

[مسعطر]

عجمي و مردد ,, لاهنت يا السنافي على الموضوع المشرّف ,,

و جزيل الشكر لجميع الأخوان المشاركين و المارين ,,
هذي قصيدة حديثة للشاعر الكبير ذيب ابن الذيب تغنى فالاعراس ,,






هذي قصيدة لـ ذيب بن راشد بن الذيب ( شاعر الاربعين ) قالها

وهو جاي من السودان ومارين مكة المكرمه فقاولوا ربعه اللي معه

هذي وادي فاطمة ياذيب... فقالهم وادي فاطمة حنا جيناه على سيارت

وجدانا جووه على جيش وسجلوا به تاريخ وعلى راسهم الدامر فقال

هذة القصيدة :


عد ما هبت من النكة هبايب = ياسلامي عد ماهبت هبوبه
جيت قاعٍ قد وطوها بالنجايب = ربعي اللي كل عدٍ شرعوا به
مع صبي لاسرى ماهوب هايب = قبلي العراف قروا واقتدوا به
صافيٍ ذهنه بعيد من الشوايب = قومه اللي عند راسه نجموا به
ربعي اللي تاخذ العليا غصايب = كم وكم ذودٍ من المظما سروا به
ربعي العجمان مقباس الحرايب = كم عقيدٍ من ذلوله حولوا به
لانتخوا باسمي حسينيات الذوايب = من وقع بنحورهم ماقام نوبه
بايعين العمر في سوق الجلايب = لابتي سوٍ على المخطي اعقوبه
تابعينٍ شف حلوات الحلايب = ابلهم من باسهم دوم مهيوبه
فعلهم في ماضي الدنيا عجايب = بالسجلات اكتبوه ودرسوا به
ومن يغط افعالهم ظالم وخايب = غط نوره للفخر ظلمٍ وحوبه
ويوم زانت من فصل جزل الوهايب = ساهموا في نهضة ابلاد العروبه
الجهل ولاّ وردينا حبايب = وللمعالي كل منا لبس ثوبه
قلتها عن لابتي غمرٍ وشايب = واحمدالله هرجتي دوم محسوبه
المهم إنّا عطيبين الضرايب = ومن زعل من مدح ربعي مادروا به


^
^
منقوله من الأخ سعود الخويطري ,,




و جزيل الشكر للجميع ,,
و من عنده قصيد لشلات الاعراس لا يبخل علينا ,,
تقديري و إحترامي ,,

[سعود الخويطري]

بيض الله وجهك يـ عجمي مردد وعز الله انها فكر طيبه



واما مسعطر فسدد دينّك :eek:الله يعافيك تراني كل يوم اتحراك a25


وعندي أضافه لـ قصايد والله العالم أنها لـ الشاعر / حمد العزب :






أنا باديـن بالله ولا باديـن غيـره = عزيز الجلاله راعي المرقب العالي

حضرنا لراعي العرس وهذا لتقديره = عزيزن علينا وكل طيب يجي غالي

علينا معزت طيب الذكر والسيـره = ولاخير فلـي مالـه أول ولاتالـي

نقدر هل المعروف والطيب والغيره = ولانلتفت لراعـي القيـل والقالـي

عسا كل طيب ما تعطل مشاويـره = يوفقه ربـي بيـن لقفـا ولقبالـي

ترى إلي يخلي واجبه يان تقصيره = ولجات عنده مانحطه على البالـي

نقول الرفيق صد ياجعلهـا خيـره = وأن جا تعنـا كـود للـي تعنالـي

عسى الله يدبرنا على خير تدبيـره = يعز البلد واللي لها فـي وضلالـي





-








سلام رديّه علـى منهـو حضـر = على جميـع كبارهـا واصغارهـا
ياللي سرى ليلك على نور القمـر = قصايدك ما قلت ويـش اخبارهـا
يا مقلّط الدلّه علـى جـال الجمـر = عزّ الله انك مـا ظبطـت ابهارهـا
ياللي بغيت العلـم منّـا والخبـر = جتك العلـوم طوالهـا واقصارهـا
حنا ترانـا اللابـه اللـي تفتخـر = عند الخوي والضيف والا جارهـا
اهل القنازع باللقا واهـل الظفـر = لا ثـار بالميـدان عـجّ امهارهـا
مثل السحاب اللي على الوادي حدر = سيله اذا جا القاع شال احجارهـا
يوم الفشق كنّه مثل وبـل المطـر= من مزنةٍ ترعـد وتقـدح نارهـا
كم شيخ قومٍ قد نواهـم وانكسـر = خِلّي نهار الكون وسـط اغبارهـا
لعيون من غطّت نحرهـا بالشعـر = من زينهـا مـا هدّهـا حجّارهـا
وان طوّحت بالصوت ياطون الخطر = لا حنّت الخلفـه وحـنّ احوارهـا
تاريخها يشهد لهـا طـول الدهـر = كلٍ سمع فـي طيبهـا واذكارهـا
هذا قليـلٍ مـن كثيـر ونختصـر= ياللي بغيت علومهـا واشعارها