أبو محمد
23-01-2005, 02:38 PM
السلام عليكم ورحمة الله وبركاته
مخلد القثامي من قبيلة عتيبه فارس مشهور وقصة زواجه بها
من الغرابه والطرافه وقد قال قصيده مادحا ابن رشيد
ليساعده وبالفعل تدخل ابن رشيد ليخلص تلك البنت التي
كان اخوها قد عقد عليها لاحد الاشراف ولم يدخل بها
والتحجير عاده في الزواج الاول اما الثاني فلا حكم لهم عليها.
وقد علم الخطاب بذلك فكثروا الا ان البنت ترفض من يتقدم
لها بانتظار مخلد...واخيرا حضر مخلد وصادف وجوده اثنين من كبار قومه وربما اكثر قيمه منه وغاية الثلاثه هي خطبة البنت وهي لا تريد سوى مخلد
وبعد تقديم العشاء وكثرة الترحيب نادى اخوها:
يا جزعا فيه فلان وفلان ومخلد والكل منهم جاء يخطبك وانتي
لو تنقسمين قسمتك بينهم فاختاري واحد منهم وهم يسمعون
حتى يعذروني و كان الاثنان على العشاء في جهه ومخلد يقابلهما وهو قريب من الذرى والبيت يقابلهم*
وكانت البنت ترى موقف مخلد فقالت من وراء الذرى:
يا سالم(ابناء عمي كلهم غالين وطيبين) وليس لي الا واحد
وهم ليسوا(جلب) اختار منهم واضافت(الادنى بالادنى والتعدي زريه) فذهبت كلاما بين الناس واختارت مخلد بهذه الكلمه...
اما قصيدة مخلد فيقول:
يقول مخلد باد الحيد الاسمر=في مرقب قدم الظعاين منيفي
يا الله واني في رجاك اتصبر=رجوى الديار المسنيه للخريفي
تفرج لعين دمعها حار وامطر=لينه تهشم حجرها بالذريفي
والله لولا العظم يوم اتعمر=اليا كويت العظم عيدي وريفي
ابرد بها عبراتي اللي تكسر=لا شب في قلبي سوات الصريفي
ولولاك يا طحم الدلال المسطر=لاجاوب السرحان واهرف هريفي
اهراف سرحان عوى ليل اقشر=جايع ومطرود وعود معيفي
عليك باللي هرجته كنها الدر=در الصعود ان سجمت بالعطيفي
لا روحت من وادي نبته اخضر=بين الحرابه غادي له حفيفي
وعز الله انه بالهوى جرني جر=جر الرشا فوق المقام المهيفي
وعز الله انه كرني بالهوى كر=كر الظوامي للقليب العزيفي
من لامني جعله تنبا بك الشر=تطيح في دقلة خيول الشريفي
يا لايمي حاديه خفان وعشر=ياخذ سنه غمق صوابه مصيفي
ويا لايمي طاولك في عمرك الشر=تاخذ سنه بين القرايا يضيفي
يا لايمي طاحوا عيالك مجدر=من بعدهم تقعد ضعيف كفيفي
ويا لايمي صادوك صبيان شمر=وجونا بعلمك سابقين النكيفي
يا زين خلي وان مشى بالمشجر=بثويب سبهان خياطه نظيفي
يا مل قلب يجذبه كل ما مر=الدله بالعين وازنف زنيفي
زريف دراج السواني اذا صر=على ثلاث يجذبنه صفيفي
كنه هديب الشام يوم يتدنجر=مدافع تبراه ترزف رزيفي
يبراله عيال على اكوار ضمر=ومطرفين ايمانهم بالرهيفي
واذا مشى له ساعه ثم هو كر=يسعون خدامه لحكم الشريفي
يا ليت خلي يوم قفى تعذر=ما قفى على السفهان كنه معيفي
من يمكم يا الطيبين اتعذر=تدرون راعي الولف قلبه صخيفي
دلا يزايدني بشقر تنثر=ومحاجر للموت فيها رفيفي
في عينه اليمنى سيوف تسطر=وفي عينه اليسرى عساكر شريفي
اشكي على حماسة البن الاشقر=اهل النجور اللي ترازف رزيفي
اشكي على لباسة الجوخ الاحمر=من فوق قب ينقلن الرديفي
واشكي على اللي يم حايل تومر=تكفى يا اخو نوره زبون المخيفي
ان كان اخو نوره لشكواي ما سر=ولا انقطع حبل الرجا من وليفي
اللي حمى في نجد بالسيف الابتر=وما طرت البصره لحد القطيفي
م ن ق و ل
مخلد القثامي من قبيلة عتيبه فارس مشهور وقصة زواجه بها
من الغرابه والطرافه وقد قال قصيده مادحا ابن رشيد
ليساعده وبالفعل تدخل ابن رشيد ليخلص تلك البنت التي
كان اخوها قد عقد عليها لاحد الاشراف ولم يدخل بها
والتحجير عاده في الزواج الاول اما الثاني فلا حكم لهم عليها.
وقد علم الخطاب بذلك فكثروا الا ان البنت ترفض من يتقدم
لها بانتظار مخلد...واخيرا حضر مخلد وصادف وجوده اثنين من كبار قومه وربما اكثر قيمه منه وغاية الثلاثه هي خطبة البنت وهي لا تريد سوى مخلد
وبعد تقديم العشاء وكثرة الترحيب نادى اخوها:
يا جزعا فيه فلان وفلان ومخلد والكل منهم جاء يخطبك وانتي
لو تنقسمين قسمتك بينهم فاختاري واحد منهم وهم يسمعون
حتى يعذروني و كان الاثنان على العشاء في جهه ومخلد يقابلهما وهو قريب من الذرى والبيت يقابلهم*
وكانت البنت ترى موقف مخلد فقالت من وراء الذرى:
يا سالم(ابناء عمي كلهم غالين وطيبين) وليس لي الا واحد
وهم ليسوا(جلب) اختار منهم واضافت(الادنى بالادنى والتعدي زريه) فذهبت كلاما بين الناس واختارت مخلد بهذه الكلمه...
اما قصيدة مخلد فيقول:
يقول مخلد باد الحيد الاسمر=في مرقب قدم الظعاين منيفي
يا الله واني في رجاك اتصبر=رجوى الديار المسنيه للخريفي
تفرج لعين دمعها حار وامطر=لينه تهشم حجرها بالذريفي
والله لولا العظم يوم اتعمر=اليا كويت العظم عيدي وريفي
ابرد بها عبراتي اللي تكسر=لا شب في قلبي سوات الصريفي
ولولاك يا طحم الدلال المسطر=لاجاوب السرحان واهرف هريفي
اهراف سرحان عوى ليل اقشر=جايع ومطرود وعود معيفي
عليك باللي هرجته كنها الدر=در الصعود ان سجمت بالعطيفي
لا روحت من وادي نبته اخضر=بين الحرابه غادي له حفيفي
وعز الله انه بالهوى جرني جر=جر الرشا فوق المقام المهيفي
وعز الله انه كرني بالهوى كر=كر الظوامي للقليب العزيفي
من لامني جعله تنبا بك الشر=تطيح في دقلة خيول الشريفي
يا لايمي حاديه خفان وعشر=ياخذ سنه غمق صوابه مصيفي
ويا لايمي طاولك في عمرك الشر=تاخذ سنه بين القرايا يضيفي
يا لايمي طاحوا عيالك مجدر=من بعدهم تقعد ضعيف كفيفي
ويا لايمي صادوك صبيان شمر=وجونا بعلمك سابقين النكيفي
يا زين خلي وان مشى بالمشجر=بثويب سبهان خياطه نظيفي
يا مل قلب يجذبه كل ما مر=الدله بالعين وازنف زنيفي
زريف دراج السواني اذا صر=على ثلاث يجذبنه صفيفي
كنه هديب الشام يوم يتدنجر=مدافع تبراه ترزف رزيفي
يبراله عيال على اكوار ضمر=ومطرفين ايمانهم بالرهيفي
واذا مشى له ساعه ثم هو كر=يسعون خدامه لحكم الشريفي
يا ليت خلي يوم قفى تعذر=ما قفى على السفهان كنه معيفي
من يمكم يا الطيبين اتعذر=تدرون راعي الولف قلبه صخيفي
دلا يزايدني بشقر تنثر=ومحاجر للموت فيها رفيفي
في عينه اليمنى سيوف تسطر=وفي عينه اليسرى عساكر شريفي
اشكي على حماسة البن الاشقر=اهل النجور اللي ترازف رزيفي
اشكي على لباسة الجوخ الاحمر=من فوق قب ينقلن الرديفي
واشكي على اللي يم حايل تومر=تكفى يا اخو نوره زبون المخيفي
ان كان اخو نوره لشكواي ما سر=ولا انقطع حبل الرجا من وليفي
اللي حمى في نجد بالسيف الابتر=وما طرت البصره لحد القطيفي
م ن ق و ل