زفة عريس سعودي على حمار/صور

[راكان اليامي]

شاب سعودي ( عريس ) يخترق العادات والتقاليد

ويعود للماضي بشجاعة



في ظاهرة تجديد العودة إلى الماضي والتراث ... قام أحد الأشخاص في يوم زواجه بمنطقة الأحساء شرق السعودية ، في ظاهرة غريبة بالنسبة لهذه الأيام .. وهي زفافه على (حمار "قاري") من مزرعته في نخيل الأحساء .. إلى منطقة المبرز حي سكنه
وقد أستمرت المسيرة أكثر من ساعة .. اجتمع فيها العريس مع أقرباءه وأصدقاءه فوق "القاري" والبعض يتمشى مشياً وآخرين بسيارتهم وقد تم تزيين "القاري" بزينه ، مثل ماكان الآخرين يزينون سياراتهم في زفافهم

وكل من رأى هذه المسيرة والحالة الغريبة من المارة ، توقف ليلتحق بهم ، والبعض بدأ يصور ، وحتى النساء الذين شاهدوا هذه المسيرة .. بدأُ بالتقاط الصور عبر الجوال

وهذه الأيام بدأ الشباب يحاولون إظهار شي جديد في زواجهم ، وهذه من الظواهر التجديديه وإحياء ماكان عليه الآباء والأجداد في الماضي


وإليكم بعض الصور من تصوير

http://www.alajman.ws/vb/uploaded/0220.jpg

http://www.alajman.ws/vb/uploaded/0880.jpg

http://www.alajman.ws/vb/uploaded/0660.jpg

[فواز بن محمد]

لو انا ابو العروس رميته هو وحماره اكرمكم الله :) ماهكذا تعاد العادات والتقاليد بل استهزاء بالأمر وهذا أمر بدئنا نشاهده في حفلات الزواج الأخيرة من بعض ( الطلعات ) التي يقوم بها البعض في زيجاتهم بغرض لفت الإنتباه وهو أمر خاطئ نتمنى زواله فالزواج له مكانته وله تقديره الخاص والذي يجب على الجميع احترامه ولك خالص الشكر عالموضوع اخي راكان

[راكان اليامي]

هلا وغلا يابو محمد وصدقت والله بعضهم يسوي الاشياءهذي يبي يلفت النظر فقط لاغير

[saad]

هذا حمار ماخذ حماره وهذولا من اهل الحسا ولاهنث

[راكان اليامي]

اررحب ياسعد وولاانت

[عبدالله الوعيلي]

الله يعطيك العافيه يا ابو سالم لاهنت
لكن كان اجدر بصااحب الرد الثالث على هذا الخبر ان يكون رااقي في رده
بغض النظر عن غرابة الموقف او الموضوع حبذا لو استخدم الفاظ راقيه تعكس رقي منتدانا واعضاءه الكرام
ولكن اعتقد ان البعض بحاجه ماســـــه لثقافة الردود

[راكان اليامي]

هلا وغلا يابو حزام وتسلم على الرد يالغالي

[أبو سالم الحبيشي]

الله لا يهينك يا اليامي

و هذا ماهي بعادات ابانا ولا جدانا يعرسوون على حمير هذا شيء للفت النظر يفقط لا غير

[راكان اليامي]

هلا والله يابو سالم وصدقت يالغالي

[ابو فيصل الخويطري]

راكان اليامي لاهنت لاهنت على الموضوع والصوره

ابو فيصل الخويطري

[ابو العباس]

لا هنت يا راكان على الموضوع

والحساوي والله مايخلي الحمار عزكم الله بس انا مستغرب ان الحمار ماهوب شهري ومحنينه

والقاري رمز ترااثي للحساويه (القاري للي مايعرفه عربانة الحمار الله يكرمك)

والله ماتستنكره طالع من العيون عقب صلاة الفجر ومتوجه لسوق الخضره اللي شرقي القيصريه جالب بصل وليمون حساوي (ليمون يكون لون اخضر و صغير )

بس فيه الخير ذا المعرس اللي ماتنكر ماضيه وحافظ الجميل للشهري والقاري

[فلاح بن ملبز]

لاهنت يا راكان على الصور

وجزاك الله الف خير

[راكان اليامي]

هلا وغلا يابو فيصل وتسلم على الرد يالغالي

[راكان اليامي]

هلا وغلا يابو العباس وصدقت ابو طبيع مايغير طبعه

[راكان اليامي]

هلا وغلا يابن ملبز واشكرك جزيل الشكر على الرد

[سهـــام]

صج لي قالوا

(( كلن بعقله راضي ))

لاهنت ياراكان على الموضوع ** الغريب **

[علي العرام]

هههههههههههه غريبه ما لبس بدله ولو ان ذي الدناديش اللي على الحمار عليه ابرك اكرمكم الله

تحياتي لك يا ركااان ولا هنت على الموضوع

[راكان اليامي]

هلا وغلا ياسهام وصدقتي والله ههههه

[راكان اليامي]

هلا وغلا يامن هنا وصدقت والله يالغالي ههههه

[أبوناصر]

لاهنتو
شوفو اللي يزفونه وتعرفون السالفة انهم خمة مايعرفون السلوم
ولا واحد لابس الغترة والدشداشة

[saad]

الوعيلى ضع شده على حرف الميم ولاثفهم غلط واهل مكه ادرى بشعابها ياولد وعال

[راكان اليامي]

اررحب يابو ناصر وتسلم على الرد وصح لسانك

[أبو ناصر]

لاهنت يابو سالم على نق ل هذه الصور

بس ودي اسأل :

اللي مع المعرس هم فريق كوره ولا قيدهم ربعه؟؟ههههههههههههههههه

[راكان اليامي]

ارحب ياسمو الامير ياخوي الضاهر ذولا عيال الحااره شالهم معه هههههه

[صعبة المنال]

هههههه وش هالعرس اللي في النهار

تسلم راكان اليامي

[راكان اليامي]

هلا وغلا ياصعبة المنال لاتشرهين عليهم اذا معهم ذالحمار الله يكرمك