المساعد الشخصي الرقمي

مشاهدة النسخة كاملة : أنت من ربع بن لادن


البركان الثائر
14-08-2005, 07:23 AM
قصيدة عسي تحوز علي رضاكم وهي قصه رجال في الصحراء لحاله لا يجوع ولا يضما ولا يخاف وقلت يمكن أرهابي وأليكم القصه كامله:-

لقيت البارحه رجال حافي=يا ليت النور عن شوفته طافي
مشي والهم في وجهه وعينه=في ثوبه شق ما يرفاه رافي
وقفت وقلت وقف وين رايح=تراك بدرب تسفيه السوافي
ولا حولك ربوع ولا جماعه=ودربك تهلكه ما به سعافي
ولا به من يعالج كل علّه=ولا الهلال الأخضر والمطافي
حياتك لا تضيّعها خساره=تشاف اليوم بعده ما تشافي
لقيتك في فضاء الصحراء لحالك=لا تضّما لا تجوع ولا تخافي
أنابسألك جاؤب في سؤالي=عسي ما بك من الدنياء خلافي
تكلّم قال ما تدري بحالي=أنا من قبل للعربان صافي
أنا صيتي مع الأجواد ذايع=نهار الخيل مع لمع الرهافي
وخيل وجيش وأبطال وسرايا=وسيف(ن)لا مضا جاله أرعافي
وقلت أنت أنت من ربع بن لادن=يطارد في بلاده ما يشافي
تبي تفجّر علامات الحضاره=تري المعبود ما يخفاه خافي
تبسّم قال يا رجّال مخطي=أنا من وقت لهذا الجيل طافي
أنا اللي يذكروني كل ليله=خصوص البدو عدوان الخرافي
مع راكان وبن حميد تركي=وبن هادي وساجر والشرافي
وقام حمود بن رشيد دوني=مع الدوشان قاموا وبن شافي
ومع حاتم وعنتر والهلالي=والبذال مع صقر النصافي
ومع الأخيار من كل القبايل=أنا شعر النبط والقلب صافي
وقلت العذر منّك والسموحه=تراك بخير والحال أمتعافي
حداثه مرّت العالم وولّت=وشعر اليوم ما فيه أختلافي
تجاره في المجلّه والجريده=وما فيها من أنتاج الصحافي
يلمّع له علي الجمهور هاوي=وجمهور الحداثه له هتافي
حداثي الشعر يكتب خواطر=عسي الله من غثاء نظمه يكافي
يسجّل ما طراله من طواري=حثالة بحر يغرفها غرافي
لكنّك شمس عمّ الكون نوره=ومثلك وش نجازيه ونكافي
وشعار النبط في كل ديره=شهود الشعر في بيت العيّافي
مثل بحر(ن)تلاطم فيه موجه=يعرفون السمينه والضعافي
أنا طالبك يا نور الجزيره=ترافقني وما جاء منك كافي
تراثك نفتخر به كل حزّه=حلفت اليوم ما تجلس خلافي
هذا شعر الحداثه لايهمك=هذا وجهي تري الدعوي عوافي
تنادي لك عرب شبه الجزيره=دولّنا الست تنخا كل لافي
أمر من مجلس الشوري والأمه=من بن حميد صالح والخرافي
بقوم الشعر مع قحطان قاموا=ثقيف أهذيل مع ملفي ولافي
سبيع وحرب مع يام وعتيبه=ظفير وزعب لؤ أشيب قافي
دواسر مع بني خالد وشمّر=ومطير يجيك نظم الشعر وافي
بني وائل وسكان المدائن=بني تميم حكام القوافي
هوازن مع عسير ومع تهامه=وسكان القري وأهل الفيافي
خزاعه والشلاوي والعوازم=ولا غير الله الخلاق شافي
ونجد وشرق من نجد وغروبه=رفيع الشان عن سارق وهافي
جنوبي نجد وألا في شماله=تعدّي حسبة السبع العجافي
قبايل للشعر مثل المرائه=سوات الثوب لامن صار ضافي
وشعار النبط مثل الحديقه=كما النخله لا جاء وقت الخرافي
ولو عدّيت شعار القبايل=يجون اليوم لو عدّيت ألافي
وعذري للقبايل يقبلونه=ليّا زلّيت في مثناة قافي
تري الطيّب عن الزلات يغضي=وحنا أخوان وأقلوب(ن)نظافي
وهوجاسي تصخرّه القريحه=وأمر الله علي نون(ن)وكافي
أعبد الله لا أله غيره=ما أعبد اللات مع عبد المنافي
وقال أبشر عسي ربي يعينك =ومن يفزع يا أبو محمد سنافي
وقلت أرتاح في شبه الجزيره=ولو عيّنك عن الراحه تعافي
وقال الصبر للرجّال راحه=وأنا ماني عن اللي صار غافي
لا تخفي ما حصل بيني وبينك=ولو تدري وش اللي قد لجافي
لماذا لا تقول الحق قل لي؟=أهذا شعر أم هذا سخافي
دخيلك علّم الأجواد علمي=ولامن مت لحفني لحافي
وتسوّي لي عزاء في كل دوله=وقبري في عكاظ أخر مطافي
مع اللي شعرهم سحر البياني=ومن يسمع يجيه الأرتجافي
وصيّه والوصيّه عهد عندك=لوّأني من هواء القطبين دافي
نصيحه كل شاعر يحتفظّها=يجنّب ما لشرع الله ينافي
سلام الله لشعار القبايل=ومع الأجواد سجلت أعترافي
وصلي الله علي الهادي محمد=عدد من في الحرم صلي وطافي

راكان اليامي
14-08-2005, 07:55 AM
صح لسانك يالبركان وعزالله ماقصرت مع ذالرجال

البركان الثائر
14-08-2005, 08:07 AM
راكان دايم سباق للطيب لا هنت يا القرم

العوووود
14-08-2005, 11:10 AM
صح اللسانك يالبركان ولاهنت

البركان الثائر
14-08-2005, 04:35 PM
العود لا هنت

البركان الثائر
14-08-2005, 05:22 PM
أنا طابـك يـا نـور الجزيـره
انا طالبك يا نور الجزبره
الرجاء من المشرفين تعديله

علي العرجاني
15-08-2005, 12:24 AM
الله الله........صح الله لسانك يالبركان الثائر

البركان الثائر
15-08-2005, 07:51 AM
الاسير لا هنت يا القرم

خـيال الشرفا
15-08-2005, 09:31 AM
صح السا نك يا ذيب لاهنت

بدر القلوب
15-08-2005, 10:43 AM
صح لسانك يالبركان الثائر مليوووون ولا يكفوووون

قصيدة جزله من شاعر جزل

بيض الله وجهك يالذيب :)

البركان الثائر
15-08-2005, 04:34 PM
خيال الشرفا لا هنت يا الطيب

البركان الثائر
15-08-2005, 04:35 PM
بدر القلوب
لا هنت يا الطيب

ابو فيصل الخويطري
17-08-2005, 04:30 AM
صح لسان يالثاير وبيض الله وجهك


ايو فيصل الخويطري

البركان الثائر
17-08-2005, 07:44 AM
ابو فيصل الخويطري
لا هنت يا القر م

الهنوف
18-08-2005, 01:58 AM
صح السا نك قصيده جميله

الجنوبى
21-08-2005, 06:35 PM
صــــــــــح الــــــســـــــــانك والله لايـهيـنـك

البركان الثائر
22-08-2005, 10:37 AM
الجنوبي لا هنت

البركان الثائر
22-08-2005, 10:42 AM
الهنوف مشكوره

أبو ناصر
24-08-2005, 10:52 AM
صح السانك يالبركان جزل وماتجيب الا جزل

saad
24-08-2005, 03:30 PM
صح لسانك يالبركان

البركان الثائر
24-08-2005, 05:09 PM
سمو الامير صح بدنك لا هنت يا القرم

البركان الثائر
24-08-2005, 05:10 PM
saadصح بدنك

$$ الذيب $$
26-08-2005, 02:25 PM
صح لسانك يالبركان,,,,,,,,
قصيدة ولا اروع

فزاع
26-08-2005, 03:30 PM
جزله جزله جزله
صح الله لسانك يالبركان عز الله انك اسم على مسمى بيض الله وجهك يالسبع.

البركان الثائر
26-08-2005, 05:06 PM
الذيب لا هنت يا الطيب

البركان الثائر
26-08-2005, 05:08 PM
فزاع لا هنت لا هنت لاهنت
وبيض الله وجهك وتسلم علي الرد الجميل