ابومحمد الشامري
21-01-2005, 11:41 AM
بن حسن :
تكفون يا اهل الملعبة تكفون=بالملعبة ودي ولا ودي
يا بو حمد لا تفرط الطبلون= وإن جيت في درب الخطر هدي
العقيلي:
مادامكم يا ربعنا تقوون= شدو صفوف الملعبة شدي
يا ابن حسن للملعبة قانون= خلك معي لا تنقلب ضدي
بن حسن:
ما تفرق الصاحي من المجنون=والسامري ما يشبه الردي
كان انت رجال معي مأمون=هالحين ابعلمك بالسدي
العقيلي:
عطني مثل عمرك وأقول اتمون=وأشره علي لا جيت متردي
حنا ترانا نرغب العربون= والبيع دايم مد باليدي
بن حسن:
أطلب من اللي كونك بالكون= يا اللي تجيب العلم وتودي
يا بو حمد من فعلكم ممنون= لبستني ثوب على قدي
العقيلي:
مادام ما عندك جديد فنون= نشبعك يا اللي منت متغذي
لقيتها عميا وبه طاعون= الله يرحم جدك وجدي
بن حسن:
ترى الزبد من رغوة الصابون= هالحين اغسل منها يدي
وش قال ابن جابر وابن لعبون= اقليله ماهيب تنمدي
العقيلي:
اللي هدر يعبا له الحاجون= والسيف للي صار مرتدي
لا صرت ضايع والعرب يمشون= انشد وتعطيك العرب ردي
ابو حمد الشامري
تكفون يا اهل الملعبة تكفون=بالملعبة ودي ولا ودي
يا بو حمد لا تفرط الطبلون= وإن جيت في درب الخطر هدي
العقيلي:
مادامكم يا ربعنا تقوون= شدو صفوف الملعبة شدي
يا ابن حسن للملعبة قانون= خلك معي لا تنقلب ضدي
بن حسن:
ما تفرق الصاحي من المجنون=والسامري ما يشبه الردي
كان انت رجال معي مأمون=هالحين ابعلمك بالسدي
العقيلي:
عطني مثل عمرك وأقول اتمون=وأشره علي لا جيت متردي
حنا ترانا نرغب العربون= والبيع دايم مد باليدي
بن حسن:
أطلب من اللي كونك بالكون= يا اللي تجيب العلم وتودي
يا بو حمد من فعلكم ممنون= لبستني ثوب على قدي
العقيلي:
مادام ما عندك جديد فنون= نشبعك يا اللي منت متغذي
لقيتها عميا وبه طاعون= الله يرحم جدك وجدي
بن حسن:
ترى الزبد من رغوة الصابون= هالحين اغسل منها يدي
وش قال ابن جابر وابن لعبون= اقليله ماهيب تنمدي
العقيلي:
اللي هدر يعبا له الحاجون= والسيف للي صار مرتدي
لا صرت ضايع والعرب يمشون= انشد وتعطيك العرب ردي
ابو حمد الشامري