مالك طريق........

[محمد سالم الشاعر]

بسم الله الرحمن الرحيم
تحيه طيبه وعطره لكم جميعاً يالغالين....
أضع بين ايديكم هذه القصيده المتواضعه مع أمنياتي ان تنول على رضاؤكم الكريم....





لا تعاتبني وقلبي نبضه ينبض في وجودك=لا تقول إني نسيتك لا تجرحني بعتابك...
لا تحطمني بكلامك والجفا اللي بردودك=خاف ربك يا حبيبي ورجِّع لعقلك صوابك...
منهوا اللي يا غناتي يمسح الدمع بخدودك=منهوا اللي تعصره دنياه لا طول غيابك...
منهوا اللي ما زرع غير إبساتينه ورودك=وما سقاها غير دمعه لين وردك بك زهابك...
منهوا اللي فرحته غابت وشحت من صدودك=شال همك فوق همه وزال ماشرك غدابك...
خذت من سود الليالي والكدر اللي يسودك=كنت أنا أجلي لك همومك يوم غيري ما درابك...
أستشفيت الوهم اللي طغى لحظة شرودك=شاردٍ ذهنك وعقلك بس تطرد في سرابك...
خايف إيغرك حبيبي والكِبر طبعه يقودك=خايف إيغرك زمانك بالغدر وتصك بابك...
أترك الغافي بحلمه ولا تصحيه أبرودك=يا عذابي أترك المجروح يتلذذ عذابك...
خل حلمي يسوقني لأبعد نهايات لحدودك=يمكن الأيام تثمر و أرجع أزرع في ترابك...
ما أبي منك حبيبي غير تصدق في وعودك=وين وعدك وين حكيك وين أنا بصفحت كتابك...
كل هذا وما شفعلي جودني الله يجودك=لا تحسسني بخساره يجفل القلب و يهابك...
بهدي الكلمه حبيبي هايجه تقمع ركودك=إن بغيت القلب عندك لا يزودها خرابك...

سلامتـــــــــــــــــــــــــــــــــــــــــــــ ــــــكم

[العوووود]

الاخ محمد صح اللسانك مليووووووووووووون ولاتكفي

قصيده أكثر من رائعه لاهنت يالذيب

تحياااااااااااااتي

[محمد سالم الشاعر]

صح لسانك يابوسالم على هل القصيدة الطيبة اخوك جري