المساعد الشخصي الرقمي

مشاهدة النسخة كاملة : رد الشاعر سعيد الحمالي القحطاني على من سب قبيلة يام

راكان اليامي
10-07-2005, 06:54 PM
كتب الشاعر سعيد الحمالي هذا النص الذي مر عليه عدة سنوات , و الذي كان ردة فعل على موقف حصل أمامه من شخص تجاوز الحد في التهجم علي قبيلة يام العريقه ولم يكن أحد منهم حاضر فكان من واجبه أن يرد عليه, وهذه بعض أبيات القصيده



إسمع إسمع.... إسمع إسمع ... لا رحم رأس الهداني = وإخذ مني كلمتينٍ تقصر طوال الكلام
لوّ ما ربي خلقني من عبيده وقحطاني = كان ما يرضي غروري غير أجي من " صلب يام "
ولا أهضم قدر القبايل شام والا من يماني = ما خبرنا في العرب رجلٍ وله لابة يضام
ولاتحسب اني بجامل في عريبين المجاني = الكريم يفور دمه لا سمع سب الكرام
وإن بغيت الشور هود لا يجي في العلم ثاني = ما يعذرب في القبايل غير ملعون الرسام
وش تعذرب في قبيله عيبها فعل الحساني = وعيبها عوق الخصيم وسيفها يفري العظام
وش تعذرب في قبيله عيبها كبر الصواني = جودها تضرب به الأمثال في شرقٍ وشام
قلتها ردة وفاء مني وخذها من لساني = وإن كفت وإلا ترى عندي لمن يهدر خزام
ولوّ ماربي خلقني من "حماله" يالهداني = كان ما يرضي غروري غير أجي من " صلب يام"

ونقول لسعيد الحمالي ماعليك زود وهذا من طيب اصلك ياوجه محلف
المعنى
11-07-2005, 12:50 AM
راكان اليامي صح لسانك وصح لسان الشاعر سعيد الحمالي وبيض الله وجهك وجهه وعز الله انه كفا ووفا والله لايهيينه علي ذا القصيدة الجزله وانت يالسنافي الله لايهيينك علي ذا العلوم الطيبة تقبل تحياتي
راكان اليامي
11-07-2005, 01:03 AM
اررررررررررررحب يابرمان صح بدنك ياذيب ووجهك ابيض وولا انت وتسلم على الرد
علي اليامي
11-07-2005, 01:14 AM
لـوّ مـا ربـي خلقنـي مـن عبيـده وقحطـانـي
كان ما يرضي غروري غير أجي من " صلب يـام

بيض الله وجه محلف وصح لسانه ولاهيب غريبه على محلف وعز الله ان ذا البيت مسكت
راكان اليامي
11-07-2005, 01:30 AM
ارررررررررحب ياعلي وتسلم على الرد
العوووود
11-07-2005, 06:52 PM
الاخ راكان صح اللسانك ولسان سعيد القحطاني وماعليه زود وبيض الله وجهك وجهه

لاهنت يالذيب على نقل القصيده

تحيااااااااااتي
راكان اليامي
11-07-2005, 10:49 PM
ارررررررحب يالعود ووجهك ابيض وتسلم على الرد
حبيب
12-07-2005, 12:48 PM
صح الساانك ياراكان والسان الحمالي

عزالله انه ماقصر المحلفي ولا عليه زوووووود
تحياتي
محمد ال الضريره
12-07-2005, 02:29 PM
لاهنت يالمنعور ياصلب قحطاني = نيابة ٍ عني وعن لابتي يام
يابن عبيده ياشريف المجاني = شيوخ قحطان ٍ شريفين وكرام
ماضرنا ابن الحرام الهداني = ربعي هل الطولات من جدنا سام
اهل عقيده واهل اصل وحساني = يوم السفيه اصله وفعله تكلام
من حضرموت وعبر صنعا ونجراني = ويبرين ثم جوده جنوب ٍ عقب شام
رجـّـالنا وقت اللوازم حصاني = ياجاهل انشد حصن نيش ٍ وبرزان
وللقصيده بقيه سوف تنشر لاحقا ً
وسوالم.
محمد ال الضريره { راعي شوده }
راكان اليامي
12-07-2005, 03:34 PM
اررررررحب يابو سعيد وتسلم على الرد وصح بدنك
راكان اليامي
12-07-2005, 03:36 PM
ارررحب يابن ضريره وصح لسانك مليوون ولا يكفوون لبى كبدك والله دايم ترد الجمايل يابن عمي
محمد ال الضريره
13-07-2005, 10:29 AM
الاخ راكان تبقا وتسلم وما عليك زود
الاحسان يابن عبيد يجزى بالاحسان ـــ والشر تنطحه الوجيه الشريره
للامير راكان ابن حثلين .
فهد بن محسن
15-07-2005, 12:41 AM
تسلم والله يابو سالم


وصح الله لسان الشاعر سعيد الحمالي

وبيض الله وجه

تحياتي لك
جابر البطان
15-07-2005, 01:01 AM
بيض الله وجهك يابوسالم على القصيدة

وصح لسان الشاعر

والأجواد ما يرضون بسب القبائل والأجواد من الناس
الهتلانى
15-07-2005, 03:23 AM
بيض الله وجه القحطانى
ولاهنت على النقل طال عمرك
راكان اليامي
17-07-2005, 09:14 PM
اررحب يابن محسن ومن قال يسلم
راكان اليامي
17-07-2005, 09:16 PM
اررحب يابو عمير ووجهك ابيض ولاهنت
راكان اليامي
17-07-2005, 09:17 PM
ارررحب يابن هتلاان ووجهك ابيض
السنافي
19-07-2005, 08:02 PM
صح الساانك ياراكان والسان الحمالي

عزالله انه ماقصر المحلفي ولا عليه زوووووود
السنافي
19-07-2005, 08:09 PM
ماضرنـا ابـن الحـرام الهدانـي //// ربعي هل الطولات من جدنـا سـام
اهل عقيده واهل اصـل وحسانـي/// يوم السفيه اصلـه وفعلـه تكـلام


صح لسانك يا محمد وفي انتظار باقي القصيده
راكان اليامي
19-07-2005, 08:10 PM
ارررررررررررررررحب يالسنافي وتسلم على الرد يالسنافي
المميز
10-08-2005, 03:21 AM
الله لا يهينك يا وجه محلف
وجعل من سيب يام يقطع الله لسانه لكن لو المسبه قدام واحد منا
والله ياللي يسب ليروح في خرايطها

تحياااااااااااااااااااااااااااات

المميز
راكان اليامي
10-08-2005, 10:26 AM
اررحب يالمميز وتسلمعلى الرد طال عمرك
شموخ العز
10-08-2005, 09:44 PM
راكان اليامي

الله يعطيـك العافيه على هالموضوع ...

وصح الله الســان الشــــاعر

شموخ العـز
راشد المري
11-08-2005, 09:53 AM
اللي يسب الرجال في مقفاهم ماعليه شرهه وذا سفيه ويام مهما قالو عنها التاريخ يشهد لها بطيب الافعال من دون اقصور في باقي القبايل والله لايهين القحطانى وهذا من طيب اصله وكل قبيله فيها حقها وننتظر باقي القصيده يابن ضريره
راكان ابن نوره
11-08-2005, 11:00 AM
الأخ راكان اليامي صح لسانك وبيض الله وجه القحطاني وهذا الشي ماهو بغريب على رجال محلف
راكان اليامي
12-08-2005, 03:44 PM
هلا وغلا ياشموخ العز والله يعافيش وتسلمين على الرد
راكان اليامي
12-08-2005, 03:45 PM
ارحب ياراشد وتسلم على الرد يالقرم
راكان اليامي
12-08-2005, 03:46 PM
ارررحب يابن نووره وتسلم على الرد يالقرم
الحبيشي
12-08-2005, 07:40 PM
لاهنت يابوسالم
راكان اليامي
12-08-2005, 08:35 PM
وولا انت يابو محمد
ابو فيصل الخويطري
16-08-2005, 11:12 AM
صح لسان القحطاني ولسانك ولا هنت

ابو فيصل الخويطري
راكان اليامي
16-08-2005, 11:37 AM
اررررررررحب يابو فيصل وولا انت يالسنافي
saad
26-08-2005, 10:23 AM
صح الساانك ياراكان والسان الحمالي

عزالله انه ماقصر المحلفي ولا عليه زوووووود
راشد العتل
26-08-2005, 02:38 PM
ماعليك زود وتسلم

ولاهنت ياراكان
راكان اليامي
27-08-2005, 06:34 PM
اررحب ياسعد وصح بدنك وولا انت
راكان اليامي
27-08-2005, 06:34 PM
اررحب يابو محمد وولا انت يالسنافي
حمود
08-11-2005, 07:42 AM
ياااااااااااااظفر ذا القحطاااااني اشهدنه اصيييييل


ويستاااهلون الياميه ويااااازين الحميه بين رجاااااال الجنوب
راكان اليامي
09-11-2005, 01:52 AM
اررحب ياحمود وماعليك زود وانتو يامحلف ربعنا من دون القبايل الثانيه ولا يهونون
البدوي
27-11-2005, 09:23 AM
لاهنت ياراكان يا وجه السعد عيني عليك بارده اتمنى ان تواصل نشاطك المبهج والذي دائما يقدم لنا المفاجأت الحلوه . وبيض الله وجهك وبيض الله وجهه الحمالي هذا من طيب اصل المحلفي
راكان اليامي
27-11-2005, 04:16 PM
اررحب يالبدوي وتسلم يالغالي وماعليك زوود
الخليجي
28-11-2005, 09:41 PM
راكان اليامي صح لسانك وصح لسان الشاعر سعيد الحمالي
راكان اليامي
02-12-2005, 11:40 PM
صح بدنك يالخليجي
@زايد بن ألغز@
03-12-2005, 12:22 AM
لا هنت ياراكان على النقل

وبيض الله وجه الشاعر سعيد الحمالي القحطاني على حمياه على رجال يام ونعم بالمحلفي ورجال يام يستاهلون000

والله يبيض وجهك يامحمد آل ضريره على الرد المهول 0000

@الغزي @
راكان اليامي
03-12-2005, 12:57 AM
اررحب يابن الغز وولاانت يالسنافي
سقام
27-12-2005, 06:33 PM
لـوّ مـا ربـي خلقنـي مـن عبيـده وقحطـانـي
كان ما يرضي غروري غير أجي من " صلـب يـام "
ولا أهضـم قـدر القبايـل شـام والا مـن يمانـي
ما خبرنـا فـي العـرب رجـلٍ ولـه لابـة يضـام


والله ونعم في الحمالي وماعليه زود
وهذا العشم في محلفنا
راكان اليامي
30-12-2005, 06:46 PM
اررحب ياسقام وتسلم على الرد يالذيب
ALSFEER
04-01-2006, 10:06 PM
ونعم يالقحطاني عزالله انه اجودي
راكان اليامي
18-01-2006, 09:00 PM
صح الله بدنك يالقرم وماعليك زود
برق لمع
27-02-2006, 09:43 AM
االسلام ع الجميع
انا جديدة في منتداكم اتمنى تقبلوني
لكن انا عندي بعض الاستفسارات حول قبيلة يام ليش دائما نلاحض الخلط بين قبيلة يام وقبيلة المري (آل مرة)مع العلم ان قبيلة آل مرة مستقلة عن يام ؟
راكان اليامي
27-02-2006, 04:13 PM
يامرحبا يابرق لمع
ومرحبا فيش بمنتدى العجمان

ولا يوجد هناك مستقله بل يربط بين ال مره وقبايل يام الجد يام
التي تنحدر منه قبايل يام ومنهم قبيلة ال مره ولكن قبيلة ال مره قد هاجرت الى الربع الخالي والمنطقه الشرقيه ويوجد بعضهم في نجران



ولو تلاحظين نسب قبيلة ال مره فهو كالاتي
مره بن علي بن سلمان بن سلمه بن سلمه بن مره (الملقب - دول) بن جشم بن يام بن آصبا بن مانع (الملقب - دافع) بن مالك بن جشم بن حاشد بن جشم بن خيوان بن نوف بن همدان بن مالك بن همدان (الملقب - أوسلة) بن ربيعه بن الخيار بن مالك بن زيد بن كهلان بن سبأ بن يشجب بن يعرب بن قحطان
عبدالرحمن القحطاني
21-04-2006, 10:33 AM
علي الطلاق يا محلف أنكم تستاهلون .. والشاعر سعيد الحمالي العبيدي عز الله شاعر و يرفع روس اقحطان في كل ماقف و مرقاب ..
الراوي
21-04-2006, 10:45 PM
الاخ راكان لاهنت على نقل القصيده وبيض الله وجهك وجه سعيد وجعل عمرك طويل
راكان اليامي
22-04-2006, 01:08 AM
ارررحب يامحلف وماعليك زود ورايتكم بيضا في ذمتي
راكان اليامي
22-04-2006, 01:08 AM
ارحب يالراوي وولانت وجهك ابيض يالقرم
فتاة الاساطير
24-04-2006, 05:03 AM
مانيب من سلمكم ولانيب عجميه ****** سبحان من عطاني حبكم يابني يام

تحياتي
راكان اليامي
24-04-2006, 02:29 PM
اررحبي يافتاه الاساطير وتسلمين يالسنافيه على الرد وصح الله لسانش
خيال الضيقا
25-04-2006, 12:29 AM
بيض الله وجهك على النقل وصح لسااان الشاعر

ومن شفت توقيعك عرفت انك ماتجيب الا كل جزل






تحيااااااااااااااااااااااتي
راكان اليامي
25-04-2006, 01:59 AM
ارررحب ياخيال الضيقا ووجهك ابيض ويفداك التوقيع طال عمرك
مشعل آل فهاد
15-08-2009, 06:14 AM
صح لسان العبيدي وصح لسانك يا محمد والقصايد هذي يعجز الحرف بالرد عليها وهذي علوم الطيبين
مثل الحيااء دايم امطاره غزيره وكلن فيه من لجوواد حقه ولا هي بغريبه على قحطان ويسعدني ان اضيف هذا الرد وهو من كلمت الشاعر محمد بن غريب ال فهاد

ويقول فيه


ياسلامي والتحيه فوق شكري وإمتناني=عد ما هل المطر وانشت هماليل الغمام
بسم يام اقولها عن لابتي قاصي وداني =لقحطان ازفها مثنية ٍ مني شمام
اقحطان ويام خشم وعين وذراع وبناني=كلهم للثاني إمكمل إليا ثار الزحام
يفزعون النا وحن نفزع لهم والعمر فاني=من قديم الوقت صبيان محلف سيف الامام
هم هل التوحيد واهل العهد عيان ٍ بياني=يشهد التاريخ والحكام لا ثار العسام
ونت ياسعيد العبيدي من عريبين المجاني=حقك البيضاء وتستاهل تحيه واحترام
بيض الله وجهك من القلب اقوله والساني=تستحق من البعير اليا ذبحناه السنام
موقفك موقف مشرف نفتخر به يوم باني=نخوه وحمية وشهامة ٍ يا أبن الكرام
ماعلينا من كلام افلان وإلآ من فلاني=دام حنا واقحطان ٍ ربع في حرب وسلام
ابن سلمى قالها شكر ٍ لذربين اليماني=والمعذره والسموحه فالنهايه والسلام
راكان اليامي
11-08-2010, 02:45 PM
هلا وغلاكم فيكم وارحبو وتسلمون على الردود