@جبال الرين@

[الحظ جـابكـ]

سلام عليكم
انا بغيت اقولكم قصه عن صلة الرحم..

كان في شايب ومرته العجوز كانوا عايشين في البر
وكان لهم وحيدهم ولد اسمه محمد

كان محمد واصل عند ابيه لدرجة انه يرفع خصيان ابيه (عزكم الله)
اذا جاء الصيف خبركم ان الصيف حر والقاع تصلخ حاره..

ومره ودا محمد ابيه القنص ليستانس شايبه في جبال ينقلها جبال الرين
وعطا محمد ابيه سلاح ووجها لصيد وكان الشايب
اعمى ما يشوف وبالغلط رمى ولده محمد
ولما درا أبو محمد انه رمى ولده قال قصيدته ماني بحافظ منها الأ بيتين

يا جبال الرين ما عينتيلي محمد..
*
يا جبال الرين ترى لش منه ملامي..

[فزاع]

تسلم يا المان العرب
والقصة مشهورة وهي لمفرح بن مسهية وابنه محمد مب هو اللي قتله ,ولده تاه بجبال الرين وهو برحلة قنص و مفرح دورعن محمد أيام بجبال الرين ولقاه بعدين وهو ميت من العطش وبعدين ما عرف شلون بيعلم مرته اللي هي أم محمد بموت ولدها الوحيد فقال لها جايينا ضيوف ما يقلطون الا على ناس ما صابتهم مصيبة قالت ما فيه حد ما صابته مصيبة بذا الدنيا قال لها وحنا قالت له حنا بخير ونعمة قال أجل الله اختارنا وصابنا بموت ولدنا الوحيد وقال القصيدة ذي :

الا يا جبال الرين ما شفتي محمد
عليك منه يا لجبال ملام
يبكيه عود ثالثة رجله العصا
يكود عقب القعاد مقام
وتبكية عذراً فاتها غي الصبا
كما فات العصير لقاف نعام
ومن قبلك الهلالات يالعين فاصبري
بيوتهم عقب العمار هدام
يا الله ياالمطلوب تجبر مصيبتي
يا جابر المسكور يا علام
انا وغيري كل ابونا بقدرتك
يا خالق الانوار والاظلام
تلطف بعود يوم اخذت جنينه
سهير عين ما يذوق منام
عود غريب الدار عن جماعته
اليوم عنده كنه ميتة عام
وتجبر عزاً من عافت النوم عينها
والكبد صامت ما تبي طعام
دنيا دهتنا وفجعتنا بغرة
عود غريب وحاير الاقدام

والسموحة على الإطالة

[أبو ناصر]

لاهنتم يالربع على القصه والقصيده

[جابر البطان]

مشكووووووووووووور ياالمان العرب

والشكر كذلك لفزاااع على إ كمال القصة والقصيدة

[السهم]

لا هنتم يا المان العرب و فزاع على ذا القصه و القصيده المؤثره.

[ريحــــــانه]

لا هنتم يا المان العرب و فزاع على ذا القصه و القصيده المؤثره

[الحظ جـابكـ]

مرحبابكم جميع ولاهنتو على الحضور

[السنافي]

لا هنت يا المان العرب

يعطيك الف عافيه اخي و فزاع على ذا القصه و القصيده المؤثره

[مفلحى 1]

من ضمن الروايات ان محمد فى مرة من المرات تأخر مارجع لوالدية وكان سارح من صبح بأبلة واظلم علية الليل وهو ماعود وخاف ابية علية لان ذاك الوقت كان مافية امان وقام ابية يشب الضو علشان يشوفة ولدة وكل ماجات تطفى حذف عليها الشايب حزمة حطب طول ليلة على ذا الحال ومحمد يشوفة من بعيد المهم انة وصل وعادة مقبل قال يايبة ترانى كل ماشفت الضو شبت اقول ( يالبييييية )ادرى انك تصوت لى .(وكان واصل عند والدية لكن اللة شاء ان يتوفاة شابا).

[المنيعيه]

يسلمووووووووووو عالقصه الرااائعه ولاهنتوووو

[نواف اليامي]

ايش خصيان مافيه مصطح افضل
مشكوووووووور يافزاع على تكملة القصة