طريقة عمل العصيده بالصور ههههههههههه

[سمو الرووح]

السلام عليكم ورحمة الله وبركاته


طريقة عمل العصيده بالصور


المقادير :

2كوب دبس

2كوب طحين

الماء ماله مقدار حسب الحاجه

بس في الاول رح تخذي كوبين ماء مغلي

بعدين كوبين احتياط يكون مغلي

نصف زبده

وللوجه:

حسب الرغبه فلفل اسود او درسين او اي شي وزبده

http://aco2.jeeran.com/asidah1.jpg

الطريقه :

1- نحمص الطحين خفيف خمس دقايق

او لمن تطلع له ريحه شوي ما نخليه يغمق ابد

2- نتركه على جنب يبرد تماما

http://aco2.jeeran.com/asidah3.jpg

3- نظيف كوبين ماء مغلي او دافي الي يصير

على كوبين الدبس ونحركهم على النار لمن

يطفو على الوجه رغوه ونتخلص منها بقد ما نقدر ونشيلها

http://aco2.jeeran.com/asidah2.jpg

4- بعد ان برد الطحين نظيفه على الدمس والماء

ولحظه حركيه بمضرب سلك افضل حتى ما يكتل لك العجين

وحركيه لين يختفي الطحين في الماء والدبس

http://aco2.jeeran.com/asidah4.jpg

5- لمن نتاكد من انه انخلط تمام نستعمل الملعقه الخشب

ونبدي نحرك فيها على نار متوسطه

http://aco2.jeeran.com/asidah5.jpg

6- رح تبدي بتكتل وتصير كتل فيها

مثل الي بصوره ونظل نحرك فيها

7- رح نلاحظه انها كل ما حركنا رح تخشن

8- نظيف كوب ماء مغلي عليها ونحرك وعلى حسب السمك الي انتي تبينه

لاحظي في اول اخذتي كوبين ماء ضفتيهم الي الدبس صح

وهذا الكوب الثالث من الكوبين الاحتياط

http://aco2.jeeran.com/asidah6.jpg

9- في الاخير نظيف لها الزبده

10- ونتركها خمس دقايق على النار مغطيه

http://aco2.jeeran.com/asidah7.jpg

11- توزعيها بصحون وتمسحي ويها بزبده

واي شي تفضليه .. فيه من يفضلها ساده بدون بيض

وفيه من يحبها بالبيض على الوجه مع السمن العربي .. وآآآآآه يا محلاها

http://aco2.jeeran.com/asidah8.jpg


يارب تعجبكم وبالعافيه

:21t:

[ليــه يازمـــن]

ههههههههههههه

سالفتك سالفه انتي وهالعصيدهa25

مشكوره على الطريقه إللى بس امي تعرفها ولامرت على جيلنا هذاa13a13a13

تقبلي تحياتي:a27:

[سمو الرووح]

البثيثة :

هي عبارة عن حلاوة شعبية لذيذة قوامها التمر والطحين والسمن

حيث يوضع الطحين على النار ويقلب حتى يحمر ( يهنهن ) ثم يرفع من على النار ويضافإليه التمر

ويخلطان معاً ، ويمرس المخلوط حتى يخرج نوى التمر ( الطعام ) ثم يوضعالمخلوط في قدر ويضاف

إليه السمن ويقلب به ويقدم .

وأفضل وقت لصناعتها هو فصل الشتاء حيث تعطي الجسم حرارة ، وقد تبقى أياماً وهي محفوظة

ويؤكل منها .

[سمو الرووح]

طيب أمك تعرفها وأنت ما تاكلها يعني تعرفها ألا بعد إذا انتم غير الله أعلم

[بنت حموله]

عشتي يا سمو الرووح على العصيده عاد هاذي اللي ماتندثر أبداااااااا جيل ورا جيل يتعلمونها بس أنا أسويها بالسكر مو بالدبس تصدقييييييين ودي فيها ذالحييييييييين!!!!!!!!!!!

[القرناسة]

سمو الرووح

ياصبرج علينا لوووووووول


ياحياتي انتي مين زيك مييييين عساج ع القوه :21t:

[سمو الرووح]

عشتي يا سمو الرووح على العصيده عاد هاذي اللي ماتندثر أبداااااااا جيل ورا جيل يتعلمونها بس أنا أسويها بالسكر مو بالدبس تصدقييييييين ودي فيها ذالحييييييييين!!!!!!!!!!!


مرحبا ومسهلا

بالغالية / بنت حموله

عاشت أيامك وبارك الله فيك

والعصيدة طال عمرك تعمل على حسب ذائقت من يعملها بالسكر أو الدبس أو التمر

وفعلاً لذيذة للغاية نحن هنا في قطر نحب الأكلات الشعبيه بكثرة سوى نعملها في البيت

أو حتى في الأسواق عندنا فيه أماكن مخصصه للأكلات الشعبية وعليها اقبال كبير

وطلبات كثيرة ..

أسعدني حضورك الكريم .. ولاهنتي

وفقك الله ... 1bh1

[سمو الرووح]

سمو الرووح

ياصبرج علينا لوووووووول


ياحياتي انتي مين زيك مييييين عساج ع القوه :21t:


مرحبا ملايين ولايســدن

الغالية / القرناســـة

بالعكس حبيبتي أنا فرحانه بناقشاتكم الحلووووه

وأنتوا مافيها شي إذا قلتوا إنكم ما تعرفون هذه الأكلات مثلاً عاااادي ولا يهمك

ولاتزعلون مني ترى أمزح معكم لما قلت ذبحتوني يعني من المداعبه لا غير ... :)

شكرا لمروركِ الكريم ولاهنتي

وفقك الله .. :21t:

[البندري القحطاني]

اياادي تنلف بحرير .. تسلم الاناامل .. سموالروح ..

شفتي اشلون الخبيصهـ مثل العصيدهـ ..

بس الفرق الخبيصه شكر و العصيدهـ تمر او دبس التمر (( دبس))..

والهيل و الزعفران <<و غيرهـ ابهارات وحسب الرغبه ..

وصح في ناس يحطون بيض و في ناس سمن ..

<< انا سنعه

بس ماعرفتولي هههههههههههههههههههههههههه

وهــي حلو نسويه بالشتاااء << طبعا هو صح مثل ماقال ليه يازمن حق الأمهات.! وبعد حق المرأة لما تولد يعطونها عصيدهـ

[يوران]

يمي يمي


خاطري فيها الحين .. شكلي بشوف من اللي والد عندنا عشان اسير عليها :p


تسلمين على الطريقه ويعطيش العافيه :)

[بنت حموله]

حبايبي حبيت أقولكم في فرق بسيط بين العصيده والخبيصه
وطبعا الاختلاف فقط في الطريقه شنو نبدي فيه وشنو ننهي فيه !!!!!!!!!
العصيده (الطحين المحموس) يضاف أخر شي على الماء والسكر أو(التمر) وتضرب بالحيل حتى تصير ناعمه
الخبيصه يضاف الطحين المحموس او على حسب طريقتكم السميد بالاول وبعدها يضاف اليه الماء والسكر او التمر ويصير مفتفت ومن ديره لديره تختلف المسميات والطرق بس مانختلف على ان أكلنا كله طيييييييييييب

[m!ss-83]

عاد تصدقين ..!!

أحب ريحتها لما أمي تسويها

بس مستحيل آكلها .. ما أحبها << شلون مادري :p

تسلم إيدياتج .. 1bh1

[سمو الرووح]

تسلمون الجميع على المرور الطيب والمناقشات الحلوه ..

وياهلا ويا مرحبا بالجميع وعلى العين وفوق الراس

[مراويح السحاب]

حلو العصيد

يعطيج العافيه

[سمو الرووح]

تحلا أيامك وسنينك يارب

مراويح السحاب

هلا ومرحبا بك ملايين

وشكرا لهذا المرور الطيب

لاهنتي يالغلا

حفظكِ الله

:21t: