حبيب روح دور لي على فهاد

[فهد بن محسن]

بسم الله الرحمن الرحيم


اسعد الله اوقاتكم بكل خير احبتي اعضاء المجالس


حبيب محراف خفيف ولا تهون ,, ولاهنت تكفا دور على فهاد اربه طيب وبخير .. ترا ابو عيد غالي ,, وغايب له مده .. مدري وينه مغيب .. المهم تراه مخصوم عليه من الراتب


حبيب لو تكرم روح تدور لي على فهاد = عساك تجيب لي علمه عساه بخير ومعافا
ترا لي مدةٍ ماشفته يجينا على الميعاد = يجي ويروح ماوالله يشوف ولاهو يشافا

تحياتي

[حبيب]

هلا والله يابوفيصل حياك الله

وابو عيد غالي على الجميع


ترى فهاد تعرف ديرته يا الصاحب النشاد=وقبل يومين اخذنا معه رديه ومحرافا

ليا منك فقدت الشيخ يمكنه وصل بغداد=مجاهد والمجاهد في المواقف ماهو يخافا

[فهد بن محسن]

حبيب هلا وغلا

استلم لاهنت


عسى الله يحفظ الطرقي يرد لديرة الاجواد = ويرجع يم داره مالقى مكروه وخلافا
ولوه زارنا في المملكة يسكن في خيرابلاد = يبات بطيبه ومكه يبا يسعى ويطافا

تحياتي لك

[المعنى]

واصلو ياشعار وحنا متابعين الابداع انا في صف ابو محسن ولايهون حبيب

[أبو ناصر]

صح السانك يابو محسن وصح السانك ياحبيب

واصلوا وحنا متابعين

[فهد بن محسن]

الاخ

برمان


صح بدنك وتسلم على المتابعه يالغالي




الاخ


سمو الامير

مرحبا بك وحياك الله ومتابعتك تشرفنا يالغالي



تحياتي لك

[فهاد العجمي]

الله الله الله الله

فهاااااااااد وصل يارجااااالة:)

واحد موديني لبغداد والثاني صوب مكة الله لايفرقكم ولا يباعد بينكم

ابو فيصل نارك ولا جنة حبيب :)

لكن الوعد فالمقبلات <==== شكله ايهدد

شيلوهااا

[حبيب]

هلا والله يافهاد ارحب

ترانا ننشد منك يومك غالي


بوفيصل صح السانك ولاهنت يالغالي

واعذرني عن اكمال المحاوره لظروف الاتصال

تحياتي

[فهد بن محسن]

ارحب يافهاد

الله حيه

والحمد لله على السلامه

ومالك الا الرضى يالغالي


الاخ

حبيب


حياك الله ,, ومعذور طال عمرك


تحياتي للجميع