المثلوثه على اصولها ^^ بالصور !!

[فلاح بن فهيد]

بسم الله الرحمن الرحيم

السلام عليكم ورحمة الله وبركاته

::

http://www.shamsqatar.com/up/File/1177075939.jpg

::

المثلوثه هي عبارة عن باديه مكونه من ثلاث طبقات
طبقة جريش
وطبقه خبز مسح تشريب
وطبقة أرز
راح نشرح كل طبقه كيف راح نسويها

مقادير الجريش
كأسين حب جريش
2ونص لتر لبن مطلعينه من الليل برة عشان ترتفع الحموضه فيه
ماجي قليل الملح
ملعقة صغيرة كمون
2 بصل مفروم ناعم

مقادير التشريب لخبز المسح
بطاطس مكعبات
جزر مكعبات
كوسا
كيش خضار مشكله
طماطم مطعبات
بصل مفروم
ليمون اسود كور
ماجي
صلصله
فلفل اسود
خبز مسح
دهن بقر مذوب
صلصه
دجاجه مقطعه نصين
الطريقه
أول شئ نعمل الجريش
نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك عشان ما يفصل اللبن معانا ونظل نحرك حتى
يصل لمرحلة الغليان نضيف الجريش المغسول ونظلنا نحرك ختى يثقل المزيج
يعني تصيرين تشوفين حبات الجريش
تبان من فوق هنا خففي النار مرررررة هادئه وحطي قطعة حديده تحت القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير وأظربي الجريش بمضرب خشب وخليه على جنب

الحين نعمل المرق حق التشريب
احمسي البصل مع الماجي والبهارات الي عندك تستخدمينها للمرق وبعدين أضيفي الدجاج والماء وأتركيه يغلي
الي ان تستوي الدجاجه
بعدين أرفعي الدجاجه وحطيه على جنب الحين
المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطعهوالصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز مجبوس فيه
نراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي قيه
الحين نسوي حشو بصل عادي ومكسرات محموسه
نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه
الحين جينا لطريقة التقديم
أول شئ نحط طبقة الجريش

http://www.shamsqatar.com/up/File/1177076018.jpg

::

ثاني شئ نحط الخبز الي رشيناه بالمرق وشويه من حشوا البصل ونحط الخضرة الي كانت بالقدر

http://www.shamsqatar.com/up/File/1177076061.jpg

::

الحين نحط الارز

http://www.shamsqatar.com/up/File/1177076118.jpg

::

وبعدين فوقه نصف الدجاج أو لحم ونحط الحشو البصل والمكسرات ونزينه

http://www.shamsqatar.com/up/File/1177075939.jpg

::

ترى تحسونه خطوات كثيرة
بس ترى يستاهل الطعم كثير

والي ماله خلق يروح مطعم المملكة


منقووول

[MSK]

السلام عليكم ورحمة الله وبركاته
الــــHـــــتـلانـي
طبق رائع وشهي ..!
سلمت يداك على جميل ما قدمت ..!
اعذب التحية

[الغروب]

الــــHـــــتـلانـي

تسلم على الطبق ( المثلوثة ) وطريقة سهله وواضحة

يعطيك العافية .

[سنجآر]

الهتلاني المملكه فيه مثلوثه ..؟ ^_^

ما خلا شي هالمملكه

لاهنت يالسنآآفي

[فلاح بن فهيد]

لاهنتوا على مروركم ويعطيكم العافيه

\\ MSK //

// الغروب \\

ــــــــــــــــــــــــــــــ

ولاهنت ياا \\ سنجآر // على مرورك ويعطيك العافيه

ومطعم المملكة فيه كل شي

[ليــه يازمـــن]

شكرآ على المرور بـــــس مااقــــول إلا يــــاحـــلاة الطلـــعه مــــن الـــدوام وألقــاها بالبــــيت قــدامي راح أقلـــــب المثــــلوثــــــه منـــــسف لأنـــي أبــــي أنســـف الصــــحن نســــف ومشكور على الصور الجميلهa25

[سمو الرووح]

الــ H ــتـــلانــي

شكرا لك على الطبق الرااائع راح أطبق هذه الخطوااات وإن شاء الله تطلع لذييييذة زي ما تقول

لأنني صراحة معرف هذا الطبق بدو يا رسول الله .. هههههه

تسلم الأدي واشوف إنكم يالشباب غلبتوا البنااااات في اختيااار الأطبااق

لاهنت بيض الله وجهك .. والله يعطيك الصحة والعافية .

[فلاح بن فهيد]

لاهنتوا على مروركم ويعطيكم العافيه

\\ ليــه يازمـــن //

// سمو الرووح \\

[فـهـيـد الــHــتــلانــي]

لاهنت يابن العم على المثلوثه الحلووه ...

[همسة عشق]

والله جوعتنا ياخوي....
الله يعطيك العافية ....

تقبل مروري..

[فلاح بن فهيد]

لاهنتوا على مروركم ويعطيكم العافيه

\\ فـهـيـد الــHــتــلانــي //

// همسة عشقـ \\

[((الغنج))]

الهتلاني
يعطيك العافيه
جوعتنا من قلب
لاهنت

[فلاح بن فهيد]

لاهنت على مرورش ويعطيش العافيه

\\ ((الغنج)) //

[ظـبـي الـسـلآطين]

الهتلاني يسلمووو الايدييين ع النقل

شكلهاا النهائي حلووو
اماا التفااصيل لا خلاااص عفتهاااا شكلهاا خبيصه الله يزيد النعمه

الله لا يهييينك ع كل حااال

[فلاح بن فهيد]

لاهنت على مرورك

وحيأإأك الله ع كل حإأإأل ياا \\ ظـبـي الـسـلآطين //

[EmpeRoR]

لا هنت يالهتلاني على نقل ذي الاكله الراائعة المحببه الى قلبي...:21t:

[m!ss-83]

هااااااااااااااااا .. هذي المثلوثه .. أسمع عنها بس ماعرفها ولاأعرف شنو مكوناتها

بس هذي احسها دسمه .. 16 ألف اكله بصحن واحد

بس على قولة الكاتب اللي ماله خلق يروح المطعم D:

يعطيك العافيه 1bh1

[فلاح بن فهيد]

لاهنتوا على مروركم ويعطيكم العافيه

{{ الأمبراطور711 }}

{{ m!ss-83 }}