المساعد الشخصي الرقمي

مشاهدة النسخة كاملة : تعال يالمشتاق

فهد بن محسن
17-01-2005, 12:53 AM
الاخوة عشاق المحاوره .... الاخوة زوار المنتدى

حياكم الله وبياكم جميعا .. ودنا نلعب مع الاخ \ المشتاق شاعر وحس انه ثقيل علينا شوي .. ومغيب له فتره

تعال يالمشتاق ترا اشتقنا لك ولعبك يالغالي


وين مشتاقكم خلوه ياتي هنيا = ياتي ويطرب الجمهور مما تهيا

وان تعذر ترا باقول يالربع عيا = صفقو ياصفوف وياجماهير حيوو



تعال يالمشتاق عطني علم ذا الغيبه تعال = كانك تعس الارض عطنا العلم ويش اخبارها

في الشرق ولا الغرب هات العلم ياولد الحلال = والارض مدري كم عدد سكانها واقطارهاتحياتي لكم
ابومحمد الشامري
17-01-2005, 04:46 PM
لا هنت ياابو محسن بداية رائعة كما عودتنا ونحن بأنتظار المشتاق لاننا مشتاقين لرده المميز.
المشتاق
17-01-2005, 05:17 PM
يامرحبا يا اخ \ فهد بن محسن .. ولاهنت يالغالي .. لاثقيل ولا خفيف عليكم يالغالي ,, لكن اشغال ما افتح جهاز الكمبيوتر الا يوم او يومين في الاسبوع .. ارجو المعذره من جميع الاخوان .

الاخ \ ابو حمد حياك الله .. ولاهنت على مرورك وتعليقك .... وانا مشتاق لمجالسكم وللي مثلك وشرواك يالسنافي


ابو محسن لي عودة ان شا الله ,
المشتاق
21-01-2005, 11:58 PM
الاخ ابو محسن .. المعذره على التاخير .. وكل عام ونتم بالف خير

عيد وارتباطات .. وتاخرنا في تصفح المنتدى .. معذرة مره اخرى .. واستلم يالغالي


ابشر بعزك اللي تطلبه يالسنافي = ان حضرنا لعبنا والرجل مايخافي
وانت جمهورك اللي يدفعك يالسنافي = صفقو ياصفوف وياجماهير حيو


انا هنا موجود يارجال لاتعيد السؤال = والارض قشرا يافهد ترهو يطير غبارها
ان غربت دنياي والله ياولد حلٍ محال = وان شرقت رحنا وطي محدن يعرف اسرارها
أبو محمد
24-01-2005, 02:59 PM
الله يعطيكم العافيه يالشعار ابدعتوا وبانتظار المزيد من الابداع
فهد بن محسن
25-01-2005, 10:48 AM
ابو محمد حياك الله .. ويشرفنا وجودك يالغالي

استلم يالمشتاق


انت مشتاق فيك الشوق بالحيل زايد = ونت شاعر مخضرم بس منته برايد

انتبه ياولد لاقص فيك الزوايد = صفقو ياصفوف وياجماهير حيوو



انته هنا لاكن اشوفك ماتعدا هالضلال = والناس في هالوقت قامت تنكشف لي اديارها

لاكن دارك ياولد مدري جنوبٍ او شمال = قلي كذا ولا كذا حتى نعرف انصارها

تحياتي لكم
المشتاق
26-01-2005, 12:11 AM
اهلا وسهلا يابو محسن

واستلم

شوقي اللي ذكــرته يالســنافي سبايب @@@@@ صاحبٍ قد فقدته له سنين وغايب
ونت تلعب على الموال خاطرك طايب @@@@@ صفقو ياصفوف وياجماهير حيوو



انا من ارض الله عايش في السهل ولا الجبال @@ او عايـشٍ في واديٍ ولا بغـب ابحارها

ونا عرفــتك شاعرٍ يارجـل من ظمن الرجـال @@ اسلم وسلم لي على الساحه مع شعارها




ابو محسن .. صح لسانك يالسنافي .. وماقصرت وبيض الله وجهك
فهد بن محسن
27-01-2005, 02:31 AM
الاخ المشتاق .. صح بدنك .. وماقصرت وبيض الله وجهك ... ولا تحرمنا جديدك

تحياتي لك
ابومحمد الشامري
29-01-2005, 01:20 PM
لا هنتم يا النشاما على المحاورة الرائعة ننتظر جديدكم