المساعد الشخصي الرقمي

مشاهدة النسخة كاملة : هبوب النسيم


حسين اليامي
16-06-2005, 12:59 AM
ما احلى النسيم حين يهب على قلوب العاشقين ، لتتحرك من نسمته جميع المشاعر ويحرك معه ذلك الليل الكثيف ( الشعر الأسود) ثم يزيح ذلك القناع الظافي على وجنة من احببت فاتمنى مزيدا من ذلك الهبوب حتى تهنى عيوني بما فقدته منذ زمن بعيد اليكم هبوب الريح متمنيا ان تنال ولو جزء بسيط من رضاكم

يانـود هبـي وشـلـي عـنـه أنقـابـه
خلي أعيونـي تشـوف المبسـم الـوردي
حبيـت أداريـه يـوم انـي علـى بـابـه
ولا ترانـي لشـوقـي واصــلً حــدي
لكـن غـلاه.. وهـواه.. وخوفـه أعتابـه
وقفـت مـن شيمتـه لا تنـزعـه يــدي
يابنـت لا لا ... عـلام العيـن مرتابـه؟!
لـي شفـت ثغـرٍ يبّيـح خافـي السـدي
أللـي بلـون الشفـق فـي حـزة أغيابـه
ياويـل حالـي عليـه ويـا عنـا وجـدي
خلفـه ثمـانٍ تبـارق لـي ضحـك نابـه
والعين عيـن الوحـش لـي قامـت تلـدي
والعنـق عنـق المهـا لـي ركّـز أرقابـه
والخـد والقـد كـن فيـها القمـر يـبـدي
ونهـود صـدره مثـل تفـاحـة الغـابـه
والريـح ريـح العطـر بالمسـك والنـدي
أنشهـد انـه يـتـل القـلـب باطيـابـه
حتـى ولـي راح تبقـى ريحتـه عـنـدي
وانشهـد انـه لقلبـي خـيـرة أحبـابـه
وانـي علـى جيتـه شفـقـان ومــودي
أشفـق عليهـا مـن المـاء عنـد شرابـه
في واهج القيـض يـروي ظامـي الكبـدي
واحبهـا حــب طـفـلٍ قــال يايـابـه
فيه الغلى .. والوفاء.. والصدق.. والـودي
هي الذرى في الشتـاء لـي حـل مشهابـه
هـي الـذرى والدفـه مـن ليلـة البـردي
هي الأمـل والرجـاء والخـوف واسبابـه
هـي البحـر والنهـر والجـزر والـمـدي
وانا القلـم لـه ..وانـا الفرجـار وكتابـه
وانا على اللي مضـى لـه حافـظٍ عهـدي
قضيـت كـل العمـر امــوت واحيـابـه
يومه على كـل جنسـه ..فـرق.. متعـدي
ياليـل لـو كنـت بالساعـات متشـابـه
ولاّ تشابـه ظلامـك واسـمـك الـفـردي
ماجيت تشبـه مسـاي أللـي جلسنـا بـه
لين ارتوى ظامري .. وتعبت .. من عضدي!
وسريـت واحـلام باقـي الليـل جـذابـه
واثـر الزمـن بالنهايـه واقـفٍ ضــدي
ياحـظ مـن هـو يصلـي عنـد محرابـه
قلبـه يطيعـه عـن الخفـرات ويـصـدي
يانووووووود هبي وشيلـي عنـه أنقابـه
خلي اعيونـي تشـوف المبسـم الـوردي

راكان اليامي
16-06-2005, 01:18 AM
الله الله صح لسانك ياحسين وتسلم يمناك على القصيده الجزله

فهد بن محسن
16-06-2005, 01:33 AM
الاخ الشاعر حسين اليامي


صح لسانك ولاهنت يالغالي


تحياتي

حبيب
16-06-2005, 02:13 PM
حسين اليامي صح السانك ولاهنت

تحياتي

السنافي
16-06-2005, 02:32 PM
الاخ الشاعر حسين اليامي


صح لسانك ولاهنت يالغالي

حسين اليامي
16-06-2005, 11:36 PM
الاخ راكان لاهنت طال عمرك اشكرك على مرورك العذب والكريم

حسين اليامي
16-06-2005, 11:38 PM
الاخ فهد بن عبد المحسن

اشكرك طال عمرك ومرورك زادني شرفا


تقبل تحياتي وعظيم تقديري

حسين اليامي
16-06-2005, 11:40 PM
الاخ حبيب



اشكرك على مرورك الكريم لاهنت

عبدالله الوعيلي
16-06-2005, 11:41 PM
يانووووووود هبي وشيلي عنه أنقابه
خلي اعيوني تشوف المبسم الوردي




الله عليييييييييييك يا حسين اليــــامي
صح السانك طال عمرك

في انتظار روائعك القادمه

حسين اليامي
18-06-2005, 12:45 PM
اخي الكريم السنافي
اشكرك طال عمرك لاهنت على مرورك العذب والكريم

زادني شرفا هذا المرور الكريم لاهنت طال عمرك

العوووود
18-06-2005, 05:17 PM
الاخ حسين اليامي صح اللسانك ولاهنت

العرجاني محمد
19-06-2005, 05:05 AM
صح لسانك مليون ياحسين ,, عزالله إنك هيضتنا

حسين اليامي
19-06-2005, 12:37 PM
الاخ عبدالله الوعيلي


حياك الله اشكرك على مرورك ومتابعتك لما اكتب


لاهنت طال عمرك

حسين اليامي
19-06-2005, 12:38 PM
العوود لاهنت


اشكرك طال عمرك وتقبل خالص تحياتي