تفضل يالبخيت

[فهد بن محسن]

بسم الله الرحمن الرحيم

صباح الورد للجميع ..و صباح الخير والخيرات

اسعد الله اوقاتكم بكل خير احبتي اعضاء هذه المجالس من شعراء ومن متذوقي الشعر

الحقيقة الشعراء كثيرين وفيهم الخير والبركة

وفيهم شعراء انظمو الينا قبل فترة وجيزة

وودنا نلعب معهم كلهم ,, ولكن بناخذهم بالدور

تفضل يالبخيت استلم والله يحييك ويحيي جميع الاخوان في مجالس قبيلة العجمان



سلام الله على الشٌعار مني وابرك الحزات = ليا مني لقيت الشاعر اللي ينقض الابيات
نبا نأخذ معه وقفه . وسجه . والزمن وقفات = نبي نضغط على الشٌعار حتى نبسط الجمهور



في ذمتي لضغط على الشٌعار = حتى يفرق بيننا الجمهور

وين البخيت الشاعر البيطار = خلوه بأتي والزمان يدور



تحياتي للجميع

[البخيت]

ابقاك الله يافهدبن محسن

استم

يامرحبا من هاجسي بانت على الشرف والعزليا مني لقيت الشاعر اللي يلبس المرعز
اضحك واضحّك الجمهور لامن قلتله ينقزنبي نضغط على ولد محسن ونبسط الجمهور

في ذمتي لاحذفك وسط النار=محدن يفكك لو معك طابور
وصّلتلك يالشاعر المغوار=جاك البخيت وجاك معه النور

[حبيب]

الله الله صح الساانك يابووفيصل جزل كما عهدناك

متابعين ياشعاارر واااصلووووووووووو

[فهد بن محسن]

الاخ البخيت

مرحبا بك وحياك الله ويشرفني اللعب معك طال عمرك


ولكن بعض ابياتك في الموال تحتاج مراجعه ..

والشطر الاخير في الموال ليس ثابت كل مره .. يجب ان يكون الشطر الرابع في الموال هو البيت الاول في الشله


استلم طال عمرك



هلا بالشاعر اللي لا لعب صفق له الجمهور = ولكن مشكلة لو قلت انا لك بيتك المكسور
وحاول تضبط الالحان حتى نخفي المستور = ومهما صار ولا صار والله ماعليك قصور



ياصاحبي لو صار مهما صار = في ذمتي ماقول فيك قصور
واللعب يبغا ياولد معيار= وماحن نبغا لك شهادة زور

تحياتي لكم

[فهد بن محسن]

الاخ

حبيب


حياك الله

ومتابعتك تشرفنا

تحياتي لك

[البخيت]

الاخ فهد بن محسن
انت تقول ان الشطر الرابع في المواله والبيت الاول قي الشله
لكن يابعدي ماطبقة الشيّ هذا
لا في الموال و البيت الاول
ولا في الموال والبيت الثاني

على كل حال صح لسانك
بيّض الله وجهك ولاهنت

اخوك

البخيت

[فهد بن محسن]

حياك الله يالبخيت

واسمه موال ,, وليس مواله

ليه ماطبقته ,, اقرا الشطر الاخير في الموال زين ,,, وتلقاه نفس معنى البيت الاول مقسوم على شطرين ,, وهذا النوع من الموال واللعب مايجيده كل شاعر ياالغالي

حياك الله .. وسعدت بوجودك معنا في المجالس




ومازال المجال مفتوح لمن يرغب اللعب من الشعراء



تحياتي لكم جميعا

[العميد]

السلام عليكم

ومساكم الله بالخير جميع

بعد ما قال الاخ فهد المجال مفتوح حبيت ارد عليه واجاريه لو انى مانيب حوله لكن الله يعينا عليه :)

واستلم يالقرم..


هلا يا مرحبا بك يا فهد والله محيينى=عدد من طاف بيت الله ولبّو له ملبينى

عن اذنك يا البخيّت خلها مابينه وبينى=بنشعلها فتيلة نار للى ما يطيع الشور


ذا الليل نشعلها فتيلة نار=للى يضيع وما يطيع الشور

جاك الفرج يا مكرم الخطار=وان طال ليلك مقتفيه النور

[حبيب]

جاك الفرج يا مكرم الخطار
وان طال ليلك مقتفيه النور

الله عليك يا العميد والله مبدع

ابوفيصل واصل مع العميد ومتابعين

وانتم اهل الابداع

تحياتي

[فهد بن محسن]

ارحب يالعميد


اي والله باسمح لك تلعب معي


وهذا يشرفني طال عمرك


رتبتك عميد وفي الشعر


حياك الله


تحياتي لك

[عبدالله الوعيلي]

صحت السنتكم يا شعار

واصلووا متابعين لكم

والله الله

[فهد بن محسن]

هى وغلا باخوي العميد


استلم لاهنت


هلا يامرحبا بك عد مالاح برق الصيف = تفضل يالعميد اقلط وعطني شي مابعد شيف
ترا الشاعر يجي شاعر ولكن مايجي تزييف = وانا مبطي عن الدار ولقيت الشعر فيه قصور


غبنا لنا يومين عن ذا الدار = ولقيت بعض الشعر فيه قصور
الشعر ماهو سلعة التجار = الشعر معنى واليالي تدور


تحياتي لكم جميعا

[العميد]

ابك البقا يا فهد

واستلم لاهنت..


يدوم ابك البقا يالشاعر اللى تبدع القيفان=ولاكنّ الاشاعه بيّنت والجرح فيها بان

تعالج جرح غيرك مير جرحك يوسع الصمان=ولاكن غلطة الشطّار تدمح والردى معثور


يا كبرها يا غلطة الشطار=لاكن تدمح والردى معثور

هيا توكل واصل المشوار=ماجور منها يا ولد ماجور

[العميد]

أررررررررررحب يا حبيب

مرحبا ومسهلا وشهادة منك اعتز فيها يالقرم

لكن عادنى ابغيك :)


الوعيلى

اررررحب وصح بدنك ولاهنت على المتابعه

[فهد بن محسن]

عبد الله الوعيلي

حياك الله

مرورك يشرفنا


حبيب

حياك الله

مرورك يشرفنا


العميد .. المعذره على التاخير في الرد .. خميس وجمعه وتخبر تكثر الارتباطات والالتزامات


استلم لاهنت


تراني شفت لي طيرٍ يطير ويفرد الجنحان = نشدة الناس منهو له وقالو طير ابن برمان
يطير ولا يصيد . إليا كفخ يمسح لك الريضان = بغيت الطير يومه طار .لكنه وراه سبور



انا بغيت الطير يومه طار = ورسلت انا لي من وراه سبور
لكن قالو من طيور الدار = قلت اتركه حتى يجيه الدور


تحياتي لكم جميعا

[العميد]

مرحبا ومسهلا يا ابو محسن معذور ولا انت بمعثور

واستلم لاهنت...



دخيلك من عمى الاريا دخيلك من عمى الارماس=ترى بعض السوالف مالها ساسٍ ولا كرياس

وأنا حرٍ ليا منّه ضرب فى الثندوه والراس=نحشم الجار لوّه جار ما نقبل عليه الزور


حنّا نحشم الجار لوّه جار=ايضا ولا نقبل عليه الزور

بعض السوالف مالها معبار=يا ليت ما عدّت من الحنجور

[فهد بن محسن]

الاخ الشاعر العميد


استلم طال عمرك



حبيبي آسف ازعجتك يقوله خالد الفنان = وانا اقول اسف ازعجتك وحاول توزن الميزان
ترا منته بقصدي ياولد غير اضبط النيشان = وانا ماعدي الخطٌار وانا ماني بمعذور


حنا ترا مانطرد الخطار = ومنهو يسويها ماهو معذور
وانته رفيع الجاه والمقدار = غير انتبه لاتكشف المستور

تحياتي لك

[العميد]

الشاعر فهد بن محسن تشرفت باللعب معك ولاهنت

صح الله لسانك.

واستلم الختامية..



انا ادرى وانت ما تدرى ولكن غيرك ادرابه=سل حبيّب يفيدك عن زكاة الدين وانصابه

ولو حنا قفلنا الدرب غيره ينفتح بابه=بذكر الواحد القهار منزل تينها والطّور


الختم ذكر الواحد القهار=اللى منزّل تينها والطور

يا صاحبى يا وافى الاشبار=لا هنت والله يرزق المعسور

[أبو ناصر]

صح لسانك يابو فيصل وصح السانك يالعميد وصح السانك يالبخيت

وافين وافين

وننتظر الجديد

[فهد بن محسن]

الاخ االشاعر

العميد


اسف على تاخير الرد يالغالي . ولكن بسبب مشاكل فنية كانت تواجهني في دخول المنتدى


الشرف لنا طال عمرك


سمو الامير

مرحبا بك وبمرورك الكريم

تحياتي لك