لله در هذه القبيلة .... خصالها نادرة

[تعبت من السياسة]

الوقت يمر ويحس المراقب بتوتر الاجواء وتصبح البيئة صالحة للمرجفين اصحاب القيل والقال الذين يلتقطون الاشارات العابرة ويحورونها وفق مفاهيمهم او اهوائهم

في الامس التقينا بمرشحينا في حفل عشاء للانطلاق في سباق الانتخابات وفي نفس اليوم كان هناك حفل عشاء عند اخينا عبدالله بن شرفان وهنا ظهر المرجفون وهم ولله الحمد قلة قليلة تكاد لا تذكر وبدأوا يعملون ويطلقون الشكوك حول المواقف وأخذوا يتسائلون ( ليه مسوي عشا .. وليه بنفس الوقت . هاااه اكيد فيه شي )

في نفس الوقت كان اخينا عبدالله بن شرفان يصدح في ديوانه ويحث اخوانه على الالتزام والتصدي للتحالفات اللي عينها على كراسينا
وبعد الانتهاء جاء بنفسه لمؤازرة اخوانه ولتأكيد الفزعه

فكانت صفعة مدوية لكل مشكك

والله يا اخوان طرى علي كلام شيبانا عن قوة فزعة بني يام وحتى لوكان فيه اختلاف او تشاحن ثم دخل عليهم الخطر من برى فانهم يصبحون رجل واحد
هذا ما رأيته بالامس وخلاني اقول: لله در هذه القبيلة...خصالها نادره

[سجيت بك]

حن على ماقالو يا تعبت من السياسة ..

يـــــــــــــآم يآ هؤؤؤ يـــــــــــــــآم

وابو مهدي ذيبان طويل شبور وراعي بياض وجهه

وربعنا الاربعه طوال شبور فـ يــــآم وغير يـــــــآم .. وحن داخلين ذآ الانتخــآبآت وراح نعطي من يشكك فينـآ وفي حميتنـآ .. درس لآ ينسونه وراح يضربون المثل فينآ .. مثل مــآكــآنو قبل ..؟



وانا باسمي وباسم ياااام كلها اقول الى الشرذمة الضالة اللي تتكلم في يام .. القافلة تسير ولا يضرهآآ نبآحكم ... وربعنا ال مره الله يوفقكم وتفوزون انشالله وفالكم الناموس واما رسالتي الى ابناء عمي العجمان ويام كلهاااااا بيت راكان بن حثلين يوم قال:

ياسابقي ما من مطير ........ جمعين والثالث بحر .
والله لابوج الطريــــــق ....... لعيون براق النحـــــر .

وال مره والعجمان ووعيل كلهم يام والوعد قدام يا التحالفات الاخري يعني 16/5 ( الوعد قدام وكل حي بيشوف)

مغليكمـ

[الزير سالم]

بيض الله وجه ابو مهدي على الوقفه وبيض الله وجه صبيان يام اللي هم محزم الرجال في وقت الضيق والله يجمعهم على المعزة.

الرجال وشهو دون ربعه ما يسوى شيء.

[kawe-al-theap]

كفووووووووو والله بكل يامي ومري وعجمي

الله يثبتكم ....
وتكفوووووووون لا تسمعون كلام قبيلتين (( قاعد يشبونها بنا ... ))
والله وانا صادق ماعندهم غير الحكي ... ويشبونها بينا عشان
يخسر أحد فينا يبووون كسرتنا الله لا يوفقهم نقالين الحكي
على قوالت الشايب الله يرحمة ويسكنة الجنة :
لا خير في نقال الحكي ولا في قايل

[علي محمد عجمي]

وحنا نقول لله درك ياكاوي الذيب
لأن هذا الموضوع اساسه نقل حكي

بل ان مواضيع الاخ اغلبها بنفس الشكل ((وهو copy ثم paste ))

لأن موقف ابن شرفان مع ربعهم معروف ومجرب -لكن موقف الغير هنا هو اللي يطرح التساؤل ومنها كتابة هذا الموضوع

[عجمي وربي الله]

السلام عليكم ورحمة الله وبركاته

محمد علي عجمي ما فهمت من كلامك اي شئ يا ليت توضح كلامك لاني 5 مرات قريته بس ما فهمت وش تقصد

المهم هو عبدالله بن مهدي بن شرفان وربعه اللي معه يظلون دائما فوق الشبهه رغم محاولات ضعاف النفوس وقليل من الشرذمه ضربهم من تحت الحزام
من خلقوا وذولا ربعنا مع العجمان من الله خلقهم لين جانا اللي جانا وقعد يقول ذا عجمي وذا يامي

بل وصل الامر الى ان تجرأت هذه الشرذمه الى العلن في الانتخابات اللي فاتت وداخل هذا المنتدى بان يقول لن اصوت لعبدالله بن شرفان ولن التزم بالاربعه وكل ذلك لتلميع مرشحا اخر على حساب عبدالله بن شرفان
وكانت هفوات عبدالله بن شرفان يسلط عليها المجهر ويتم التغاضي عن حسناته ويذكرها ابو حمد الشامري

واليوم ويا سبحان الله ولاول مره يمتدح عبدالله بن شرفان بشئ دون اللمز والطعن فيه لانه خرج من المنافسه

مثل ما قلت هم شرذمه قليله لا تصدر ولا تورد ولا يضير عبدالله بن شرفان كلامهم

وهذا الاهم والمهم والاكثر اهميه يظل عبدالله بن شرفان فوق التشكيك

ويظل عجمي كان بغيتوا والا يامي مثل ما تسمونه ولا له مصد هو وربعه من بني عمهم في الانتخابات

وبيصوتوا للاعضاء الاربعه العجمان وليا فازوا فرحنا وكن حن الفايزين
وليا قاله الله خير مهوب شر وخسرنا حدا كراسي العجمان حزنا مثل كل عجمي يخسر كرسي ربعه

والالتزام بالاربعه اللي من مخرجات القبيله هو دائما نوصي به ونحض عليه
ولو ينزل بالعامه مفلحي ما والله يجيه صوت دام ما رضا ينزل بالفرعي مع بني عمه

وكلنا مع الالتزام يالربع ولحد يشكك في ربعه

المخلص : واحدن من الاد مفلح

[علي محمد عجمي]

ياخوي عجمي وربك الله
حنا معك في الكلام اللي قلتنته

وقصدنا هو كاتب هذا الموضوع وش هو مسوي غير انه ناقل حكي ::


((في الامس التقينا بمرشحينا في حفل عشاء للانطلاق في سباق الانتخابات وفي نفس اليوم كان هناك حفل عشاء عند اخينا عبدالله بن شرفان وهنا ظهر المرجفون وهم ولله الحمد قلة قليلة تكاد لا تذكر وبدأوا يعملون ويطلقون الشكوك حول المواقف وأخذوا يتسائلون ( ليه مسوي عشا .. وليه بنفس الوقت . هاااه اكيد فيه شي )
))

ولايندرى منين هو ناقله ولا ليه ناقله

[تعبت من السياسة]

الاخ علي محمد عجمي...
اتق الله .. ثم اتق الله .. ثم اتق الله
ولا تفجر في الخصومه
ترى ما اعرفك ويمكن لو اعرفك اعين رجال اطيب مني واحسن مني ولا بيني وبينك الا ذا المنتدى
لما انتقد كتاباتك فلأني ارى بها ما يضر ويشتت ونحن في وقت حرج


الاخ عجمي وربي الله
ارجو ان لا يلحقك الشك ومن خلقنا والمفلحي عجمي ويشهد التاريخ البعيد جدا
واتمنى ان لا يثار هذا الموضوع نهائيا وارجوك مية الف مرة اذا احد تطرق او لمح لها الموضوع ان يتم حقرانه وعدم الرد ونقوله ..العب غيرها يا شاطر

[قهيدان الغفراني]

نعم هذا الكلام.................

ال مره والعجمان ووعيل كلهم ياااااااام والوعد قدام ايها التحالفات

[علي محمد عجمي]

ياكاتب الموضوع وحنا بعد شفنا في موضوعك شوي من اللي يضر - وحاولنا نزيل أي لبس
( لما انتقد كتاباتك فلأني ارى بها ما يضر ويشتت ونحن في وقت حرج - هذا كلامك )
مع انك اساسا رؤيتك جلها لمواضيع الاخرين كانت مبنية علي ظن شخصي منك – وللأسف غير حسن
بعدين لما تقول : (اتق الله .. ثم اتق الله .. ثم اتق الله ولا تفجر في الخصومه )
ماسمعت بقول الشاعر : لانتهى عن فعل و تأتي بمثله *** عار عليك اذا فعلت عظيم
((تكرم ونكرم من العار – هذا البيت نصيحة وليس موجه لك لكي لا تظن شيء اخر بعد) )
أخيرا بنعتبر كلامك : (ترى ما اعرفك ويمكن لو اعرفك اعين رجال اطيب مني واحسن مني ولا بيني وبينك الا ذا المنتدى)
خير ختام لحوارنا
سبحانك اللهم وبحمدك أشهد أن لا اله الا أنت استغفرك اللهم وأتوب اليك

[الخليفه]

ردي هو

نحن مع الاربعه

العدوه-الطاحوس-الحويله-الصيفي