صوتولي حبيّب والوعد دونها

[البخيت]

السلام عليكم

بدون مقدمات
استلم ياحبيّب

ياسلامي يعز الروح عند الرجال=عود مع مسك مع ريّحان مضمونها
والحمول الثقيله مالها الا الجمال=صوتولي حبيّب والوعد دونها

[فزاع]

وعليك السلام وصح الله لسانك يالبخيت وبانتظار شاعرنا حبيب
يالله الله يعينك يا حبيب على ذا المعارك اليومية الطاحنة:)

قداااااام

[حبيب]

وعليكم السلااام


مرحبا عد ما لاحة بروق الخيال=مرحبا مرحبا والناس يوحونها

احتمل للحمول الجايرات الثقال=يوم بعض الخلايق مايشيلونها

[البخيت]

ياحبيب شربتو من حثال الدلال=راح صافي الدلال وغركم لونها

ان عطيتك ريال تمد نص الريال=مير ريح و نفسك ليه تشقونها

[حبيب]

البخيًت سواليفه تكد الدحال=كلمته كلمته يا ليته ايصونهاا

والله اني جبل من راسيات الجبال= يوم غيري تخمخمها ويخطونهااا

[حبيب]

فزااع لا معليك حبيب ماتهمه المعاارك بس خلك حولي اهم شي اني اسمع صووتك

[عبدالله الوعيلي]

البخيًت سواليفـه تكـد الدحـال
كلمته كلمته يا ليتـه ايصونهـاا

:):) صح الساانك يا حبيب اي بالله



والله اني جبل من راسيات الجبال
يوم غيري تخمخمها ويخطونهاااا

ومليوون نعم يا ابو سعيييييييييد


واصلو يا شعاار احبكها يا حبيب وطيب خاطر الرجااال :)

[البخيت]

ياحبيّب حبيب الشعب روح وتعال=كل جربا تجي للناس يطلونها

ياولد وش علامك رحت سبق الغزال=كل نخنه تعرف القوم عرجونها

[البخيت]

صح ابدانك
يافزاع

وحبيب ازهله
قالك ماتهمه المعارك
كفو والله ياحبيب
تقول وتطول
والله يجملنا معك
يابوسعيد

البخيت

[البخيت]

عبدالله الوعيلي

لاهنت

[فهد بن محسن]

واصلو ياشعار

والله الله باللعب الذرب

ترا ماهو لازم ان حن نفهم معناكم

اخفاء المعاني من اصول لعب القلطة

تحياتي لكم

[حبيب]

عبد الله الوعيلي مروورك يشرفني لاهنت على المروور والاطراااء جعلك سالم


استلم يا البخيت


الشعر في الجنوب وصاحبي في الشمال=ددسنن يقبل ويقفي دركسونها

ياالخيًت ترا في العرف مالك مجال=اعرفك من قديم..وهقوتي دونها

[البخيت]

ياسلااااااااااااااام ياسلااام

اعرفـك مـن قديم..وهقوتـي دونهـا

دونها- ساريه

ولا جات منك نمشيها

استلم


خل راسك تحت سيفي وحكمي عدال=جنب اهل التكاسي لا يشوفونها

جنب الشمس وارقد تحت ظل الظلال=خابرك ترتشي للي يزيدونها

[حبيب]

اسفين يا البخيت ما انتبهت لبيتك الاول ...

استلم الرد وصح السانك


القصر في محله ثابتٍ لا يزال= وام قرنين ماهزته بقرونها
منت كفو الخناجر منت كفو السلال=خابرك بعتها للي يسومونها


ولنا لقااا قريب يا البخيت تحياتي

[البخيت]

منت كفو الخناجر منت كفو السلال
خابـرك بعتهـا للـي يسومونهـا

الله الله
القصر في محله ثابـتٍ لا يـزال
وام قرنيـن ماهزتـه بقرونـهـا

صح لسااااااانك ياحبيب

بيض الله وجهك ولاهنت

البخيت

[saad]

القصر في محله ثابـتٍ لا يـزال
وام قرنيـن ماهزتـه بقرونـهـا ابدعت يابوسعيد وهل كتابتك بالون الاحمر تهديد