الشمالي وناقته الهديه !!

[فزاع]

بسم الله الرحمن الرحيم

هذه قصة قديمة جرت على شخص اسمه عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهديه) قد حست بغياب صاحبها ودائماً تاتي قرب بيت الشعر وترفع رواق البيت براسها وتناظره وتحن وبعد مدة توفي صاحبها فصارت الناقة كل ماوردت تاتي الى البيت وترفع الرواق براسها ولاتجده ثم تسري فسارت ابنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جاراسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:


مل قلب هيضه حـــــــس الهديه=
هجرعت بالصوت من عقب الشمالي
ياذلول القرم حـــــــماي الرديه=
اصبري عقبه على سقــم الليــالي
ذكرت بالــــحب من عينه شقيه=
ذاكــر في نجـد خـــــلان وغـــالي
عقب فــــــقده ماتوالف للرعيه=
تطــرده ساره على روس المفالي
عزتي لــــــــــلقرم حطوله بنيه=
عـزتي للقرم مـن قبر هيــــــــالي
عادته بالكون يثني لــــــــلرديه=
ينسم الـــــحفيات ريــف للهــزالي

[راكان اليامي]

لاهنت يافزاع ونعم فيك وفي الشمالي والله يرحمه

[فزاع]

الله ينعم بحالك يا ابو سالم وتسلم والله على ذا الطلة الحلوة والرد الطيب يالاجودي.

[النداوي]

اشكرك اخي فزاع

على فكرة الدوسري لقب بالشمالي لانه كان جالي يم قبيلة الظفير عن بني عمه بسبب دم .... ومكث لدى الظفير معزز مكرم ... الى ان عاد الى بني عمه بعد ان اكتسب هذا اللقب

[فزاع]

أرحب يالنداوي ويا حي ذا الطاري والله
رغم ندرة تواجدك معنا أخي النداوي إلا أنك دائماً تضيف كل ما هو مفيد وقيم فلك مني كل تحية وتقدير ولا تبخل علينا بذا الطلات الحلوة :)

[السهم]

لا هنت يا أخوي فزاع على هالقصه و القصيده الطيبه.

و الأبل سبحان الله من الحيوانات اللي معروفه بالوفاء للطيب معها و الحقد للي يقسي عليها.

[فزاع]

الله لا هان طاريك يالسهم تسلم على إضافتك وتواجدك أسعدني تسلم يالاجودي تسلم.

[السنافي]

لا هنت يا أخوي فزاع على هالقصه و القصيده الطيبه.

[المرزوقي]

اخي الغالي / فزااع


الله يعطييك العافيه وتسلم على هذه القصه والقصيده الطيبه

[فهد بن محسن]

الاخ \ فزاع

تسلم والله يالغالي ولاهنت

تحياتي لك

[فزاع]

الله لا هان طاريك أخي السنافي
وتسلم على المرور العطر.

[فزاع]

أخي المرزوقي الله يعافيك
وتسلم على المرور الكريم.

[فزاع]

ومن قال سالم
يا ابو محسن وتسلم
على التواجد والرد الطيب.