مصادر موثوقه حسابات بسيطه

[عجمي وربي الله]

السلام عليكم ورحمة الله وبركاته

من مصادر جدا موثوقه من البارح كانت تجرى هالاتصالات بين مرشح الدواسر
وبين الهاجري والعتيبي والمطيري
وذلك عندما تأكد لدى الدواسر بأن المطيري والعتيبي والهاجري قم تحالفوا مع السهول

فجرت الاتصالات للضغط على الدليهي بحكم الصداقات النقابيه بينه وبين الدواسر
ليتم دخول الدواسر معهم
ولغاية البارح تم التنسيق على ذلك
وكانت صعبه على المطيري والهاجري والعتيبي الرجوع في كلمتهم
فلم يجدوا حل الا بالاشتراط على السهول الحلف على القران لوحدهم
وافق السهلي بشرط ان يتم ذلك على الجميع فرفض الجميع ذلك
فقط انت يالسهلي اللي تحلف بسبب اكثريتنا وانت اقليه ( كل ذلك حتى يتم احراجه من جماعته ويرفض التحالف ليتم ادخال الدواسر مكانه )

وكانت فعلا مثل ما توقعوا بان رفض السهلي ذلك

ايضا شرطوا على الدواسر ذلك الشرط فرفض الدوسري ولكن لان الحسبه بسيطه الدواسر اكثر من السهول والسبعان تم الاتفاق على ان يأتي
سعدون والمطيري والهاجري في دوانية الدواسر والدوسري يجمع شيبان ربعه
ويعطون التحالف جل المواثيق والعهود بدون حلف على القران مجرد مواثيق وعهود هالكلام العصر اليوم

وبحسبه بسيطه يضمن التحالف مقاعدهم في ظل الضروف التي يراهنون عليها على العجمان

العتبان 6000
الهواجر 5000
المطيري 6000
الدواسر 4000
المجموع = 21000

ولو حسبنا الحضور بنسبة 70 % على اقل تقدير

يكون الالتزام والانطلاق من رقم 14700 صوت

ويراهن التحالف على مخرجات العجمان وهم 3 محافيظ وواحد صالحي

اي بمعنى يراهن التحالف على عزوف العجمان عن التصويت ومشاركة الرجال فقط دون النساء

ايضا ناهيك عن انفصال ال مره عن العجمان مما يشكل فرصه سانحه امام التحالف للفوز باربعة كراسي
الله يستر

وهنا تكون المعادلة صعبه بالنسبة للعجمان

تكفون يا بني عمي لا يطرحونا الرجاجيل تكفون رجالكم ونسوانكم لا يغيبون عن التصويت

تكفون ازهموا القبايل الثانيه

هالمصادر جدا موثوقه

[علي محمد عجمي]

ماينلامون يتخلون عن خويهم الاول - لان مابينهم الا المصلحة
وان شاء الله هذا اول تفككهم - ويجي أكثر بإذن الله
لكن ترى حنا اللي عطيناهم فرصة يطمحون ويطمعون بكراسينا
للأن الناس تنظر لقدام - وحنا نرجع ورى

[عجمي وربي الله]

شكر لك يا خوي يا محمد والله انك صادق
يا اخي والله انها تندبل كبدي من السفهاء اللي يكتبون في الشات اللي في سكوب

وانا داري ماهم عجمان ذولا ناس من التحالفات الاخرى يبون يشقون صف القبيله

والمشكله ان فيه عجمان يردون عليهم بكلام بعد يجرح ويزيد تفكيك القبيله

يا جماعه يا اخوان ما عليكم من الشات

خلونا ندعوا للتكاتف ونبذ التعنصر للفخوذ ترا اول وتالي عجمان

والله ان ودي اروح لنائب من بني عمي

ولا اذل عمري عند عتيبي والا هاجري والا دوسري والا مطيري
يمن على بتخليص اموري وما تسوى علي

يا اخوان فكروا لبعيد يا جماعه ترا اول وتالي الكراسي للعجمان والشماته كثيرين

اتركوا التعصب والتعنصر وخلوكم على قلب واحد

[سنقروس]

ياجماعه انشالله التحالف ما راح يلتزمون ولا لهم الا كرسيين وراح يتناحرون عليها ويصير انشاالله

تخوين بينهم مثل ما تبادل سعدون والهاجري فالانتخابات اللي طافت وهم كل واحد في قائمه

وكل واحد خون في ربعه اللي وياه في القائمه بس يا جماعه الحذر مطلوب ونبي الالتزام تكفون

وانا عندي اقتراح وهو لصالح مرشحينا وللقبيله نطلب من مرشحينا ان يقدمو عروض للقبائل

الاخرى مقابل الدعم مثل سكرتاريه وغيرها والله هذا من صالح القبيله ولصالحهم

[طبعي عنيد]

الحين انت توقع العتيبي بيعطي الدوسري

والهاجري بيعطي المطيري

مع الاحترام لي جميع القبائل

لا
شي صعبه لو حلفو ملايين المرات
عتيبه مارح ينسون فعلت حسين براك في الفحاحيل
وكلامه <طلعت على ضهور عتيبه >
ولا
تنسا شباب بني هاجر <شخص منهم اعرف تعرف وش يقول يموت المطيري ماشم صوت مني >
حتي لو صات تحالفاتهم

اذ كان فيه التزام من العجمان <بذات الالجان النسائيه انشاءلله كلهم طلعين الاربعه >

خلوكم متفائلين بكل خير

[ابوعبدالرحمـن]

السلام عليكم ورحمة الله وبركاته

سوف يكون في ذلك التحالف خيانه عظمى وهذا الكلام اثبتته التجارب السابقه بالنسبه للتحالفات القبليه ؛ وبالنسبه لمرشحيننا

هذه المرّه اكثرهم بياخذون من خارج قاعدتهم لأن الحويله والعدوه اعضاء سابقين ولهم افضال

او بمعنى آخر متجملين في ناس من خارج القبيله وهذي بتكون من صالحهم ؛ والطاحوس ما يحتاج :) صار بطل قومي والدائره كلّها

بتعطيه ويمكن يكون الأول او الثاني على الدائره لكن الخوف على الصيفي والله يستر ..

في النهايه تبقى وجهة نظر ؛

[kawe-al-theap]

تحــــــــــالفــــــــنا يصمل
وتـــــــحالفهم هـــــــــش

السبب :
نحـــــــــنو من صلب رجـــــــــال وأحد ونجتمع بجد
وهم .. قبائل متعدده
معروفة فزعت صبيان يام

[عجمي وربي الله]

يا جماعة الخير والله ماهي سالفة من صلب رجال واحد وغيره
السالفة سالفة مصالح متبادلة ومشتركة ولا عنده مشكلة العتيبي اذا عطا صوته لدوسري وهاجري ومطيري وكذلك الدواسر ما عندهم مشكله ينجحون رفيقهم بالتزامهم مع تحالفهم لا صار التحالف يوصلهم للكرسي

يا جماعة الخير فقط التزامنا نحن هو فقط ما يعولون عليه نجاح ربعهم وسقوط ربعنا

ال مره وطلعوا وهذا اللي خلى التحالف يستميت على الالتزام

الاصوات الشاذه من العجمان اللي يقول مخرجاتنا سيئه وانه راح يقاطع الانتخابات

هناك اصوات شاذه تحاول التعنصر وتقول 3 محافيظ عشان كذا راح يقاطعون الانتخابات
والطيب فيهم يقولك انا بروح اصوت بس اهلي ونسوانا ماهم بلازم يحظرون الانتخابات

يا جماعه اذا ما صار فيه التزام من الرجال والنساء صدقوني هناك احتمال التحالف يظهر علينا
لازم نعمم الالتزام على الجميع ونحض عليه نسوانا قبل رجالنا
تكفون لا تروح الكراسي علينا