حوار مع مبدعات مجــا لس العجمان

[vip-534]

حوار مع مبدعات المجلس العجمان






أعجبتني الفكره وأحببت طرحها في المجلس .. فعسى أن تلقى إقبالـ من جميع الاخوات

لأن فيها نوع من التواصل المشــــوق بيننا إن شاء الله ..

راح تكون بكل بساطة كالتالي :

لقاء مع طباخه يعني عضوه من عضوات المنتدى والمجلس..

ونطرح عليها بعض الاسئله وهي تجاوب عليها بعدين راح تختار عضوة

ثـــانـــيـــه ..

وهــكــذا...ان شاء الله تكون اتضحت الفكره


الهدف بالتأكيد هو التواصل الراقي بيننـــــــــا في مطبخ المجلس نتمنى تحقيق الهدف
وبالتأكيد هدفنا الأول والأخيــر المتعة والفائدة..

وتكون نفس الاسئله اللي بتنطرح على كل عضوه ...


http://www.dubaieyes.net/gallery/data/media/305/f126.gif


وهــــذي الاســئــلـه ..


س1..عرفينا عن نفسك وخاصه في الطبخ ؟

س2..وجبتك المفضله؟

س3..طبق تحبين تسوينه كثير؟

س4..متى تعلمتي الطبخ؟

س5..موقف طريف صار معاك في المطبخ ؟

س6..يعتمد عليك في الطبخ او لا؟

س7..سوي طبخه وصوريها لنا؟

س8..نصحيه توجهينها لطباخات منتدى والمجلس

س 9..هل تستخدمي الميكرو يف؟

س 10..ما هو رأي أهلك أو زوجك في طبخك ؟

س 11..ماهي نوعية الاواني التي تفضلين ان تطبخي بها؟

س12..ماهي الأكلة التي تحبها عائلتك وأنتي لا تحبيها ؟

س13.. اول طبخه طبختيها ؟؟

س14..كم مره احترقت الطبخه معاك ؟؟

س15.. اول كتاب طبخ اعتمدتي عليه ؟؟

س16..مين قدوتك طبعا بالمطبخ ؟؟

س17.. تحبي احد يساعدك بالطبخه ؟؟

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟

س 19.. ما رأيك بــ الفكرة لقاء وحـــوار مــع مبدعات مطبخ المجلس العجمان؟؟؟

س20 :مـــيـــن او ممكن تختاري اللي بعدك ..؟؟

[الغروب]

السلام عليكم ورحمة الله وبركاته

فكرة طيبة وجديدة وننتظر تواجد الاخوات ،

vip-534 كل الشكر

[المطنوخة]

الله يعطيك العافيه

من جد موضوع رايق

وفكره طيبه للتواصل مع جميع الأخوات

شكرا لكـ

ولي عوده للاستمتاع

تحياتي

[فهيد الكفيف]

موضوع مميز واتمنى ان نرى تفاعل من الاخوات الكريمات

مشكور اخي الكريم على هذا الموضوع


اتمنى لك التوفيق...

[vip-534]

مشكور مشكور مشكور مشكور
مشكور مشكور مشكور
مشكور
مروور
ج م ي ع

[@صدى الاهات@]

س1..عرفينا عن نفسك وخاصه في الطبخ ؟
بصراحه وبكل صدق احب الشغل في المطبخ

س2..وجبتك المفضله؟
اكله الفوتيشيني \والمكولات البحريه

س3..طبق تحبين تسوينه كثير؟
المكرونه

س4..متى تعلمتي الطبخ؟
اممممممممم تعلمت الطبخ بصراحه قبل سنتين بعد ماسافرت الخدامه معاناة:z32:
س5..موقف طريف صار معاك في المطبخ ؟

لما غسلت العيش قبل الطبخ على بالي انه نظف من الدود الي فيه وبعد الطبخ طلع نص العيش دودو تفشلت حدي:)

س6..يعتمد عليك في الطبخ او لا؟

الكذب خيبه مايعتمد علي لاني احب اسوي بالوقت الي اكون انا فيه فاضيه

س7..سوي طبخه وصوريها لنا؟
ابشرو تامرون امر ان شاء الله اسوي لكم المكرونه المفضله بالدجاج والكريمه والجبن

س8..نصحيه توجهينها لطباخات منتدى والمجلس
ظروري تعلم الطبخ لان الطبخ شي عجيب واهم شي لما نطبخ نغدي اخوانا في المنتدى و المجالس عشان يعطونى رايهم

س 9..هل تستخدمي الميكرو يف؟

قليل استخدامي له

س 10..ما هو رأي أهلك أو زوجك في طبخك ؟

طبعا وبدون شك يمدحون شغلي لان المثل يقول من ((يمدح العروس غير امها وخالتها ))

س 11..ماهي نوعية الاواني التي تفضلين ان تطبخي بها؟

الاستيل بنواعه وللاطباق استخدم البايروكس

س12..ماهي الأكلة التي تحبها عائلتك وأنتي لا تحبيها ؟

لا يوجد لان الكل كله حلو

س13.. اول طبخه طبختيها ؟؟

عيش مشخول ودجاج مقلي مع مرق دقوس (طماطم)

س14..كم مره احترقت الطبخه معاك ؟؟

مره واحده لما كنت اسوي عيش بطماط

س15.. اول كتاب طبخ اعتمدتي عليه ؟؟

لايوجد كتاب اعتمدته عليه الله يخليلي الوالده والخوات هم الي علموني

س16..مين قدوتك طبعا بالمطبخ ؟؟

منال العالم

س17.. تحبي احد يساعدك بالطبخه ؟؟

في بعض الاحيان اي

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
إذا خربت مرة وحده مافيها رجعه اقول خيرها في غيرها

س 19.. ما رأيك بــ الفكرة لقاء وحـــوار مــع مبدعات مطبخ المجلس العجمان؟؟؟

بصراحه وبكل صدق قكره بغاية الروعه واشكر من قام على هذي الفكره الناجحه اvip-534خوي

س20 :مـــيـــن او ممكن تختاري اللي بعدك ..؟؟

اختار اختي الغاليه الغروب:



تقبلو مني خالص التحيه:

[ناثرة الورد]

صبـــاح الخيـــر ..}

يعطيــك الـف عـافيه علي هالفكـره الرائعه و المميزه ....

{{ صدى الاهات }}

مشكــوره اسمتعنـا باجاباتك الرائعه و الممتعـه ....

بـانتظـار عضوتنا المبدعه {{ الغــروب }} ....

[الغروب]

مرحبا :a28:

س1..عرفينا عن نفسك وخاصه في الطبخ ؟

متوسط .

س2..وجبتك المفضله؟

مافيه شئ محدد .

س3..طبق تحبين تسوينه كثير؟

بعد مافيه شئ محدد ، لكن السلطات ، الساندوتشات البسيطة ...

س4..متى تعلمتي الطبخ؟

بالمدرسة .

س5..موقف طريف صار معاك في المطبخ ؟

نسيت الملح وكانت الطبخة كايدة ( هريس ) والجميل انها من عند

اختي الغالية فضه وضعت الطريقة والمقادير وعرضتها بشكل رائع وكان في رمضان الماضي حتى الطبق

رحت واشتريت زيه وباللحظات الاخيرة اكتشفت اني ناسية الملح بس استدركت الموضوع :) وهنا اجمل تحيه

لقلب فضه

س6..يعتمد عليك في الطبخ او لا؟

ماادري بس الأكيد نص اعتماد .

س7..سوي طبخه وصوريها لنا؟

ان شاء الله .

س8..نصحيه توجهينها لطباخات منتدى والمجلس؟

يتعلمون طبخ الاجداد والأمهات لانها صحية أكثر وبعدين نبغاها من مصدرها الأصلي .

س 9..هل تستخدمي الميكرو يف؟

احياناً.

س 10..ما هو رأي أهلك أو زوجك في طبخك ؟

حسب الطبخة .

س 11..ماهي نوعية الاواني التي تفضلين ان تطبخي بها؟

بعد حسب الطبق لانه احياناً الأستيل هو المناسب وفيه اطباق تكون افضل بالفخار واخرى بالبايركس وهكذا .


س12..ماهي الأكلة التي تحبها عائلتك وأنتي لا تحبيها ؟

مافيه .

س13.. اول طبخه طبختيها ؟؟

مكرونة بالخضار .

س14..كم مره احترقت الطبخه معاك ؟؟

مرة اومرتين !!!

س15.. اول كتاب طبخ اعتمدتي عليه ؟؟

كتاب الشيف رمزي .

س16..مين قدوتك طبعا بالمطبخ ؟؟

أمي .

س17.. تحبي احد يساعدك بالطبخه ؟؟

كطبخ لا . لكن الأعداد ضروري .

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟

اعدلها قدر الإمكان .

س 19.. ما رأيك بــ الفكرة لقاء وحـــوار مــع مبدعات مطبخ المجلس العجمان؟؟؟

اشكرك وكما اسلفت فكرة رائعة خاصة لدينا متميزات وحاصلات على التفوق في المطبخ مثل / فزو لها وm!ss83

س20 :مـــيـــن او ممكن تختاري اللي بعدك ..؟؟

الغالية / يــــــوران .

اتمنى اني اصبت وكنت مفيدة لكم وخفيفة عليكم .واخص بالشكر القديرة / صدى الاهات :a28:

[vip-534]

شكراااااااعلى تفاعلكم بهذا الموضوع يا اخواتي الكم مني الأحترام.

[يوران]

س1..عرفينا عن نفسك وخاصه في الطبخ ؟


الشيف يوران ... الطبخ عندي دون المتوسط بس متذوقه ممتازه :p


س2..وجبتك المفضله؟


باسكن روبنز a22


س3..طبق تحبين تسوينه كثير؟


فشله


سلطة فواكه 42t



س4..متى تعلمتي الطبخ؟


يومني باعداديه


كانت كيكه حنا خبصنا والابله سوتها بدالنا


س5..موقف طريف صار معاك في المطبخ ؟


كنت صغيره ومعطينا في المدرسه طريقة كيكه قلت بسويها في البيت واروح واسكر على نفسي المطبخ مصدقه عمري اني طباخه وباسوي طريقتي السريه << الطريقه في كتاب الاقتصاد المنزلي a25


مدري ليه مسمينه اقتصاد منزلي بدال تدبير منزلي :53t:


مالش بالطويله الا واكب كل المقادير وادخلها الفرن واشغله واجلس انتظر مرت نصف ساعه ماانتفخت وهو وقتها نصف ساعه

قلت انتظر لين تنتفخ << لو جايبه منفاخ تيوب كان احسن


الا واويق على الفرن الا صاير لونها بني مو برتقالي :53t: طلعت الكيكه محترقه :(


جيت بسوي لها اعدام بس العالم كلهم ينتظرون الشيف يوران


وللاسف ماحد تجرأ وذاقها الا امي وخالتي << اخاف عليهم بعد فتره يتهورون ويسوون عمليات انتحاريه D:


ووووبس


شكلي غطيت على الحزن داري D:


<< بتتكفخ ههههههه



س6..يعتمد عليك في الطبخ او لا؟


لا


س7..سوي طبخه وصوريها لنا؟



ابشري


يمكن هالشي يدفعني لحب الطبخ :p


س8..نصحيه توجهينها لطباخات منتدى والمجلس


اللي ماتعرف تطبخ لاتحط روحها فنانه وتخبص في المطبخ ... ترى منهي عن الاسراف


امزح


الا تعلموا بكره بتروح الشغاله ولا بتطق من بيسوي الغدا والعشا 15t


س 9..هل تستخدمي الميكرو يف؟


للاسف اي


س 10..ما هو رأي أهلك أو زوجك في طبخك ؟


امي وخالتي يقولون انه زين D:


س 11..ماهي نوعية الاواني التي تفضلين ان تطبخي بها؟


<< ودها تنقل الاجابات اللي فوق


والله ياختش الموجود D:


س12..ماهي الأكلة التي تحبها عائلتك وأنتي لا تحبيها ؟


كل اللي يحبونها احبها


س13.. اول طبخه طبختيها ؟؟


اللي قلت سالفتها


س14..كم مره احترقت الطبخه معاك ؟؟


هي مره = = = << يعني نفس الكيكه ذيك :p


س15.. اول كتاب طبخ اعتمدتي عليه ؟؟


كتابي في اعدادي << والله فشله يالغروب كل اجاباتي مكرره D:

س16..مين قدوتك طبعا بالمطبخ ؟؟


لاكشمي اول شغاله جاتنا


س17.. تحبي احد يساعدك بالطبخه ؟؟



اي



س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟


اذا ماحد درى اكيد اقطها اما اذا دروا فاخليها عشان يشوفونها ويضحكون :(


س 19.. ما رأيك بــ الفكرة لقاء وحـــوار مــع مبدعات مطبخ المجلس العجمان؟؟؟


والله حلوه لو اني مانيب معهم


س20 :مـــيـــن او ممكن تختاري اللي بعدك ..؟؟


حبيييييييييييبتي شيخة المنتدى ( وجه ينقز بحجاجه )


وشكرا يافي اي بي على الموضوع

[! شيخـــــة المنتــــدى !]

8
8
قل عازتــش في ذمتـــي :(


س1..عرفينا عن نفسك وخاصه في الطبخ ؟
سلام نظـر :p

س2..وجبتك المفضله؟
كـورن فلكـس

س3..طبق تحبين تسوينه كثير؟
بعد كورن فلكـس

س4..متى تعلمتي الطبخ؟
لا تعلمته علمتكـم D:

س5..موقف طريف صار معاك في المطبخ ؟
دخلتي المطبــخ بكبـره موقف طريـــف D:

س6..يعتمد عليك في الطبخ او لا؟
انشششهد انه لااااا :(

س7..سوي طبخه وصوريها لنا ؟
ما اعرف انزل صـور <--- احلفــي :p

س8..نصحيه توجهينها لطباخات منتدى والمجلس ؟
لا تستشيروني فالطبـــخ a25

س 9..هل تستخدمي الميكرو يف ؟
لأغراض غيـر الطبـخ خخخخخخخخخخخخخخخخخ

س 10..ما هو رأي أهلك أو زوجك في طبخك ؟
رفلاا :(

س 11..ماهي نوعية الاواني التي تفضلين ان تطبخي بها ؟
سفــري D:

س12..ماهي الأكلة التي تحبها عائلتك وأنتي لا تحبيها ؟
السمـك بأنواعـه

س13.. اول طبخه طبختيها ؟؟
دجـاج بالسكـّـر D:

س14..كم مره احترقت الطبخه معاك ؟؟
ممكن تعيدون صيـاغة الســؤال ( كـم مره ما احترقت معاك الطبخـه ) D:

س15.. اول كتاب طبخ اعتمدتي عليه ؟؟
كتاب الاقتصـاد المنـزلي فالثانويـه :)

س16..مين قدوتك طبعا بالمطبخ ؟؟
امـي لبــا عينهـاا بس ابطـي ماوصلت مواصيلهــااا :)

س17.. تحبي احد يساعدك بالطبخه ؟؟
لا ، احب احد يكفينــي مرةٍ وحـده :p

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
احذفها على طـول ايدي ، واحلف معاد ازين غيرهـــا :p

س 19.. ما رأيك بــ الفكرة لقاء وحـــوار مــع مبدعات مطبخ المجلس العجمان؟؟؟
فكـره حلوه ومفيـده ، لو بـس يوران فاكتكـم منــي كــان ابرك :(

س20 :مـــيـــن او ممكن تختاري اللي بعدك ..؟؟
خجــــــوول D:

[shmoo5_ al_ajmy]

vip

فكره جميله جدا وستمتعت كثير بردود اللأخوات

تحياتي

[الغروب]

مرحبا :a27:

يوران

تسلمي والله اسعدتينا وافدتينا < لاتقولين كيف > :)

اشكرك على تقبل الدعوة وتسلمين يالسنافية :a28:

[الغروب]

! شيخـــــة المنتــــدى !

مرحبا ونورتي المكان

واشكر العزيزة يوران على هالأختيار الذي اسعدنا

وربي يحفظ الوالدة ويطول عمرها ويخليكم ال بعض :a28:

وننتــظـــــــــــر القديرة (( خجــــــــــل ))

مع خالص الود

[][ .. خــجــل .. ][]

اول شي .. يعطيك العافيه اخوي على موضوعك المميز :)
ثاني شي .. شيوخ قل عازتش على قولتك :p .. مدري انا وش الفايده اللي بقدمها خصوصا ً في موضوع الطبخ D:

/
/
/

س1..عرفينا عن نفسك وخاصه في الطبخ ؟
الطبخ احبه من بعييييييييد لــ بعيييييييد .. وعلاقتي مع المطبخ سلام عليكم .. عليكم السلام :)

س2..وجبتك المفضله؟
البرياني :)

س3..طبق تحبين تسوينه كثير؟
السلطات بكل انواعها .. واحب ابتكر من عندي اشكال وانواع جديده .. يعني شي موجود واحسه ينفع يكون في سلطه .. احطه سييييده .. ويضبط بالاخير :)

س4..متى تعلمتي الطبخ؟
ما تعلمته للحين :p

س5..موقف طريف صار معاك في المطبخ ؟
لو مغيرين السؤال وقايلين موقف مصيبه انتي سويتيه داخل المطبخ كان جاوبت على طول ومع ذكر كافة الادله والبراهين والشواهد D:
الموقف :/
قبل كم سنه ما كان عندنا خدامه .. وكنا بعطله الصيف .. سويت الشاي والقهوة والحليب ومجتهده وحالتي حاله .. وشربها ابوي ومدح في القهوه والله انها ازين ما ذقت من القهاوي ومدري ايش عاد انا حزتها كبر راسي من المدح .. ويوم جا العصر رحت ازين قهوه جديده ومشتطه ويوم جيت قال ابوي والله يا بنتي اول مره اذوق قهوه مثلها .. طلعت حاطه النعناع مع القهوه وانا مدري :(

س6..يعتمد عليك في الطبخ او لا؟
لا طبعا ً :)

س7..سوي طبخه وصوريها لنا؟
ان شالله .. اذا طبخت حطيت لكم صوره :)

س8..نصحيه توجهينها لطباخات منتدى والمجلس
لا تطبخون D:

س 9..هل تستخدمي الميكرو يف؟
ايه كثير :)

س 10..ما هو رأي أهلك أو زوجك في طبخك ؟
يجاملوني واجد .. بس امي تقول يبيلك شوي وان شاالله بتعرفين تطبخين :)

س 11..ماهي نوعية الاواني التي تفضلين ان تطبخي بها؟
مدري :p

س12..ماهي الأكلة التي تحبها عائلتك وأنتي لا تحبيها ؟
ما فيه :)

س13.. اول طبخه طبختيها ؟؟
اول طبخه صدقيه :p كنا مسافرين لندن مع خوالي وامي .. وامي مسويه عمليه برجلها وجدتي كبيره .. فــ ما فيه الا انا اسوي العشا للقروب اللي معي .. وسويت معكرونه باللحم والحمدلله ضبطت وكلوها كلها .. بس الظاهر من الجوع مو من زينها D:

س14..كم مره احترقت الطبخه معاك ؟؟
ولا مره .. لأني ما اطبخ واجد :)

س15.. اول كتاب طبخ اعتمدتي عليه ؟؟
مافيه :)

س16..مين قدوتك طبعا بالمطبخ ؟؟
امي طبعا ً

س17.. تحبي احد يساعدك بالطبخه ؟؟
اكيد .. اكيد .. اكيد :p

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
ارقع فيها ما ترقعت ارميها والشكوى لله :)

س 19.. ما رأيك بــ الفكرة لقاء وحـــوار مــع مبدعات مطبخ المجلس العجمان؟؟؟
حلوه .. بس يبيلها مبدعات طبخ مو انا وشيوخ اللي ما نترقع بالمرررره D:

س20 :مـــيـــن او ممكن تختاري اللي بعدك ..؟
اختار طباخه المجالس آهات الحزن :)




ViP شكرا ً من القلب 1bh1

[vip-534]

http://www.atyab.com/uploadscenter/uploads/497e9e6ef8.gif

[ظـبـي الـسـلآطين]

يسلموووووووو ع الموضووع الحلووو
يلاا ننطر اهاات وابداعااتهاااا

[vip-534]

http://abeermahmoud2006.jeeran.com/534-Wellcome.gif