‘‘((همــس‘‘‘الروح))‘‘

[عبداللطيف أبوظهير العنزي]

في ركن سميته ( سكون ) مالله كتب بالتكمله=والله يقدرني ( بهمس الروح ) اعوض ( سكون )

[عبداللطيف أبوظهير العنزي]

اتمنـــى لهـــذا المتصفـــــح ان يــــرتقـــــــي لكـــــــــل زائــــــر ...

الشعـــر رســــاله .. احــــســاس تترجمـــــــه الحــــــروف المرهفــــه

لا استطيــــع ان اجــــزم اننــــــي ســــوف أرضـــي جميـــع الاذواق

لكـــــن اسعــــى لان تصــــل حـــــروفـــــي لقلــــــــوبكم ..

[عبداللطيف أبوظهير العنزي]

http://www.nua3m.net/vb/uploaded/21056_01233589690.jpg





ياحبيبي يوم وصلك انتهى قفى جفول=ارحل بصمت المشاعر لاتجاهر بالوداع
ماتخيل كيف بقوا للمفارق ياخجول=من بعد اربع سنين(ن لا غموض ولا خداع
بالمفارق خلني بعيش صمت(ن مع ذهول=يمكن احس بوجودك حتى بعد الانقطاع

[عبداللطيف أبوظهير العنزي]

أحب الحب لن حبك أحبه كثر ماحبك=ولو غيرك أخذ قلبي ماظني بعشقه كثرك
وإذا ودك تسوي لي عمل وتخاف من ذنبك=أنا راضي وسامح لك اعشق الموت من سحرك
لأني أعشق طبوعك متيم بك متيم بك=جمالك يسحر العاشق عسى عمري فدى عمرك

[عبداللطيف أبوظهير العنزي]

http://www.nua3m.net/vb/uploaded/21056_01235045388.jpg




قالت:::حبيبي ويش جايب لي هديه=قلت:::أنا محتار مدري ويش أقدم
مالقيت اللي يليق أبـ هالبنيه=غير حاجه ما أظن منها تندم
الهديه..أصبري لحظه شويه=هاك ورده لاتأخر لا تقدم
(وردة)(ن حمرا بسيطه يابنيه=تبني صروح المحبه ماتهدم

[عبداللطيف أبوظهير العنزي]

يفز قلب اللي فقد زول غالي=لاشاف من هو يشبه لزول غاليه

[عبداللطيف أبوظهير العنزي]

أحترت مدري ويش أقول بناعم الحس اللطيف=من دونها كل الكلام ان قلت وان ما قلت قل
بس الوكاد انها سكنت فيني وانا ( عبداللطيف )=استوطنت واستعمرت قلبي بلا جهد وعمل

[عبداللطيف أبوظهير العنزي]

:)



بترك الماضي وببدى من جديد=الحياه أمال من جدّ ... وجد
مايفيد الحزن يالعقل الرشيد=والعمر محسوب من يوم المهد


;)

[عبداللطيف أبوظهير العنزي]

ضايقتني .. وأنا أحسبك لي رواقه=مدري ...!! علامك كل مارقت .. لك ضقت
أحب هرجك .. وأسمعه في لباقه=والظاهر أني فيك .. كلي (( تعلقت ))
حقك يجيك .. أجلال ولا دقاقه=ياللي على كل الصبايا .. تفوقت
لكن .. على ما قيل خذها طفاقه=ماودي آصل يمها بس تطرقت
أفهم معانيها وماهي (( حماقه ))=ماني على كيفك إذا رقت .. لي رقت


:a37:

[عبداللطيف أبوظهير العنزي]

حكمتـــــــــي بالحيــــــــــــــــاه ..

<< القنـــــــــــاعه (كنــــــز لايفنـــــــــــــــــــــى >>

:21t::)

[عبداللطيف أبوظهير العنزي]

صباح الخير ولا ... صباح الجرح=ياجرح\ن عجز لا يفارقني

[عبداللطيف أبوظهير العنزي]

http://www.nua3m.net/vb/uploaded/21056_01237132065.jpg



مانتي حكايه في حياتي .. عابره=ياللي مع الدم بوريدي .. سريتي
جيتي وانا مكسور .. وانتي جابره..!!=وسمتي الخفوق بحبك وله .. شريتي
كل المشاعر في غيابك صابره=ياملهمتني .. ولحروفي !!! قريتي
بقول بعد الشطر بيت(ن خابره=يامن .. أتيّتي ولجروحي بريتي
(( ...... )) يابسمة سنيني الغابره=يكفي بحياتي ( أهتني ) لا طريتي


:a28:

[عبداللطيف أبوظهير العنزي]

نبع ( الوفا ) صدق ( الغلا ) يامحبين=نهر ( العطا ) زين ( النبا والصفاتي )
روح ( الدلع ) سيد ( الغنج ) اكحل العين=تنعش ( وورود )(ن ضاميه ذابلاتي

http://www.nua3m.net/vb/uploaded/21056_01237303876.png


لاسولفت كل (القساوه)..لها تلين=وكل العروق اليا سكتت خاملاتي
وأليا ضحكت اتخجل (( التوت <> والتين ))=ياقلبت الرحمن .. وين (النجاتي)..!!




في وصفها لو جبت..كل (العناوين)=في ذمتي (غار)(ن جميع البناتي

[عبداللطيف أبوظهير العنزي]

http://www.nua3m.net/vb/uploaded/21056_01237342548.gif



مهمــــوم قلبي في غيابه ومجروح=والله يعين القلب بغياب الاحباب
شوف الزهر مجروح من متلف الروح=ينزف غياب اللي عن العين ماغاب
والورد مايقدر على البوح والنوح=يكفي تأثر دون لايبدي أسباب


:0015:

[عبداللطيف أبوظهير العنزي]

[align=center]><وحشتني><وحشتني><وحشتني><ياغـــلا البشر><
><كثر الزهر><كثر البحر><كثر الحكي><كثر الغرام><


اشتقت .. لك (شوق الندى لا عانق أوراق الزهر=وقت الفجر لا داعب أغصون الشجر طير الحمام
..
http://www.nua3m.net/vb/uploaded/21056_01237802808.jpg

..


واشتقت .. لك (شوق الضرير اللي فقد حس النظر=واشتقت .. لك (شوق الغريب اللي أغترب (20) عام

><احسب><معي كل><البشر><حب الرمل><كل الشجــــــــــر><
><احسب><معي كـل><الكتب في><حرفها><ويا الكــــــــــلام><
..
><احسب><معي كل><الحصى><كل><الجُمل><كل><العٍبــر><
><ودي أبين><لك><حبيبي><ما بقلبي><من هيــــــــــــــــــام><
..
><أهواك><ياللي><لا حكيت><أذوب في><حكي><((الـــدرر><
><ياغايتي><قلبي><بغرامك><عايش><بأمن><وســـــــــلام><
..
><عيني><بطيفك><ياحبيبي><جالسه><(شعر)><(وسهــر)><
><اسرح><(برمشك><مبسمك><غمازتينك)><ما أنــــــــــــام><
..
><(حسنك><دلالك><هيبتك)><كلك><على><بعضك><سحــر><
><حبك><على صدري ><حبيبي><يعتبر><أغلا><وســـــــام><
..
><ولشوفتك><يامنيّتي><قلبي><على><حر الجمــــــــــــــــــر><
><عجل><علي><ولا ترى><تنزف لك><حروفي مـــــــــــلام><
..
><اما تجي><بعالي><سمايا><نورها><وانت القمــــــــــــــر><
><ولا غدى><في بعدكم><قلبي><أسيــــــــر(ن><للظــــــــلام><


1bh1
1bh1

[عبداللطيف أبوظهير العنزي]

http://www.nua3m.net/vb/uploaded/21056_01238073045.jpg



حسبي على الحب والا بداية الفرقا=وحسبي على ليلة الفرقا وطاريها


:011:

[عبداللطيف أبوظهير العنزي]

بعدك حياتي ابتدت بالهواجيس=وينك اردد كل يوم(ن وويني
وتزورني بعدك بنومي كوابيس=وافز وكْمل ليلتي بالونيني
ياليت للفرقا مشاعر واحاسيس=ماكان حلت بين قلبك وبيني

[عبداللطيف أبوظهير العنزي]

((الغــــــــــــــــــاليـــــــــــــــــه...))


يـــاحبنــــي لك ياهــذيـــــك البنيــــــه=غنج وجمـــــال وزيــــن ويــــا دلالـــي
أم العيون الناعســــات البهيـــــه=يازيــــنها لاسلهمــت طاب فالـــي
والمبسم الملموم شفـــه عذيه=وغمـــــازتين الخـــد يـــاويــل حـــــالــي
عنق وخصــــــر رويــان لارحم حيه=والخشم سلـة سيــف واعــزتـالي
لاجيــــــــت أحـــاول وصفـــها بان ليه=ماكنهـا الا من تقــــود الغـــزالـــي
ماقـــــدر اوصف يابشـــــر نرجسيـــه=فـــــي وصفهـــا حكيي تعــدى مجــالـي
فقبالهــا روحي تعـــــود عليـه=ولامن تقفــت صـار فيـــني هبـالـي
عنـــــدي غلاهــــــا واصل(ن) للثريـا=وأبعـد من نجــــــوم الفضا باللــيــالــي
بنت(ن)عنيـــــده مــــاتحســـب الخطيه=بس المهم لــي عندهــا شــان عـالـــي


:a28:

[عبداللطيف أبوظهير العنزي]

22 / 5 / 2009


أليوم هذا أليوم بالذات بالذات=محتاج لك اكثر من ايام فاتت
محتاج أذوق من الفرح بس لحظات=لحظات غابت في غيابك وماتت

[عبداللطيف أبوظهير العنزي]

اوعدك بنساك ياصعب (المنال=وان نسيتك جعلني بعدك اموووووووووووت

[عبداللطيف أبوظهير العنزي]

مسكت أقلامي وناوي ابكتب مايكن القلب=كلام(ن يوصف شعوري معاناتي واحساسي
أخاف أقول وتخون العباره يالرقيق العذب=ولقيت أصدق عبارتي (( أحبكـ )) يآبعد نآسي

[عبداللطيف أبوظهير العنزي]

هويتك وأعترف أني أسير لحبك الظـــــــــــــــالم=يا(ظالم) أعدل من العدل يا أحلى من حلى السكر
(يا ظالم ) قلتها قصدي اغيضك و ادري مسالم=فديتك دايم(ن حبك يزود بقلبي ويكــــــــــــــــــبر
أحبك) قولي أحبك بعيش بعالمي حالــــــــــــــــــم=وإذا قلتي أحبك حيل صرت الشاعر المغتّـــــــــــر
قصيدي بس لعيونك فداك الكون والعالـــــــــــــــم=أحبك وأفتخر وأغتـر حبيبي وش تبي أكثــــــــــــر

a22tty6

[عبداللطيف أبوظهير العنزي]

ابطيت عني واشتياقي لك يزيد=وش حيلتي لا اشتقت .. لك يآحبيبي
لاتلومني لا صرت عن عيني بعيد=أخايل طيوفك ونوب(ن تغيبي
خلاصة الموضوع ياسيّد الغيد=وحدك تداوي ضيقتي يأطبيبي
12ta8

[عبداللطيف أبوظهير العنزي]

لحظة عرفت أنك تشوف المشاعر=وتقرا حروف(ن قلتهآ يآلغلا فيك
حسيت بأني شاعر ولا أكابر=شاعر كتب من شآن حرفه يسليك
يعني مثل ما قآل ((متعب)) وأفاخر=لو أكتب لغيرك قصيدي يجي فيك
:21t:

[عبداللطيف أبوظهير العنزي]

كل عام وانت بخير ياقبلة الخير=حتى وإذا غايب حبيبي أهنيك

:21t::21t:

[عبداللطيف أبوظهير العنزي]

عيدين وانا لا أزال=وحدي أعانيه (الشقا)
من غبت يازين الدلال=(الهم)بضلوعي بقا
لا تفتكر أنسى محال=مانساك لو كنت (تهقى)
مادام يا سيد الجمال=أهوا على وضح النقا
منساك لو الدمعٍ سال=قلبي بحبك ما اعتقا
تعال عجلّي تعال=تعال (شوقي) لك رقا
العيد باقي له ليال=وكل\ن تباشر باللقا
وأنا أدري (ياصعب المنال)=مثلي أن دوّر ما لقا
بعيش في حلم وخيال=وكل(ن على بيره سقا
وعيدي أنا في كل حال=(صوتك) ويدوم ألك البقا
:21t::21t:

[عبداللطيف أبوظهير العنزي]

(كل عام وانتم بخير)
&
(عيدكم مبارك)
&

:a28::)

[عبداللطيف أبوظهير العنزي]

عيدين والثالث تبعهن وانا اشوف=ولا حيلة(ن بأيدي واريّح خفوقي
شكواي لله ثم بالقاف والـ ..أوووف=واصبر مادام أليووم ضاعت حقوقي

[عبداللطيف أبوظهير العنزي]

قلبي من الفرقآ غدى فيه ول...وال=مرت سنه وشوي وأنتي بعيده
ولاحصل مرسول .. منك برى الحآل=مع أني ادري يالخصآل العنيده
أن الغلا والشوق بآلقلب لازآل=وأنك قريتي..لي قصيده قصيده
مجبور بصبر يآغنآتي ولو طآل=بعدكـ..وعيني يآعيوني وحيده
مآحيّـر التفكير حظي إذا مآل=لآني..اعيش الحزن بعدك وأجيده
لكن...تبي تدرين وش حيّـر البآل..!!؟=وشلون عشت..وعن عيوني...بعيده؟؟؟؟

[عبداللطيف أبوظهير العنزي]

وصلني مســــج وســـآئط من صـــديق لــــــي وكــــان عنـــــوانهـــــــــا
$
$
(((ديـــــر بــــآلك لاتبكــــــــي)))
$
$
قصــــــــه غــــــرامــــــــيه ولكـــــن ليســــت مثـــــل القصص اللتي نسمـــع بهـــآ دائمــــًا
$
$
جميعكــــم تتســـآلووون مـــآهي القصــــه ومــــأهــــو محتــــــــواهـــــــا
$
$
لن أطيــــــــــــل عليــــــــــكم ..... أتـــرككـــم معهــــــآ !!!!!!!!!!!!!
$
$
محـــــزنـــه تـــــوقظ الضميــــــر حفـــــرت كلمـــــــة (((أحبــــــــك)))
بدمهــــــآ...!!!! ومـــــآتت
..
قصــــه علـــى لســــــان صــــآحبهــــــــآ وهـــو شـــآب فـــي أواخــــــر ((العشرينـــآت))
يقــــــــــــــول :::::::::
تعـــــودت كــــل ليلـــــــه أن أمشــــــي قليـــــلا فأخـــرج لمــــدة (( نصف ســـاعه ))
... ثـــم أعـــــود ...
وفــــي خط سيــــــري يوميـــــا كنـــت أشــــآهــد ((طفلــــه)) لم تتعـــدى السابعه (7سنين) من عمرهآ
.
.
كـــآنت تــــلاحــــق ((فراشات)) تجتمـــع حـــول عمــــود ((أنـــاره))
معقلـــه فـــي سور أحـــدى المنـــــــآزل ...
.
لفــــت انتبــــآهي شكلهــــآ ومـــلابسهــــــآ .... فكـــــانت
تلبــــس فستــــانا ((ممزقــــأ)) .. ولا تنتعــــل ((حذائــــا))
.
وكــان شعــــرهـــا طويــــلا وعينــــآهـآ (( خضـــروان)) ..
.
كـــانت فالبــــدايه لا تلاااحظ مـــروري ولكــــن .....!! مع مـــرور الايام
أصبحــــت تنظــــر إلي وتبتســــم ...
.
فـــي أحـــدى الايــــام استوقفتهـــــــا .... وسألتهــــــا عن أسمهـــــــا
فقــــالت ::: ((أسمــــــاء))
فسألتهـــــا أيـــن منــــزلكم فأشــارت <<<<<
إلى غرفـــه (خشبيـــه) بجــانب سور أحدى المنـــــازل .. وقـــــالت::::::
هـــــذا هـــو عـــالمنــــــا أعيـــش فيــــه مع (أمـــي) وأخي (خـــالد) وسألتهـــا عن ((أبيها))
فقــــآلت::::
أبي كـــان ســــــآيق فـــي أحـــدى الشـــركـــات الكبيـــره ثـــم (توفـــى) فـي حادث مـــروري
.
ثم انطلقت تجـــــري عندمـــــا شــــاهدت أخيــــها يخـــرج ركضــــــا إلى الشـــــارع .
فمضيــــــت فــــي حــــال سبيــــلي ..
.
ويومـــــا بعــد يوم كنـــت كلمــــا مـــررت استوقفتهــــا
لأجـــاذبهـــــا أطـــراف الحديــــث
.
سألتهـــــــا ...؟؟؟ مـــاذا تتمنيــــــن ..؟؟!!!!
قـــالت :::::
كـــل صبـــآح أخـــرج نهــــاية الشـــــارع لأشـــاهد دخـــول ((الطآلبـــات))
إلى المدرسه أشــاهدهم يدخلون فـــي هـــذا ((العالم)) الصغيــــر ... مع بآب صغير
ويـــرتدووون زيــــًا موحدًا ولا اعلــــم مـاذا يفعلــــون خلف هـــذا الســـور ..
(أمنيتـــــي) .. أن أصحـــــــوا كــل صبـــاح لألبس زيهـــم وأذهب وأدخل مع هذا
البـــاب ...
لأعيــش معهـــم وأتعلـــم القـــــراءه والكتــــابه ....
.
لا أعلـــم مـــــاذا جذبنــــــي فــــي هذه الطفلـــــه الصغيــــره
قــد يكـــــون ..
تمــــاسكهــــا رغـــم ظروفهــــا الصعبـــه ..
وقـد تكـــون عينـــاهــا .... لا أعلـــــــم مـــا الســـبب ..
.
كنت كـــلما مـــررت .. في هـــذا الشـــارع أحضــــر لهـا شيئا معــي
(حــذاء) .. (ملابس) .. (ألعـــاب) ..(أكل) ..
وقالـــت لـي ذات مـــره ::::::::
بأن خـــادمه تعمـــل فـــي أحـــدى البيـــوت القريبـــه منهم قــــد علمتهــا..
الحيـــــاكه والخيــــــاطه والتطــريـــز .. وطلبت منــي ان أحضـــر لهـــــا
قمـــــاشـــــا وأدوات خيــــاطه ..
فأحضرت لهـــا ماطلبـــت ... وطلبت منـــي فـــي أحـــدى الأيـــــــام طلبــا قريبـــا
.............................قالت لي ::::::::: اريـــــدكـ أن تعلمنــــــــــــي
42t
$
$
$
فكــــــــروا معـــــــًا مـــاهو الطلـــــب الذي طلبته من الشــــــاب لحيــــــن
استكمـــــال القصــــه فـــــي وقـــــت آخــــــر ....

:p

لابـــــــــــــد من التشـــــــــــــــــــــــــــــويق

[عبداللطيف أبوظهير العنزي]

نستكمـــل القصــــــه ......
&
&
قــــالت::::أريدكـ أن تعلمنــي كيـــف أكتـب
كلمـــة ((أحبــــك)) ...
مبــــاشــرةً جلست أنــا وهــي على الارض
وبـــدأت .. أخط لهــــا على الرمـــل ...
.
.
كلمـــة (( أحبك )) علـــى ضـــو عمـــود الاناره
فالشـــــارع ...
.
.
كــــانت تراقبنـــــي ((وتبتســـم))
وهكــــذا كل ليـــــله ... كنت اكتب لها كلمة
((أحبك)) حتى أجـــادت كتـــابتهـــــا ...
بشكـــل رائـــع ..
.
.
وفــي ليلــــه غــــاب قمــــرها حضــــرت إليــها
وبعـــد ان تجـــــاذبنــــا أطراف الحــديث ..
.
.
قالـــت::::أغمــــض عينيـــــك ولا أعلــــم لمــــاذا
أصــــرت على ذلك ..
فأغمضــــت عينـــي وفوجئت .. بهـــا تقبلنــــــي ثم
تجــــري راكضــــه وتختفــــي داخل الغرفــــه الخشبيه
.
.
وفــي الغــــد حصــــل لي ظــــرف طـــارئ استوجب
سفــــري خـــارج المديــــنه لأسبوعيــــن ... متواصلين
لم أستطع ان اودعهـــــــا فرحلــت ....
.
.
وكنت أعلم أنهـــــا تنتظـــرني كل ليلــــه ..
وعنــــد عـــــودتي لم أشتــــاق لشـــــي فــــي مدينتــــي
أكثـــر من شوقــــي ((لأسمـــاء))...
.
.
وفـــي تلك الليــــله خــــرجت مســــرعــــا .. وصلت
المكــــان ... وكـــان عمـــود الانــــاره الذي ..
تجلــــس تحتـــه لا يضيئ ... وكــــان الشــــارع هادئا ..
.
.
حسست بــــشي غريــــب انتظــــرت كثيرا ولم تحضــــر
وعدت ادراجـــــــي ....
وهكــــذا لمـــدة خمســـة أيــــام ..
كنت أحضــــر كل ليله ولم أجـــدهـــا ...
.
.
فـــا صممــــت ... ان أذهــــب لبيتهـــــــا (( الغرفه الخشبيه )) ...
لكـــي اسأل أمهــــا عنهــــا ...
فقـــد تكـــــون (( مريضــــه )) ....
استجمعـــــت قـــواي وذهبـــــت ...
طــــــرقــــت البـــــــــاب ....
&
&
تــــــــــوقعـــــــــو مـــاذا حصــــــل
&& انتــــــظرو النهـــايه &&

42ttty6

[عبداللطيف أبوظهير العنزي]

:a28:كــل عـــــام وانتـــــي بخير:a28:


العيـــــد ماهـــو عيــــد ياغاية الروح=العيـد والله شوفتك ياحيــــاتي



:(

[عبداللطيف أبوظهير العنزي]

عيــــدكم مبــــارك
كل عام وانتو بخيــــــــــــــــر
عساكم من عواده

:a28::)

[عبداللطيف أبوظهير العنزي]

نستكمـــــــــــل الفصــــل الاخيــــــر ....
&
&
يقــــول (( الشــــــاب )) ...
.
.
طـــرق البــــاب بأستحيــــــاء ...فخـــــرج أخـــاهـا
ثم خــرجت (( امهـــا ))
نظــرت لـــي الام بأندهــــاش وقـــالت :::::::
يـــا إلهــــي لقــــد حضـــــر أنـــه هـــــو ...
حضرت وقد وصفتـــكـ كمــــا أنت تمــامـــا ...
.
.
ثم أجهشـــت في البكــــاء ...
.
.
علمت حينهــــــا ان شيئــــا قـــد حصــــل
ولكنــــي لا اعلم مـــاهو ...!!!!!!
.
.
عندمــا هدأت ( الأم ) ...
ســألتهــــا ماذا حصــــل أجيبيـــني أرجــــوكـ
...
قــــالــت لـي :::::::::::::
؟؟
؟؟
؟؟
؟؟
؟؟
؟؟
؟؟
؟؟
؟؟
لقـــد (((((((((مـــــاتت أسمــــاء ))))))))))))
!!
!!
!!
وقالت::::قبل وفاتهـــا قالت لي :::
سيحضــــر أحـد للسؤال عنـي فأعطيه هـــذا
وعندمــــا سألتهــــا من يكــــون قـالت :::::
أعلم انه سيـأتي لا محـاله ليسـأل عنــــي .. أعطيه هذه
القطعـــه ...
.
.
فسـألت أمــــها .. ماذا حصــــل ؟؟؟؟؟
فقالت لي ::::
توفيـّــــت أسمـــاء في أحــدى الليالي عندمـــا أحست بحراره
وإعيـــاء شديد فخـــرجت بهـــا الى احد المستوصفـات
الخاصه القريبه ...
فطلبو مني مبلغــــا ماليـــــا كبيرا مقابل الكشف عليها
والعلاااج ...
وانا لا املك هـــذا المبلـــغ فتركتهم ....
وذهبت الى احد المستشفيات العامه ...
وكـــانت حالتهــــا تزداد سواءا ..
فرفضـــو ادخالهــــا بحجـــة عدم وجوود ملف لها
بالمستشفى ...
فعدت الى البيت لكـــي أَضع لهاا الكمادات ...
ولكنهـــــا كانت تحتضر ... بين يدي ثـــم ...
((اجهشــت بالبكـــاء))
بكـــاء مرير .... لقد ماتت ((أسمـــاء))
.
.
لا أعلــم لمـــاذا خانتنـــي دموعـــي ..
نعم خانتنـــي دموعي لاني لم استطع البكاء لم استطع
ان اعبـــر بدموعــــي عن حـــألتــي .. حينهــــا ...
.
.
لا اعرررف كيـــف أصف شعوري لا استطيع وصفه
لا استطيع خرجت مســــرعا ...
ولا اعلم لماذا لم اعد الى مسكنـــي .. بل اخذت
أذرع الشــــارع ....
فجـــآه تذكـــرت الذي اعطتنـــي اياه ام اسمـــاء
فتحتـــه فـــوجــدت ...
قطعـــة قمــــاش صغيــــره مــربعه ...
وقــد نقـــش عليـــها بشكـــل رائــــع كلمــــة ...
(( أحبــــــــــــــــــك ))وامتزجـــــت بقطــــرات دم متخثــــره ...
يا إلهــــي لقـــد عــرفت ســـر رغبتهـــــا في كتابة
كلمــة هذه ((الكلمــــه))
وعــرفت الآن لــــماذا كانت تخفـــــي يديهـــا في آخر
لقــــاء ...
كـــانت أصــابعهـــا تعـــــاني مــن وخـــز الإبره
التي كانت تستعملهــــــا للخياطه والتطريز ....
&
&
&
كــــانت أصدق كلمــــة (((حب)))
تقـــال لي فــــي حيـــاتي ..
لقــد كتبتهـــــا ((بدمهــــا))((بجروحهـــا))((بألمها))
كــانت تلك الليلـــه هي أخر ليلــه لي فــي ذلك الشارع
فلم أرغــب في العـــوده إليـــه مره أخرى ...
فهــــو كمـــا يحمـــل ذكــــرى ألـــم وحــــزن .....
&
&
:a28:tty6
&

قولة (أحبك) صـارت اليـوم عادي=تنقال لجل المصلحه والغوايه
منهو سمعها هايم بوسط وادي=يسرح بها يجهل معاني الحكايه
ماقولها انفي وجود الودادي=وماقلتها لجل الشعر والقراااايه
أقولها من شوفتي للعبادي=اللي يسوي بالهوا له روايه
أغلبكم اللي فاهم(ن وش مرادي=ياللي مخلين المحبه هوايه
(الحب لعبه) صار شي اعتيادي=درب النهايه صار مثل البدايه
لانه غدى ليلي عذاب وهجادي=الحب حطم منيّتي ياشقايه
يمكن خطا ما قلت بس (الوكادي)=(وجهة نظر) أقولها بالنهايه

[عبداللطيف أبوظهير العنزي]

26 \ 12 \ 2009


يمكن تخونك عبرتك لا لمحتيه=بينك وبينك قولي بصمت واسمعك
(كل عام وانت بخير) كانك ذكرتيه=وتوصل لمسمع ياحياتي مدلعك
.
.
.
.
.
.
.
.

وكانك بعد هالوقت هذا نسيتيه=ماني مقلب في عتابي مواجعك
:(

[عبداللطيف أبوظهير العنزي]

a22
جاني خبر بأنك قبل عشرة أيام=مريت ((همس الروح))ياغلى من الروح
قلبي من الفرحه تشقق ولايلام=وارتسمت البسمه عجزت أقدر أبوح
لاهنت يا عايض على مر الاعوام=علمك يشافي مابقلبي من جروح
:a28:;)

[عبداللطيف أبوظهير العنزي]

قريـــــب ولا بعيـــــد عنـــــــــــــــــــــــــي
.
.
.
((أحبـــــــــــــك))

a22

[عبداللطيف أبوظهير العنزي]

أحبك كثر ماتطري علي بـ.ليلي المعتوم=وأحبك كثر ماعانيـــت بالتفكيــر بغيــابك

[عبداللطيف أبوظهير العنزي]

جــآفيتنــــي ولا أبتعدت وتغليت=تبقى هـذاكـ ..اللي اموؤوؤوؤوت بـوصــآله

[عبداللطيف أبوظهير العنزي]

والله مايملي من البيــض عيـــني=لو يزعلن وماعجبهن كلامي
الا الذي من حبها زاد فيني=زاد الغلا وازداد فيني هيامي
بالحب جتني كلها تحتويني=بنت الحسب بنت الرجال الحشامي
اللي ليا من جيتها تحتريني=وتقولي لي ليه البطا مو حرامي
هذيك أبيها واشهد انها تبيني=قلبي عليها لا حشى ما يلامي
حالن صواديف الزمان اللعيني=وحطن بقلبي جرح والجرح دامي
وغديت بهمومي بعدها سجيني=ولا زلت اقاوم عزلتي وانهزامي
ياليتها بعد المفارق تجيني=وتجبر كسير فراق ماهو عظامي
تروي ظما شوقي وتروي حنيني=وتزيل طلتهااا وشاح الظلامي
هذا مناي وجعل ربي يعيني=والله يعين اللي بلاه الغرامي
وان مارجعت يبقى لها في كنيني=شوق انحت فييني سواة الوشامي
ومحلها يبقى ولو يبتليني=وقتي ..... ويبقى الحب بالقلب سامي

[عبداللطيف أبوظهير العنزي]

شفنـي اهذريبك وانا وسط باريس=وعن شوقي امشي واشتكي للنسايم

[عبداللطيف أبوظهير العنزي]

نوره ومـــــريم وابتســـــام وتهــــانـي=وغـــــاده وحصــــه والمــزاييــــن مليــــــون
ولو صفــو الخفرات كثـر المبـــــانــي=انتـي تحسبيـــــــن بمكــــــانــك يســــــــــدون؟؟
ياملهمه شاعركـ حــــب وحنـــــــانـي=ما يميل قلبـــــــــي لغيـــرك وفيـــك مفتــــون
انا عشقتـــك يوم دار الـــــــــزمـــانـي=ومن اقبـــل اعــــرفك مـاعرف الحب وشلون
لحظـه انا بعلمــك ويـــش جـــــــانـي=تخيّلــــــي رسمــــــه بـــــلا شكــــل او لــون
فقبـــــــالتــك تفتحـــنّ المحـــــــاني=وجيتي تجرين الخطـــــاوي علـــــــى هـــون
وقلبـــي فتـــح بــابــه وزف التهـانـي=ومشــاعري صــاحو بأسمــــك يحيـــــــــــون
وصارن عروقـــي فرشتـك في ثواني=وكل الجوارح مع بعضهم يهمســــــــــــــــون
هـــذه رقيــــق الورد واجمل معـانـي=وهذا يقول أميــــرتي كلهـــــا فنــــــــــــــــون
وكلك ثقــــه جيتــــي وقلتـــي مكــاني=ومن وقتهـــــا كل المــــشاعــــر يلبــــــــــــون
لبيــــه ثم لبيــــه يــاغلـــى الامــــاني=لبيـــــه يــــاميـــــره علــى قلبــــي تمـــــــــون
والله احبــك حب طاغي وجـاني=والشوق لعيــــــــــونك ولا لحظــــه يخــــــون
مانســـاك لو وقتـي بشـــره بــــــلاني=مــانســـــاك لو بعـــــدك غدى القلب مغبــــون
شوفي غرامــــك ثابت(ن في كيــــاني=وشوفي عيــــــوني بعـــد فرقـــــــاك يبكــــــون
هذا شعوري يـــاغرام(ن حـــــــواني=ويعاهدك قلبـن شــــــــرى حبك يصــــــــــون
واختـــــامهـــا بهديك احلـى الاغاني=(عبدالمجيد) يقول فيهـــــــا (((يحلمـــــون)))

[عبداللطيف أبوظهير العنزي]

أحبك

أحبك

أحبك

أحبك

أحبك

أحبك

أحبك

أحبك

أحبك

أحبك

[عبداللطيف أبوظهير العنزي]

اي والله احبك وساكن خيالي=ودايم على بالي واذا كنت مشغول
اشتاق واحبك وتبقى فبالي=لو طولت غيبتك حول(ن بعد حول

[عبداللطيف أبوظهير العنزي]

:)

[عبداللطيف أبوظهير العنزي]

يـــا أهـــل القــلوب الشــافيــــه=من جور وقــت ومن غـــرام
ويــن الحـــلول الـــــــوافيــــــه=للي ابتـــــلا حـــــب وهيـــام
شــوفو جـــروحــــي دافيـــــــه=والعيــــن عيـــتّ لا تنــــــام
أنوار حبـــــي طــــافيـــــــــــــه=والقــــلب عايش في ظـــلام
وجيوش همـــي لافيــــــــــــــــه=تنــوي بحــــــــرب الانتقــام
حتى السعـــاده غـــافيــــــــــــه=والحــزن فينــي شبـه داااام
سبة هنــوف(ن جـــــافيــــــــه=لا والله الا مـــــــا تــــــــلام
هـــذه دروب(ن خـــــافيـــــــه=الحــــب مــافيه ألتــــــــزام
ورجلــي مشت به حـــافيـــــه=ألين داست شــوك ســــــام
كانت سمــايه صـــــــافيـــــــه=وبلحظــة(ن صـارت عسام
ياهل الحلول الـــــوافيــــــــــه=والشافيـــه قلبـــــي حطـام
عسا بيوتــــي كـــــــــافيـــــه=ووضحت مجموول الكلام
ويالله تدوم العـــــــــافيــــــه=وختامهــــا منـي ســــلام


1bh115t

[عبداللطيف أبوظهير العنزي]

اشتقت شوق(ن لو درا به عدوي=يبكي على حالي وينسى العداوه

[عبداللطيف أبوظهير العنزي]

أبيك

أبيك

أبيك
.

.

.

.

.

.

.

.

.

.

.

.

.

.

.

.

a22

أبيك لو طال الغياب
وزاد همي والعذاب

[عبداللطيف أبوظهير العنزي]

.

.

.

.



من كثــر ماني فيك مغرم وهيـمان=أصبحت اهذري فيك نايم وصاحي
ولشوفتك يا صاحبي حيل ولهان=وسد الصبر من كثر الاشواق باحي

.

.

.

.

[عبداللطيف أبوظهير العنزي]

ياصاحبي اغليك

مغرم وميت فيك

طال الغياب وطال

ما قلبي بجافيــك

[عبداللطيف أبوظهير العنزي]

يا بعد روحي تعبتــــي

اطمأني ياحيــــاتي

وحدك اللي بالخفووووق

من عرفتك في حشاااي

تفتلين وتنقضين

من ((خفوقي)) لي ((عيوني))

ومن ((عيوني)) ((للوريد))

ومن ((وريدي)) لي ((خفوقي))

تسرحين وتمرحين

وحدك اللي لي ملكتي

وحدك اللي يا غناتي

يكبر ويكبر غلاك

لو خفوقي من بعادك

عاش مكسور وحزين

ما اتوب ما اتوب

والله والله ما اتوووووووب

كيف اتوووب

وانتي انتي ايه انتي

لك خضع قلبي وسلم

يا بعد روحي خلاااااص

اطمأنيتي خلاااص

ريّـحي ياروح روحي
.
.
.
.
.
ريّــحي

[عبداللطيف أبوظهير العنزي]

http://www8.0zz0.com/2010/07/01/18/248189896.jpg (http://www.0zz0.com)



لـــو شفتنـي أضحك ورايق ومســـرور=مثلي انا مثل القمر يالسنافي
وحيد لا منه ظهر يبعث النـور=وانا وحيد وداخلي شي خافي

[عبداللطيف أبوظهير العنزي]

أرق وأجمـل وأعذب احساس وشعور=بنت(ن تمـر االورد يتمــايل ((خجل))


8


8


8


((أنتــــي أيــه أنتــــي ..

ومن يعتـــرض قلت له (( أوووص)) ))

[عبداللطيف أبوظهير العنزي]

[align=center]
تعال واقرا كل حرف(ن قيل في حبك بدعته=شوف شوقي شوف حبي شوف وش سوا غيابك
شوف من يوم الغياب الشوق باشعااري طبعته=دوم يكبر وانت شوقك ادري انه ايه جابك

.
.
.
.
.
.
.
.
وان حصــــل فــي يوم جيـــــت وكل ما اقولــــه قطعتـــه

لا تضــايـــق....
7

7

7

7

7

7

7

قــول ربي يرحمــــه ((عــاشق تراابكـ))1bh1tty6

[عبداللطيف أبوظهير العنزي]

يا لايمي في حبهاا .. كف الحكــي لا هنـــت ...
.
تقولي لي تنساك ولا تفكر فيك ...
.
شفها لها سنتين ولليوم لي تشتااق ...
.
وتلومني لا قلت ميت بها مغررم ...
.
وفراقهااا هم(ن ...
.
حزن وألــم وأرهـــاق ...
.
واللي مصبـــرني ...
.
طيوفهاا عنــدي ولا خيبت ظنــــي ...
.
تسمـــع نــــدا الأشـــــــــواق ...
.
وتلووومني وتقول .. اللي مضــى انساه ...
.
وشلون ابي انساااه ...
.
وعايش على ذكراه ...
.
يا لايمي لا هنــت كف الحكـــي لاهنـــت ...

تقــــول مهمــــا قلت ماهمني هـرجــك ...

أحبهـــا .. أحبـهـــــا .. أحبهــــــــا ...
.
.
.
.
.
.
أحبهــــــــــــــــــا

[عبداللطيف أبوظهير العنزي]

من كثـــــر شوقي
.
.
.
لو يّبيّــن وشفتيـــــــــــــه..

:o

مشــــــــاعرك
.
.
.
تعلـــــــن عليــــــك الخصامي

[عبداللطيف أبوظهير العنزي]

يا مشغل التفكير شفني ألى اليوم=انا انا ماغير الوقت طبعي




عايش على ذكراك والقلب مهموم=وديمة عيوني دايم تهل دمعي

[عبداللطيف أبوظهير العنزي]

ألتزمت الصمت بغيابك وعانيـت الكثيـر=وابتدعت الضحك بين الناس وابعدت الملام
فرحتي ضاعت مابين الهم والقلب الكسير=والسبب فرقاك يامسك المحبـه والغرام

[عبداللطيف أبوظهير العنزي]

ماقدر انا انساك وبخافقي لك=بذرة غلا من دمع عيني تروا
((انا بديتك بالغلا وانتهي لك))=وغـلاك يكـبـر داخـلـي ويتـقـوا

[عبداللطيف أبوظهير العنزي]

بالحلم جيتيني وانا كنت ناصيك=كلي عتب واضح ولو ما تكلمت
بشره عليك بغيبتك وين أراضيك=وأقول لك في غيبتك كم تألمت
ويومي لمحتك مقبله في خطاويك=من هيبتك ما قلت شي وتلعثمت
حتى بحلمي هيبتك ما تخليك=يالعنبو من لامني يوم بك همت
من اجمل الساعات من غيبتك ذيك=ياسعد عيني يوم انا بك تحلمت
قعدت من نومي وانا (( أقبل )) أيديك=ضحكت تالي قلت ياليت ماقمت
الشوق اطلق صرخته لك يناديك=لا وا حسااافه قمت ياليتني نمت


:011:a8

آآآآآآآآآآآآآآآآآآآآآآآآه ياخبلي

[عبداللطيف أبوظهير العنزي]

وينـــك

..!!!!

وينــك

..!!!!

وينــك
.
.
.
.
.
.
.
وينــك....!!!! تـــأخــرتـــي علـي

بديـــت ... أحــاتـي جيّتـــــــــك

وينــك...!!!! حـــروفـي تنتـــــــظر

وصل(ن يبل أريـــــــاقهـــــــا

..........

[عبداللطيف أبوظهير العنزي]

مبــــارك عليـــــكم الشهـــــــر
.
.
.
كــل عـــام وانتم بخيــــــــــر

:a28:

[عبداللطيف أبوظهير العنزي]

جميـــــع مــــاكتبت مـــن حـــروف (بهمـــــس الروح)

يـــخص شخـــــص واحد فــقط ... وانا على يقين بأن جميع من قــرأ كتاباتي
سواء كــانت مباشره أو غامضــه .. فلقد فسرهـــا حســـب اعتقاده وتفكيــــره
ولكـــن ... من وضـــع له هــذا الركــــن .. هــو الوحيـــد اللذي يفهـــم مــا اعاني منه
ومـــا اقصــد منــه .. ومــــا هي حجــم هذه الحــــروف ومعانيهــــا الصحيحه بالنسبه لي

.....
وانـــت يا ذاك الشخــــص المقصــــود سأضع لك رســاله هنــــا
رســـــاله صريـــحه جدا جدا جدا

يا مــن اودع قلبي ممــــزق بغيـــابه

وصرخ شوقي بــــلا جـــدوا بغيابــه

.....
لــدي الحـــق بـــأي تصــــرف او قرار اتخــذه بغيابك حــتى ولو هـــذا القرار يجرح
شعــــورك واحســــاسك ....
أخـــذت من حيـــاتــي ما تستحقــــــه
..
((والآن))
..
تمعــــن بحــــروفـــــي التــــاليه وســـوف تجــد فيهـــا
((اعــــلان حب))
حب يستحقه منـــي من أحبني
حب يستحقــه من شـــاركني
((بهمــي&وضيقي&وحزني))

إليـــك يـــامن تعـــرف بأن كلامــي مــوجه لـك انت وليـس لغيرك
!!!!!!!!!


تعـــال اعلمك باللي حصلي=حصلي في غيابك عارض(ن لي
ألا ياللي غيابه مارحمني=وصرت أدور لغيبته حلي
لقيت اللي (يعوضني) غيابك=لقيت اللي شفى جرحي وغلي
لقيت اللي ليا من ضاق بالي=أشوفه..كن ما شي(ن حصلي
حروفه تشبهك من دون (رسمك)=حضوره كل يوم(ن منوة(ن لي
أجي وألقاه قبلي في حضوره=ويرسم بسمتي وارتاح كلي
أردد له وأقول أني ((أحبه))=((أحبه)) هو بعد روحي ومن لي
وانا واثق بحبه لي وواثق=بشوقه في عيونه زايد(ن لي
انا من حقي (أعشق في غيابك=وحدك (ظرف) عني مو (تغلي)
قهرتك بالصراحه ويش اسوي=انا معذور (بيّحني) ياخلي

!!!!!!!!!!
.
.
.
.
.
.
.
.
.
.
.
وللحديـــــــث بقيّــــــــــــــه .... :a28:

[عبداللطيف أبوظهير العنزي]

(( تـــــابع للأعـــــلان الســــابق ))


دائمـــــا الصراحــــه (( مؤلمـــه ))

......

لا أدري مـــــاهو شعـــــورك حينمـــــا أتيّت وقـــرأت هـــذا التصـــريح وهــذا (( الأعــــلان ))

هـــل كـــانت ردة فعلك عــــاديه .؟؟؟؟
أو كـــانت صدمــه بالنســـبه لك ..؟؟؟؟؟؟؟؟
لا أعـــــرف ولكــــــن ...
أعرف ان رســـالتي وصلت لك
وإذا بديت برســــالتي صـــريح وواضح

سأستكمــل صـــراحتــــي وســــوف أقـــول لك مــــن هــــو
ولن أدع الظنـــــــون تجعلك في حيــــره مـــن أمرك....!!!!!!!!!!!!!

!!!!!!!!!!!!!!!!!

عموما أسمع التـالي وتكفى=تحمل كل (كلمه) في (سجلي)

لـــو كــــانت هذه الصـــراحه بيني وبينك وجهـــا لوجه ماذا ستفعـــل وماذا ستقول ..؟؟؟؟!!!!!!


لو اني مواجهك وجهي بوجهك=يفور الدم في جسمك ويغلي
تطق الصــدر بأيدينك وتبكــي=تقـول أرجوك علمنـي وقلي
وش (أسمه) كيف (حبيته وحبك)=وانا بقولك قبل (التبلي)
.
.
.
.
.
.
.
هـــل بكيـــت حين ما قـــرأت تلك الحـــروف << اتمنى انك (بكيت) لغرض واحد وهــــو ....!!!


حــلات الدمع تلحقــه (ابتســــامه)=تبسم دامك بقلبي (موّلي)
هذاك اللي قصدته فـ.... (البدايه)=هـو اللي في خفوق (مستقلي)
وأسمه (عشرة حروف(ن)حوتني=الا ياللي لقلبي مستحلـي
تلومني (((وتلومني فيك..!!!))) هذا=هو المقصود لا شفته أهلي
وقصـدي بس أغيضك ياحبيبي=وأجدد ذكرى أيام(ن مض(ن لي
.
.
.
تحسب ان فيــــه من سد بمكــانك.؟؟؟؟=تحسب ان فيه غيرك جايز(ن لي
انا وشلون اعيش أحب غيرك؟=وطيفك في حيـاتي صار (ظلي)
أحبك ويش أحبك هايم(ن بك=انا (المجنون) في حبك وانا اللي
أبيع الكون كله لأجل عينك=ولا أنشد وش ببيــع ووش بخلي
تطمــن حبك بقلبي مثبت=وغيرك ماله بقلبي محلّي
.
.
.
.
.
.
.
.
.
هـل أنـــا أكذب حينمـــا قلت أنه ((اعـــلان حب))

أنه (اعلان حب) لك انت ... انت وحدك ... انت وليس غيرك

انت يا من أسرنـــي بغـــرامه .. واحتواني بقلبه ...
هل تتصور بأني أستطيع أن اجرحــــك وانت غـــــائب..؟؟؟!!!!!


لا

لا أستطيــــع ....:a28::a28:

a22:a27:




حــروفي قلتهـــا والبـــال ((رايق))=فداك الروح وأنته فدوة(ن لي
.
.
.
.
.
:a37:;)

[عبداللطيف أبوظهير العنزي]

حضـــرت
&
&
غبــــت
&
&
هجـرت
&
&
ابتعدت
&
&
ظلمت
&
&
جرحت
&
&
&
مهمـــا فعلــــت ومهمـــا حصـــــل
&
&
(أحبـــــــــــــــك)(أحبـــــــــــك)(أحبـــــك)

[عبداللطيف أبوظهير العنزي]

هلابك يابعد روحي هلابك=تنور (همسك) ان جيته ويفرح
جميع اللي حصلي في غيابك=مرورك يبعد همومي وتبرح
(أحبك) والخفوق اللي شقى بك=سرح مع طيفك ووياه يمرح
(أحبك) دام شوقك لي جابك=أحبك حتى لو غيبتك تجرح

[عبداللطيف أبوظهير العنزي]

ياكثر مافيني (يخصك)(ويحويك)=نصه غرام ونص ثاني لشوقك
ياكل من لي يابعد روح مغليك=يانادر(ن في( طيب قلبك وذوقك)
من زود (حسنك) كيف أقدر اخبيك=منك (القمر) مغتاض لو كان فوقك
ولو جمعو كل (العذارى) حواليك=اتبين (عيوب) العذرى فروقك
يازين نظراتك ليا قمت اراعيك=لاقبلت لي والشوق يمي(يسوقك)
سرحت مع (نور القمر) في طواريك=ياللي فداك اللي تمنى يعوقك
ليتك تجي وتنادي اسمي (والبيك)=واشوف حبي جاري(ن في عروقك
لا وا حلالا يرجع الوقت واجيك=العالم الله يمكن اني (أبوقك)
لو قالو ان لك ماتبي واكتب (الشيك)=(ومليون ناقه كلها اليوم نوقك)
في ذمتي(يانور عيني) ما اخليك=في ذمتي ما كملو لي (حقوقك)
(وكنوز كسرا)(والملا) (والمماليك)=\فدوه\ لخاطر شوفة بروق موقك
لكن عسى باللي حصل فيني وفيك=(خيره)..وحدي بس اخايل بروقك
شمس المحبه في خفوقي تناديك=متمنيه تلعن علينا (شروقك)
وان كان حدتك \الظروف ومباديك\=(معذور) .. \يكفيني مكاني خفوقك\
وتدري بما فيني\يخصك ويحويك\=نصه (غرام) ونص ثاني(لشوقك)


:a28:

[عبداللطيف أبوظهير العنزي]

ابطيت مامريت يالغالي وجيت=خليتني بين الظنون وحنيني
ماطاب لي زاد(ن ولا شرب وأزريت=وانا أقول اليوم يمكن تجيني
حتى خفق قلبي لطيفك وفزيت=فزيت لك كني أشوفك بعيني
لا عاد تبطي في غيابك تشاويت=فديت قلبك يا غلاي وظنيني

[عبداللطيف أبوظهير العنزي]

أشووفك ... ولا أقدر أوصلك

[عبداللطيف أبوظهير العنزي]

عندمـــا يتم تم قلبك وينشغل بالك

وانت جالس بهدوء الليــل ونسماات الهوااء العليــل

وتتســـائل ..!!!!

هــل هـــو بخيــــر..؟؟؟
يــاتـرى مـاذا يفعل الآن..؟؟
هل هــو يفكـــر بي من حين لحين ...؟؟
تتكـــاثر التساؤلات ولا تحصـــل على اجابه مرضيـــه

عنــدهــا ...

تنتهــــي بـتـنهيــــــده.......... آآآآآآآآآآآآآآآآآآآآه آآآآآآآآآآآآآآآآآآآه

وأقصـــى ما تستطيــع ان تفعلـــه هـــو ...

أن تقـــول اسأل الله ان تكـــــون بخيــــر وبأفضـــل حــــال ...

حينهـا ترجع الى ادراجك ولا تجــد من يهـــون عليـــك ...
&
&


لجمتني وألجمت في داخلي شوق=صبرت وأخرت الصبر ماهقيته
جيتك وكني طفل للحضن مشفوق=ما كنت راجي غير كلمة فديته
.
.
.
.
.
.
.
.
.
.
.
مافيني اكتب زود والقلب محروق=نصيبي الجرح الجديد وجنيته

[عبداللطيف أبوظهير العنزي]

ياكم وياكم جبت وابديت الاعذار=بس العذر مافادني في غيابك
ماكنت ادور للخفايا والاسرار=الله يخليك ل هلك ولشبابك
الشوق زاد وغيم الاشواق مدرار=والشي لا زاد بحياتك غدى بك
وانا انقلب شوقي علي ووقد النار=وشبة حريقه والسبايب جوابك
خابت ظنوني خيبت الجار بالجار=وصدمة خفوقي ما تحمل عتابك

:a38:


.
.

.
.




لكــن...!!! سؤال(ن حيـّــر البال واحتار=دام (الضمير يأنبك) ويش جابك..؟؟؟؟؟؟

:53t:

[عبداللطيف أبوظهير العنزي]

وصلت درب(ن ما بغيته ولا أبيه=واللي زهمني له حنيني وشوقي
خابت ظنوني باللذي كنت هاقيه=وضاعت علومي واردفتها حقوقي
العشق اوجع خافقي في مساعيه=فرقا وصدمه والفؤاد محروقي
مهما (يبرك) صاحبك في تواليه=تشوف بعد ((البر)) نقص وعقوقي
وانا ابتديت برحلة الهم والتيه=بعد أعلنت شمس الهوا بالشروقي
لكن عقب ما بيّنت لي خوافيه=يصير لي عبره ويصبر خفوقي

[عبداللطيف أبوظهير العنزي]

الشوق يصبح بعض الاحيان به طيش=واحيان لا عبرت ما منه مصلوح




اسكت وفيني شي يسألني وليش=بالحالتين القلب ضايق ومجروح



لكن لا منه غدا فيه تشويش=عبرت ... ماعبرت مفضوح مفضوح




ياقلب انا بسألك هو شوقك لويش=الحظ طايح والجسد ودع الروح




ويش السوات ان كان بالوضع تطفيش=يا قلب شوقك وين ناوي بك يروح



كانك تبي شوري بلا هم بتعيش=شوح الهوا والشوق من دنيتك شوح

[عبداللطيف أبوظهير العنزي]

كل عـآم وانت بخير والجرح ينزف=ينزف وغايب يا حبيبي وأهنيـكـ.
.
.

العيد يابو عيون وساع=فرحة قلوب المحبيني
موعد لقا ماهو لقا ووداع=تعبير شوق ومضاميني
والعيد من يوم حبي ضاع=طاريه لا حل يشقيني
حسسره على قلبي الملتاع=حسره على الروح والعيني

[عبداللطيف أبوظهير العنزي]

صامل على هجرك؟؟؟ أشوفك تأخرت=لاتحسبني اتحراك وأبيك
بالأول اليا ابطيت عني تأثرت=واليوم عادي ما يأثر تجافيك
دامك مع شوقي عليا تآمرت=بتشوف شي(ن يزعلك ما يراضيك

[عبداللطيف أبوظهير العنزي]

مـــا عـــاد لي للشعـــر هــــاجس

[عبداللطيف أبوظهير العنزي]

الله يسامحك ياواحد سلبني قلب=والله يجازيك في تعذيب محبوبك




لا ادري لماا كتبت هذا البيت ....!!!

ولكن كتبته .....

[عبداللطيف أبوظهير العنزي]

هـــــل انت تحــــــــــب ...؟؟؟؟؟؟؟؟؟؟


هل تشتاااق ..؟؟؟؟؟؟؟؟؟


هل تستطيع ان تجاوب ..؟؟؟؟؟؟

[عبداللطيف أبوظهير العنزي]

ادري يا همس الروح زعلان مني=ابطيت ما جيت اشتكي لك وابوحي
اول اليا من جيت خففت عني=لانك ياهمس الروح من وحي روحي
واليوم تعذرني ياركني لأني=أصبحت اجدد في حضوري جروحي.
.
.
.
.
.
.
.
.
.
.
ولا ادري لي متى بغيب !!!!!!!!!!!!!!!!!!!!!!!!!!!!!!!!!!!!!!!!

او










:_z:







ما ارجع بالمـــــــره .!!!!!!


:0015:


ما ادري ..!!!؟

[عبداللطيف أبوظهير العنزي]

رجعت يا همس الروح ...

رجعت معي حروف ...

لا ادري كيف كتبتهاا على الرغم من ان الجرح لا زال ينزف بغزاره

ولكن للاسف كتبتهــــآ ...

.

.

.

يا ذا الزمن كافي جحود
لا تصير بصدوفك شديد

تعبت من كثر الصدود
والدم ناشف بالوريد

من راحت ادري ماتعود
صابر وصبري مايفيد

الحزن في قلبي يسود
والهم ماينقص يزيد

أصيح يا ذيك العنود
رايك ترا ماهو سديد

ترا الجفا ما منه فود
درب الجفا خله بعيد

واصيح والعالم رقود
اثري انا بنومي وحيد

سنتين مرني وزود
صار الجفا شي(ن عتيد

وإذا الهوا برده يزود
القى الدفا بحرف القصيد

وجميع منهم بالوجود
ماعوضوني والاكيد

اني ابرقا بك سنود
بالعشق انا قلبي عنيد

حزن وجفا وحظ(ن لدود
وكل يوم احبك من جديد


كل يوم احبك من جديد



كل يوم احبك الجديد


ليس انا من عبر لكن ما بداخلي هو من عبر !!!!!

[عبداللطيف أبوظهير العنزي]

الشووووق لـو هو (رجــل) بيّـــدي مذبووح
..... لكــــن مشـــــآعــــر وأصـــله منتـــــــــهـآهـــــآ
.
.
.
.
.
.
.
.
.
.
.
.
.
.
.
.
.
.
.
.
.
45t

[عبداللطيف أبوظهير العنزي]

البــــــــــارحه ما جـــــا عـالبـال غيـر



أنــــت ...

[عبداللطيف أبوظهير العنزي]

قالو ::: علامـك تنثـر الدمـع وتنـوح=قلت ::: اتركوني لا تزيـدون مـا بـي
قالـو ::: تراهـا أزمـة أيـام وتـروح=محـد يـحـس بلوعـتـي وبعـذابـي
قالو ::: لي بوح وقلت مـا والله ابـوح=عـن هرجـة العـذال بخفـي مصابـي
قالو ::: ترا بـاب الهـوا دوم مفتـوح=قلت ::: الخفوق بسبـة العشـق شابـي
قالو ::: وقالو ::: قلت ::: يكفيني جروح=يكفـي الشعـر مـن ضيقتـي مبتلابـي
اللي يحب بصدق مـن غيـر مصلـوح=ما يعاود الكـره .. مـن الحـب هابـي

[عبداللطيف أبوظهير العنزي]

احاول... اني قد ما اقدر ... ابتعد ....

وفالحلم لا جيتي .. تقولين::!!! (( تقدر ؟؟


؟؟؟؟؟؟؟؟

[عبداللطيف أبوظهير العنزي]

مبــــــــروك


المكــــــافآه

[عبداللطيف أبوظهير العنزي]

أقولها ياهيـــه يا حبني لك=وأقولها أهواااااك كلك فديتك
حتى لو انك غبت\\قلبي عليلك=وبدموع عيني يا غلاتي بكيتك
اللي تغير يوم رحت بسبيلك=نزف الخفوق اللي بايدي هديتك
ينزف وشوقه كان من جابني لك=واليوم جرحه جابني لا طريتك

[عبداللطيف أبوظهير العنزي]

ما اقساك يا قلب الغرام=كسرت في خاطر أشواقي
كنك تشفى بأنتقام=وشلون يا مجمّل أوراقي
حرام يالمترف حرام=يكفي معاناة وافراقي
ارفق على القلب الحطام=ياللي تسببت بأغراقي

[عبداللطيف أبوظهير العنزي]

كانكـ تغيب أيام وتعود معـــــذور
لكن تغيب سنين لا مـا عذرتكـ
=
=
غيركـ كثير ولا على غيركـ قصور
خسرتنــي ولا انا مــا خسرتكـ

[عبداللطيف أبوظهير العنزي]

آآآآآآآآهـ ..من طول الفراق وآآآآآآهـ ..من جور الغرام=آآآآآآآآآآهـ.. ياصبري عليك وآآآآآآآآآهـ... لو مابه أمل
وآآآآآهـ ...ياقلب الحزين اللي غدا له كم عام=وآآآآآآهـ ..منك وآآآآآهـ ..منك شوفي قلبي وش حمل
كله آآآهات وسببها أنتي وعيني ماتنام=دمعها بالحزن والضيقات ياعمري شمل
لا اكتمل طعم الفرح عند البشر زان الكلام=والكلام يزين عندي كل ما حزني اكتمل
ياهواي ونور عيني لك من الخافق سلام=ذقت كاس الحب واصبح قلبي بحبك ثمل
مالومك يوم رحتي عنده وصرتي مدام=لا نسيتي مانسيتك وآآآآآهـ.. مدري شالعمل
لو أشوف مكحلات العين حلوات القوام=ما ملا عيني حلاهن لا عبير ولا أمل
الاسامي كثار مابي اذكر واجرح حرام=يا اميرتهن عوافي والحمل فوق الجمل
آآآهـ.. يامسك البدايه وآآآهـ ..يامسك الختام=آآآآآهـ ..ياصبري عليك وأدري مالي بك أمل

[عبداللطيف أبوظهير العنزي]

يـــــــــــــــــــــاااااااه

مــــــا أقســـــى الأنتـــــــــظار والأمــــل ضئيــــل ضئيـــــل جــــدًا

ومــــــا أجمــــله حيـــــن يتحــــقق لك مــــاتـريد بعد هـذا الانتـظار

ولكــــن ........!!!!!!!!!

الســــؤال .؟؟!!!
هـــل مـــــاتحقق .. تحقق للسبب اللذي انت تتوقعــــه

ام ... امممممممممممممم

لسبب آخـــــر ...@@


لا ادري لكـــــن ليــــس مهم السبب

المهم ... انــــــه حـــــــــــصـــــــل ولم يذهب تعب الانتظار القاسي هبـــاءًا

[عبداللطيف أبوظهير العنزي]

يــــــــاقلــــب انا طالبك رح بلغ الشوق=تراه من طول الجفا بحالة ارهاق
ولا رحت له يا قلب لا تصير مطفوق=يمكن تشتت بالفرح كوم الأشواق
بشويش قله لازم ان شمسك تفوق=مادام بانت لك مواري للأشراق

[عبداللطيف أبوظهير العنزي]

متشفق لشي\ن ولا هو بحاصل=سؤال يااليته يجيني جوابه




كثر انشغالك وانعدام التواصل=تحتاجني وقت الحزن والكآبه؟؟؟؟

[عبداللطيف أبوظهير العنزي]

االله عليهــا ..

عـــوّدت ..

وانـــا احسب الغـــــالي نســــــى ..


....

عادت وليفــــة هـــاجسي ...

عادت

مـــــزعلـــة النســـــــــــــــــا <<<<<<<<<<<<<<<

[عبداللطيف أبوظهير العنزي]

كل عـــــام وانــــــــــــــــت ....

















بخيـــــــــــــر

[عبداللطيف أبوظهير العنزي]

لا مانسيتك ساكن\ن وسط صدري=وأني بشرايين الخفوق احتويتك
تطري علي في كل حزه ويطري=لا ضقت من كل المخاليق جيتك
انسى التعب وياك والليل يسري=وأقول لك نوم العوافي فديتك
واليوم طالت غيبتك بس تدري=رغم الظروف اللي حصلت مانسيتك





كـــــــل عــــام وانت بخيـــــر .. يالغايب الحاضر
وعســاكم من عواده

[عبداللطيف أبوظهير العنزي]

أنا هنا أنا هنا ..

[سمو الرووح]

جميل ما خطه قلمك المميز لاهنت.

[عبداللطيف أبوظهير العنزي]

شكرا



مسااااااءااااااااات الورد لكل مار من هنا

مبطي عن المنتدى وعن الشعر

وهذا المرور لغرض في خاطري


اسعد الله اوقاتكم جميعا ...........

[سمو الرووح]

لا مانسيتك ساكن\ن وسط صدري=وأني بشرايين الخفوق احتويتك
تطري علي في كل حزه ويطري=لا ضقت من كل المخاليق جيتك
انسى التعب وياك والليل يسري=وأقول لك نوم العوافي فديتك
واليوم طالت غيبتك بس تدري=رغم الظروف اللي حصلت مانسيتك

صح الله السانك وتسلم يمناك أخي الكريم ولاهنت
اتمنى أن لا تتكاسل عن الكتابه لأنه جميل ما يخطه قلمك المميز بارك الله فيك

تقبل فائق التقدير والاحترام لشخصك الكريم.

[عبداللطيف أبوظهير العنزي]

������

[عبداللطيف أبوظهير العنزي]

مساء الذكرى

[عبداللطيف أبوظهير العنزي]

شكلك نسيت وتحسبني نسيتك ... [