وقــــــدانــيـــات .. !!

[عويضه الوقدان]

فكرت كثيراً ولمدة أسبوعين في أختيار أسم ولم أجد سواء ( وقدانيات )

لعدم أقتناعي وعدم أهتمامي بتدوين الأبيات وليدة اللحظه والأرتجاليه التي قمت بكتبتها

وبكرم من أدارة مجالس العجمان وافتتاحها ( غيوم ماطره ) وأتاحت الفرصه لنا فضلت بأن

يكون لي ( زاوية خاصه بي )

أتت فكرة أنشاء زاوية ( وقدانيات )


والى لقاء أخر بأذن الله تعالى




:21t:

[عويضه الوقدان]

للحزن معنى في قلوب الحزينين

ولايمكن أن يغادر دون أن يترك أثر


,
,
,


أضاءه




,
,
,




نبرة الأحزان في صوت السقيم=تجرح شعوري ولاتترك كلام
يذكر جروحه ليا هب النسيم=ويذرف دموعه ليا حل الظلام
الفرح في دنيته رجل(ن) عقيم=ماله ألا الصمت والشكوى ملام





هكذا نعيش في بعض المواقف



:21t:

[عويضه الوقدان]

الأبتسامه هي لغة جميلة وساحرة تخترق القلوب دون مجهود

وتعطيك القبول لدى الآخرين وتجذبك إليهم وتجذبهم إليك

"الابتسامة" كنز لا يعرفه كثيرون رغم أنه أسهل شيء يمكن أن يحصل عليه الإنسان


http://img100.imageshack.us/img100/5655/get320080drppkdnbi8.jpg


قالت من أنت ؟ وقلت :جسمً بلا روح=وأرسم على( وجه الزمان) أبتسامه


:21t:

[عويضه الوقدان]

( الجروح )

,
,
,


أنا أكتب حرفي وجرحي ونزفي=ولا ناقد يعذرب في حروفه
أصوغ الفكره البكر العذوبه=ولا أعرض قصيدي للكلوفه

,
,
,




ياحمام الدار تطرب وأنا جرحي عميق=مادريت أني من هموم بقعا مرتوي

,
,
,




مشتاق لش بالحيل يا دمعة العين=لش مدتن محبوستن وسط عيني
مدري فرح وألا عذاب(ن)من سنين=بس الوكاد الله مع الصابريني



:21t:

[عويضه الوقدان]

رساله

,
,
,




أرسلت لك عبر الوسايط وسايط=تشرح لك الموضوع واللي بداله
(أسمك) و(عنوانك)و(زود المهايط)=خلتك ماتقرى حروف الرساله


:21t:

[عويضه الوقدان]

الفراق هو الجرح الذي ينزف من الالم وليس من الدم

والجرح الذي لا يبرأ والداء الحامل لدوائه

الفراق لسانه الدموع وحديثه الصمت وحبيسه الكلام

الفراق كالعين الجاريه التي بعد ما أخضر محيطها نضبت



أنا تبعتك وأحسب أنك لي مصافي=ماكنت داري بأنك ترث العله
واليوم أبكتب عباره والله الكافي=( موت السنافي ولا عيشه بها ذله )
وأن كان وقتك بيسمح فأسمع الصافي=مع السلامه وعيش العمر في حله








وتبقى الذكريات بعد الفراق مؤلمه وقاتله

فنضطر الى أحتساء الحزن مرغمين


:21t:

[عويضه الوقدان]

ومضه

,
,


حبك تركز في الفؤاد وتمكن=سيطر على كل الجوارح بجيشه
ما فاد به حتى الدواء والمسكن=الله يعين القلب في وقت طيشه


:21t:

[عويضه الوقدان]

قالو جديدك ... وش تقول فـ جديدك؟=قلت:الحياه اللي بدونه خساره



1bh1

[عويضه الوقدان]

ترى المرجله ماهي بتحتاج تنسيق=ولكنها خطوة وسطوة ووقفه
طموح الرجل في قمة طويق وطويق=يبا يلحقه في الوقت دوره ولفه
وبقعاء عرفناها حظوظ وتوافيق=وترجح بها كفه على كم كفه


1bh1

[عويضه الوقدان]

في وجه الزمان اليوم وألا مداهيل=عويضه على الطولات صامل وماشي


1bh1

[عويضه الوقدان]

يآ رب جملني في عيـن آلطيبيـن=وآقسم لي آلتوفيق وأنت آلمستعان
آلطيب هو سيف آلرجال آلغانمين=وآلعلم هيبه و آلجهل ذل و هوآن
يآرب تجعلني من أطوآل آليديـن=لآ بآن ميقاف آلشجاع أمن آلجبان
آضرب وضربي فآلجزايل وآلسمين=من فوق هآمآت آلمعآلي لي مكـان
من لآ بتن تاطآ خشوم آلمعتديـن=عجمان ربعي سعد عيني فآلزمآن
يآ تآج رآسي محزمي عسرن و لين=فزعآتكم مآ تنحصى سر و بيـآن
آليوم و ألا في قديمـآت آلسنيـن=بالفعل خضبنا مقاديـم آلسنـآن
يشوش رأسي لآ ذكرت آلشآمخين=آللي لهم في داخلي عزه و شـآن
آفخر بهم و آداحم بجنب(ن) متين=و خصيمنآ عشره تعود له ثمـآن
مدحي لهم مآذم غيـر آلنآقصيـن=وآلله يجملنـي وهـو المستعـان



1bh1

[عويضه الوقدان]

قلايد من اللولو قلايد من المرجان=عليك أنت أقول اليوم سبحان خالقها
مقابيلها ميزان وترجح الميزان=مافيه أحد يشبه في زمنا طرايقها
نسميبها الأشعار وأتغني الألحان=حلاها حلا السكر وشعري تذوقها



1bh1

[عويضه الوقدان]

الصاحب اللي غاب لو غـاب ماغـاب=عنـي وطيفـه كـل ليلـه يجيـنـي
طـول غيابـه دون تبريـر وأسبـاب=وأنـا مـن أفراقـه تزايـد ونيـنـي
أنا أشهد أنه غير عـن كـل الأحبـاب=هو دنيتـي هـو منيتـي هـو سنينـي
فتحت له قلبي كمـا فتحـت البـاب=ثـم قلـت لـه حيـاك يانـور عينـي
أغليـه وأحبـه ولازلـت رغــاب=حتيـش لـو أنـه يبـيـح كنيـنـي
ماتاب قلبي من غـلا الـروح ماتـاب=يادبـرة الأيــام ويـنـه وويـنـي
( أن كان وضحى هي بلا أبوك يا عقاب)=أنـا بـلاي اللـي عليهـا حنيـنـي

[عويضه الوقدان]

ياصباح الخير وعيون الغرام=يا صباح(ن) ماخذ من الشوق شوق
في حضور الخوف وغياب السلام=صافي الدمعة على خدي يلوق
ليه برد العشق يدخل فـ العظام=وأنت عشقك تارك القلب محروق
أي أمان و دنيتي فيها ظلام= وأي أماني مابقى نبض وعروق
صاحبي لو كان في جوفي كلام=الهواء غلاب والصدر مخنوق
أي نعم أهواك يابرد وسلام= ياغرام العشق وأحساسك يفوق
الصبر فيني غدى مثل الحطام =تشفق العبرات من وجه الصدوق
صرت انا المجروح عام(ن) بعد عام=داوني من قبل ماتزيد الفتوق
وألا لك مني تحيه وأحترام=والله الرازق ولا ضاع مخلوق


:21t:

[عويضه الوقدان]

ومضه

,
,




ياصاحبي ماأحسب تغيرك الأيام=(حفظة قدرك وأنت ضيعت قدري)

[عويضه الوقدان]

نسيان الماضي والعيش في الحاضر





أثقل المعنى على بيض الأوراق=وتنزف من أعماق المشاعر قصيده
ينطق شعور القلب لا لاح براق=وأختار من شرد الفرايد فريده
انا على شوفتك يا بنت مشتاق=والشوق يجري في مجاري وريده
الله لايجزى نهارن به أفراق=الموت واحد والوسايل عديده
كنتي صباح الخير في وقت الأشراق=وكنتي الأماني والحياه السعيده
حسبي عليك الكون في خاطري ضاق=مدري على فعلتك وش مستفيده؟
كم قلت لك والوضع ماعاد ينطاق=وأثر المفارق صدق وأنته تريده
اليوم مات العشق مافيه عشاق=يعني حياتي بأعتبرها جديده


:21t:

[عويضه الوقدان]

.
.
.



ياحادي العيس جر الصوت وألحانك=مشاعري للقصيـد العـذب تواقـه
ضيقتني بالكلام اللـي مـن لسانـك=لاتهز غصن المفارق طاحت أوراقه
بعد الغلا لـو تقفـل كـل بيبانـك=الشوق من بيننـا ماتحكـم أغلاقـه
أسمي كتبته على بيتـك وعنوانـك=واليوم مقدر على فرقـاك وأفراقـه
أنا عشقتك وقلبـي حبـك وصانـك=وأنا عشانك سبحت البحر وأعماقـه
تصهل خيول الغلا في وسط ميدانـك=ويموت شيخ الغلا والنفس مشتاقـه
رفعت من قدرك وعليت من شانـك=وعلقت حبك على قلبـي ومعلاقـه
حسبي عليك العقل والقلب ضيفانـك=وشلون هديت بيت العشق وأرواقه ؟
أوطاني اليوم ماهي يمـة أوطانـك=وحمامة البعد فـوق الغيـم خفاقـه
مع السلامه وعيش الليل بأحزانـك=ماعاد باقي في قلبـي للهوى طاقـه






:21t:

[عويضه الوقدان]

الصوت




قم ياعويضه يابن وقدان=جتك القصايد باليقيني
جاتك على كفين وأعيان=جاتك من اللي محتويني
ياالصاحب اللي ماله أثنان=في كوكب اللي عايشيني
كل ماهجرت الحب ينزان=وكل ماقربته لي يشيني
هذا ترى حالي من أزمان=عله تعل الجاش فيني
والله لو هو غالي أثمان=لأشريه وأشري من يبيني
مني سلام القوم عجمان=ربع(ن) على رأسي وعيني




الشاعر/ أحمد فارس الرشيدي




الصدى




علم(ن) لفاني به كحيلان=نسل الرجال الغانميني
حاز المراجل طيب وأحسان=أحمد عسى حظه يزيني
أن طاب حظك منت شقيان=وأن خاب جعل الله يعيني
جاء يشتكي من هجر خلان=والحب قبله مبتليني
الحب له بيت(ن) وسيسان=والوصل له حبل(ن) متيني
مره تعيشه وأنت نشوان=ومرات له جرح(ن) مكيني
اللي جفاك اليوم خسران=خسران وأمن الضايعيني
ختامها ياطير حوران=أهديت لك علم(ن) ثميني



عويضه الوقدان



:21t:

[عويضه الوقدان]

سر يا قلم وأكتب من السين والصاد=وأكتب حروف الشعر مع كل وادي
غصبن على الحساد بالكيف تنقـاد=كيفي وحرف الشعر شربـي وزادي
أنا عزيـز النفـس مانـي بنشـاد=وأمري على المعبود فالشعر بـادي
نصفي يبي نصفي مع صرح الأمجـاد=شاعر ولي كلمه ولانيـب غـادي
ياهيه يلـي جيـت للشعـر نقـاد=منت الوحيد اللي على الشعر سادي
خلك تشيل الصف للطـرق رداد=لين الثناء يحلـي سماهـا وكـادي
يومن لقيت الناس حسـاد بعنـاد=ماضاق صدري لو تزيـد العنـادي
حنـا نسـل عجمـان لله عبـاد=أهل الوفاء والطيب سقم المعـادي
عجمان لامن جاء نهارن به جهـاد=أهل القنا وأهل السيوف الحـدادي
تشوف لك مشهد ثلاثئي الأبعـاد=وعدونا يبشر بصبـح وهجـادي
واللي تهقوى يبغـي الشـر وازداد=تلبس عليه البيض لبس الحـدادي


:21t:

[عويضه الوقدان]

ومضه


,
,
,




الهاجس اللي طواه الحزن طويا الرشا=كدر جميع الحواس وذبلت زهورها
لا تحسب أني نسيتك لا وربي حشا=أن كان تنسى بيوتي لذة شعورها




:21t:

[عويضه الوقدان]

الى من يهمه الأمر

,
,
,




الفرحة اللي على وجه الزمان البخيل=ماتت على كفها أحلامي وخليتها
الدمع في محجر عيوني يفيض ويسيل=مافادت الأمنيات اللي تمنيتها
الفرقا اللي بلا سبه تحط وتشيل=ماحبها ياعساها ينهدم بيتها
وجروحي اللي تزايد كل يوم(ن) وليل=لو المشاعر تحاكم كان قاضيتها
أنا زرعة المحبه دون ماأجني حصيل=ياليتني من دموع الشوق ماأسقيتها
دام المحبه بلا سيسان لازم تميل=وجة نظر من صميم القلب وأبديتها
نمسي ونصبح على حلم(ن) شعوره جميل=لكن عيوني من الأحلام صحيتها
تدري وش أكبر خطا بيَن في وقت الرحيل=رجلي في درب المحبه معك عنيتها
ياالمرهف اللي عليك أحساسي ظل(ن) ظليل=ليه الخيانه في كأس الحب صبيتها
شكرا على صدك وهجرك ولاني ذليل=نفسي عزيزة وعنك النفس عزيتها



:21t:

[عويضه الوقدان]

عندما يشتد الخناق ... وتتبعثر الأوراق

,
,
,





غرد ياطير المفارق فوق خضر الجريد=يوم الخيانه في دربي لاح براقها
سالت دموع المحاجر قبل نظم القصيد=بلاش من طاري الفرحه وسراقها
الله يخلي سعيده للحبيب السعيد=لولا السلع عارفنا الناس وأذواقها
غلطة محبه وغيري بالخطأ مستفيد=لكن سنين المحبه يبست أوراقها



1bh1

[عويضه الوقدان]

لاتحمل الدنيا على فوق كتفك=تحلم ودوراة الليالي سريعه
لابدها تأتي على غير شفك=أصبر وخلك كالحصون المنيعه
أن ضقت أرفع للسما بطن كفك=الله ولا ذل النفوس الشجيعه
وخلك سوات طويق محد يدفك=أن عشت وألا مت نفسك رفيعه




:a28:

[عويضه الوقدان]

ومضه

,
,
,




من كثر ما أحبك ومن كثر ماأغليك=لو تطلب عيوني تجيلك هديه
تأمر على هذي وتأمر على ذيك=يعني على ماقيل(خذها سويه)



:21t:

[عويضه الوقدان]

من تباريح شوقي ماقويت الصبر=تسريبي العاطفة وأدخل متاهاتها
في ناظري لك سحابه لو تهل المطر=تخضر بيض الورق وتسيل عبراتها
فاضت مشاعر خفوقي بين حزن وسهر=والنفس تشكي من الأحزان لوعاتها
شاعرك ماتت حروفه مالقاله شطر=حتى هجوسه تنهت من معاناتها
البعد نار الهوى والصد مثل الجمر=والنبرة اللي في صوتي بانت أهاتها
من قبل ماكنت ياصاحب وسيع الصدر=اليوم ماأدمح خطأ العالم وزلاتها
الأوله بالصدر والثانيه بالفكر=لكن تبقى السلوم وتبقى عاداتها
وأنا متوني قويه ياسيوف الغدر=رح عاد علم بها الدنيا وطعناتها
طويت صفحة غرامك من كتاب العمر=ماعاد لي حيل بالذكرى وصفحاتها
والخاطر اللي أنكسر مافاد فيه الجبر=يالله دخيلك من الدنيا وصكاتها






:21t:

[عويضه الوقدان]

24 / 4 / 2005




الفراق هو أصعب لحظه فى الحياه عندما تعرف أن هذه اللحظه اخر لحظه تراى فيها أنسان عزيز على قلبك وهو ( والدك) فيكون الدموع هي متنفسك الوحيد أن العين لتدمع وأني من فراقك يا أبي لمحزون
وهذا هو الفراق‏أن تنزع جزءا عزيزا من عمرك وتصافحه في لحظة وداع دامية‏




,
,
,






هاجوس فكري من قصيدي سرجلي=حزن البيوت اللي من القلب وشعور
يفتر فلم الذاكره ثم عرضلي=ذكرى الشجاع اللي به الطيب مخبور
أبي أبي ياراس مالي وكلي=صورتك في عيني من سنين وشهور
أنشهد أنك ظل ياكل ظلي=ذكراك في قلبي بساتين وزهور
ليا ذكرتك قمت أرحب وأهلي =وأصبر الخاطر ليا صار مكسور
أسرح مع طيفك ودمعن يهلي=والقلب من فرقاك ياأبوي مشطور
جنيت من فعلك ياأبوي وحصلي=صيت(ن) مع الاجواد وافي له شبور
مرحوم يلي كل فرضن يصلي =علمتني معنى المراجل ومشكور




1bh1

[عويضه الوقدان]

ذكرتك والغلا باقي وأنا والليل وحداني=أداعب طيفك العابر وأصوًر كل تصويره
على ذكراك أجدد ما بقى فيني بوجداني=يناديني من الضيقه وأنا والحزن والحيره
عسى يذكرغلاه اللي عطيته لو تبطاني=وأنا ذكراه في قلبي ولا ودي على غيره
تناساني وأنا اللي ماهقيت أنه تناساني=يروح الليل في صمته ولا جتني معاذيره
قصيدة عشق لعيونه وذا عهدي وعنواني=وأنا مافضها سيره ألا يازينها سيره
طريت البعد وأثر البعد يكتبني ويقراني=سلام الله على ذاك الزمان ويالله الخيره




:21t:

[عويضه الوقدان]

ومضـــــــه

,
,
,




مافيه داعـي تجاملنـي وأجاملها=مادام قلبي يموت النبض فـ عروقه
صفحة غـلانا مع الأيـام نقفلـــها=بلاش من طاري العاشق ومعشوقه




:21t: