بطنك تحت المجهــــــــر

[شموخ بنت قطر]

سلام على احلى اعضـــــــــــاااااااء ..
اشلونكم .. اخباركم ..؟؟
جبت لكم اليوم موضوع شفتهــ في منتدى و اعجبني مثل اللعبه ..
وهو مجموعه اسئلهـ نعرف وش تأكل وش ما تأكل <<
والي يجاووووب يختار واحد بعده ..
اتمنى وصلت الفكره ..


(1) كم وجبه تآكل بـ اليوم ..؟!
(2) وش وجبتك المفضله [آللي مآ تقدر تستغني عنهآ ]
(3) أنت من النـآس آللي يتضايقوون إذا جآعوا ..؟؟
(4) أول مآ تدخل السوبر مآركت أي قسـم تشوف بطنك يوديك له بدون شعور ..!
(5) هل صحيح مقولة [ الطريق إلىآ قلب الرجل معدته ] ..!

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] ..؟؟
(7) وش الأفضل عندك أكل البيت أو أكل المطعم ؟!
(8)تحب تآكل لـ حآلك أو تآكل مع جمآعه مع ذكر السبب ..؟؟
(9)إذآ كنت من النآس آللي يحبون الكبسه أي نوع من الكبسه تحب ..؟!
(10)لو كنت معزوم / تحب تكون العزيمه مفطح ولآ بوفيه ..؟
(11)أنت من النآس آللي تحب تآكل بين الوجبآت ؟!
إذآ كآنت إجآبتك نعم وش تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ]..؟!

(12)إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك ..؟؟
(13)وش الطبخه آللي تضبطهآ و ودك تعزمنآ عليهآ ..؟؟


طيب أنــا ذحين رااااح أختار

آهات الحزن


أتمنى تفاعلكم ,

[ناثرة الورد]

{{ شمـوخ بنـت قطــر }}

يعطيــج الــف عـافيه علي هالمـوضوع الرائـع و المميــز ....

وبــأنتظـار مشـرفتنـا المميـزه و الحبـوبه {{ اهـات الحـزن }} ....

تقبـــلي ::

كل الشكـر و التقـدير ....

[عائشة]

شكرا على الموضوع الحلو والمميز

وعندك الحق خلي بطونا تحت المجهر

بسلامة شكرا

[الغروب]

شموخ بنت قطر

تسلمين ع الموضوع

وننتظر القديرة آهات لاجابة

شكري وتقديري

[&آهــــات الحــــزن&]

موضوع مميز من اخت مميزه لاهنتي شموخ على اختياااري

وجيت باسرع وقت هههههه بعد مانبهتني القديره الغروب لان ماكان عندي علم بالموضوع

ويالله بسم الله نتوكل

(1) كم وجبه تآكل بـ اليوم ..؟!
مره وجبه ومره وجبتين


(2) وش وجبتك المفضله [آللي مآ تقدر تستغني عنهآ ]
دام مو ماي مافي شئ ما استغني عنه
بس احب ورق العنب
(3) أنت من النـآس آللي يتضايقوون إذا جآعوا ..؟؟
لا عادي
(4) أول مآ تدخل السوبر مآركت أي قسـم تشوف بطنك يوديك له بدون شعور ..!

هههههههههه قسم الحلوياات
(5) هل صحيح مقولة [ الطريق إلىآ قلب الرجل معدته ] ..!
يقولون بس انا اي دونت نو

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] ..؟؟

ما أيدهاا ابد لو ماتبي ترضي لو يوديها القمر ماراح ترضى لو شنو
(7) وش الأفضل عندك أكل البيت أو أكل المطعم ؟!
اكيد اكل البيت بس حلو التنويع يعني مره كذا ومره كذا

(8)تحب تآكل لـ حآلك أو تآكل مع جمآعه مع ذكر السبب ..؟؟
اكيد جماااعه اجل لحالي كني جرباا لا والله احلى شئ
مع الجمااعه عشان تنفتح نفس الواحد
(9)إذآ كنت من النآس آللي يحبون الكبسه أي نوع من الكبسه تحب ..؟!
لا والله ما احبهاا واكتأب لقالواا كبسه

(10)لو كنت معزوم / تحب تكون العزيمه مفطح ولآ بوفيه ..؟
بوفيه لان مالي بالمفاطيح بيني وبينك ههههه

(11)أنت من النآس آللي تحب تآكل بين الوجبآت ؟!
الصرااحه احيانا بس مو اكل مثل عصير او شغله خفيفه

إذآ كآنت إجآبتك نعم وش تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ]..؟!

مره كذا ومره كذا التنويع حلو يااشموووخ a25

(12)إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك ..؟؟
اختااار كل بنات المجالس عشان تنفتح نفسي عدل
(13)وش الطبخه آللي تضبطهآ و ودك تعزمنآ عليهآ ..؟؟

اضبط الحلوياات ككل والسلطاات
والعصيده والمعركونه الباشميل حياااكم بلي تبونه

اقلطووووووووa25

ويسلمو على الاسئله الحلوه

وانا اختاااار صاحبة الموضوع تشرف 1bh1

[شموخ بنت قطر]

هلاوغلا بأختي آهات الحزن

أنا قلت بأختارمشرفتنا القديره وبأسلم من الاختيار

أثاريك رديتي لي الصاع صاعين
أبد وحده بوحده


(1) كم وجبه تآكل بـ اليوم ..؟!
غالباً وجبتين .


(2) وش وجبتك المفضله [آللي مآ تقدر تستغني عنهآ ]
الفتوش .

(3) أنت من النـآس آللي يتضايقوون إذا جآعوا ..؟؟
أبداً و لايهمني



(4) أول مآ تدخل السوبر مآركت أي قسـم تشوف بطنك يوديك له بدون شعور ..!
الشيبس ...ههههههههههههه
(5) هل صحيح مقولة [ الطريق إلىآ قلب الرجل معدته ] ..!
لا ... الطريق الاخلاص .

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] ..؟؟
لا والله.... أنا الكلمه الطيبه ترضيني .



(7) وش الأفضل عندك أكل البيت أو أكل المطعم ؟!
البيت ..

(8)تحب تآكل لـ حآلك أو تآكل مع جمآعه مع ذكر السبب ..؟؟
مع الجماعه اللي لا يخلينا منهم .

(9)إذآ كنت من النآس آللي يحبون الكبسه أي نوع من الكبسه تحب ..؟!
مكبوس الهامور اللي أمي تسويه .

(10)لو كنت معزوم / تحب تكون العزيمه مفطح ولآ بوفيه ..؟
أكيد بوفيه ....بس ما يمنع يكون معه غوزي ......هههههههه

(11)أنت من النآس آللي تحب تآكل بين الوجبآت ؟!
أحياناً من الملل أتسلى بالحب .

إذآ كآنت إجآبتك نعم وش تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ]..؟!
حب مصري

(12)إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك ..؟؟
ما أدري توني غريبه ولا عرفتكم عدل
بس بأعزمكم كلكم عشان أتعرف عليكم
والمره الثانيه بأختار
ههههههههههه



(13)وش الطبخه آللي تضبطهآ و ودك تعزمنآ عليها ؟
الحمد لله أنا طباخه ماهره بشهادة كل اللي يعرفني
واللي تأمرون عليه حاضره ...من عيوني

و الحين أختار مشرفتنا القديره

الغروب

[الغروب]

السلام عليكم ورحمة الله وبركاته
مرحبا بالاخوات وكل الشكر غاليتي / شموخ بنت قطر
ماراح اطول عشان نلحق نجاوب كل الاسئلة
(1) كم وجبه تآكل بـ اليوم ..؟!
وجبة واحدة .
(2) وش وجبتك المفضله [آللي مآ تقدر تستغني عنهآ ]؟
مافيه وجبة بالتحديد .
(3) أنت من النـآس آللي يتضايقوون إذا جآعوا ..؟؟
لا
.(4)
أول مآ تدخل السوبر مآركت أي قسـم تشوف بطنك يوديك له بدون شعور ..!؟
المشروبات الساخنة / القهوة والتعرف على انواعها والجديد منها والشاي وانواعه .
(5) هل صحيح مقولة [ الطريق إلىآ قلب الرجل معدته ] ..!
الحقيقة لا اعلم !!!ولكن حسب رأيي لا.

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] ..؟؟
احترم قول الاخرين ويمكن قالوها من خلال تجارب شخصية خاصة بهم ، لكن بالنسبة لي لالالالالالا.
(7) وش الأفضل عندك أكل البيت أو أكل المطعم ؟!
حسب نوع الأكل فهناك اطباق لايمكن اعدادها كماهي بالبيت والعكس .
(8)تحب تآكل لـ حآلك أو تآكل مع جمآعه مع ذكر السبب ..؟؟
لا مع الناس طبعاً وسبحان الله بذلك تحصل البركة ومنها اللذة في الطعام وحصول الفائدة .
(9)إذآ كنت من النآس آللي يحبون الكبسه أي نوع من الكبسه تحب ..؟!
من اشهر الاطباق وانواعها كثيرة ومنها كبسة التمر < راح تستغربون :)--والليمون الأسود > لايوجد نوع محدد.
(10)لو كنت معزوم / تحب تكون العزيمه مفطح ولآ بوفيه ..؟
اذاكنت معزوم عادي ماتفرق ، لكن لو انا بعزم لازم مفاطيح .
(11)أنت من النآس آللي تحب تآكل بين الوجبآت ؟!
ابداً ...... حتى الشاي والقهوة باوقات محددة .
إذآ كآنت إجآبتك نعم وش تحب تآكل؟
[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ]..؟!
لاشئ .

(12)إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك ..؟؟
طبعا بوجود ومشاركة جميع الاخوات وأرجوا ماتتأخر علينا الغالية والفاضلة { شيخة المنتــــــدى } لها كم يوم ماشاركتنا.
(13)
وش الطبخه آللي تضبطهآ و ودك تعزمنآ عليهآ ..؟؟
خروف بالفرن :) وزي ماقلتي اختي شموخ اللي تأمرون فيه من عيوني واذا عزيمه
حقكم أكبر .
اشكرك غاليتي والسموحة على التقصير
واتمنى تشرفنا هنا القديرة
(( شيوخ ذلتهم عيوني ))
ودمتم جميعاً بود :a28: