المساعد الشخصي الرقمي

مشاهدة النسخة كاملة : قصيدة العوده من المنفى للشيخ راكان


ابو سعد العجمي
31-05-2005, 04:15 AM
السلام عليكم ورحمة الله وبركاته
أولا انا توني مسجل في المنتدى وهذي أول موضوع اكتبه أتمنى أن يحوز على أعجابكم
هنا قصيدة الشيخ راكان بن فلاح بن حثلين المشهوره بعد عودته من المنفى حينما وصل عن طريق البحر ألأحمر
ويقول فيها:


يالله يامخـرج مـن المكرهـيه = مدك ومعروفك وفضلـك كفانـي
ياعالـم اسـرار(ن) علينا خفـيـه = ياواحد(ن) ماله شـرك(ن) وثانـي
يافطري خمـي جوانـب طميـه = يوم اشرهبت مثل خشم الحصانـي
خبي خبيب الذيب مـع جرهديـه = وان طالع الزيـلان واليـل دانـي
خلـي طميـه والديـار العـذيـه = وتنحري بـرزان زيـن المبانـي
تنحـري لطـام خشـم السـريـه = فرز الوغا لاجـا نهـار الوحانـي
محمـد لزمـن علينـا مجـيـه = قبل الحبيب وقبل قاصي(ن) وداني
واليـا قضيـت الازم الـي عليـه = الازم الـي ماقـضـاه الهـدانـي
تذكـر المشحـون ديـران حيـه = مسوا احبـال اكوارهـن بالمثانـي
الجدي حطه فـوق ورك المطيـه = وبنحورها يضهر سيـل اليمانـي
نمشي براي الله علـى كـل نيـه = وبالقدر ناصل عقب عشر وثمانـي
نبغي ندور طفلـت(ن) عسوجيـه = ريحة نسمهـا كالزبـاد العمانـي
لي صاحب(ن) مانيتي عنـه نيـه = واثره قظاله حاجـت(ن) ماتنانـي
ليته صبـر عاميـن والا ضحيـه.. = والا تنبا غربتي ويـش جانـي
اشره على الطيـب ويشـره عليـه = الـي خـذا عشقتـي مـا تنانـي
خري وانا راكـان زبـن الونيـه = مايشرب العقبـات كـود الهدانـي
تباشروبـي عقـم ثامـن ضحيـه = وانا علي ابـرك ليالـي زمانـي
قالـو لفـا راكـان زبـن الونيـه = من غربته يصهل صهيل الحصاني
واشفق على شوف الربـوع الدنيـه = سم الحريب وهيف حيل(ن)سمانـي
ربعي هل الناموس واهل الحميـه = هل سربة(ن)تروي حدود السنانـي
في وردهم كم طفحوا مـن سريـه = وساع الطعون مقدمييـن اليمانـي
حريبنـا لهـدا عليـنـا هـديـه... = راعي الجماله ينجزا بالحساني
يرده جموع ترد حـوض المنيـه = بيارق(ن)تاطـا الغبـا والبيانـي
لابد مايفجـع صبـاح(ن) بهيـه = ويصوي كما يصوي مجدع لذانـي
شتات شمل الضد حتـم(ن) عليـه = فرض(ن) علي مثل صوم رمضاني
في ساعة(ن) كلن يهمـل خويـه = لاشاف ضرب مصقلات السنانـي
من القطيف اليـا النفـود محميـه = محد(ن) نزلها الا خوي(ن) وعاني
وقول(ن)بليا فعل عيـب وخطيـه. = وقولي علىصدق(ن) وفعلي بياني

راكان اليامي
31-05-2005, 04:26 AM
ارررررررحب يابو سعد
و
لاهنت ياذيب لاهنت والله يرحم زيزوم يام

ابو سعد العجمي
31-05-2005, 05:17 AM
ابقه ابقه ولاتهون وشكرا على المرور

سعود الخويطري
31-05-2005, 07:01 AM
مرحباا ومسهلأ يـ ابوسعد


الله يحيك في محلك وعند بني عمك


ولاهنت على نقلك لـ زيزوم يام وشاعرها : راكان بن حثلين - جعله بالجنه


تقبل سلامي واشواقي

الخويطري

ابو سعد العجمي
31-05-2005, 07:05 AM
والبقا ياسعود ولاتهون وشكرا على المرور

فهد السعيد
02-06-2005, 04:16 AM
الله لا يهينك يا ابو سعد

على القصيده الجزله

كروز الحبيشي
02-06-2005, 09:07 AM
لا هنت يا ابو سعد وما قصرت يا القرم

الخليجي
02-06-2005, 03:34 PM
لاهنت يابو سعد على الموضوع

ياعالم اسـرار(ن) علينـا خفيـه***ياواحد(ن) ماله شيرك(ن) وثانـي

محمـد لزمـن علينـا مجـيـه**قبل الحبيب وقبل قاصي(ن) وداني

سلام اخو نورة لزوم عليه *** قبل القريب وقبل قاصي وداني


الجدي خله فـوق ورك المطيـه***وبنحورها يبدي سهيـل اليمانـي

خري وانا راكـان زبـن الونيـه***مايشرب العقبات كـود الهدانـي

روحي وانا راكان زبن الونيه *** ما ياخذ العقبات كود الهداني

لاهنت يابو سعد على كل حال

عبدالله الوعيلي
11-06-2005, 08:36 PM
روحي وانا راكان زبن الونيه *** ما ياخذ العقبات كود الهداني

الله يرحم زيزوم يــــــــــــــــــــــام


والله يعطيك العافيه يا ابو سعد

ابو سعد العجمي
14-06-2005, 10:12 AM
شكرا ياخوان (فهد السعيد , ياطي حالي , كروز الحبيشي , عبدالله الوعيلي ) على مروركم وما قصرتو
ومتأسف للرد المتأخر لاني انشغلت عن المنتدى ومشكورين