قصيدة في تدنيس القرآن

[قلب الأسد]

بسم الله الرحمن الرحيم

في البدايه احب اوضح للاخوان بارك الله فيهم ان الشعر مسموح فيه يتكلم الشاعر ويقول الكلام اللي يستحي يقوله في الكلام العادي

واتمنى يكون فيه نوع من الحرية وانا قصيدي اظاهر انه ما يعجب بعض الناس لكن عاد هذا اللي طلع ما باليد حيله

وياليت يشوف احد الشعراء القصيده هذي ويقول هي موزونه او مكسوره انا اكتب ما طراء لي وعندي فوق ثماثين قصيده ..لكن اسمع بالوزن ولا ادري وش هو الوزن.. ان كان احد يعرف يعلمني عجزت افهم بعض المواقع اللي تشرح الوزن.


بوش الحمار

يالله يا واحد يا عزيز يا جبار == يا هازم الاحزاب وزعيم الافيال
تصب عذابك زلازال واعصار == على امريكا وكر الرخوم الانذال
دنسوا كتابك لعنبو حقدهم كفار == داسوا كرامة المسلمين الابطال
تسعين تفله في وجه بوش الحمار == وسبعين تفله لوزير الضباع الطبال
لعنة الله على امريكا والاحبار == ظلال الصهاينه كذبان الاقوال
لعنبوكم اكلت الخنازير شرابت السكار == والله اللي بتشوفوا منا كبر الاهوال
البيت الابيض مربض الاشرار== فيه طباخ صهيوني يخطط للاعمال
طبخه للعرب والصهيوني يوزن البهار== تفوح ريحت النجاسه مع الخمال
تبيع وتشتري بالعرب بالسوق سمسار == بارخص الاسعار والاصناف اشكال
ولا بد من يوم للبيت الابيض ينهار == تبكي عليه الصهاينه طول الاجيال
وابشر بكرهه انزرع بكل الاقطار == تحصد ثماره بكره بيد الاشبال
ما يكفي الاسف وتقديم الاعذار == قبلك موسكو قسموها الابطال
الفرس والروم قبلك خذها اعتبار== اسطوره كانت بالماضي تقال
خذ طعنات في بغداد ومن قندهار== علوجك تنقل بالتوابيت وعليها الاقفال
حنا عرب يعني الموت او غسل العار == حنا جهنم للعدو الغربي وللشرق والشمال
لو تحصن تحت الارض يالفار == بعمق محيط ومسافة اميال
ما يردك عنا حصن وجدار == وضعك خطير عند اهل الربط والعقال
ويالله تجنب عن شر الاقدار == امة ضعيفه بحضنها الاقصى تحت الاحتلال
حكام العرب ما بهم النافع الضار == سلاطين كرسي صورة وتمثال
شوف مصر اليهود فيها تجار == سيطروا على السوق وذلوا اهلها بالمال
خليجنا هو خيرنا لغيرنا ليل ونهار == حسدونا على براميل سود وثقال
طمع العالم فينا ولفت الانظار== كلن يشوفنا فريسه بوسط الادغال
صارت قصة جحا والمسمار == يوم شد ويوم نرخي الحبال
نزيد الانتاج مع رفعت الاسعار == والمشكله الدولار مرتبط به الريال
والشام فتنه صارت باهل الدار == كرهه بين سوريا ولبنان الجبال
اشياء كثيرة والمشاكل اكثار == نسال الله العفو والذنب يزال
تابع الجزيرة وانتظر نشرة الاخبار == تشوف الجرائم ما تخطر على بال
قتل تشريد وابشع انتهاكات بختصار== مناظر شيبان وعجايز وحتى الاطفال
تجريف للاراضي وقطع الاشجار ==هذا واقع عربنا على هذا الحال
لعبه بيد التحالف لعبه قمار == من يكسب ومين يخسر الامال
وجاي يوم نفرح به وناخذ الثار == يشفي نفوس وترتفع الروؤس عال
نقراء القران ونحفظ الاذكار == مسلمين وليل الظلم والقهر طال
والشاعر يصيب ويخطي بقول الاشعار== مترجم الاحساس وموضح الاهمال
وصلاة ربي على نبي الاطهار == محمد بعث للثقالين مرسال

[حبيب]

الاخ الفاضل قلب الاسد

مساك الله با الخيررر
انت قلت

في البدايه احب اوضح للاخوان بارك الله فيهم ان الشعر مسموح فيه يتكلم الشاعر ويقول الكلام اللي يستحي يقوله في الكلام العادي

انا اخالفك الرأي وبقووه اخي قلب الاسد

الشعر كلام قبيحه قبيح وحسنه حسن

والكلام القبيح لايسمح به لافي قصيد ولاغيره وهذا شي معروف


وقلت


واتمنى يكون فيه نوع من الحرية وانا قصيدي اظاهر انه ما يعجب بعض الناس لكن عاد هذا اللي طلع ما باليد حيله

والله الحريه موجوده ياقلب الاسد ولكن هجاا الناس لايسمى حريه وانا اخيك يعتبر تعدي

اما قوولك قصيدك مايعجب بعض الناس مرضي الناس كايد وانا اخيك

اذ كان الانساان واثق من نفسه لايلتفت للناس



وقلت

وياليت يشوف احد الشعراء القصيده هذي ويقول هي موزونه او مكسوره انا اكتب ما طراء لي وعندي فوق ثماثين قصيده ..لكن اسمع بالوزن ولا ادري وش هو الوزن.. ان كان احد يعرف يعلمني عجزت افهم بعض المواقع اللي تشرح الوزن.


ابشرر والله ياقلب الاسد

ثق ثقه يا اخي ان القصيده تعتمد على الوزن ولا فلا تسمى قصيده

يعني بأبمكان اي شخص ان يصفصف كلام وتصبح قصيده
واماا قصيدتك ياقلب الاسد لا والله ينقصهاا الوزن وانا اخيك



الوز ن سلمك الله

إخترع لحناً..معيناً.. على اي بحر كان وتكون القصيده على وتيره واحده

لايختلف ...هناك الوزن عن طريق التفعيله ولكنه صعب

والوزن با الحن اسهل منه وهوو اكثرر استخداام من التفعيله

[قلب الأسد]

هلابك يا حبيب ومرحبا

يا حبيب جعلك تحيا الشعر انواع غزل ومدح هجاء والذم موجود بقصايد شعار كثار
وبذكرك ايام غزو الكويت ما فيه شاعر ما ترك كلمة قبيحه وقالها في اخو هدلا وعلى الهواء مباشره بالصوت والصورة ماهيب لحيه منتدى كتابه..
لكن المسأله انقلبت مزاجات

والحريه جعل جدانك بالجنه حريه الشخص يقول اللي في خاطره واذ احد غيره عنده نقد لاذع ما فيه مشكله السماء تاخذ رصاص واجد.. لكن حريه تفرض من برتوكولات المجاملات وروتين العادات الاجتماعيه ما تسمى حريه بنظري ما تسمى حريه

اما رضى ناس غاية لا تدرك لكن ما خاب من استشار طال عمرك والدعوه هرج وسواليف عساك سالم .. وزود الثقه نكبه

وان كان القصيده حكي مصفف جعلك تحيا اعتبرها خواطر شعريه ما هيب قصيده.. لكن بحكم معلومات الضحله عن الوزن وقلت انت بالحن
اللي اعرفه يا ابن الاجواد ان الملحن ياخذ اول شيء ابيات القصيده ويركب عليها لحن
ما هوب ابيات القصيده تركب على اللحن

والله اعلم واسلم وسلم وعساك على القوة يا حبيب