الزين عقب المغربيات يــــنعاف

[ذيب القوم]

ياللي تنشّد عن علوم الذي طــاف ** كــــل البحور وكل دولة وديرة
خذ من علومي علم أوصافه أوصاف ** جزلٍ سمين يشتعل له ســـعيره
الزين عقب المغربيات يــــنعاف ** غيدٍ لهن بالزين ذكره وســـيره
فيهن حلا طاغي ولين وتـــعطاف ** وفيهن حنانٍ يشعل القلب غــيره
حلوات وصف وفاهماتٍ بالاعــراف ** زينات منطق صافيات الســريرة
بنات قومٍ طيبهم غصب يـــنشاف ** اولاد مغرب بالليالي العـــسيرة
ياللي تنشّد عن علومي بالانــصاف ** هرجي يكفي صامله عن كــثيره
الزين في لميا وتغريد والــــطاف ** ماهوب في حصة وكشرة مـنيرة

وسلالالالالالالالامتكم

[ذيب القوم]

والشعرا هذولا مجهولين الهويئه كلهم

ورد عليه شاعر اخر ويقول


قال الذي في بدع الأمثال صـرّاف ** جزلٍ يفرق بين درهم ولــــيرة
ياللي مدحت المغربيات بــجحاف ** الله يجيرك من عماة البـــصيرة
لـــو تعجبك لميا وتغريد والطاف ** مايصلحن لهل ا لوجيه الســـفيره
مفصخات ولبسهم حــول الارداف ** وبليس أغواهم بكشف الســـتيرة
متعوداتٍ كلهم زيف وخــــفاف ** على التغنج والتعطف وغــــيره
كل يوم مع صاحب ولافيهم أعـفاف ** خويهم اللي فلوســه كــــثيره
ترى البضايع عدة أشكال واصـناف ** وكلٍ ينوخ وسط سوقه بــــعيره
عز الله ان الطيب في بنت الاشراف ** اللي على الحشمه تربّت صـــغيره
ولا تبيّن منّها كود الاطــــراف ** مثل القماشه فالبحور الغــــزيرة
ياللي تدوّر بالجواهر والاصــداف ** الزين كله في بنات الجـــــزيرة


وسـلامتكم

[فهد بن محسن]

الاخ\ الذيب

تشكر على النقل .. ابيات جميله .. وردية تستاهل النقل

هههههههههههههههههههههه

تحياتي لك يالذيب

اخوك \ فهد بن محسن

[ذيب القوم]

العفو

ويعطيك الف عافيه علاا المرور

والله لايهينك



تحياتي لك

اخوك عبدالله اللزيزي

[محمد]

لاهنت يالسنافي على هذا النقل

والمغربيات وين عرفهن الشاعر لين مدحهن

[عبدالله الوعيلي]

صح السانك يا ذيب القوم

لا هنت يا عزيزي

[ابو محسن]

جزاك الله خير يالذيب على هالقصيد الي نقلته لنا .........اخوك ابومحسن

[ذيب القوم]

صح بدنكم جميعأ
الله يعافيكم


الله لايهينكم علا الرد والمرور
تحياتي لكم