المساعد الشخصي الرقمي

مشاهدة النسخة كاملة : (ســـوالـف ..مــتـجـدده)


مواطن عادي
17-10-2008, 04:50 PM
(سوالفي مع صديقي الشايب)

سألت واحد من الشيبان الجماعه
وقلت له تروح معي للبحر

قال لي :معصي روح الحالك الا ان كانك بتروح للبر تراني خويك

استغربت من رده وذبحني الفضول وسالت ليش وش اللي في البحر
يخليك تقول هذا الكلام ؟؟

(بيني وبينكم قالت اكيد فيه سر ولازم اعرف السبب )

قال لي موضوع احتفظ في نفسيه مقدر اقوله لك

(انا الصراحه تشوقت اني اعرف السبب اللي مايخليه يروح البحر)

وجلست لحظه افكر وقلت له :انت خايف من البحر!!!ابي استثيره على شان اعرف السبب )

قال :لا,,,ماني خايف من البحر اخاف من شي ثاني

(الصراحه زاد فضولي من رده وقررت لازم اعرف الموضوع)

قالت له:علمني يمكن استفيد من خبرتك وخبره سنين عمرك لانك ماشاء الله عليك حكيم وعارف

(صرت امدحه على شان يعلمني )

قال لي :بعلمك بس لاتقعد تهايط علي راسي وتمدحني تحسب انك بتضحك علي بشوي كلام مستهلك

(الصراحه صار وجهي اصفر من كلامه احس انه عرف اللي في خاطري خخخخخ)

المهم قلت له:سم تفضل كلي اذان(ن)صاغيه

قال لي:خايف لا اموت في البحر!!!

الصراحه زاد فضولي

(قلت في نفسي السالفه خطيره لازم اعرف السبب)

وقلت يعني اذا جاك الموت في البحر ولا في البر وش يفرق ؟؟؟

قال مع ابتسامه ساخره انا بقول لك شي وانت احكم

قلت تفضل قال: الموت مامنه مفر وكلن بيموت

(قلت في نفسي الحين الشايب بيقعد يتفلسف على راسي بس يالله بشوف اخرتها معه)


وكمل كلامه اذا رحت في البر وكلاك الذيب قالوا الناس الله يرحمة تصارع مع الذيب

يومن كامل وكلته الذيابه قالوا الناس الله يرحمة واتانسوا عياله واخوانه وربعه القريبين ,,

واذا الواحد راح البحر وطاح في البحر اكلته اسماك القرش واذا حطو لك عزا وانشدوا

الناس وش سبب موته قالوا كلاه السمك الصراحه يفشل عياله واخوانه وربعه

الحين انت وش رايك الحين وين ودك اروح للبر ولا للبحر؟؟قلت وش رايك اروح عند البل مبطين ماشربنا حليب الخلافات

ومن بعد السالفه هذي وانا ماادش البحر اقعد على الشاطي بس واحذف الخيط وانا

رابط حبل في السياره ورابطه في رجلي على شان ماتسحبني الاسماك في البحر

وتاكلني (الله يهدي الشايب خذا عقلي بكلامه )كل مااشوف البحر اتذكر كلامه يوم
يقول (امحق مابه الرجال اللي تاكله سمكه)الصراحه احس الشايب هذا انه

مشاني على كيفه كل يوم وهو رايح معي للبر



http://img253.imageshack.us/img253/7474/animqershmv9.th.jpg (http://img253.imageshack.us/my.php?image=animqershmv9.jpg)http://img253.imageshack.us/images/thpix.gif (http://g.imageshack.us/thpix.php)



(انتظروا سوالفي ومغامراتي مع الشايب ...في الحلقات القادمه

سراب
17-10-2008, 07:24 PM
في البداية.. مرحبا بك أخي الكريم في "أقلام المجالس"
##
مُعتقد الشايب فعلا غريب والله!
أعتقد إنه معطي شي أكبر من حجمه .. ويفكر بشي ممكن الناس مايفكرون فيه!
أهو أهم شي .. مادام الإنسان مورث عياله الدين والأخلاق الحميدة ..
مو مهم اشلون أو وين يموت
..هو مجرد رأي..
##
موضوع رائع :a37:
##
بإنتظار المغامرات الأخرى
ويعطيك العافية أخوي

ملاذي
17-10-2008, 07:26 PM
اخي مجبور...!!

قد أضفت على الموضوع ...أسلوب المرح ...والحكمه ...بنفس الوقت....!!!

وقد ابدعت في سرد القصه الممتعه...!!


فقط...من القلب...!!

دمت لله أقرب..!!
أخوك...جلوي..!!

مواطن عادي
17-10-2008, 07:40 PM
في البداية..
حياك الله أخي الكريم بين أخوانك وأخواتك في مجالس العجمان
ومرحبا بك في أقلام المجالس
##
مُعتقد الشايب فعلا غريب والله!
أعتقد إنه معطي شي أكبر من حجمه .. ويفكر بشي ممكن الناس مايفكرون فيه!
أهو أهم شي .. مادام الإنسان مورث عياله الدين والأخلاق الحميدة ..
مو مهم اشلون أو وين يموت
..هو مجرد رأي..
##
موضوع رائع :a37:
##
بإنتظار المغامرات الأخرى
ويعطيك العافية أخوي


الله يحييج اختي وتسلمين على التعليق الطيب وافتخر في مرورج بما انج صاحبه قلم مميز واستفيد من تعليقاتج وتوجيهاتج
وكلامج كله صحيح
بس اعذروني على طرحي للموضوع لاني مبتدي
وان شاء الله اقدر اواصل الكتابه

مواطن عادي
17-10-2008, 07:43 PM
اخي مجبور...!!

قد أضفت على الموضوع ...أسلوب المرح ...والحكمه ...بنفس الوقت....!!!

وقد ابدعت في سرد القصه الممتعه...!!


فقط...من القلب...!!

دمت لله أقرب..!!
أخوك...جلوي..!!

مرحبا ومسهلا بك يابومحمد وتسلم على التعليق الطيب والمرور الاروع اللي يشرفني واتنومس به
لاهنت طال عمرك

الغروب
17-10-2008, 08:12 PM
الاخ / مجبور

بقصتك الجميلة مع بيت الحكمة ( الشايب ) اضاءت مجالس الاقلام وكسبت قلمآ قادم

تميز بسلاسة الاسلوب وسهولة الطرح وموضوعية المضمون...

اتمنى لك التوفيق

نطاحت الجيش
17-10-2008, 09:03 PM
السلام عليكم ورحمة الله وبركاته
اخي العزيز مجبور لاهنت علي الموضوع الطيبه

وسلمني علي الشايب الحكيم

فرااااج
17-10-2008, 09:17 PM
لاهنت على القصه يامجبوور

وقل للشايب الواحد اذا ماكلاه السمك(على قولته) بياكله الدود اذا مات
والعبره في العمل الصالح وفي الخاتمه الحسنه



اخوك:فرااااااااااااااااااج

&آهــــات الحــــزن&
17-10-2008, 09:55 PM
كـل الشكر لك اخوي مجبور على طرح هالموضوع الغريب بطرحه والغريب براي شايبه 00

كلن وله رايه مع تحفظى على راي الشايب الغريب شوي 00

ونورت اقلام المجالس باضاءتك الجميله وخطه قلمك الفريده 00

في انتظار المزيد من مغامراتك مع الشايب 00

مواطن عادي
18-10-2008, 09:34 AM
الاخ / مجبور

بقصتك الجميلة مع بيت الحكمة ( الشايب ) اضاءت مجالس الاقلام وكسبت قلمآ قادم

تميز بسلاسة الاسلوب وسهولة الطرح وموضوعية المضمون...

اتمنى لك التوفيق

هلا ومرحبا بالاخت الغروب واشكرج على على التعليق الطيب لاهنتي

مواطن عادي
18-10-2008, 09:36 AM
السلام عليكم ورحمة الله وبركاته
اخي العزيز مجبور لاهنت علي الموضوع الطيبه

وسلمني علي الشايب الحكيم

وعليكم السلام ورحمة الله وبركاته
ياهلاومرحبا بأخوي نطاحت الجيش ولاهنت على التعليق

ويوصل سلامك ان شاء الله

مواطن عادي
18-10-2008, 09:40 AM
لاهنت على القصه يامجبوور

وقل للشايب الواحد اذا ماكلاه السمك(على قولته) بياكله الدود اذا مات
والعبره في العمل الصالح وفي الخاتمه الحسنه



اخوك:فرااااااااااااااااااج

ياهلا ومرحبا يافراااج ولاهنت على العليق

تدري انت وشايب كلامكم يخوف كله اللي يقول بياكله السمك واللي يقول بياكله الدود
:eek:


وصح كلامك العبره في الخاتمه اللي يزين خاتمتنا جميعاً,,لاهنت

مواطن عادي
18-10-2008, 09:44 AM
كـل الشكر لك اخوي مجبور على طرح هالموضوع الغريب بطرحه والغريب براي شايبه 00

كلن وله رايه مع تحفظى على راي الشايب الغريب شوي 00

ونورت اقلام المجالس باضاءتك الجميله وخطه قلمك الفريده 00

في انتظار المزيد من مغامراتك مع الشايب 00

ياهلا ومرحبا بالاخت آهات الحزن وتسلمين على التعليق الطيب
لاهنتي

ناصر بن محمد ال صويان
19-10-2008, 08:52 AM
مرحبااااااااااااااااااا بك اخي الكريم مجبوووور في اقلام المجالس ... وبارك الله فيك على الموضوع الجميل.... ونحن ننتظر مغامراتك مع الشايب.... تحياتي اخي الفاضل

ناصر الحميداني
19-10-2008, 11:23 AM
اخي الكريم مجبوور كسبن قلما رائعا ومميزا
بارك الله لك على القصه السلسه والممتعه

مواطن عادي
19-10-2008, 09:30 PM
مرحبااااااااااااااااااا بك اخي الكريم مجبوووور في اقلام المجالس ... وبارك الله فيك على الموضوع الجميل.... ونحن ننتظر مغامراتك مع الشايب.... تحياتي اخي الفاضل

هلا ومرحبا بك يابو محمد وتسلم على كلامك ومرورك الغالي على قلبي ولاهنت

مواطن عادي
19-10-2008, 09:34 PM
اخي الكريم مجبوور كسبن قلما رائعا ومميزا
بارك الله لك على القصه السلسه والممتعه

مرحبا بك اخوي الغالي ناصر الحميداني والله يبارك فيك وتسلم على كلامك الطيب لاهنت

مواطن عادي
19-10-2008, 09:39 PM
السلام عليكم ورحمة الله وبركاته

راح اكمل باقي سوالفي مع صديقي الشايب في هذي الصفحه

لان ماله داعي افتح صفحه في المنتدى جديده وسوي زحمه مالها داعي


نبدا في السالفه الجديده


بعد ماكتبت الموضوع الاول ..ورديتوا عليه وماقصرتوا

اتصل علي الشايب صاحبنا وقال لي تعال ابيك ضروري

الصراحه ان شكيت وقلت في نفسي ,,لايكون قراء اللي كتبته عنه(تعرفون الي على راسه ريشه .....مااعرف باقي المثل ,,انتوا كملوه)

قلت خير ان شاء الله ابشر راح اجيك بس انا الحين في الدوام اذا طلعت مريت عليك

بس اذا فيه شي ضروري بطلع من الدوام

قال: لامافيه شي ضروري ابيك تغداء معي !!(الحين تطمنت مايعرف شي عن موضوعنا)

قلت: ابشر بعد الظهر عندك

جيته وتغدينا وسولفنا

وقلت له اني كتبت موضوع عن سوالفنا

قال لي لحد يجيب العيد فينا ,,,وش كتبت

وقريت له الموضوع وردودكم

قعد يضحك

وفجاءه سكت

قلت وش فيك
قال : لايكون كاتب اسامينا في المنتدى

قلت :لا كاتب بلقب مستعار

ونشدني وش لقبك

الصراحه انا احرجت مدريت وش اقول

قلت لقب وبس

بس بعد الحاحه علمته
وقلت لقبي (مجبوور)

بس ياليتني ماعلمته

تدرون ليش

قعد ساعه يضحك

وانا اقول له وش اللي ضحك

بعد ماهدا شوي من نوبه الضحك الهستيري

قال :مجبوور من اللي جابرك هههههههه

(مافيه شي يضحك )

المهم نادا على المقهوي
وقال له: تعال صب القهوه على مجبوور (وهو يضحك)

وقعد ساعه معلق على كلمه مجبوووور

مجبور خخخخخخخخخخخ مجبووور ههههههه

مجبوور متى التمايم ...على شان الاسم الجديد

وانا قاعد ابي اشوف وش اخرت ضحكه هذا(شكله بيفضحني )

قلت له: بس لاتعلم احد ولاتفضحني عند الربع

قال : اي هين

قلت ترى هذا لقب في المنتدى بس

والمهم قمت وقلت اكرمكم الله وكثر الله خيرك

قال وين رايح يا....مجبوور(ياليل مطولك تندمت اني علمته)


قلت:انا ماني مجبوور,,, وانت اتعرف اسمي (وحطيت نفسي متضايق )

المهم طلعت ورجعت في الليل (الصراحه رجعت على شان اشوفه لايكون فضحني عند الربع)

ولقيت الربع مجتمعين في الديوانيه
واول ماشافني قال :ياالله حيه (وعلى وجهه ابتسامه )

سلمت وقعدت وتقهويت

قال لي شخبار رفيقك مجبوور ..؟؟؟

قلت : طيب ويقول لك (ذلول حزام )


وهو يضحك والربع يطالعون فينا مايدرون وش السالفه

بعد مامشوا الناس ماعاد بقى الا (ولده) اللي كبري ,,, قلت تراك تحرجني بكلامك كل شوي مجبوور مجبوور

قال : تبيني مااعاد اقول اسم مجبوور عند الربع ولا افضحك

قلت :اكيد
قال : بشرط
قلت : شكلك تبي اذلني على شان لقب

قال : انت اتعرف الربع لو اقول لهم اسم مجبوور راح يلزق فيك لين اتموت

(مسكني مع يدي اللي توجعني )قلت : زين وش الشرط

قال : مثل ماطلعتني عند الناس اللي في المنتدى اني اخاف من البحر واني ضحكت عليك بسالفه الرجال اللي تاكله سمكه)
ابيك تذكر سوالفي الزينه يومك رحت انت وفلان(يقصد ولده) اللي كبري ,,تقدمون على الوظيفه وطردوكم من اللي توسط لكم ووظفكم يوم كلمت الرجال واليوم الثاني وانتوا متوظفين والسالفه الثانيه ..و ,,,و

والشرط العاشر: ابيك اتغير عنوان الموضوع(يحسب انه على كيفي اغير العنوان )

المهم التفت على فلان ولده وقلت له شكل ابوك راح يذلنا بهذي الوظيفه ماتسوى علينا (وولده يضحك بعد.....مادري وش سالفت الضحك في العايله)
قلت يافلان : شكلك جاك بلا ابيك وضحكه الهستيري
قالي الشايب هااه وش قلت في شروطي

قلت ابشر ابشر غالي وشروطك كلها راح انفذها ,,بس مقدر اغير عنوان الموضوع,,,

الصراحه ببدأ معكم في سالفه طيبه وفعلآ طيب من الشايب الطيب (اربه يستانس اذا سمع مدحي هذا)بس جد جد جد والله يستاهل المدح بعد ماتعرفون السالفه الجايه

لاني تعبت من الكتابه اليوم ,,,,,,,يتبع,,,,انتظرونا

ناصر بن محمد ال صويان
20-10-2008, 08:33 AM
هههههههههههههههههه...... والله طلع هالشايب مهوب هين.... يااااااااااااا مجبور,,بس اخاف نقولك بعد مجبور وتزعل....ههههههه


لا لا يبشر بسعده الشايب ...وغيرنا عنوان الموضوع..علشان مايذلك..هههههههههههه


تسلم على القصه الجميله...ولي عوده مره اخرى...تحياتي( تم تعديل العنوان عى طلب كاتب الموضوع... اقصد على طلب الشايب)

مواطن عادي
20-10-2008, 12:31 PM
هههههههههه يامرحبا يامشرفنا ولاهنت على تعديل العنوان
الحين لو يدري الشايب بيستأنس من كلامك بس ماني مخليه يقراء كلامك D:


اشكرك على مرورك وتعليقك وتعديلك لاهنت

ومدام السالفه اعجبتك راح اكمل ...تابعونا..

مواطن عادي
20-10-2008, 01:00 PM
السلام عليك ورحمة الله وبركاته

اكمل لكم السالفه


كنت اول ماتوظفت(الوظيفه اللي توسط لنا فيها)

كان معاشنا على قد حالنا ,,الحمدلله كان مكفينا لا اخر اشهر وبعض المرات يخلص من نص الشهر

وكان الشايب (الطيب) توه متقاعد ومسوي له شركه وعنده شاحنات ومحلات تجاريه ماشاء الله عليه اللي يزيده من خيره(مو ناقص الا يتزوج مره جديده)<<<الحين الله يستر من ولده لايضيق علي بعد ويفضحني


المهم سيرت عليه انا وولده في المكتب (الضخم )

وسولفنا على الرواتب و,,,و,,,و الخ

قال لي :وش رايك تشتري شاحنه وتحطها في الشركه عندي والسائق موجود

واسمع كلامك وشرط بعد مده تنسى معاشك في البنك ولا عاد تسحبه

قلت: ودي بس الشاحنات غاليه وانا معاشي مايكفي اشتري شاحنه

قال: انا لي معارف في البنك وراح يعطونك اللي تبي من الشاحنات حتى ولو احطها بسم الشركه

قلت : ماتقصر ,,بس ,,,

قال لي: بلا ...بس,,,بلا خرابيط بكره تعالي في المكتب الساعه 9:00
على شان تشوف لك شاحنه ونشتريها ونروح للبنك

وبعد جدال في الكلام اقنعني في كلامه

بعد ماقال لي ان الشاحنه راح يشغلها في شركته والسائق من عنده
وان اجار الشاحنه لي كل شهر تسع ميه دينار في مخباي
بعد خصم معاش السائق (السائق بسم شركته)
وان قسط الشاحنه راح ادفعه من اجارها مو من معاشي

وقلت في نفسي يالله خلني اغامر يمكن كلامه يطلع صحيح


واليوم الثاني رحنا وشفنا الشاحنه (انا مااعرف شي في الشاحنات هو اللي اختار لي الشاحنه)

واتفقنا على السعر ورحنا للبنك وشريناها وحولناها اليوم الثاني
واشتغلت الشاحنه,,,,,,,,,,,,
:

==
=
=
=
=
=
=
==
=
=

المهم انا قاعد احسب الايام متى يجي اول شهر من معاش الشاحنه

(وطاف شهر) ,,ومحد اتصل علي!!!!

وتضايقت ,,شوي الا الشايب (الطيب) يتصل علي

قال وينك اهل الشاحنات كل(ن) جاني واستلم شيكه الا انت

الصراحه فرحت (بس قلت اسوي نفسي ثقيل شوي)

قلت ياابوفلان :اللي عندك اقريب وانا جايك الحين (بس لا تسكر المكتب لين اجيك)

ورحت له للمكتب وزحمه الناس عنده ويسولفون ويتقهوون

وعطاني شيكي وقال بكره رحت للبنك(الفلاني (واستلم فلوسك),,,بس الليله مر علينا في الديوانيه

قلت له:بيض الله وجهك يابوفلان وابشر بروح اناو فلان(اقصد ولده) الحين عندكم في الديوانيه

قال :حياك الله

وطلعنا وركبنا سياره ومشيتنا


وفي صباح اليوم الثاني رحت للبنك ,,,على شان اصرف الشيك
(اول مره امسك شيك في يدي..واشوف الناس في البنك بعضهم متضايق اللي يقول شيكه بدون رصيد
..واللي يقول مايصير ومدري وش يقول ,,,انا الصراحه خفت لااصير مثلهم,,
ويقعد جنبي اللي شيكه بدون رصيد واطالع بطرف عيني شيكه بسم اي شركه لايكون شركه الشايب الطيب
,,,بس الحمدلله شيكه مو نفس شيكي ,,,,
بس الصدمه لما صرفت الشيك عند البنك
//وراح اقول لكم وش صار معي في البنك
في المحطه التاليه لاني تعبت من الكتابه,,,يتبع

فرااااج
22-10-2008, 04:01 PM
ياسلام خووووش سوالف ياليت اتكمل وانا في الانتظار ,,ابي اتطمن استلمت الشيك ؟؟ولابدون رصيد!!!!>>>ناوي اتسلف منك

اخوك:فراااااااج

ناصر بن محمد ال صويان
23-10-2008, 01:37 PM
8
8
8


واتا بعد اذا فيه سلف... ههههههههه :)


مازلنا اخي الكريم مجبووور متابعين .... ووننتظر التكمله

ناثرة الورد
23-10-2008, 02:24 PM
السلام عليكم ورحمة الله وبركاته ....

{{ مجبور }}

جميل ما قدمته لنا من قلمك المميز ....

تسلم ايدك علي هالطرح الجميل و الروح الحلوه ....

بانتظــار البقيه ....

تقبل ::

كل الشكر و التقدير ....

مواطن عادي
24-10-2008, 02:51 AM
يامرحبا بااخواني الغالين

فراج:لاهنت على المرور >>ومافيه سلف ....ماسمعت المثل اللي يقول السلف تلف

ناصر الصويان: هههههههه ابشر بكمل ..بس يااخيك جاني احباط موضوعي محد يقراءه


ناثره الورد: حضورش عطر الصفحه ولاهنتي على المرور

وانتظروا التكمله عن قريب ان شاء الله

&آهــــات الحــــزن&
24-10-2008, 01:46 PM
هههههههههههههههههههههههه والله سواااالف الشااايب تهبل الله يطول بعمره

ومن قال محد يتاابع الموضوع ترى الكل يتااابع بس ينتظرون التكمله

ولا تأخر علينااا ترانا مستعجلين نبي نعرف وش صااار


وسجلني انا من اول المتااابعين لسواااالف الشااايب

مواطن عادي
24-10-2008, 08:33 PM
هههههههههههههههههههههههه والله سواااالف الشااايب تهبل الله يطول بعمره

ومن قال محد يتاابع الموضوع ترى الكل يتااابع بس ينتظرون التكمله

ولا تأخر علينااا ترانا مستعجلين نبي نعرف وش صااار


وسجلني انا من اول المتااابعين لسواااالف الشااايب


يامرحبا فيش وتسلمين طال عمرش على المرور العطر وابشري بكمل السوالف عن قريب
واتشرف في متابعتش ومتابعه الجميع لاهنتي

سراب
29-10-2008, 10:13 PM
سوالف ممتعة .. وأسلوب شيق للكاتب

بإنتظار البقية

:)

مواطن عادي
03-11-2008, 08:11 PM
هلا ومرحبا ياسراب وان شاء الله عن قريب اضع اللمسات الاخيره لتكمله


انتظارووووووووووونا