طلب لقصيده الشيخ راكان بن حثلين

[غـــــــ الروح ـــريـب]

بسم الله الرحمن الرحيم

السلام عليكم ورحمة الله وبركاته


الحقيقه اليوم كنت جالس مع واحد من الشباب يامي ......وقالى سالفة الشيخ راكان بن حثلين يوم انه بسجن تركيا .........وقالى بثناء هرجه انه قال قصيده وهو (انت ياليامي) مايعرفها

وانا من خلال علمي ....ان الشيخ راكان بن حثلين ...كان بالسجن لمدة عشر سنوات وماطلع الا بعد ماقطع راس العبد اللى ورا النهر ......بعد ماقال له الباشا نطلق سراحك بس تذبحلنا هالعبد ...وقالهم الشيخ راكان هاتولي مهره ......وبعد ماروضها ...زهم يم العبد وذبحه ..ومحد للاسف قالى ان فيه قصيده بهالواقعه ....(طبعا من سوالف الشباب..وانهم مايحفظون قصيد)

هذى السالفه اللى اعرفها .....وارجو التصحيح اذا فيه خطا ...واذا فيه قصيده ارجوا انكم تزودوني بها
واذا فيه قصايد يوم انه كان بالسجن نرجو تزويدي ياقرروم

ولكم فايق الشكر والتقدير

[ابومحمد الشامري]

مرحبا بالاخ العزيز غريب الروح ابشر بطلبك يا السنافي :

هذي القصائد التي قالها الامير راكان في سجن الاتراك :

لسماع القصيدة :
لا واهني يا طير (http://www.dwaihi.com/25rak4.ram)


لاواهني يــا طير من هـو مـعـك حــام= ولا أنـت تـنـقل لي حمايض علومي

إن كان لا من حمت وجهك على الشام= بيسر مـغـيـب سهيل تبغي تحومي

بـكـتـب مـعـك مـكـتـوب ســــر ولا لام= مــلـفـاه ربـع كـل ابـوهـم اقـرومـي

سـلـم عـلـى ربـع تـنـشـد بـالأعــــلام= لا واهـني مـن شـافـهم ربـع يومي

ومن سايلك مني فأنـا مـن بـنـي يــام= من لا بــة بـالضيق تقضي اللزومي

ربـــعـي ورا الصــمــان وأنـــا بــالأروام= من دونـهـم يـزمي بـعيد الـرجـومي

ومـــن دونـهـم حـوران ضـلـع بـعـد زام= دار أهـلـهـا مـــا تـعـرف السـلـومي

حال البـحـر مـن دونـهـم لـه تـلـيـطـام= ومـن دونـهـم مـايـات مـوج تـعومي

من عـقب ما سيفي على الضد حطام= اليوم سيفي جادعه كـنـه شـومي

صـارت سـوالـفـنـا مـعـي مثل الآحلام= مـالـي جـدا يـكـون عــد الـنـجـومي

لا مـن ذكـرت رمـوس عــصـر لـنـا دام= قـمـت أتـملـمـل والـخـلايق أنيومي

يااللـه ياللي طا لـبه مـا هو يضــام= تـفـرج لـشخـص لاجي عـند قومي

الله مـن عـين لها سـبعة أعــــوام= تـسهـر وتـبكي من كـثيـر الهمومي

الــحـال بـاد وباقـي جـسـم وعـظام= كـــنـه مـريض واقـع ومـحـمــومي

وقـعـت أنـا فـي ديره ما بها إسـلام= والـبـن الأشقـر مـا يــدار مـعـدومي

سـجـيـن سـجـن ولاجـي عـنـد ظـلام= ودوني بحـور وبـالحـديـد مـحـزومي

والجـفن يـسهر تالي الليل مـا نــام= ومن جملة الكيفات صرت محرومي

وعـزي لـمـن مـثـلـي عليه الدهر هام= مـقـصـور رجـل ولا جزع ما يشومي

وصـلاة ربـي عـد مـن يـلـبـس إحــرام= وإعـداد مـا تـذرى ذواري سـمـومي

عـلى نـبي خـصــه ا لـلـه بـالإكــــرام= عـلى جـميع الخلق صار محشومي

وهذه القصيدة للشيخ راكان بن حثلين عندما كان في سجن الأتراك وهو يتوسل لله سبحانه وتعالى أن ينجيه مما وقع به من مصائب ومما يقاسي من ألم الفراق ولن يكون طليق الحرية ، ويسل القصيدة إلى أمير البحرين في ذلك الوقت وهو الشيخ احمد بن خليفة وقال فيها:
لسماع القصيدة:

يا الله يا الله (http://www.dwaihi.com/25rak10.ram)


ياالله ياالله يااللي مرقبه عالي= ياللي تحمد جميع الناس ميدانه

يا خير تستجيب دعاي وسؤالي= وعنده تحرى على بابه الرضوانه

يا مدبر الحال من حال اليا حالي= يا اللي بفضله نزور البيت واركانه

يامن له الحكم وهو القادر الوالي= وفي كل يوم جديد عارف شانه

الطف بحالة غريب ما معه مالي= يكون ماهو صفط مولاه باحسانه

يوم اقبل الليل كن التوت يعبالي=والطرف عاف المنام ولجة أحزانه

وصبى عيني يزج الدمــع همالي= من حـر فرقــا محبينه وخــلانه

اصبحت مثل الدويل المشعل البالي= من واهج بين باب الصدر واكنانه

امسيت وقلبي مريض خالي البالي= من صوت الاكراد ومرعاة بيبانه

ويا زين ركب النضا مع فنتق خالي= واقفي من المصطفى وصراخ بيبانه

اشقر ملاقا يشوق العين هملالي= حدر العقلي ســنامه حشــو بدانه

يقطع ارجوم زما من دونها الجالي= يطوي تنايف مسـافتها بذرعـانه

ولا جيت سيف الجزيرة يا بعد حالي= بدل بماء جدد اـلوشار لــيحانه

مـلاك قــصـر رفــيـع بــين عـالــي= على الصخى جددو اساسه وبـنـيانـه

اهـله هـل الطـيب من اول ومـن تـالـي= وان دور المـدح هـم ساسه وعـنوانـه

خص احمداللي عسى له طول الامهالي= عـساه يـبـطـي وهـو ما جـاه ديــانـه

لا واهـني مـن يـشاهـد ذرب الافـعاـلي= في ساعـة غـايب غـيـضه وشيطانه

لا زان مثـل البحـر ماياتـه اشـكالي =وليا صفى طـلعة الجـوهـر ومـرجـانـه

وان اختبط فانـتـزح لو كنت لـه غـالي= لا شفت موجه يلاطـم روس جـرفـانـه

واقـفـيـت مـنـه شـادي دق خـلخالي= خـلخال مـجمـوله للعب طـربانه

اسحب جريري ومن شوفه نحل حالي= مثـل الوحـش قذلوا في روس جنحانه

ويا ليـت من ذاد جـمع فـيـه جـهـالـــي= في الضيـق تعـجـبـك شيـبانه وشبانه

اقـطـع شـبـا لابـتـي لا ثـار جـلـجـالــي= تـطـمـس لامـاثـيـل من عـجـه دخانـه

حرب سيوف الهـنادي تشعـل اشعـالي= ويـمطـر بدرج يـشيب العين باكـوانه

مـزنه اجـموع رعـدها لـه تـزلـزالـي =يـرعـد اـملح الـقهـر وابكار سبهانه

كـم مـن عـديـم طـوابـه ربـعـي الـجـالي= لا طـب سوق الغـلا زادوا لـه اثـمـانـه

عـقـب الـترف لبسوا غـالـيه الاسمالي= ويبطي وكبده على المفـقـود وجعانه

ياميه زيـدوا لـه كــيـل مـكـيـالـــــي =ومـن شـد شـد زموله فـوق ديـوانـه

معهم من الروم من صنعه حسن بالـي= وافـرنـج بـيـن كـتـبانـه وتـومانـه

شـلاع الارواس فـي يـوم الـتجـيوالي =وندب به اللي غـشيم ما عـرف شانه

هــذا وقـم يـا نـديـبي فـوق مـرقـالي =من مـنوة الـلي يـبي داره وخلانــه

لا ساج حـبله يـزود الـقـفل باقـفالي= وكـنـه ظـليـم تـحـلا زول بيعـانه

عـقـب التعـصب ابـشال فـوق مشوالي= تاثـب وثـيب الفهد لا شاف غـزلانه

ربعي هـل المدح لا مـن ثـرب الـتالي= جـزارة لـلـمعادي وسـط ميـدانـه

هم سيفي اللي افعوله تطرب البالي= ونحـشم وتدرى مهابتنا على شانـه

وهم درعي اللي ثقيل وملبسه غـالي= لا واهـنـي مـن يجـود ضمد قيطانه

وصلاة ربي عــدد ما زايـل زالـــي =عـلى محمد عـدد ما هـل ودانه

وقال الشيخ راكان بن حثلين هذه القصيدة عندما كان في سجن الأتراك لأنه رأى في منامه رؤيا بأن شخصا من جماعته يسمى عجيان جاءه وأخذ ينشده ( يسأله ) عن كل شخص منهم وموقعه ويذكر له الاماكن التي يعرفها فأصبح مشغول الفكر فجاشت قرحته بهذه الأبيات وقال:

لسماع القصيدة :

يا الله يا علام (http://www.dwaihi.com/25rak9.ram)


ياللـه يا علام كاين وما كان= يا واحـد كـل انتـه يجونـه

تفرج لمن هو بين الأتراك منهان= من غير قاصر دراهم لي مهونه

ودي بشوف ديار مروين الأسنان= أهل الشهامة والوفا والمعونه

أفعالهم ما هي بزور وبهتان= فعل شهير والعرب يذكرونه

اللـه يسقي داركم يا عجيان= وبل من المنشى تكاشف مزونه

أسودعريض ريض له تحنحان= كن الهنادي سلت في ركونه

من حومة النقيان لحد قصوان= تسبل هماليله ويسود لونه
ويسقي من العرفا ليا جو ساقان= والصلب حيث إن لا بتي يدهلونه

ديره بني عم على الخيل فرسان= والضيف لاجا دارهم يكرمونه

حامينها بقديمي صنع نجران= شلاع ما يــبــرن الاطـبـاب كـونه

وحدب تقص الرأس من حد الأمتان= يقضي بها الديان باقي ديونه

بايمان قوم لاحتمى الهوش فرسان= والضد لوه نازح ياصلونه

جـــلابــة لــلـروح لا ثــار دخــان= والروح لوه غالي يرخصونه

كم شيخ قوم طوحوبه بالإيمان= خلوه في الميدان يطرخ زبونه

ومن زان حنا له على الزين خلان= ويام وحنا بالعهد ما نخونه

واللي نوانا بالقومات خسران= يبطي سهير ما تغمض عيونه

وصلاة ربي عـد هتاف الامزان= لمحمد اللي منهجه يتبعونه

وقال هذه القصيدة الشيخ راكان بن حثلين في سجنه عند الاتراك مخاطبا بها سجانه حمزة ويرثي بها على ما اصبح عليه حاله ويقول فيها :

لسماع القصيدة :
انا اخيل يا حمزة (http://www.dwaihi.com/25rak6.ram)


أنا أخيل يا حمزة سنا نوض بارق= يجلى من الظلما حنازيب سودها

على ديرتي رفرف مرهش النشا= تقفاه من دهم السحايب حشودها

ياالله ياالمطلوب يا قايدالرجا= يا عالم نفسي ردها وجودها

إنك تثبتها على الخير والهدى= ما دامها خضرا ما بعد هاف عودها

لك الحمد يا معبود والشكر والثنا= وجيه على البيدا نساوي سجودها

تفرج لعين لا ضوا الليل كنها= رمدا وذارفها تعدى خدودها

وكبد من أفعال الليالي سقيمه= عليها من حامي اللهايب وقودها

تقطعت الارماس عنا ولا بقى= إلا وجود باقي في وجودها

فياحض من ذعذع على خشمه الهوى= وتنشق من ريح الخزامى افنودها

بالجفن من الصمان لا نشف الثرى= في الصلب وألا حادر من نفودها

يبرا له سلفان اليا ناض بارق =ونحت له ولو هو نازح من حدودها

ياميه هم مشعل الحرب اليا دنا= فرسان لا لحق الملاقا ابنودها

تجمعـوا بـدوان نـجـد وحضــره =على اعدمنا قامت أتحلل اعقودها

تجمع علينا الذيب والنمر والفهد= أسباع علينا جمعتها أسودها
كفانا بهم رب له المدح والثنا= علينا نعمته ما خصينا اعدودها

لا زبرت اجموع المعادين تونا= خطرنا على زيزومها اللي يقودها

لينه يبدل زجرة الهدر بالرغا= وقومه تكثر لطمها في خدودها

هذي عوايدنا الهاذي ومثلها= ونفس الفتى لا بدها من الحودها

وان جـر جـربـي جـريـره صبرنا= عليها لين نقوي ردودها

صبرنا عليها لين نعطيه مثلها =بإفرنجي يتزلزل مثاني رعودها

رعدها القهر ومصيب الدرج وبلها= وحدب مقابيس البلا في احدودها

زعجناه بارقاب المطارق ورادته= عرج الدوامي والنشامى انذودها

زعجناه بشلف بالوصايف كنها= السن سلقان متعبتها اطرودها

وتغشى اقطى الخيل دم لا كنه= صفق الدلي اللي اعطاش ورودها

وان زارنا سبع يدور الغره =ذرعناه درع من مفاجي اصيودها

حريبنا نسقيه كاس من الصدى= والحبة الزرقا الكبده برودها

ونعبي للعقال اعقول مثلها= ونعبي العيلات المقرد قرودها

وليا زبنا مجرم ضده النيا كنه= ابعوصا نابيات ارجودها

وعسى جواد ما تفرج التالي شبا= مطرق يبتر مثاني اعضودها

وأنا ذخيرتهم اليا دبرت ابهم= شعث النواصي والنشامى اشهودها

نرخص اليا شفنا عليهم هزيعه= من دونهم حمرا المنايا انذودها

ومر يكفوني مذاريب ربعي =وأتاجر بنفسي واتنومس ابزودها

ملفا مسايير اليا جاو عينوا= اقريشة يكسر مع الهيل عودها

مع منسف وحايل اليا اقبلوا= لا علقت ما يحتملها عمودها

نزعج عليها السمن زود وتعمد= الشوارب من تروي القنافي هدودها

وألا ردوم من ورا الحجز نيها =تداوي بها الربع النشامى كبودها

أفعالهم ما هي عليهم بديعه= سوالف ارجال متبعتها اجدودها

وصلوا على خير البرايا محمد= ما لعلع القمري وما هب نودها

[العنيد]

الله يبارك فيكم جميـــــــــــع على ذا القصيد الزين!!!!

والف شكر لابو حمد على تزويدنا بذا القصيد الطيب!!!!

الف شكر لك الف شكر لك ولكم جميعا

[ابومحمد الشامري]

وفي هذه القصيدة يخاطب سعود ابو هلا وهو الامام سعود الفيصل ال سعود:

لسماع القصيدة :
يا ابو هلا (http://www.dwaihi.com/25rak1.ram)




يـا بـو هـــلا طير الهوى خبث البال=الطـيـر نـزر والـحـبــارى قـليله

يـا الله يـا الـلي طـالبه مـا بـعد فال =يا اللي مــن الضـيـفـات نجى دخيله

أفــرج لـمـن قـلبه غـدا فيه ولوال =والنوم ما جـــــا عـيـنه الا قليله

لا مـن ذكـرت ارموس عصر لنا … زال=شـوف الـفياض وفقد عـــز القبيله

يـا زيـن شدتهـم آليـا روح الـمـال =يتلـون بـراق حــقــوق مـخيلـه

يســقـى خصيـفا والثمان أرضها سال=مـرتـع معطره السيــــوف الصقيله

عـجـمـان لا ركـبـوا على كل شملال =يفرح بهم راعـــى الـنـياق الهزيله

مـن جــو سـاقـان إلى السيف همال =وينوش حسنــــا والـرديـفة هميله

ولا قــادنـا مـن يـمـه الـقفر خيال =يـصـبح شديد البدو عــــجل رحيله

قــاد السـلـف واستجنبوا كل مشوال=والعصر يا محـلا تخيبـط نـزيــلـه

وإن شرف البادي عـلى روس الأقـذال=والـمـا كـثـر الـــزول زود جفيله

تـلافـحـت مـا بينــا شهـب الاذيال =ومن ضيع الـــمفتاح يـا عـزتى لـه

ركـبـوا على طوعاتهم كــل عيــال =وكل لبلج يحـرى بـكــــسب النفيله

تـغانـموا المـفزاع ذربيـن الافعــال =مـن قبـل تسبق غارة تنثنـــى لـه

يبغون طوعـه روسـهن قبل الادمــال =وتـغانمـوا خلف كــثـير هـجيلــه

وحال الكمى مــن دون عطرات الاجهال =ومروا ولحقوا مقحــمين الدبيلــــه

واللــى تريض عقبهم يلبـس الشــال =من صنــع داود دروع ثقيــلــــه

يلزم عليهم علة عـقب الانـهــــال =ومن غارته لـزم يـضيع دليـــلــه

والدم مـن قحص الرمـك يثعل اثعــال=يزعج عــلى وروك السبايـا وشيــله

هـذى براعيها مـن المعرقه مـــاله =وهـذى شكـلها مطرق مــا تشيــله

من وقـع كـل مجرب قدله افـعـــال =وفـروخ صـاد الحبارى فـصيــــله
يا مـا حلا الفنجـال مـع سيحة البـال =فــي مـجلسن ما فيــه نفسه ثقيـله

هـذا ولــد عـم وهـــذا ولـد خال =وهذا رفيق مـا لـقـيـنـا مـثـيلـه

يـا لـيـت رجـال يـبـدل بـرجــال =ويا ليت فـي بــدلا الـرياجيل حليه
ولـيـا ركبنا فوق عـجــلات الازوال =وبايمنـا حـدب السيوف الصقيلــــه

ومـا حـن نحسب لا شتـبك عج واكتال=وتـرك صـبى يفتنع بالفــشيــلــه

وصلاة ربي عـد مـا زايـــــل زال =على نبى الحـق راعـى الفــضيــله

[غـــــــ الروح ـــريـب]

ابو حمد الشامري
=========

تسسسسسسسسسسسسسسسسسسلم والله ولاعابت يمناك يالذيب

على هالقصييييييييييييييييييييييييييييييييييييييييييييي يد

يا ما حلا الفنجال مـع سيحـة البـال
في مجلسن مـا فيـه نفسـه ثقيلـه

هـذا ولـد عـم وهـذا ولـد خــال
وهـذا رفيـق مـا لقيـنـا مثيـلـه

يـا ليـت رجـال يـبـدل بـرجـال
ويا ليت فـي بـدلا الرياجيـل حليـه
وليـا ركبنـا فـوق عجـلات الازوال
وبايمنـا حـدب السيـوف الصقيلـه

اول مرررررررررررررره اقراها كامله ...........تسلم والله يشهد الله انك لبيت طلبي ووفيت يالذيب

ونعم واللله ونعم

ومن بعد اذنك والاخوان ..بطبع القصايد ......وبسهّر عليها الشيبا ن اليووووم ...والليله ليلة بن حثلين بمجلسنا

:)

[ابومحمد الشامري]

ابشر يا غريب الروح وقصيد ابو فلاح ما تمله لو سمعته في اليوم اكثر من مره ، واخذ راحتك وانا ان شاء الله راح اطبع سيرة خاصة لترجمة ابو فلاح الامير راكان بن حثلين من عملي الخاص.

[غـــــــ الروح ـــريـب]

ابو حمد الشامري

============

لاتنسى تبلغني يالذيييييييييب .........وتسسسلم والله يالذيب .......ويستاهل ابو فلالالالالاح والله

احلى تحيه لك وتقدير

[لهيب القيض]

ياراكب من عندنا من فوق شقران =======حزها بالخرج فوق النحيره =========وصل سلامي لخو نوره ابرزان=======وعقب السلام خبره بالسريره ======من باب برزان الى باب نجران ========ماهو بنا يالظيغمي انت اميره ========

[السنافي]

يعطيك العافيه ياغريب الرووح

ولاهنت يابو حمد الشامري

[فالح العاوي]

ماشاء الله...

متى بتطبع كتابك اخوي بو حمد.....؟؟ >>>>> واحد مستعجل على النسخة

[khld]

اللــــه لايهينك يبو حمد ولا يهين الربع كلهم
وصح السانك