فرج بن غليس
13-08-2008, 12:31 PM
هذة القصيدة لها سالفة كان لي خوي عزيز علي اللي هو الشاعر غانم الجنفاوي وكنا نشتغل على الحدود وكان عندة كولة يسوي عليها قهوتة وبعد ماداومنا لقينا الكولة مكسورة من قبل الزام الثاني وقال قصيدة لم احفظ منها شي وجاريتة بهذة القصيدة ورد علي بقصيدة طويلة لم احفظ منها الا القليل
بسم الله الرحمن الرحيم
ذبيت رجمن من طوال المراقيب = رجمن خلا ماياصله نشر ديرة
وغنيت انا به من طوال الهناديب=فيض يفيض من معانن غزيرة
وقافن الى غنيت به للواعيب = تفكرو في جدتة و تعبيرة
ذكرني المرقاب بعض الاصاحيب=لاعاد مر العصرمبدا الجذيرة
تكفون يالجذعان عكف الاشانيب =اللي يود الخيرخطي يشيلة
شيلو الى الجهراء خطوط ومكاتيب=نصوه غانم لاتنصون غيرة
تلقون الى جيتو لبابة وترحيب=مهوب مثبور همومه كثيرة
عارف سلوم الضيف في كل تجريب=والطيب ورث الجدود مايستعيرة
طير الهداد اللي يعشي المعازيب=لكل قناص كشف راس طيرة
اشقر مخلابة عطيب المظاريب=صيده نوادي مايصيد الجحيرة
وكن الاسد حلياه والنمر والذيب=وغيره بشارات المراجل كثيرة
يابو علي خذ كلمة مابها غيب=من صاحب ماكنها في ضميرة
وجربت وخذت السوالف بتجريب=وعينت بعض الناس مافية جيرة
من رافق الطيب يزيده على الطيب=ان قال زين او كف شره وخيرة
من رافق الخيب برك للعذاريب=مرت علية الطايلة والقصيرة
هذا كلامي ياحصان المطاليب=والعذر منكم يالوجية السفيرة
لاتحسب انك فاقدن شمخ النيب=ولا الفرس ولا الذلول الظهيرة
الامر صار وقدره عالم الغيب=كولة وقيمتها مهيب الكثيرة
اطلب عوضها عشر مرات ونجيب=حنا لكم طول الليالي ذخيرة
الشاعر فرج بن بخيت بن غليس الرزق
وهذا رد الشاعر غانم علي الجنفاوي
يامرحبا واهلين والفين ترحيب=من اخون عزيز لي نظيف السريرة
ابن بخيت اللي هروجة تعاجيب=انجاة من شر الوجية الغبيرة
عينت ولد الذيب مثلة يجي ذيب=لاصار ناشي من وجيهن سفيرة
من لابتن يوم الملاقا معاطيب=عند السبايا يوم شن المغيرة
لو شفتني ياقرم الاولاد بي شيب=اصبر ولو طالت علي المسيرة
والمعذرة القصيدة اطول من ذلك ولكن لم احفظ الاهذة الابيات
بسم الله الرحمن الرحيم
ذبيت رجمن من طوال المراقيب = رجمن خلا ماياصله نشر ديرة
وغنيت انا به من طوال الهناديب=فيض يفيض من معانن غزيرة
وقافن الى غنيت به للواعيب = تفكرو في جدتة و تعبيرة
ذكرني المرقاب بعض الاصاحيب=لاعاد مر العصرمبدا الجذيرة
تكفون يالجذعان عكف الاشانيب =اللي يود الخيرخطي يشيلة
شيلو الى الجهراء خطوط ومكاتيب=نصوه غانم لاتنصون غيرة
تلقون الى جيتو لبابة وترحيب=مهوب مثبور همومه كثيرة
عارف سلوم الضيف في كل تجريب=والطيب ورث الجدود مايستعيرة
طير الهداد اللي يعشي المعازيب=لكل قناص كشف راس طيرة
اشقر مخلابة عطيب المظاريب=صيده نوادي مايصيد الجحيرة
وكن الاسد حلياه والنمر والذيب=وغيره بشارات المراجل كثيرة
يابو علي خذ كلمة مابها غيب=من صاحب ماكنها في ضميرة
وجربت وخذت السوالف بتجريب=وعينت بعض الناس مافية جيرة
من رافق الطيب يزيده على الطيب=ان قال زين او كف شره وخيرة
من رافق الخيب برك للعذاريب=مرت علية الطايلة والقصيرة
هذا كلامي ياحصان المطاليب=والعذر منكم يالوجية السفيرة
لاتحسب انك فاقدن شمخ النيب=ولا الفرس ولا الذلول الظهيرة
الامر صار وقدره عالم الغيب=كولة وقيمتها مهيب الكثيرة
اطلب عوضها عشر مرات ونجيب=حنا لكم طول الليالي ذخيرة
الشاعر فرج بن بخيت بن غليس الرزق
وهذا رد الشاعر غانم علي الجنفاوي
يامرحبا واهلين والفين ترحيب=من اخون عزيز لي نظيف السريرة
ابن بخيت اللي هروجة تعاجيب=انجاة من شر الوجية الغبيرة
عينت ولد الذيب مثلة يجي ذيب=لاصار ناشي من وجيهن سفيرة
من لابتن يوم الملاقا معاطيب=عند السبايا يوم شن المغيرة
لو شفتني ياقرم الاولاد بي شيب=اصبر ولو طالت علي المسيرة
والمعذرة القصيدة اطول من ذلك ولكن لم احفظ الاهذة الابيات