بقايا رماد..

[محمد الحويله]

بــــقـــــايـــــا رمــــــــــــــاد

صديقـي.. والكـلام أنثـى تلمـس جــرح فــي مــروان
....................... تذكرني و أنا اللي ما لقيت اللي ينسينـي
أجـي وأرمـي حجـارة غفـوتـي فــي جــرة النسـيـان
........................ أبي تشرب نياق الذاكرة منها..وتسقينـي
عجـزت أنسـى همومـي يـا صديقـي والقـلـوب أوطــان
........................ و أنا قلبي وطنها وحزنها كله سكن فيني
حزيـن وفـي عيونـي دمعـة اعتـابـي عـلـى الـخـلان
.................. ومثل موج السواحل يضرب الحزن ابشراينـي
تعبت..أصـرخ بدالـي مـا بقـى فــي ظـامـري بـركـان
..................... طفت آخر شرارة في ضلوعي من براكيني
أنـا بـاقـي بقـايـا مــن رمــاد.. ولا بـقـى دخــان
.................... و أنا مهر جموح .. واعسفتني لوعة اسنيني
شربـت مـن المـرارة .. والبحـر.. والملـح .. والطـوفـان
.............. وتعبت أركض لصوت من ورى صـدري ينادينـي
متـى ترحـل مـن الدنيـا..(وكـل مــن عليـهـا فــان)
....................... متى يوم اللقا .. وأبي اشتكي للي يلاقيني
بهـزك يـا نخـيـل فــي ضلـوعـي تـمـرك الحـرمـان
...................... وابضرب في عصاتي ضامري للي يشكيني
أنـا بجمـع دمـوعـي كلها..واصـبـر عـلـى الكتـمـان
....................... و إذا ربي سألني .. ينفجر كل البكا ابعيني

[المستحيله]

يسعد صباحك
الاخ الكريم \ محمد الحويله

تعبت..أصـرخ بدالـي مـا بقـى فــي ظـامـري بـركـان
..................... طفت آخر شرارة في ضلوعي من براكينـي
أنــا بـاقـي بقـايـا مــن رمــاد.. ولا بـقـى دخــان
.................... و أنا مهر جموح .. واعسفتني لوعة اسنيني

كلمات بقمة الروعه .. فــعلا كتبت فــ ابدعت ..
تسلم يمناك وصح الســانك مليون ..

دمت ودام ابداعك
تحياتي

[حبيب]

محمد الحويله صح اللسااانك

قصيده جزله لاهنت على كل حال

تحياااتي

[محمد سالم الشاعر]

صح اللسانك يالحويله وتسلم على هالقصيده الحلوه.... بس انت من اي حويله؟ الهتلان او المحافيظ

[فهد بن محسن]

الاخ \ محمد الحويله

صح لسانك .. وتسلم يمينك يالغالي


تحياتي لك

[الشهري]

صح لسانك يالحويلة وسلمت
الشهري

[محمد الحويله]

صح بدنكم
واشكركم علي مروركم
الطيب
محمد الحويله

[راكان اليامي]

صح لسانك يابن جويله قصيده جزله

[الشموخ]

صح لسانك
وتسلم يمينك
يااخي الكريم