مسفر بن درّام
21-03-2008, 09:47 PM
هذه المحاورة جرت بيني وبين الشاعر القدير/عبد الله الزهراني في أحد المواقع على شبكة الانترنت.
فكانت في البداية البيتين الأولى للشاعر/خالد رجب طلب فيها المحاورة مع أحد الشاعرات في المنتدى وبقيت هذه البيتين فترة لم يردّ أحدً عليها وأثناء قراءتي لها أعجبتني بقوتها وصعوبة قافيتها فردّيت على شاعرها ببيتين فدخل الشاعر/عبد الله الزهراني وردّ علي واستمرت المحاورة التالية بيني وبينه.
خالد رجب
هذي بداية والتحية واصله كـل الحـروب=أهل المكارم والشيم والطيب واولهم شموخ
ناس(ن) ملاقاهم يريح الصدر ويفج الدروب=ماهم شيوخ ، إلا هم الأسياد وأسياد الشيوخ
مسفر بن درّام
ماني بحربي بس هذا اليوم أنا عن حرب أنوب=يا مرحبا ترحيبةً ملبوسهـا سنـدس وجـوخ
تقهو لك فنجال بنّ ولـقّ صـدرك للهبـوب=ما حاصلاً لك مثل ما إنّك تبي مشمش وخـوخ
عبد الله الزهراني
أهلين يامسفر عدد وبل السحايب والنصوب=قدام ماترخي عنان الخيل والبكـره تنـوخ
فنجالك اللي باشربه بنه وهيله م الجنـوب=واللي على جال الدسم ماياكل اللحم الزنوخ
مسفر بن درّام
لى طابت الأيام تلفي بالشبب من كل صوب=وتجيب ما لا كنت متوقع وقوعه فالفخـوخ
من فطرت الدنيا وحال الناس غالب ومغلوب=والفارس المغوار مركاضه يدوّخ ما يـدوخ
عبد الله الزهراني
الشمس لامالت مع وقت الشفق عند الغروب=ماتحجب الجوزاء ولا تحجب عطارد يابذوخ
قدنا تعودنا على صكـات بقعـا والكـروب=بقعا وهي بقعا لها من جدنا سبعة فـروخ.
مسفر بن درّام
الطيب ما احدً ينكره والنور ماهو بمحجوب=والسابقة تطلع بيدها والهرم ماهو بكـوخ
هذي لها بطن وظهر لكن باسامحك وتتوب=أباخذ الأولى ولاني قايلً بالطـوخ طـوخ
عبد الله الزهراني
الله على الخيل العسايف ، منك ياضمر الركوب=خيالهـا عقالهـا تركـض وراكبهـا طنـوخ
بعض الاصايل تقصر الخطوة ويركبهـا ذروب=والبعض تسبق بايدهـا لكـن يركبهـا دلـوخ
مسفر بن درّام
أنا حسبت ابعاد ما لم يحسب السبـع الوثـوب=وأن صبّت وهبّت علينا ما نزيـد ألا رسـوخ
الأرض طول وعرض والدنيا تجرّ وهي سحوب=والشعلة إلي فالسما والأرض ماهي من شروخ
عبد الله الزهراني
النار لو زادت على صم الصخر لازم يذوب=شف نارها تلهب ولا هابت من النايد نفوخ
أنا تعلمت الثبـات ولا تعلمـت الهـروب=وآنا تعلمت المواجه ماتعلمـت الرضـوخ
مسفر بن درّام
النار لى حوّل عليها وابـلً وبلـه صبـوب=إنشد حطام الجمر وش خلا مشاهيبه تبـوخ
أنته تقول وتطلب الله بالخراج من النشـوب=لكن حصاة حوّلت فالدرب من روس الصنوخ
عبد الله الزهراني
درهم ودندن وأن بغيت أرعد وحنحن ياطروب=ترى حصاتك يلتقيهـا واديِ سيلـه يضـوخ
والجمرة اللي جال ضوك تستجير من الشبوب=أحذر على كفك يجيها من شظاياهـا صلـوخ
مسفر بن درّام
يا ذيب لا يزعلك صوت الذيب ما مسّك لغوب=السالفة ضحك وتغشمر لا طعون ولا مشـوخ
أعوذ بالله من كريم العيـن وكبـار الذنـوب=وإن لا أكون ولا يكون إلي يردّ الصوت لوخ
عبد الله الزهراني
يامسفر العد القراح الجـم ماجالـه نضـوب=لو جف ماي البحر يبقى عدنا ينضخ نضوخ
والكلمة اللي خانت الفصحى ولهجات الشعوب=مريت في كل المعاجم مالها عنـدي نسـوخ
مسفر بن درّام
أنا عطيتك فرصةً من شفت بان بك الشحوب=لكن أراد الله و أبيت وبان راسك للفضـوخ
في تالي الأيام يطلع شي ماهـو بمحسـوب=ما باقي ألا قدّ مدري ويش ونشوف المسوخ
عبد الله الزهراني
يمكن يروب الماء ولكن جزل شعري مايروب=يكفخ جزالة شعر عبدالله على مثلك كفـوخ
لو علوا الهيجاء على ابوزيد ماجابت كذوب=والفرس لو علوا على تلدان ماجابت تنـوخ
يقلون ابو زيد الهلالي مات حسرة بعد قوب=والباشه ابراهيم بعد الوشم زارع له مـروخ
مسفر بن درّام
والنعم فيك ولا عليك قصور يالصوت الطنوب=لكنّ يابو عين بعدها عـن اليمنـى الطخـوخ
اسهومنا ما تضـرب ألا فالكبـود وفالقلـوب=وحزامنا ما يرتخي لى جاء لنار الحرب صوخ
أن كان ماهو معجبك ذا اللوب باقي فيه لـوب=وأن كان صدرك مشتعل عند المطافي له بخوخ
عبد الله الزهراني
والله لاجيك بنوب والحظ العثر ياجيـك نـوب=وآخلي الدنيا تعاقب لـك مـع تلمـد ونـوخ
وين انت عن صوت المدافع والقنابل بالحروب=سهمك عصاته بوخت صارت مع الايام بـوخ
حرام ماتهنيـن بالمرقـاد ياعيـن النحـوب=حتى ينام الطوخي الملقوص من حيات طـوخ
مسفر بن درّام
أضن لو يمديك كان من أمس والقشع محطوب=لكن يبي لـك فتـرةً حتـى يطيبـنّ الملـوخ
إن كان تبغى الشور سنّدها وبرّد لـك بكـوب=لى صار ضربك ما يجيب الدمّ بلاش الكمـوخ
أنا إلى مني حضرت العاصي يطيع مغصـوب=قولي علاماتً على صمّ الصخر مثل النكـوخ
وسلامتكم جميعاً
وعطوني رايكم عسى الزهراني ما تغلّب علي
فكانت في البداية البيتين الأولى للشاعر/خالد رجب طلب فيها المحاورة مع أحد الشاعرات في المنتدى وبقيت هذه البيتين فترة لم يردّ أحدً عليها وأثناء قراءتي لها أعجبتني بقوتها وصعوبة قافيتها فردّيت على شاعرها ببيتين فدخل الشاعر/عبد الله الزهراني وردّ علي واستمرت المحاورة التالية بيني وبينه.
خالد رجب
هذي بداية والتحية واصله كـل الحـروب=أهل المكارم والشيم والطيب واولهم شموخ
ناس(ن) ملاقاهم يريح الصدر ويفج الدروب=ماهم شيوخ ، إلا هم الأسياد وأسياد الشيوخ
مسفر بن درّام
ماني بحربي بس هذا اليوم أنا عن حرب أنوب=يا مرحبا ترحيبةً ملبوسهـا سنـدس وجـوخ
تقهو لك فنجال بنّ ولـقّ صـدرك للهبـوب=ما حاصلاً لك مثل ما إنّك تبي مشمش وخـوخ
عبد الله الزهراني
أهلين يامسفر عدد وبل السحايب والنصوب=قدام ماترخي عنان الخيل والبكـره تنـوخ
فنجالك اللي باشربه بنه وهيله م الجنـوب=واللي على جال الدسم ماياكل اللحم الزنوخ
مسفر بن درّام
لى طابت الأيام تلفي بالشبب من كل صوب=وتجيب ما لا كنت متوقع وقوعه فالفخـوخ
من فطرت الدنيا وحال الناس غالب ومغلوب=والفارس المغوار مركاضه يدوّخ ما يـدوخ
عبد الله الزهراني
الشمس لامالت مع وقت الشفق عند الغروب=ماتحجب الجوزاء ولا تحجب عطارد يابذوخ
قدنا تعودنا على صكـات بقعـا والكـروب=بقعا وهي بقعا لها من جدنا سبعة فـروخ.
مسفر بن درّام
الطيب ما احدً ينكره والنور ماهو بمحجوب=والسابقة تطلع بيدها والهرم ماهو بكـوخ
هذي لها بطن وظهر لكن باسامحك وتتوب=أباخذ الأولى ولاني قايلً بالطـوخ طـوخ
عبد الله الزهراني
الله على الخيل العسايف ، منك ياضمر الركوب=خيالهـا عقالهـا تركـض وراكبهـا طنـوخ
بعض الاصايل تقصر الخطوة ويركبهـا ذروب=والبعض تسبق بايدهـا لكـن يركبهـا دلـوخ
مسفر بن درّام
أنا حسبت ابعاد ما لم يحسب السبـع الوثـوب=وأن صبّت وهبّت علينا ما نزيـد ألا رسـوخ
الأرض طول وعرض والدنيا تجرّ وهي سحوب=والشعلة إلي فالسما والأرض ماهي من شروخ
عبد الله الزهراني
النار لو زادت على صم الصخر لازم يذوب=شف نارها تلهب ولا هابت من النايد نفوخ
أنا تعلمت الثبـات ولا تعلمـت الهـروب=وآنا تعلمت المواجه ماتعلمـت الرضـوخ
مسفر بن درّام
النار لى حوّل عليها وابـلً وبلـه صبـوب=إنشد حطام الجمر وش خلا مشاهيبه تبـوخ
أنته تقول وتطلب الله بالخراج من النشـوب=لكن حصاة حوّلت فالدرب من روس الصنوخ
عبد الله الزهراني
درهم ودندن وأن بغيت أرعد وحنحن ياطروب=ترى حصاتك يلتقيهـا واديِ سيلـه يضـوخ
والجمرة اللي جال ضوك تستجير من الشبوب=أحذر على كفك يجيها من شظاياهـا صلـوخ
مسفر بن درّام
يا ذيب لا يزعلك صوت الذيب ما مسّك لغوب=السالفة ضحك وتغشمر لا طعون ولا مشـوخ
أعوذ بالله من كريم العيـن وكبـار الذنـوب=وإن لا أكون ولا يكون إلي يردّ الصوت لوخ
عبد الله الزهراني
يامسفر العد القراح الجـم ماجالـه نضـوب=لو جف ماي البحر يبقى عدنا ينضخ نضوخ
والكلمة اللي خانت الفصحى ولهجات الشعوب=مريت في كل المعاجم مالها عنـدي نسـوخ
مسفر بن درّام
أنا عطيتك فرصةً من شفت بان بك الشحوب=لكن أراد الله و أبيت وبان راسك للفضـوخ
في تالي الأيام يطلع شي ماهـو بمحسـوب=ما باقي ألا قدّ مدري ويش ونشوف المسوخ
عبد الله الزهراني
يمكن يروب الماء ولكن جزل شعري مايروب=يكفخ جزالة شعر عبدالله على مثلك كفـوخ
لو علوا الهيجاء على ابوزيد ماجابت كذوب=والفرس لو علوا على تلدان ماجابت تنـوخ
يقلون ابو زيد الهلالي مات حسرة بعد قوب=والباشه ابراهيم بعد الوشم زارع له مـروخ
مسفر بن درّام
والنعم فيك ولا عليك قصور يالصوت الطنوب=لكنّ يابو عين بعدها عـن اليمنـى الطخـوخ
اسهومنا ما تضـرب ألا فالكبـود وفالقلـوب=وحزامنا ما يرتخي لى جاء لنار الحرب صوخ
أن كان ماهو معجبك ذا اللوب باقي فيه لـوب=وأن كان صدرك مشتعل عند المطافي له بخوخ
عبد الله الزهراني
والله لاجيك بنوب والحظ العثر ياجيـك نـوب=وآخلي الدنيا تعاقب لـك مـع تلمـد ونـوخ
وين انت عن صوت المدافع والقنابل بالحروب=سهمك عصاته بوخت صارت مع الايام بـوخ
حرام ماتهنيـن بالمرقـاد ياعيـن النحـوب=حتى ينام الطوخي الملقوص من حيات طـوخ
مسفر بن درّام
أضن لو يمديك كان من أمس والقشع محطوب=لكن يبي لـك فتـرةً حتـى يطيبـنّ الملـوخ
إن كان تبغى الشور سنّدها وبرّد لـك بكـوب=لى صار ضربك ما يجيب الدمّ بلاش الكمـوخ
أنا إلى مني حضرت العاصي يطيع مغصـوب=قولي علاماتً على صمّ الصخر مثل النكـوخ
وسلامتكم جميعاً
وعطوني رايكم عسى الزهراني ما تغلّب علي