الــــــــــــــــــفـــــــــــــراق

[بخيتان اليامي]

أمرر بين أيديكم هذه القصيده المتواضعه، عسى أن تحوز على رضاكم وذوقكم الرفيع متمنيا التوفيق للجميع.


سلط على اللي سببوا كلمة أفراق = وأهدافهم تشتيت عاشق ومعشوق

ماخافوا اللي للمخاليق رزاق = خلوا شعور الحب بالجوف محروق!

ياليتهم يدرون في قلبي أشواق = منها السحايب هلت الدمع ببروق

ومنها كلام ٍ تشهده بيض الأوراق = ذكرى سنين العمر بكتاب مشقوق

لو واحدٍ منهم بكأس الهوى ذاق = ماصار لي دربٍ طويلٍ ومخنوق!

ياما تعذب من هوى البيض عشاق = وأنا ضحية من عَلَّتْ كلمته فوق

من بعد ما حظي مع الركب سباق = تغيرت الأحوال وأصبحت مسبوق

ياصاح ماني للمقادير سواق = حال القدر بفراق ياواهج الشوق

مكتوب لي فرقاك والقلب ماطاق = لاشك حكم الله فوق الملا طوق

يكفيك جرح ألآه ينزف بالأعماق = ويكفيك خدٍ صار بالدمع ممشوق

يا ماحلا النسيان لو كان سراق = ويا ماحلا المرباح في مرتع النوق

عسى مع السلوان بتشيلني الساق = وأقدر أعيش أيام عمري ولو بوق

هني من هو تالي الليل مافاق = ولا لواه من الهواجيس طاروق

ولا لفاه الطيف في ساعة خناق = مرتاح بالٍ ماعرف حب مخلوق

وسلامتكم،

[راكان اليامي]

الله الله صح لسانك ياشاعرنا القدير يابخيتان

[بخيتان اليامي]

أررررررررررحب ياراكان،

صح الله بدنك يالغالي وعسى الله لايهينك على مرورك.

الله يحيّك ويشرفني مرورك ودائما سبّاق يابن عمي.

كل الاماني الصادقه بالتوفيق لك أخي العزيز راكان.

أخوك:

[الــمــولــع]

بخيتان اليامي صح لسااااااااااااانك مليوووووووووون
وقصيده جزله من جزل

[الخليجي]

اللـــــــــه اللـــــــه صح لسانك يالشاعر

تحياتي

[بخيتان اليامي]

يامرحبا ياالمولع،

صح الله بدنك وعسى الله لايهينك.

شرفني مرورك وأطرائك على صفحاتي المتواضعه.

كل الاماني الصادقه لك بالتوفيق أخي العزيز.

أخوك:

[حبيب]

هني من هو تالـي الليـل مافـاق
ولا لواه من الهواجيـس طـاروق


الاخ الشاااااااااعررررر


بخيتاااان صح السااانك يالسنااافي


قصيده جزله من شاعر جزل

تحياااتي

[بخيتان اليامي]

يامرحبا ياطي حالي،

صح الله بدنك والله لايهينك.

يشرفني مرورك والله يحيّك.

تحياتي وتقديري لك ياطي حالي،

أخوك:

[أبو ناصر]

صح السانك يابخيتان

قصيده جزله ومن جزل

[بخيتان اليامي]

الاخ العزيز حبيب،

صح الله بدنك والله لايهينك أخي العزيز.

لاعدمناك ياحبيب على المرور والتعليق.

تحياتي وتقديري لك اخي الغالي،

أخوك:

[بخيتان اليامي]

يامرحبا ياسمو الامير،

صح الله بدنك والله لايهينك.

أشكرك على المرور والأطراء يا سمو الامير.

تقبل تحياتي وتقديري أخي العزيز،

أخوك:

[بدر القلوب]

بخيتان صح لسانك يالذيب
قصيده جزله
بيض الله وجهك
ونبي المزيد الجديد

اخيك بدر القلوب :)

[محمد سالم الشاعر]

صح اللسانك يا بخيتان قصيده جزله من شاعر جزل ولا تحرمنا من جديدك
اخوك/ محمد سالم الشاعر

[بخيتان اليامي]

أرررررررررررحب يا بدر القلوب،

صح الله بدنك والله لايهينك.

ووجهك ابيض طال عمرك وعسى الله يعطيك العافيه على المرور والتعليق العذب.

تقبل تحياتي وتقديري أخي الغالي بدر القلوب،

أخوك:

[عبدالله الوعيلي]

الله عليك يا ابو فارس
صح السانك يا الغالي

[الشهري]

من بعد ما حظي مع الركب سبـاق
تغيرت الأحوال وأصبحت مسبـوق

ياصـاح مانـي للمقاديـر سـواق
حال القدر بفراق ياواهـج الشـوق

سلمت يابخيتان وصح لسانك

الشهري

[الشموخ]

الله عليك صح لسانك
وماقصرت

[بخيتان اليامي]

يامرحبا يا محمد سالم الشاعر،

صح الله بدنك يالغالي وعسى الله لايهينك.

الله يحيّك ويشرفني مرورك وأطرائك يامحمد.

كل الاماني الصادقه بالتوفيق لك أخي محمد.

أخوك:

[بخيتان اليامي]

عبدالله الوعيلي،
أررررررررررررحب يابو سالم، صح الله بدنك ولاهنت.

أشكرك على المرور وأتمنى لك التوفيق.

تحياتي وتقديري لك يابو سالم،

أخوك:

[بخيتان اليامي]

يامرحبا يا الشهري،

صح الله بدنك يالغالي وعسى الله لايهينك على مرورك.

الله يحيّك وعساك سالم وغانم.

تحياتي وتقديري لك اخي العزيز الشهري.

أخوك:

[بخيتان اليامي]

يامرحبا ياجود،

صح الله بدنك والله لايهينك.

أشكرك على المرور وألاطراء.

تحياتي وتقديري لك ياجود،

أخوك:

[غـــــــ الروح ـــريـب]

ياليتهم يدرون فـي قلبـي أشـواق
منها السحايب هلت الدمع ببـروق

ومنها كلام ٍ تشهده بيـض الأوراق
ذكرى سنين العمر بكتاب مشقـوق


================================

صح الساااااااااااااانك يابخيتااااااااان وماقصرت بطرق الابيااااااااااات


ذواق ياللى تطرق الشعر ذواق........سوق القوافي سوقها سوقها سوق

هتـان ردي يحتري بخيت تواق..........لابيات يطرقها عليّا وانا اذوق


اعذرني على قصورى بالرررررررد ياطويل العمر

[بخيتان اليامي]

اررررررررررحب يا غـــــــ الروح ـــريـب،

صح الله بدنك والله لايهينك.

أيضا أشكرك على ما قلت وصح لسانك ومعذور ولا انت بمعثور ياغـــــــ الروح ـــريـب.

تقبل تحياتي وتقديري يا غـــــــ الروح ـــريـب.

أخوك: