السلام

[شيهانة الصحراء]

السلام عليكم ورحمه الله وبركاته
الله لايهينكم ودي بقصيده في خاطري من زمان وعجزت وانا ادورها سواء مكتوبه او صوتيه مالقيتها الي يقدر يفيدني ويعلمني بالرابط حقها اكون شاكره لكم القصيده هي
لضيدان بن قضعان اذا ماني غلطانه الي بدايتها يقول فيها
يامرحبا ترحيبتن كلها لش ... تكسيش من راسش ليا حد ماطاش
اتمنى اني احصلها عندكم وجزاكم الله خير .
تحياتي للكل

[راكان اليامي]

مرحبا ومسهلا يالشيهانه واستلمي القصيده
هذي القصيده بالصوت

http://www.6rbtop.com/library/resources/dhydan-binQd3an/Collection/listen/19249_hi.ram

وهذا الرابط فيه اغلب قصايد ابو منصور للاخ محمد الشامري
http://www.alajman.ws/vb/showthread.php?t=1279

واستلميها كتابيه


يامرحبا ترحيبتن كلها لش=تكسيش من راسش لي حد ماطاش

من قلب مهيوم بحبه صفالش=يلعب به الغربي لا سمع طرياش

يفرح لامنه قالش كيف حالش=ولولا غلاش وحشمتش كان ماجاش

وان قلتي انه غايتش شف بالش=كنه ملك ياعرب من الطاش للطاش

الا يابري حالي وين مالي ومالش=لا والله الا لي ولش نعنبا اللاش

من هامتي لمحزمي لش حلالش=بيتش فديتش واسكني بأوسط الجاش

واما بلشتي بي وانا فيش بالش=غديت مثل اللي شرى علته كاش

انا في وجه امش وابيش وخوالش=ماجيت لي حاجه واعود على ماش

[منصور الصالحي]

تسلم يا راكان وتستاهل الاخت الشيهانه بيض الله وجيهكم

[شيهانة الصحراء]

ياجعل ربي مايهينك ويعطيك العافيه راكان اليامي ماقصرت .. جعل ربي يسلمك ويسلم يمينك.

الله يسلمك منصور الصالحي ويرضى عليك ويبيض وجهك ووجه راكان ماقصرتوا ربي يسلمكم.

تحياتي لكم

[ابومحمد الشامري]

بيض الله وجهك يا ابو سالم وتستاهل الاخت القديرة الشيهانة والشكر موصول للاخ العزيز محمد الشامري.

لا هنتم

اخيكم ابو حمد الشامري

[شيهانة الصحراء]

أشكرك اخي الفاضل ابو حمد الشامري وماعليك زود طال عمرك ولكم تحياتي