يا قـلــــــــب !!!

[الرحال2006]

السلام عليكم
اتيتكم بما اتمنى ان ينال استحسانكم ورضاكم جميع


يا قلب قول الله يجبر ضعفنا = واركد تحت عوج الضلوع النحايف

ولا يجيك الريب جلاّب الونا = ولا تصــدّق مكثـــــــرين الحلايــف

ما يكسب الرجال في عمره ثنا= الاّ اذا عزمـــــه تحدّى الكلايف

يشتــدّ عوده في الشدايد وابتنا= واثقالهــا تغدي بعزمــه خفايف

عينه تخيل المجد دونه ما انثنا= دايم طمــوحه كل قمّه ونايــف

ما قال( كان ابي ولكن ها انا)= وفعولــــه تجمّـل هله والطوايف

يا قلب لا تزعل ترى الدنيا فنا= دنيا صغـــــيره ما عليها حسايف

ليا عطتك ايام في عـزّ وهنــا= عشها ! وخلّ اللي يطوفك ذلايف

شف للنخيل يموت واقف ماانحنا=وقفة شموخ برغم زودالتلايف

اقبل حياتك دون ليـــــت وعلّنا = واعلم بأنه قد حوته الصحايف

ايام في الدنيا هنا واخرى عنا= وان ضحكت ايامك تشبّ النكايف

فيها شبع والجوع والفقر وغنا= وبها امان وفيه مرعوب خايف

لا بدّ ما للضدّ ما ضدّه دنـــا= واحوالها سبعه وعشرين شايف

يطوف عمرك مثل برّاقن سنا= فيه السنين الخضر واخرى عجايف

لكن لادم ويش من عمره جنا= يحصد ثمر زرعه من عمر طايف

ما قلت لك يا قلب تاليــها فنا = لا عاد تتــندّم وخــلّ الحســـايف وسلامتكم
من قصائد الرحـــــــــال

[محمد الغيثاني]

الرحال قصيده معبره الله لا يجيب الحسايف وانا اخوك

تقبل مروري بكل حب وتقدير لشخصك

[مطلق اليامي]

صح لسانك



تقبل تحياتي

[ناصر الحطيم]

الله لايهينك وبيض الله وجهك , وصح لســـانك

[&آهــــات الحــــزن&]

ما قال( كان ابي ولكن هـا انـا)==وفعوله تجمّـل هلـه والطوايـف
يا قلب لا تزعل ترى الدنيـا فنـا==دنيا صغيره مـا عليهـا حسايـف
ليا عطتك ايـام فـي عـزّ وهنـا==عشها ! وخلّ اللي يطوفك ذلايـف


صـــــــــــح لــــــــــســـــــانك وبــــــيض الله وجــــــــــهك

انـــــــا اشـــــــهد انــــــــــها قـــــصيده طــــــيبة وجــــــزله

[مناحي الصميل]

الرحال


صح الله لسانك


قصيده طيبه من طيب راعيها


تقبل مروري المتواضع .

[الرحال2006]

الرحال قصيده معبره الله لا يجيب الحسايف وانا اخوك

تقبل مروري بكل حب وتقدير لشخصك

هلا بك يا محمد الغيثاني
اللهم امين ! الله لا يجيبها لك ولا لمن تعز
مرورك شرفني ولك فائق الود والغلا

[شيخة الغلا]

شف للنخيل يموت واقف .......... ماانحنـاوقفة شموخ برغـم زودالتلايـف


ااالله اااالله عليك يالرحال

قصيده جزله من جزل

دمت في سماااا الإبداع

تحياتي لك

[الرحال2006]

صح لسانك

صحت ابدانك يالغالي

تقبل تحياتي
الله يحييك اكثر !

[الرحال2006]

الله لايهينك وبيض الله وجهك , وصح لســـانك

ولا يهينك يالغالي شرفني مرورك صح الله ابدانك

[الرحال2006]

ما قال( كان ابي ولكن هـا انـا)==وفعوله تجمّـل هلـه والطوايـف
يا قلب لا تزعل ترى الدنيـا فنـا==دنيا صغيره مـا عليهـا حسايـف
ليا عطتك ايـام فـي عـزّ وهنـا==عشها ! وخلّ اللي يطوفك ذلايـف


صـــــــــــح لــــــــــســـــــانك وبــــــيض الله وجــــــــــهك
صحت ابـــــــــــــــدانش لا عدمت مرورش ووجهش ابيض
انـــــــا اشـــــــهد انــــــــــها قـــــصيده طــــــيبة وجــــــزله
وانا اشهد انها ما طـــــــــااااااابت الا بمرورش اكثر يالكحيله

شرفني مرورش

[الرحال2006]

شف للنخيل يموت واقف .......... ماانحنـاوقفة شموخ برغـم زودالتلايـف


ااالله اااالله عليك يالرحال
شرف لي مرورش هنا يالسنافيه
قصيده جزله من جزل
الجزل كان حضورش في صفحتي
دمت في سماااا الإبداع
ادام الله عزش وتواجدش
تحياتي لك
الله يحييش اكثر !

[فـارس]

الرحال

صح الله لسانك على قصيدتك الأكثر من رائعه .. والله يعطيك العافية

وفي انتظار جديدك ... وتقبل مروري

[الرحال2006]

الرحال


صح الله لسانك


قصيده طيبه من طيب راعيها


تقبل مروري المتواضع .

هلا والله ومرحبا يامناحي

الطيب هو مرورك هنا طاااااب الله فيك

مرورك شرف لي يالغالي

[الرحال2006]

الرحال

صح الله لسانك على قصيدتك الأكثر من رائعه .. والله يعطيك العافية

وفي انتظار جديدك ... وتقبل مروري


هلا وغلا يا فاااااااااارس

صحت ابدانك يالغالي انفداك

الروعه هو وجودك هنا

الله يعافيك يا غالي

ابشر بسعدك ومرورك شرفني !!

[الفند اليزيدي]

انا ماعرف اجامل بارك الله فيك وربي انك كتبتها فاحسن وفكرت ودبرت
والله لولا اني ماعرف اقيم عز الله قدرك لابصم عال10 انك شاعر
ولد شاعر ولد شاعر
خل الحسافه والندم والنكاده
لابارك الله بابوها من ايام
ابشر بنصر من الله وسعاده
تقيم بداخلك وتشهرها حسام
رحال كل منا على صدره قلاده
بها قهر العدو لاقيل ضرغام

[سعيّد ابوجعشه]

الرحال

صح الله لسانك على قصيدتك الأكثر من رائعه .. والله يعطيك العافية

وفي انتظار جديدك ... وتقبل مروري

[منصور الوذين المري]

الرحال
صح السانك ولاهنت
طيبة من طيب