بلحظة مشاعر صمت من غير تعبير...،،،!!

[الرحال2006]

اعزائي اعضاء وعضوات
وجميع زوار
منتدى مجـــالس العجـــــمان

اتيتكم بجديدة من تصميمي وانتاجي وكنت اريد لها ان
تكتمــــل لولا انه جدّ جديد في موضوعها فاكتفيت بما قد كان
فيها ،، وسوف ينتحي الهاجوس صوب الحدث الجديد للتعبير عنــــه
اترككم مع الابيات
المختصرة


رجلي على المركاب ناوي على السير=مستعجل وتحداني اصعب ظروفي
وخاوتني الضيقة من البـــارح عصير=وامست معي واليوم حلّت بجوفي
يالله وانك من صـــــروف المقــادير=بحال الولايـــف ياإلـــهي تــــروفي
بلحظة مشاعر صمت!من غير تعبير=وقت الوداع وعند رفع الكفــوفي
ينزع فوادي نازع الدلــــــو فــالبيــر=وعيني بها وبل السحــايب يحــوفي
مع السلامه والتقــــي بك على خير=واهنا بشوفـــك وانت تهنا بشــوفي
ان غبت عن عيني يجوني مساييـر=من يمّـــــكم ذكراك واحلى الطيوفي
اريد وانت تريد والحـــــاصل يصـير=وارادة الله فــــــوق كل الشــــــفوفي
جعل السحــاب اللي تنكّس مزابيــر=يهــلّ مــاه بــــــداركــم يا الهنــــوفــي
وسلامتكم
خاصة للرحـــــــــــــال

[فـارس]

الرحال

صح الله لسانك على هذي القصيده الرائعة

وفي انتظار جديدك الرائع

وتقبل مروري

[محمد الغيثاني]

ان غبت عن عيني يجوني مساييـر= من يمّـــــكم ذكراك واحلى الطيوفي
اريد وانت تريد والحـــــاصل يصـير=وارادة الله فــــــوق كل الشــــــفوفي


لاهنت يالرحال ابدعت ولامست الجروح

[الغروب]

الرحال ...صح لسانك ... صمتت فابدعت

ان غبت عن عيني يجوني مسايير **** من يمكم ذكراك واحلى الطيوفي

كل الشكر

[الرحال2006]

فارس هلابك
وصحت ابدانك ،،، والاروع كان مرورك
لا هنت ولا شنت
تحياااااااااااااتي

[الرحال2006]

محمد الغيثاني
وانت ماتهون يالغالي وعسا جروحك ماتدوم
شرفني مرورك

[الرحال2006]

لولين
هلا بش والله وشرفني تواجدش
صحت ابدانش ولا هنتي

[الرحال2006]

ان غبت عن عيني يجوني مساييـر= من يمّـــــكم ذكراك واحلى الطيوفي
اريد وانت تريد والحـــــاصل يصـير=وارادة الله فــــــوق كل الشــــــفوفي


لاهنت يالرحال ابدعت ولامست الجروح

ولا انت يا بو حمييييييد ولا دام جرحك
تحياتي

[مسعطر]

خاوتني الضيقة من البـــارح عصير=وامست معي واليوم حلّت بجوفي

الله الله ,, عزاااه من الضيقة ,,



يالله وانك من صـــــروف المقــادير=بحال الولايـــف ياإلـــهي تــــروفي

آميييين :)



بلحظة مشاعر صمت!من غير تعبير=وقت الوداع وعند رفع الكفــوفي
ينزع فوادي نازع الدلــــــو فــالبيــر=وعيني بها وبل السحــايب يحــوفي

وداع ,, و صمت ,, << دايم تجتمع ,,
جعلك و جعل الرفيق سالم ٍ منها << ذايق ٍ وقعها :)



مع السلامه والتقــــي بك على خير=واهنا بشوفـــك وانت تهنا بشــوفي

بشووووفي ,,
الله لا يعوق بشرّ :)



ان غبت عن عيني يجوني مساييـر=من يمّـــــكم ذكراك واحلى الطيوفي

مررررحبا بـ المسايير مرررحبا :)



اريد و أنت تريد و الحـــــاصل يصـير=و إرادة الله فــــــوق كل الشــــــفوفي


الله أقوى ,,



جعل السحــاب اللي تنكّس مزابيــر=يهــلّ مــاه بــــــداركــم يا الهنــــوفــي

آميييين جعلها السيل ,,


صح لسااانك يا الرحال مليووون ولا تكفي ,,

ولا ترحمنا من خواتها ,,

تقبل مروري ,,
أستودعك الله ,,

[لــــــزًام]

بلحظة مشاعر صمت!من غير تعبير
وقت الوداع وعنـد رفـع الكفوفـي
ينزع فـوادي نـازع الدلـو فالبيـر
وعيني بها وبل السحايـب يحوفـي
مع السلامه والتقي بك علـى خيـر
واهنا بشوفك وانـت تهنـا بشوفـي


صح لسانك أخوي الرحال أحساآآآآس رآئع .. أهنيك ...

.. تقبل مروري ..

[&آهــــات الحــــزن&]

ان غبت عن عيني يجوني مساييـر
من يمّكم ذكـراك واحلـى الطيوفـي
اريد وانت تريد والحاصـل يصيـر
وارادة الله فـوق كـل الشفـوفـي

صـــــــــح لســـــــــانك اخـــــــوي الرحـــــــــال عـــلى القـصيده الطيبه والجزله

لاهــــــــنت وبيـــــض الله وجهـــــــك

[ناصر بن محمد ال صويان]

صح اللسانك ............ابداع ×ابداع

وونتظر جديدك اخي الكريم

[الرحال2006]

مسعطــــــــــر
الله لايهينك وربي شرفتني بالمتابعه والتحليل عساني ما انحرم منك !!

[الرحال2006]

لزام
شرف لي الاطراء من حضرة جنابك
الله لايهينك ومشكوووووووووور

[الرحال2006]

اهااااااااااااااات
كل الشكر والتقدير لش على منحش اياي وقتش للقراءة
الطيب من اصلش ووجهش ابيض لا هنتي

[الرحال2006]

متعب الخياله

الابداع هو مجرد مرورك يالغالي اضفى على ما كتبت جمالا اخر
لا هنت ولا شنت

[حارث الحارثي]

هلا
والله

ابيات جزله

والله يجنبك ضيقة عصير

[شيخة الغلا]

أخوي (( الرحــــــــــال ))

وكلماتك رقيقه

خطت بماء من ذهب

ولها رحيق خاص

انتظر جديدك

ولك خالص تمنياتي

تقبل مروري

http://up104.arabsh.com/my/c099345.gif

[عـسـاه خـيـر]

لاخ الرحال صح السانك ولاهنت على هذه الررائعه

[الرحال2006]

حارث
الجزل حضورك ومروك هنا
اللهم امين ولا انت

شكرا لمرورك

[الرحال2006]

شيخة الغلا
كل الشكر والتقدير لش على الاطراء والثناء
الله لايهينش

[الرحال2006]

عساه خير
صحت ابدانك
وانت ما تهون

[سعيّد ابوجعشه]

الرحال

صح الله لسانك على هذي القصيده الرائعة .... في انتظار جديدك

تحيتي لشخصك الكريم

[الرحال2006]

سعيد ابو جعشه
الله يحييك وصحت ابدانك ،،، وابشر بالسعد

[بندر العجمي]

صح الله لسانك



والله لايشينك يالمبدع




وجزززله من جززل




اخوكـــــ

[الرحال2006]

بندر بن خضير
صحت ابدانك ولا تهون والجزل حضورك
تواجدك اسعدني يالغالي الله يحييك ،،

[الوافـي]

الرحال

صح لسانك ملااااااايين

سجل اعجابي بهذه القصيدة الرائعة

تحياتي لكـ

[محمد بن دسمه]

حركات :)

مبدع ..

صح الله لسانك ولاهنت نفداك

[الرحال2006]

قطنان
صحت ابدانك يالغالي
متابعتك شرف لي

[الرحال2006]

ابن دسمه
لزوم الصيف هههههههه

الابداع وجودك هنا

صحت ابدانك ويفدااااااك اللاش !

[محمد نادر سويد]

الاخ الرحال2006 صح لسانك

قصيده جزله مميزه

من شاعر مميز وجزل

تقبل تحياتي

اخوك

[الاحرش]

صح لسانك أخوي و تقبل مروري دمت بود ...

[علي آل زايد المري]

جعـــل السحــــاب ألي تنكس مزابير

يهل ماه بداركـــم يالهنوفـــي


الله الله,,


بيض الله وجهك على الأبيات الجزله,,,,,



جعلــــــــــــــــــــــــــك تهنى بشووووووووووووفه,

[الرحال2006]

محمد النـــــــــــــــــادر
جعلني ما اعدم مرورك يالغالي شرفتني
الجزل حضورك

[الرحال2006]

الاحرش
صحت ابدانك
مرورك شرفني

[الرحال2006]

علي ال زايد المري
وجهك ابيض يا طويل العمر
والله ان تواجدك اسعدني لا عدمتك
يااااااااااارب
وانت عساك ما تنحرم من كل غالي