من طرائف الشعر الشعبي...

[الملكة]

السلام عليكم..
في جولة ( انترنتية ).. بمواقع الشعر الشعبي..لفتت انتباهي بعض الابيات الظريفة..
وددت ان اشاركم بها.. وعلى أمل ان تنال قليل من اعجابكم..

بداية مع .. عابرة سبيل..تصف محبوبها.. اللي غير شكل.. :)

ياخبلي الغايب متى تردّ للعين = متى أشوفك أو تجيني رساله

صحيـــح بالدنيا خبــــولٍ كثيرين = لكـــن خبـــالك ياحياتي لحاله


وشاعر آخر.. فاقد شي لا يقدر بثمن..

ياوجودي وجد من ضيّع نعوله = لاقيٍ وحــــده والاخرى مالقاها

عايشٍ معها من ايام الطفوله = شاب راسه بس نعله مانساها



شاعر ثاني.. كتب هالقصيدة.. بعد مشاهدة مسلسل مصري >>> ولا عزاء للشعر النبطي الاصيل..;)

يا لهـو بالـي منـك يا لـهـو بااااااالي =حــاسـب ما تقـننيش يا قــرة العـين

كــل الأرايب عـرفــوا الـلـي قــرالي = حـتى آآآآلولي مـال وشّك غـدا شـين

دنا انخـبلت وقـمـت أحـاكـي ضلالي = يادي المصيبة..صرت مثل المجانين


اما هذي الشاعرة.. فقد ملت.. وقررت ان تعلنها صراحة..

طال المدى ثم قلت انا اغليك يالوح = مجروحه جرح مخاطره عجله
دنق وقال= انا من العام مجروح .... واشر لجرح مبطي وســط رجله

هذه ليست بطرفة.. وانما دعوه تخووووف..:0071:

ادعي عسى من ناضرك ما تشوفين=وتطحن بك الايام طحن الرحاتي
وعساك عوق منه ما عاد تبرين=عوق تشافق له قلوب العداتي
ويالله عسى يحتار فيك المداوين=تبين الممات ولا يجيك المماتي
ويالله عسى كف الندامه تعضين=تندمين يوم انه يفوت الفواتي
وتبكين دم يسيل من مقلة العين=وتحتار امك عن عناك وتحاتي
عسى ما تلاقي من له القلب تهدين=وان هو حصل ادعي عساك الشتاتي
يا بلوة اللي وسط بيته iتعيشين=ساهي وحوله شب جمر الغضاتي
عسى بعمرك ساعه ما تهنين=وتمضي حياتك بين هم وشقاتي
^
^
^

جعل امحق شاعر.. الله لا يستجيب له


وسلامتكم..

[حـــوران]

حلوه حلوه حلوه

والاحلى الجوله اللي جابتها

وأتمنى من اللي حافظ له كم بيت يحطــها

تشكرين ياملكتنا

وكل مواضيعش زينه

[الملكة]

واحلى منهم كلهم.. اطلالتك يا حوران..

مرحبا مليار..x..مليار..

شكرا لك.. وشكراً على الاقتراح الرائع ..>>> ويا حبذا صدق التفاعل..

لكن ليش ما بديت .. انت بالاول :)

لك خالص التقدير والمعزة..

[مسفر مبارك]

جبتيهـا يالملكـه :)

عز الله القصايـد اللي وشلون أنكتبت .

والله ودي أطرح مشكلتي لا أحفتظ ولا تجلس على بالي .

وأمانـةً فكرتك حلـوه وإقتـراح حـوران أجمـل << لو تم التفاعـل .

تحياتي

[حـــوران]

أنا رايح آخذ لي جوله مكوكيه أجمع فيها كم بيت وراجع لكم :)

وهذه قصيده للشاعر عبدالله البراك يخاطب بها صديقه سعود حين شاهد فتاة غنيه
وتذكر حالتهما الماديه وقال
:





فوق الشبح ياسعود حطت ايديهـا=وانته وانا يا خوك نكشخ ابنيسان

انا اشهد ان الوقت مرهي عليهـا=ماهو بمثلك في هوى الدين غرقان

وانا ادري ان دنياك بلشان فيهـا=لاوفيـت ديّـان تذكـرت ديّـان


ــــــــــــــــــــــــــــــــ

وهاذي مختاره من رديات الشاعر ضيدان بن صبحان العجمي ,, وسعد بن عبدالله ال حسين الهتلاني العجمي (رحمة الله)

وابدأ بالشاعر الكبير ضيدان بن صبحان عندما زار
صديقه سعد فتأخر عليه في تقديم القهوه والقدوع فقال :





جاك المسير مالقى منـك ترحيـب=لاجبتلـه قهـوه ولامـن قدوعـي

ياليتني دورت غيـرك معازيـب=جيتك جويع ورحت منّك بجوعـي

الظاهر انك ماتعـرف المواجيـب=لاشك طبعك يختلف عن طبوعـي

حنّا لاجانا الضيف ننفض له الجيب=ونجيبله من كـل شكـلٍ ونوعـي

عاداتنا والرزق من عالـم الغيـب=هذا وانا ابخل واحدٍ مـن ربوعـي






فجاء سعد بالقدوع والقهوه وقال غاضبا
:






اقدع عسى يقدع على راسك الذيب=في خايعٍ مابه من الناس دوعـي

متعطـلٍ بالبـر قبلـي تناقيـب=من ليلة الجمعه ليـوم الربوعـي

ومروك ناسٍ غايب عنهم الطيب=وخلوك وحدك في مكانٍ يروعـي

ثم جاك ذيبٍ ماسنونـه بتركيـب=ذيبٍ ولد ذيبٍ وشـرس قطوعـي

سوّى بك سواةٍ على غير ترتيـب=يجزع لها قلب الشجاع البتوعـي

مرحوم ياعودٍ كسا راسه الشيـب=هنديته تـذرف عليـه الدموعـي

ولي رجعة لذا الموضوع اللي يهوّل :)

[الفرس]

ياوجودي وجد من ضيّع نعوله=لاقيٍ وحده والاخرى مالقاهـا
عايشٍ معها من ايام الطفولـه=شاب راسه بس نعله مانساها


اما ذا الرجال وفّي لابعد الحدود ...


ملاك .. فكره وجوله حلووووه ..

تسلم يمينش اللي ماكتبت لنا من جولة ملاك ..

[مهرة النسيان]

مرحبا بالملكه وموضوعها :)




طـال المـدى ثــم قـلـت انــا اغلـيـك يـالـوح=مـجـروحـه جـــرح مـخـاطــره عـجـلــه
دنــــــــــــق وقـــــــــــــال انا من العام مجروح= واشر لجرح مبطي وسط رجله

حلووووووة :p


ومن عندي هذي



إن العيون التي في طرفها حور=ودت عيال الحمايل في خبر كانا
يصرعن ذا اللب حتى لاحراك به=على سبيل التجارب عندكم آنا
يا أعدل الناس إلا في معاملتي=ماهوب حقٍ تولعنا وتنسانا
لاتحسب المجد تمرًا أنت آكله=لن تبلغ المجد لين يجيك ماجانا
إذا رأيت نيوب الليث بارزةً=وحدتك الأيام دورنا وتلقانا



ولي عوووده اذا حصلت شي :)

[الملكة]

حياك الله يا مسفر..

ومرورك يسعدنا ويشرفنا..

لك خالص التحية والتقدير..

:3rbe68:

[الملكة]

حوران.. مرحبا بعودتك..

وجد جد.. اسعدتني مشاركتك القيمة بالموضوع >>> من سبتها صار الموضوع صدق يهول :)

لك صادق التمنيات بالتوفيق .. والحياة السعيدة..

[الملكة]

الفرس هلا بش.. مرور عطر ..واغلى من بنرحب بوجوده..

شفتي اشلون الوفا ..؟؟.. وشفي بعد زود المحبة في ذا البيت :)



كان الوعد مابيننا حذفة احجار=ومن كثر شوقي له حذفت وفلقته

[الملكة]

مهاري... مرحبا.. الى ما لا نهاية..

اسعدتني طلتش المحببة.. ومشاركتش الحلوه..

ولدام اعجبتش الابيات..وهي ترى لعابرة سبيل ( الله يرحمها واموات المسلمين )..

هذي الابيات بعد لها :


دوم يعيرني يقـــول انتي متين= حلقــــــك المفتوح لازم نغلقه
هيــــــــــــه يادبه لزوم تخفين =وإلا أثور فيك عشرين فشقه
وفي رجيمي استمريت سنتين=جدي اللي مـــات بغيت ألحقه
ويش رأيك ؟ قلتها بصوتٍ حزين = قال دبه وانتقلبتي لي اسلقه

[الاب الروحي]

ههههههههههههههههههههه


لاهنتي على النقل


ودعتش الله

[الملكة]

حياك الله .. الاب الروحي..

وان شاءالله دوم الضحكة..

شكراَ.. ولك عاطر التحايا..

[محمد الغيثاني]

تحياتي للملكه وتشكرات على الموضوع
7
7
7
7


يا ماحلى المقناص فوق تنكر وباص= في مجلس ما فيه دله وغوري
معي قواطي فليت واصيد لقاص = متوفق ٍ بالصيد حملة لوري

[الملكة]

أرررررررررحب يا الغيثاني..

اللحين نقدر نقول.. اكتملت حلاوة الموضوع..

شكـــــــــــــــــــــــــــــراَ .. وتقبل عاطر التحايا..

[الرسام]

الملكه


لا هنتي :)

طرائف عجيبه وحلوه


تقبلي مروري المتواضع

[الملكة]

يا مرحبا والله .. بالرسام..

وابرك موضوع اللي شفناك فيه..

وان شاء الله انها نالت اعجابك الابيات..

لكن .. بما انك شاعر ومن المجال..ليه ما جبت لنا معك بعض الابيات >>> طماعين :)

حقيقة.. يكفي مجرد مرورك.. حياك الله.. وتقبل اطيب التحايا..

[مسعطر]

صباح الخير :)

شكراً يا الملكة على الموضوع الحلوووو ..

تقبلي مروري ..


وش دعوى ما فيه ابيات :(







ما يصير أمر كذا بدون ابيات :)

هذي قصيدة لأحد المنكوبين في سوق الأسهم الداااااااج
سوق الأسم السعودي طبعاً اللي راحي حلّيلنا فيه :)

لشاعر على ما أظنه شمري من اهل حايل


ساهمت ابا اتجر مثل غيري من الناس=و رجمت أنا الدجة بسبـع احصواتـي
لو إن راس المال من بنـك الإفـلاس=بنـك يسلّـف كـل مفلـس سواتـي
يقرضك ما يكفلـك عابـس و عبـّاس=و يمكن يجيب القرض لـك بالفلاتـي
و الحمد للي خفـف الكـرب و البـاس=تغـنـو الركـبـان بمساهـمـاتـي
بأسمنت ينبع لي يجي عشرة أكيـاس=و لي بالمكيرش حول خمس اكمخاتـي:)
و سلامتكم :)

[ناصر بن شذيان]

ههههههههههههه
الله لا يهينك يا الملكه ويعطيك بصراحه شي من لا شي
واسمحيلي على المرور المتأخر

[الملكة]

مسعطر..

يا هلا ومية هلا..

ومن قال بنسمح لك تمر..من دون ابيات :)

شكــــــــــــــــــــــــراً.. على أضافتك الرائعة..

وجد الجد.. اسعدنا مرورك الجميل..

[الملكة]

حياك الله.. يا ناصر..

شرفتنا واسعدتنا بمرورك..

وتقبل أطيب التحايا..

[الملكة]

تــــــــــــابـــع...

وقفة مع الحلا..

انت الحلا والناس جنبك ولاشي = مثل الجالاكسي بين توفي وغندور

ومع الشيـــن..

مسكين ياعقد على عنق شينه= وجهٍ غبر دمر وهج عقد الألماس
وين الهبيل اللي تبي تفتنينــه=والله يالولا العقد لاقول عبـــــاس

لهحة..

حنا بني هـنّاد لاصار جنجان=نارد حياض الموت مافيه مشكل !!!!

ولهجة أخرى..

ياناس مع قلب الشقا ( هاو تو دو ) ؟ =من دون ( افري داي ) حاله عجيبي

كلما نصحته قال لي ياعرب ( نو ) = عيّى اللعين لكلمتي يستجيــــــــبي

( فيفتين ) عمره ( أونلي ) ولا تحسبوه= ( ميبي ) زيادة يوم أو نقص ( ميبي )


شكوى..

لي قصةٍ مع صاحبي فيلم هندي= دايم وانا وياه فهواش ودمـــوع
وده يسامرني على تيس مـــندي= وانا رقيقه ودي بازهار وشموع

واقتناع ..

قالت بصيف بين لندن ومدريد = انتة حبيبي وين ناوي تصيف
قلت اسمحي لي بالعذر والتناهيد = الله يخلي غرفتي والمكيف

نقــــد..

تطــــورت العنز مع من تطــــــور = ولا هوب مقصور التطور على الناس
عقب الربيع الزين والخد الاخضر = قامت تعلـّك بالمدينه بقـــــــرطاس
ترضع صخلها من حليبٍ مبستر= تخشى رشاقتها مع الوقت تنـداس

اعتراف..

يابنت انا ماني براغب علامــــه= او راشد الماجد جميل المـحيّا
الله حرمني من الحلا والوسامه=لكن بخفة دم مرهـــــــــي عليّا
وابوك مزعجني بكثرة كلامــــــه=ومطّلعٍ عيب المخاليـــــــق فيّا
من يسمعه يحسبك فاتن حمامـــه=مايدري انك غصب صرتي بنيّا

واعتراف آخر..>>> لوحدة من العجايز :)

يأبن الحــلال ماعــاد فينــي ولا نـاب= طاحت أسناني خايف لا تغــدرنا
اليوم قبل باكر تجــي البيت خـطّـاب = عـجّـل عليّ يالعود خلّـص صبرنا
يالعود أنا خايفــه تكون بس كذّاب = تنحــاش عنّـي ليـن خلّـص تمـرنا
وأنـا فـي قلبي واهــج النار شبّـاب= يالله عسى نهرك يطفّـي جمـرنا

واخيراَ..لضيدان بن قضعان.. يمازح ابن الذيب..

عسى ابن الذيب لسهوم المنايــا= عشــــان يزين من عقبه زمـــاني
ضرب سوقي وحطم بورصات=ي وبعد مانيب الاول صرت ثـــاني
وليا من شــــــــافني للجـــم وارد= سبقني له وعن مــــاه احتمـــاني
أنا وياه صــــــرنا مثــــــــــــل بيتٍ= قريته في كتــاب الأصفهـــــاني
( اعلمـــــه الرمـــــــاية كل يوم=ٍ فلمــــا اشتد ســـاعده رمــــــاني )

[عــهــد]

يعطيك العافية حبيبتي الملكة على الموضوع

الحين انا مايحضرني شيء بس ان شاء الله بالمرات الجاية

[الملكة]

الغالية.. بلقيس..

مرحبا والله مليارات X مليارات :)

أسعدتنا هذي الطلة الجميلة.. وتقبلي كل ا لاحترام والتقدير...

[عــهــد]

ملكاتنا وينــــــــــك؟؟؟؟
نحتريك


الشاعر حمود البغيلي فكر في سرقة البنك ولكنه احتار في النهاية ..

يقول...

فكرت مرّه اسرق البنك واعتـاش
وصممت من قلبي انفـذ قـراري

وجهزت نفسي في مسدس ورشاش
ثم استعديـت لجميـع الطـواري

لكن قبل لا اسرق البنك وانحـاش
احترت بين المركزي والتجـاري


شاعر حزين...

أحزن على فرقاك مثل الوراعين
لآ مروا الدكان وأسرع أبوهـم


شاعر راعي غنم..

ما أنساك لو يسكن ولد بوش بطريف
ويسرح كلنتون بالغنم حول .. رفحا !