المساعد الشخصي الرقمي

مشاهدة النسخة كاملة : مسجات حزينه


راكان اليامي
07-01-2005, 04:04 PM
الله يرحم ماضي الوقت وياك..
كان الوله زايد بقلبك عشاني..
واليوم مدري
(( ياهوى البال ))
وش جـــاكـ ؟
مات الوله في داخلك أو نساني..؟
حسبي على الي غرك اليوم وأغواك..!
هذا جزا حبي وشوقي وحنـــاني..؟
--------------------------------
بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
-------------------------------
فمان الله يا عمري
يحفظك ربي مـن الـزلات
تحمّل بس في نفسك 00
ونفسي لا توصينـي
وأمانه لا نويت تـروح
فخلهـا بسكـات
تراك إنت الوحيد
اللي لا مـن راح ينهينـي
----------------------------
أمانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
ترى ماعـاد لك قيمـه ولا للحـب أهميّـه
--------------------------
قـل كــلامـا يـشـرح الـخاطـر أو ارحـل
لا تـطـولـها وهي عندي قـصيرة
ولوتـبـي تـزعل وأنا ما أخـطيـت ازعـل
وابتـعـد ما دامـت الـدنيا كـبـيره
فـوق هـذا والله إنـي ما أتـحمل
المشاعر من طباعي مستديرة
كان ودكــــ نـتـفـق بالـحب تـفـضـل
وكان قلبك مايــبــي موجود غيره
------------------------
تبي الصراحه ما عرفنا نواياك
تشد الحبل ثم ترجع وترخيه
لك مدتن وانت تكرر خطاياك
ماني بجاهل تزعله ثم ترضيه
ان كنت ناوي بالهجر مامنعناك
قبلك فقدنا من نعزه ونغليه
--------------------------
فرصة سعيده وافترقنا على خير
كنت اتمنى تكون قسمة حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على خير
خلك بقايا ساكنه ماضياتي
--------------------------
بودعك وأنتي إللي
ساكنة دمي
أبقي بعيدة وروحك
معي في ثيابي
وإن سولفوا في
حظورك عن بعض همي
قولي لهم كان يعشق
ريحة ترابي ..
قولي لهم :لأبلل دمع
الحزن كمي ..
هذي دموعه ولكن
هي من أسبابي ..
---------------------------
الله يرحم حبنا اللي قتلتيه
جفت دموعي والبقيه في حياتك
أنتي بديتي الحب وأنتي نهيتيه
إقرأي عليه الفاتحه في صلاتك
الله أكبر
من يسوي سواتك
مره لبستي الحب ومره شلتيه
هذا الهوى لا تحسبينه عبايتك
قلتي إحفظه تذكار وأقول مابيه
تذكار حبي
هو شهادة وفاتك
----------------------------
لميت جرحي واحتضنته وسافرت
ما للواداع بخاطري غير تجريح
ودي ولكني صمدت وتصبرت
واقفيت اشد اخطاي بالغصب لا اطيح
ما هو جفا.. انا (الاسم) ما تغيرت
عقب الوداع.. فراق ما هو بتلميح
ياليتني دمعه فراق وتبخرت
لا( احساس) لا ( وجدان) لا (قلب يصيح)
امشي على ذكراك ولا تعثرت
يا ساكن الوجدان بدون تصريح
ولو خيروني من الملا ما تخيرت
غيرك حشا وش فيه؟.. من هبت الريح
----------------------------
عجيب الحب والأعجب محبه تنتهي بفـــــــــراق
ومشاعر كلها تنزف من جروح تعانيهـــــــــــــا
وأحلام بناها إنسان وضيعها هوى العشـــــــــاق
وضيع حب هذا اليوم كل روح سكن فيهــــــــــا
خسارة ضاع معنى الحب والإخلاص والأشواق
خسارة صارت الأرواح ماض وفات ماضيهــــا
وهذا الحال والأيام في حبك تصيــــــــــــر أذواق
ولكن المحبة اليوم معدودة لياليهـــــــــــــــــــ ـــــا
----------------------------
أدري أنك بتتألم يـوم قـرب هالفــــــــراق
ويعلم الله ما قصدت أجرح خفوق يودنــي
أنجبرت أسلك طريقٍ موحشه ماهي تطاق
وأنجبرت أحيا حيـاةٍ مظلمـه بتهدنـــــــي
ربي لحاله يدري عن خفوقي كيف ضاق
وأظلمت فيني السنين وعالجروح تحدنـي
لا تناسى ذكرياتي ويوم ذبتـي بالعنــــاق
وإن ذكرتيهم صحابـك الله الله عدنــــــي

ابومحمد الشامري
08-01-2005, 09:57 PM
يا وجد عيني يا ابو سالم:( سجل عندك:


يا سنين لي مضت مثل الحلوم= كانها في دار ابن عوام عام
هل غريم الشوق يشبع منك يوم= شبعت المسكين بأيام الصرام

ابوحمد الشامري

سلمان المكراد
10-01-2005, 03:17 PM
عجيب الحب والأعجب محبه تنتهي بفـــــــــراق
ومشاعر كلها تنزف من جروح تعانيهـــــــــــــا
وأحلام بناها إنسان وضيعها هوى العشـــــــــاق
وضيع حب هذا اليوم كل روح سكن فيهــــــــــا
خسارة ضاع معنى الحب والإخلاص والأشواق
خسارة صارت الأرواح ماض وفات ماضيهــــا
وهذا الحال والأيام في حبك تصيــــــــــــر أذواق
ولكن المحبة اليوم معدودة لياليهـــــــــــــــــــ ـــــا

الله عليك يا ابو ســـالم

لاهنــت يا كحيــلان