تبي تعرف !!

[الهاوي]

السلام عليكم ورحمة اللّه وبركاته...

وبعد . لكم القصيده ...


تبي تعرف غلاك اللي سكن في خافقي بسكات // تعال وحس بشعوري وتعرف وين منزالك

احبك ايه احبك وابادلك الغلا بالذات // ملكت القلب بلحالك وصار القلب مدهالك

انا من قبل احبك كنت صعب وقاسي وهيهات // واقول انك تبي تملك خفوقي ذا تهيالك

اراجع نفسي بنفسي وافكر بك عشر مرات // ولكن المشاعر؟ عاندتني وتطلب وصالك

يفوح المسك من ورد المشاعر والغلا ما مات // جذوره قلب وعروقه سهم في عرقها سالك

غلاانااا راقيٍ فالنايفه عن هفوه وزلاات // رقيت بعرش خفّاقٍ ملكته جعل يهنالك

الا ياكثر حسادك بحبي تشعل الفتنات // والا يا كثر حسادي ولا احدٍ بينهم طالك

تناديني من الضيقه واجيك ابدد الضيقات // البي مطلبك من قبل يفزع عمك وخالك

الا يا حبي الحاضر والا يا حبي اللي فات // تفيخر بي وانا افخر بك عسى فال السعد فالك

ظروف الوقت؟ والصدفه تراها في غرامك جات // ثلاث سنين من عمر الغلا في بالي وبالك

بذرناها مشاعرنا وصارت كبر ضلع مراات // وصرت بقلبك لحالي .. وصرت بقلبي لحالك

وســــــلآلآمتكم...

؟ ! ?

وتقبلوو تحياتي يا أعزائي,,,

[محمد الهتلاني]

صح لسانك يا الهاوي قصيدة طيبة لا تحرمنا جديدك

[راكان اليامي]

تبي تعرف غلاك اللي سكن في خافقي بسكات // تعال وحس بشعوري وتعرف وين منزالك

الله الله اشهد يالهاوي ان قلبك خضر

[الهاوي]

سميي الهتلاني :)

اللّه لايهيينكم جميع

وراكان القلب أكييد أنه خضر والخضر نكك يا الغالي :)

لاهنتووووووووو


تحياتي,,

[فهد بن محسن]

الاخ \ الهاوي


تسلم يالغالي ,,,,,,, وتشكر على نقل القصيدة الجيده

تحياتي لك

[الهاوي]

الاخ / فهد

اللّه لايهيينك على المروور الكريم ياغالي


تحياتي وتقديري ,,,