سلام ياشعار .

[المشتاق]

بسم الله الرحمن الرحيم
اعضاء وزورا وشعار منتديات مجالس قبيلة العجمان

اسعد الله او قاتكم بكل خير

اسمحلو لي بالمشاركة ,,, واللعب معكم في هالمنتدى الرائع


ياسلام الله على المنتدى واجمل سلام = ودي ارحب ولاكن انا ضمن الضيوف

بلغو الشعار ياتون يا الله الهمام = بين ضرب من الخناجر وضرب من السيوف

المشتاق

[فهد بن محسن]

ارررررررررررررررررحب يالمشتاق

حياك الله يالسنافي .. يامرحبا بك في منتدى مجالس العجمان

وحياك الله يالغالي ... ووجودك يشرفنا ... والمعذره على التاخير .. تعرف (ويك اند) والتفريك من المنتدى يكثر ؟؟


استلم يالسنافي


مرحبا بك يالمسلم ونا من رؤس يام = اقلط . اقلط . في الصدارة وقدام الصفوف

وانت شاعر جاك شاعر على قد المقام = الخناجر روحت فيه ضرب كلا شنكوف
تحياتي للجميع

اخوك \ فهد

[ابومحمد الشامري]

مرحبا الف يا المشتاق لا هنت على المصافحة الاولى في مجلس المحاورة ولا هان ابو محسن في التجاوب وننتظر منكم التالق في ذا المجلس يا النشاما والى امام.

اخيكم ابوحمد الشامري

[أبو محمد]

ارررحبواااا يارجال وحياك الله يالمشتاق ولاهنتوا جميع ومنتظرين ابداعكم في القريب



أبومحمد

[المشتاق]

ارحب يابو محسن ... حياك الله يامشرفنا الغالي

واستلم لاهنت


شفت رمز المنتدى سمعته فوق الغمام = قلت ابارك للربع صرحهم هذا واشوف

يافهد صبرك علينا ترا حن في النظام = جعلك الله سالمٍ من مقادير الصدوف

المشتاق

[فهد بن محسن]

هلا بالاخ المشتاق ... ونا مشتاق لك ولطواريقك الجميله ..

استلم يالغالي


احمد الله منتدانا عليه افضل وسام = والحقيقة اشكرك بالكلام وبالحروف

كان شوقك زاد قلي ترا مابه لزام = بس انا مشتاق مثلك لضحكات الهنوف

ههههههههههههههههههههه

تحياتي لك يالمشتاق ... ولاهوب انت لحالك اللي مشتاق ;);)

اخوك \ فهد

[سعود الخويطري]

ياسلام ياسلام


الله عليكم يـ المشتاق وفهد بن محسن


وصلوااا وازهلوااا الصفوف :)

[فهد بن محسن]

الاخوان متابعي المحاوره

الاخ الشاعر \ المشتاق

تشكرون كل الشكر على المتابعه .. وتشكر يا اخي المشتاق على الروح المرحه ,, وحسن الاخلاق
تشكر من الاعماق

تحياتي لك

[المشتاق]

الله يعطيكم العافيه جميعا ,, وتشكرون على المتابعه

ومن قال مايهون يابو محسن ,, وصح لسانك . وماقصرت

وتقبل تحياتي

[بعيد المراميس]

لاهنتو يا شعااااااار
وتابعواااا .,.,.,.